影片
營業時間
星期一至日
11:00 - 21:30
以上資料只供參考, 請與餐廳確認詳情
食家推介
我果日係度食野 見到好似大老闆落左來 係咁指指點點 串啲員工 我覺得作為一個領導者 唔應該指手畫腳 以高壓人 況且讓客人睇到會覺得呢個餐廳管理者有問題 氣氛唔好 再次 食物除左辣味就冇其他味 而且涼皮只不過係豆皮 呢間野正宗程度只有10/100實在太失望
繼續閱讀
近排無咩胃口 ～又想食川味野😂Lunch 過左黎食麻辣干鍋三樣餸揀左: 金錢肚～牛肉片～蓮藕本身想食支竹，不過呢度無。 想其中一款係菜，就揀左蓮藕，事實證明無揀錯等左一陣就上菜. 金錢肚好入味，蓮藕爽脆，牛肉片有牛味，幾款餸夾埋一齊各有發揮叫左小辣，麻嘅感覺多啲，只有好輕微嘅辣~麻麻辣🤤好正～一解辣癮餐廳位置係商場嘅一角，有啲難搵。入面都坐得舒服，侍應都好有禮貌. 午餐干鍋價錢只係$59，可以再encore下次可以試埋酸辣粉～
繼續閱讀
之前一直都想試，見最近好鬼熱，一於食辣嘢，出身汗，熱上加熱。六點幾入去，得一兩檯客，位置任揀，位置舒闊落，冷氣足夠，環境唔錯。坐低就用qr code叫咗個三餸乾鍋（萵筍、牛肉、肥腸），大辣。唔洗一陣就上菜，乾鍋好足料，好多辣椒，仲送咗蓮藕，萵筍無渣；牛肉片有牛味；肥腸最正，有少少肥膏，甘香、有咬口；加埋蓮藕嘅爽，每種食材配搭都恰到好處，又辣又麻，真係一邊食一邊抹汗，爽爆、過癮。白飯轉咗涼皮，經理建議撈埋落乾鍋食，涼皮加上乾鍋嘅汁醬，涼皮索晒辣汁，辣上加辣。之後再加配咗風沙豬扒，新鮮炸起，熱辣辣，一咬落去仲好juicy，一塊五、六舊，18蚊算好抵，炸蒜亦畀好多，惹味爆脆。最後到飲品，叫咗凍酸梅湯，無冰，所以飲品份量變相多咗，不過就唔夠凍。酸梅湯十分好味，夠酸夠味，解辣一流。值得一提，呢度員工服務好好，一坐低就會畀杯水，教點落單，而且會講解食法，好周到。呢到平日無咩人食，價錢唔貴，我覺得值得擁有更多客人。
繼續閱讀
第一次嚟食,門面光亮整潔, 門外有餐牌擺放睇落都幾吸引, 一入去職員上前招待服務態度良好, 一行三人安排坐卡位, 點餐係用QR code落單, 我哋分別點了：1) 三餸酸辣麵餐(韭菜、豬腩肉、牛舌)2) 自選干鍋 (雞肶菇、土豆 、大豆芽)+肥腸3) 水煮牛4) 涼伴皮旦 + 3杯烏梅汁食物評價:三餸麵微辣湯底幾好, 豬腩肉好薄, 牛舌大小不一但煮得好冧, 韭菜一般份量, 薯粉好煙韌👍, 整體份量一般。自選干鍋(配白飯)比較野味份量都幾好, 追加的肥腸就比較冧欠咬口, 水煮牛肉(配白飯):肉質幾嫩但份量比較少 , 湯底微辣但不是平時見的紅油滿滿的, 而係比較清湯少油。涼伴皮旦味道可以, 但份量超少(估大概一隻), 要$18元唔係好抵。凍烏梅汁味道幾好👍職員服務態度幾好, 餐具柜桶都整齊乾淨, 但食飯期間有烏蠅滋擾飛來飛去, 相信係商場外來。
繼續閱讀
冇錯又係川味🤣近排食咗好多間但仲未厭呢間係喺慈雲山中心，雖然喺商場入面，但位置都幾隱蔽🙊差啲搵唔到1. 自選酸辣粉（$49，包2肉1菜）小編揀咗肥腸、牛筋同萵筍，辣度揀咗中辣，都幾辣下🐒酸酸辣辣好惹味肥腸洗得好乾淨，牛筋大舊軟淋，滷得好入味👍🏻萵筍就偏硬少少，口感比較爽口評分🌕🌕🌕🌕🌖2. 麻辣皮蛋（套餐加配$15）涼拌汁唔算太辣，但幾清爽開胃皮蛋好彈牙～評分🌕🌕🌕🌕🌗3. 是日甜品：冰粉Strollet新會員免費換購～黃色果啲應該係芒果汁，冰粉本身透明無味，撈少少芒果汁就啱啱好不過見其他餐廳通常係加紅糖汁，感覺會比較夾🙈評分🌕🌕🌕🌕🌑
繼續閱讀