川燒 (已結業)

昨晚深宵同三兩知已係尖沙咀想搵個方地坐低傾計，所以就去左「川燒」。雖然係橫街，但因溫莎大廈附近都不少食店，所以都好容易搵。黎到串燒，朋友們又點少得叫返支清酒，舉杯長談。今次叫左支久美の浦．純米吟釀．杜氏の自言自語，兩飲。我就覺得凍飲味道較純，易入口；朋友更指有淡淡的花香味。而熱飲，酒味則較濃烈，女士就應該唔多喜歡。不過男士可能會覺得OK，配上串燒或爐端燒(如：雞泡魚干)更有男兒味。朋友介紹此餐廳必叫小食－氷鎮芥蘭。賣相特別，氷涼的芥蘭，配上芥辣鼓油，別有一番風味。加上芥蘭十分嫩口，確實不錯。唔知係咪太夜？我地太約11:30左右先食，其中２款我地選左既串燒已賣完。其中一個係店內推介的燒安康魚肝。爐端燒的火侯控制得不錯，串燒不會燒得太乾身，如：羊架及牛肉串仍很Juice。不過有朋友覺得味道唔夠，會自行再加上少少七味粉。撰文､ 攝影：Joey餐廰：川燒 Chuan Shao (尖沙咀分店)地址：尖沙咀漆咸道29-31號溫莎大廈10-12B號舖類別：日本菜 / 串燒 / 爐端燒人數：5位價錢：$200/人 (連加一)

因為聖誕正日，朋友們全都比較忙，所以我地一班就於27日先慶祝。因為我地比較嘈，所以一早訂了這間的一間房，有minimum charge $2500, 咁我地會飲酒，相信一定過minimum charge。因為一早book左，所以唔洗等，目測全店半滿啦。一班餓鬼，瘋狂叫嘢食同叫嘢飲。啤酒同清酒選擇都算多，串燒選擇亦多，比較近日式，唔多覺似川式。可能人多，攪到order好亂，有D野要提店家上，呢方面要改善一下。普遍食物質素不錯，比較唔好係燒雞皮，比較乾。比較特別的是幾款腸類，有黑色（唔記得叫乜名）同埋另一款芥末味道。仲有款細細粒嘅番薯，煙煙un un 好得意，又encore左2次。個豬肉露荀卷，又係好好味，又脆又多露荀，又係叫多左2次。我地都鍾意食蠔，所以叫左個廣島蠔。朋友話好食，但我嗰隻似半生熟，所以有D腥。仲有一個燒煲仔飯，大家可以唔叫，味道非常似茶樓嘅糯米包，又唔香又唔脆。去食串燒又點可唔食雞翼，呢度個味道不錯，只是如果個皮脆D仲好食！呢度仲有一D燒蔬菜，我地叫左皇帝菜，韮菜同娃娃菜，味道不錯，一般串焼店應該無呢樣。另外又叫左鍚紙焗菇同鍚紙焗西蘭花，茹還可以，西蘭花應該係焯過先焗，太

六人飯局,不用等位, 首先是服務態度不錯,服務員很有禮貌地安排座位然後, 串燒的款式很多, 比起其他餐廳串燒款式較新穎, 份量剛剛好香腸也有很多款式選擇, 其中八爪魚香腸非常香口, 燒牛很夠肉汁,粟米很有牛油味, 非常好食,1664啤酒好飲另外甜點方面, 南瓜雪糕十分有趣, 用南瓜殼盛雪糕, 味道不會過甜,好食

因為有朋友推薦 早幾晚就去試下呢間第一次去食 所以都係以侍應推介嘅菜式為主個茄子只係微辣 幾開胃（我本身都唔食得辣）金菇肥牛卷就不過不失 同屋企整嘅差唔多 下次留個胃食第二款好過蠔燒得唔錯  好香煙肉荔枝卷好特別 但一人食一粒已經唔想再食牛脷比想像中惹味 連平時唔食牛脷嘅朋友都叫多左一串黎試仲有幾款特色腸 我地就叫左飛魚子同墨魚腸腸唔算鹹 但燒得好香  佢地將腸岩岩好剪成4份一上枱趁熱一人一粒 當晚飽都encore左兩條最後上嘅係牛仔骨  一份都幾大全份都好腍好juicy  配埋個燒汁 作為壓軸都唔錯另外叫左白啤酒 同梳打 不過啤酒得兩款再叫個炸雞軟骨 比我想像中大碟雖然睇餐牌覺得個marked price幾高  但出到黎係有番咁上下水準P.S. 侍應態度唔錯  裝修都幾靚  坐得幾舒服

甫坐下見鄰桌客人催單，侍應哥哥話，即燒係要耐啲，你要快去茶餐廳吖嘛。講得好，好嘅食物係值得等待，試下你咩味先。打電話訂位，雞泡魚乾送嘅，佐1664啤酒一流。黑毛豬質哋似牛肉，燒啡菇都好juicy。不過佐酒除左食雞泡魚，食花生都好搭。隔離枱被揶揄，不但沒反擊，仲被侍應哥哥sell到飲貴酒，有傾有講。技術果然高超。除咗有霸氣，侍應仲好識sell。share fb page就有半價燒蠔，住雞泡魚，食咗半打蠔之後，你會開始眼前矇矓，咦，成個menu嘅嘢食都好抵喎，叫多幾碟。本身下酒小菜變左小林尊式怒食。我是茄子迷，燒得軟綿綿又唔油，唔係好多間做到。第一次食川燒，食完一星期後encore，唔係因為佢特別好味，只係放工可以淺酌，又多食物選擇，又唔駛等位嘅地方唔多，加埋霸氣侍應哥哥，抵俾個讚。

