川粵菜館

營業中

休息中

裝潢樸實無華座位略顯擁擠，但勝在量大味美鑊氣十足小炒皇  -韭菜花+鮮魷+蝦仁+銀魚仔+北寄貝的五重奏組合師傅堅持用豬油渣爆香，鑊氣穿透力驚人  銀魚仔炸至半透明，咬下時咔吱 爆鮮 菠蘿拔絲咕嚕肉  -咕嚕肉裹著 晶瑩透亮的糖衣 每一塊肉都拉出細長的糖絲糖衣不黏牙，肉質不乾柴 更令人驚喜的是 用上了新鮮的菠蘿不是罐頭糖心菠蘿而且旁邊更放上了令人解甜的微酸波蘿乳鴿  -表皮泛著 蜜糖般的琥珀色光澤鴿身完整飽滿，腿骨微微翹起隱約透出粉紅色的嫩肉最誘人的是翅尖與腿關節處因高溫收縮而緊繃，形成焦糖色的脆殼黑椒牛仔骨煲  -上桌時鑄鐵煲仍 滋滋 噴濺著滾燙的醬汁黑椒香氣隨蒸氣猛然炸開厚切牛仔骨呈現 焦糖色虎紋烤痕洋蔥絲與彩椒在深褐色醬汁中半透明化牙齒切開酥殼觸及粉紅色肉質時澎湃的肉汁會混合黑椒的辛香在口腔引爆豆腐薑蔥魚腩煲  -金黃焦香的魚腩塊與雪白嫩豆腐形成鮮明對比翠綠蔥段 魚皮邊緣微微捲起金黃脆邊 肉嫩皮酥脆

今次book 咗5:30pm。大家記得一定要先book 枱同準時一齊入座，有限時。七個人叫咗六碟餸。見到其他枱叫嘅餸都幾吸引，可惜已經好飽，唯有下次再嚟試～分別叫咗：老壇酸菜魚/鮮菠蘿咕嚕肉/家鄉小炒皇/豉油皇炒麵/啫啫芥蘭煲/脆皮炸子雞老壇酸菜魚唔錯，唔辣，可以飲埋啲湯。食到有兩款魚，薯粉，同大量芽菜。唔錯唔錯～～鮮菠蘿咕嚕肉有幾舊菠蘿「原個」上，好有誠意，不過我略嫌咕嚕肉唔係好多。家鄉小炒皇幾好味，下次會再叫嘅好味。豉油皇炒麵係普通炒麵，唔洗特登叫，用呢個quota 試其他嘢會好啲。啫啫芥蘭煲好食！記得一上菜要即時撈勻佢，同埋快啲夾晒佢，間唔中都要撈撈佢，如果唔係會燶。食落可能會覺得有啲鹹，不過可能平時實在少食同幾嘢味，所以好快就清曬。脆皮炸子雞，平時都係去飲/酒樓先有得食。我覺得幾好食，但冇乜特別。下！次！會想試吓沙薑川味豬手

我地晚上6:30 pm 拎飛3位 飛號係6 號, 等左 10 分鐘聽到7 號, 甘我地入去問 甘6 號呢? 個店長就話下一張到我地, 我地坐係門外再等, 期間有唔少人冇飛都入左去. 我覺得奇怪我再入去問 6 號幾時到? 店長話下張 之後大約45分鐘我聽到11號, 我沖入去問 見到佢將6號飛 擦走左 我追問之後佢話 對唔住 對唔住 甘滿意未 態度極差  

晚上一家四口，諗住試下這間川粵菜，大約七點半有好幾個人在門外等位，諗住入去問下點樣攞飛，個女收銀員已經好不禮貌叫我直行（呼喝個種），大佬呀我一直行都無人理我，成個儍仔咁，我行返轉頭，有個男職員兇神惡殺喝問"幾多位" ，我講了" 四位" 後，他頭也不回就把寫了輪候號碼紙遞給我，然後就走出門外大聲問“有冇15號飛？" 不知道是否生意太好，人太多，做到佢地躁哂，定係佢今日D馬仔唔生性 ，輸咗好多，姑勿論點，唔該比返D幾本禮貌。本來見其他網友都評論他們服務差，我以為他們唔好彩啫，原來我未食已經要受佢地氣。整個過程感受極差，結果個做咗明智決定 - 馬上走人。負評差不是單一事件，敬希餐館老闆從善如流，改善改善。

臘味糯米飯中竟然有粒石春（大個粒）🙄屋企人咬到牙都崩左一忽🦷（細個粒）佢食食下咬到一聲「卟」勁大聲！😲⋯⋯話咬到粒好硬既野，跟著就lur 出黎睇🫨一睇係粒硬到呀媽都唔認得既石仔！🪨真係無語⋯ 用燈一照真係隻牙崩左！😵‍💫 成忽！補隻牙都要成千幾蚊起跳！食餐飯最後都搞到大家唔開心⋯同佢啲員工講又無動於衷⋯ 同個似係經理既講先話取消碟飯但隻牙都崩左取消又可以補救咩！？轉個頭又話送半打壽包，跟著又話我地冇回應要定唔要又話冇整又盛貪你個壽包咩，你地食到我屋企人要補牙小小歉意都要啦下話就係因為咁樣先慶！

