影片
以上資料只供參考, 請與餐廳確認詳情
好有鑊氣的一間小店！每個小炒都好岀色！平價中餐廳，可以一試上次和家人，一家5口吃了這幾個菜:金湯酸菜魚辣子雞酸辣土豆絲川式回鍋肉招牌拔絲咕嚕肉蒜蓉炒西蘭花好味，不錯
繼續閱讀
酸辣土豆絲同埋個魚都做得幾出色，雖然我地食嗰陣好多人，聽講得一個師傅，但係上菜都好快6樓面短頭髮嘅收銀姐姐都好熱情，嗌餸嘅時候，個姐姐都會因應你嘅人數而推介返你適應嘅份量，呢樣最係抵讚嘅
繼續閱讀
之前叫Keeta試咗呢一間嘅外賣，食完肚痛咗成晚仲要嘔足兩日（自取，唔會係外賣員問題）我搵Keeta追討講法同埋賠償，但係Keeta客服話一直都聯絡唔到食肆，就算接通咗都cut線，之後就直接唔聽電話，已經糾纏咗一個禮拜都冇接聽過，反正一直都冇成功溝通過。換言之，呢間嘢係極之不負責任，食客有啲咩問題真係閣下自理。一食落去味道係OK，除咗有一舊芝士年糕完全變晒色變晒味，變咗紫色，但係一食落去覺得奇怪已經掉咗我一直食開辣嘢，而嗰日只係小辣，所以排除辣得滯導致腸胃問題，即使係辣引致都只會係肚痾，唔會胃痛然後嘔。我嗰晚八點幾食，去到凌晨一直胃痛到瞓唔着，第二朝直接嘔，一直屙。就算呢間嘢幾好食都冇用，我冇報食環係因為一直考緊試，但係呢單嘢一定要俾人知，唔可以再去！！
繼續閱讀
朋友介紹黃大仙附近開咗新餐廳，特登去試吓。呢間餐廳嘅菜真係幾正，每道菜都咁香咁靚，真係食完唔想走！🍲✨首先講講拔絲咕嚕肉，外面有脆脆嘅糖絲包住，再加上酸酸甜甜嘅醬汁，仲撒咗啲芝麻，咬落去又甜又香。再夾埋旁邊嘅新鮮鳳梨🍍，果香配埋肉味，真係食到停唔到口！然後係清炒土豆絲🥔，睇落簡單，但炒得爽脆又夠味，仲有啲辣椒🌶️帶嚟少少辣勁，開胃一流。第三道係黑椒牛仔骨，呢個牛仔骨真係香到飛起！黑椒味濃郁入味，牛仔骨咬落滑嫩，仲加咗啲茄子🍆，香又有層次，食完一啖又想食下一啖🍖。最後就係番茄海鮮湯🍅🦐，湯底濃郁，加埋新鮮嘅海鮮同番茄，酸酸甜甜，飲落好清新，係豐富餐點之後嘅完美結尾，暖胃又解膩。呢間餐廳無論係味道定係賣相都睇得出廚師真係用心💫。想介紹俾大家，佢哋仲有雞煲同酸菜魚出名，但係今次真係飽到食唔到，下次再嚟試埋佢。
繼續閱讀