之前已經食過呢間餐廳，佢嘅份量好足好大，口味都唔錯。收工後唔想煮飯，便黎到呢間餐廳食飯。🍄椒鹽鮮魷，感覺冇第一次食咁多，今次切到大大塊，唔知係咪個師傅心情唔好😂😂但佢依然香口好食嘅。🍄酸菜魚每次嚟到幾乎見張張枱都有嗌酸菜魚或者水煮魚，份量真係超大兜。但味道同內地連鎖店嘅酸菜魚好唔同，佢呢隻算係高湯版嘅酸菜魚，底部仲有好多芽菜同水晶粉。🍄糯米飯其實上完酸菜魚我哋已經心感不妙，因為份量真係太大，而呢個糯米飯仲大份，有成座山咁高。味道不錯，最後我哋食唔晒都係打包拎咗返屋企🤣除咗酸菜魚唔係想像中嘅味道，其他都唔錯👍🏻但餐廳冷氣凍到飛起，即使加咗外套依然都覺得好凍，感覺就好似坐咗入雪櫃嘅冰格咁🥶🥶🥶另外現場環境亦都好嘈吵，因為店面真係太細又放太多枱。

從來好少為左一餐飯會寫食評勁嬲呀 🤬🤬爆嬲 第一次去 本著 朋友推薦 所以去試下環境坐得好迫 位與位之間無乜空間 平時見會排隊甘下午茶關係 所以唔駛點等 入到去都無乜野 正常甘食啦 2個人叫左 8款點心試下 食到甘上下 姐姐問：「駛唔駛加野 我地要埋單」 果陣 甘加左單 點心又未到齊 已經係話 ：「埋左單先 可以慢慢坐 」其實都仲有幾枱客肯定揸住筷子食緊野 好啦 到齊野食 都未有 一陣 feel 到勁焗 隔離枱都話咩事 ， 想趕人走 ，又話可以慢慢食點知熄冷氣啦 我地仲有成4-5籠點心未食 隔離枱都 係 ， 嬲嬲地隔離枱都小佢 我都焗到頂唔順 ，個老細 除左熄冷氣 仲熄埋燈 嘩 真係火到黎 ⋯ 🤬 睇到人地仲食緊 係咩態度呀 ～要用埋d甘cheap既方法？唔怪得香港愈來愈無人留係度食野 劣評啊，唔會再去

早茶飲過兩次水準都能夠保持先敢留低食評! 大圍美食有好多, 但大件夾抵食唔算好多, 川粵菜館不論早巿晚巿都出色~  餐廳地點位於美林商場附近, 巴士總站隔離, 長者來都好方便。幫襯客人大多係街坊同老人家多, 好好坐算唔上因為坐位係貼坐位的, 但早巿早晨孖寶$36蚊, 假日茶錢$8一位, 一行三人叫咗四份孖寶共八碟點心! 免收加一, 共$168 都無咩可以投訴, 大家都满足地離開~ 晚巿酸菜魚都好好食!

尼間餐廳真心冇下次，本身地方淺窄。行人通道迫就預咗，待應阿叔你就算要行過去你都可以講一聲，唔該借借，我從來未試過俾人一嘢推開張凳，等自己行過去，明明隔離個男仔坐得仲開過我。

之前都有去食過，其實啲嘢食唔差，諗住打電話book枱同屋企人食飯，電話接通咗，講俾佢聽book幾多號，然後佢叫我等等，等等等不停等……只係不停聽到佢鬧人同收錢嘅聲音，完全忘記咗電話有個人等緊佢，我收咗線再打過去，我問佢：到我未？佢又再問我想book幾多號，幾多位？我答五位，佢話要超過八人先可以book位，講完之後立即cut線！其實已經坐得好迫，衛生又麻麻哋，開始好生意態度就咁差，難道要冇生意先會態度好？

星期六晚與家人晚飯時段光顧等了半小時入座入座後隨即落單19:45落單 20:15一個菜都未上我哋叫店員幫我哋跟單，點知原來冇人幫我哋入過單女店員（身穿粉藍色恤衫，扎馬尾)態度極之惡劣冇幫我哋入單仲好似我哋做錯事咁其實都明白繁忙時段係忙啲辛苦啲嘅但都冇必要發食客脾氣㗎嘛小菜味道方面，普通到不能再普通唯一優點就係夠大碟唔想受氣行多幾步路去大圍有更多選擇雖然都知道呢啲屋邨餐廳寫完都唔會有任何改進，不過都希望有人睇到可以慳返啲錢唔使過嚟貼錢買難受

大圍美林商場冬菇亭入邊有間川粵館，真係夠唔夠都會同屋企人嚟食，雖然餐廳唔算好大，但都算坐得舒適，而且餐廳價錢相當親民貼地，仲不收加一，菜式份量都很多今晚叫咗3款餸菜，先嚟菠蘿拔絲咕嚕肉，食落酸酸甜甜開好胃，入面肉質嫩腍外層拔絲香脆，旁邊仲有三色椒伴碟，送飯食一流，另一杯紅燒豆腐份量都好多，個牆汁調得好味，豆腐超新鮮嫩滑，仲有魚腩煲，食落香濃，魚夠新鮮又嫩滑，入面仲有冬菇，成個煲煮得好好，呢到簡直係我飯堂

大圍冬菇亭除咗大飯堂成日幫襯之外最近屋企人成日都會過嚟食下午茶都幫襯過幾次餐廳位置唔算多，晚餐時段人多一定要訂位唔收加一服務費，價錢大眾化絕對稱得上街坊飯堂！呢晚散叫咗幾樣菠蘿拔絲咕嚕肉咕嚕肉係梅頭肉，外皮炸到好脆咬落外脆内軟，個汁酸酸甜甜 好送飯沙薑川味豬手一碟份量都唔少，豬手入味又彈牙食落好香花椒味，最後食唔哂要打包豉油王炒麵雖然材料好簡單但炒得好有鑊氣，麵條夠乾身，推薦！腐乳通菜食咁多肉係要食返啲菜

📍川粵菜館同一大班人朋友食飯去食一間大碟又抵食既小菜館啤啤佢就最happy啦❗️😋今次分享既小店係大圍份量足味道好👍🏻🐥重慶辣子雞 （$108）呢碟辣子雞用超級多辣椒乾炒出黎雞件又麻又辣重口味人士就岩曬啦❗️🌶️🫛小炒皇（$108）非常足料同有鑊氣🥣蝦乾既咸香味加脆卜卜既果仁同韮菜花炒埋一齊令成碟小炒皇既口感十足送酒一流🍻🐟老壇酸菜魚 （$148）呢到既酸菜魚唔係個種重口味又麻又辣既酸菜魚而係港式酸菜煮成既酸菜魚如果你唔係好食得辣但又中意食魚呢款就岩曬你❗️睇張相就見到有海量既新鮮魚片入面仲有薯粉同芽菜等配料份量超大非常抵食❗️👍🏻🦐馳名黃金蝦 （$108）呢碟真係非常邪惡但又超級好食❗️外面係咸蛋黃脆皮包住鮮蝦球咸蛋黃味超足❗️見到個碟都知d咸蛋黃足料到出曬沙👍🏻🐟豉汁蒸大鱔 （$138）大鱔加豉汁蒸呢個配搭好經典點都會好食最緊要呢條鱔好新鮮👍🏻食得出鱔既鮮味同爽口❗️🐮薯仔牛柳粒 （$128）呢個又係後生仔最愛既小菜之一最中意係呢到炸過既薯仔🥔外皮脆咬落去軟淋淋再加牛柳汁既肉汁同蜜糖🍯好味😋😋😋🍍菠蘿拔絲咕嚕肉 （$78）呢碟既咕嚕肉每件都啖啖肉菠蘿係原隻菠蘿再切件做配碟比你自己夾住咕嚕肉一齊食😆

夜晚不算多人食晚市茶錢 $6 一位 (同早市 & 午市一樣)全日不需要收加一 👍🏻上菜速度好快夜晚 8:30pm 入座就有特價小菜椒鹽魷魚 🦑份量多，大件炸到表面酥脆，食落不太油膩椒鹽調味不多，無左鹹味，以酥脆為主魷魚爽口，不韌黃金豆腐大件有 11 - 12 件外面炸到薄脆，裏面豆腐好滑捋捋size 比起酒樓小菜更大粒變相炸皮亦都唔會有咁多 👍🏻菠蘿拔絲咕嚕肉🐷🍍叫了菠蘿拔絲咕嚕肉，實物無拔絲所以拔絲是煮左落醬汁度？不過有無拔絲都無所謂咕嚕肉好有肉地食到最後仍然好脆，不會被醬汁整到淋晒醬汁偏酸，非常開胃有新鮮菠蘿做伴碟，好甜，條舌頭無吉吉感薑蔥霸王雞🐥用大量的姜蔥絲和芫荽舖在雞件上面砌到碟雞好大隻，賣相好震撼雞肉質地嫩滑，雞皮與雞肉之間沒有一層肥膏，不太肥只是汁多油同場有其他食客要了啫啫煲啫啫聲好厲害坐附近都聞到好勁鑊氣服務好評是俾侍應和傳菜人員而落單個男人(部長?) 等落單有d唔耐煩，之後侍應唔小心打爛野都問候人家娘親 ... 餐廳不大，但肯定大部份人都聽到，有點破壞食野氣氛 ......