同老婆獙低個細比外婆睇住拍下拖，點知就食左失望的一餐首先要講呢串荔枝煙肉卷，真係不論不類，兩樣野根本唔夾，唔係特别就得，有無試過菜先出？荔枝的甜同煙肉的咸加埋原來可以出到呢個反效果，又上了一課，下次大試餐牌上的新野真係要小心串燒肉類豬，牛，羊個味大致一樣，你無睇錯，係大致一樣，即係我都分唔到自己食緊邊樣，死未燒鵝肝，唔係靚貨呢個價錢真係預左，但係腥的真係差左D全晚只係得蔬菜類較合乎水準，但我地唔係主要黎食菜架下次一定唔再黎

由於連中左幾次伏，所以化身淚眼英雄，警掦世人首先中伏的是這間川燒，而且已左一星期前，所有只可以說最深刻的部分先説食物，燒鮮雞心，我極之懷疑佢個「鮮」字，有怪味，只食了一半就放低燒牛舌，無味的…燒雞皮，唔脆的…燒羊架，太熟了又唔好味的…再說服務，當日人都算多，上菜好慢，由坐低到最後一道菜太約要90-100分鐘而且員工講野無尾音，好似我得罪佢咁…每人$350埋單，呢樣同其他串燒差唔多價啦總括係食物唔算得，服務唔算得，又唔係平過人…

這間串燒店是朋友介紹. 現在已經成為我最愛食店之一~ 以下是我的最愛, 排名由第一喜愛開始:1: 燒元貝($46/隻): 這個是必食的~ 新鮮帶子配上蒜蓉汁, 超級好食鮮甜!!! 一滴汁都不會錯過!2: 燒聖子($46/隻): Oh my gosh....這個鮮甜而且彈牙. 而且大大隻咁. 口感味道一流~(sorry, 太好食唔記得影相)3: 燒鮮白鱔($48/串): 厚厚的白鱔肉汁豐富, 而且魚皮煎的香脆. 我可以一個食整串啊~4: 燒牛舌($38/串): 爽口彃牙. 牛味豐富!5: 燒西班牙黑毛豬($28/串): 這個是在special menu. 我食過幾次都有. 這個可以話好食過D牛肉串燒. 是真正黑毛豬的味道! 超好食!6: 燒鮮蝦膠腐皮倦($32/串): 這個外脆內軟. 味道剛好, 不會太淡. 非常開胃!7. 燒菠蘿($18/串): 多汁鮮甜. 一D都唔會燒乾. 最好最後先上. 8: 燒芝士翠玉瓜($18/串): 翠玉瓜厚厚的, 瓜汁鎖定在內, 加上溶化芝士, 真係好好食. 9: 燒一口甜番薯($24/串): 我很喜歡這個, 好似食甜品咁. 一D都唔流唔滯. 不過有點貴,

This is quite a nice restaurant, very nice serviceunique decoration and friendly environmentbut the food, most of them are abit saltyremember to ask them to put less saltand the food most impress me is vegetablesvery unique way(BBQ) to cook vegs and brings out the flavorbut again, too salty...the bean curd is silky smooth lovely!!!chicken balls have some chewy soft bones bits inside, nice!;p

由於大家都算大食先從d簡單既入手。首先就叫左煙肉露荀卷,同煙肉車厘茄, 煙肉車厘茄都幾好食, 因為裹面有汁,而且煙肉都幾香。煙肉露荀卷反而比較少見, 但燒完之後露荀有少少乾身,不過又係另一種口味。之後就要開始食肉喇,燒豬頸肉,非常肥美,油脂好平均,都幾鬆化, 味道真係唔錯。之後就係一個免治雞肉球,比較日式既野,都唔錯,幾入味。之後就係一個雞軟骨都燒得幾香口, 雖然只係普通既雞軟骨串,但都幾好味既。燒洋蔥 - 我就唔太鍾意, 朋友話都幾好食,洗唔洗試下呢。之後又係一個日式青椒仔非常好食。日式青椒就比較細隻, 不過青椒既香味特別強, 而且佢仲有加少少木魚絲辟左陣怪味,感覺幾好。之後朋友就叫左一個燒菠蘿,燒完之後水份無少過,而且個菠蘿好甜,但依然有一定既酸度。

昨晚 9 點幾，在朋友推介下，諗住到"乾杯"串燒店吃晚飯，誰知全場爆滿 ，唯有上網搜尋一下，另外找到方落腳，搜尋到附近有這間川式串燒店，由於我們也想吃點串燒，便前來品嚐一下。這是"荔枝肉煙肉捲"，我覺味道得怪怪的，荔枝肉是甜的，而煙肉是鹹的,放在一起的話，感覺真的有點奇怪。串燒白鱔，味道不錯，略嫌醬汁太甜，而熱度欠奉！！ 完全感覺不到串燒的效果，好像是炸出來的！！真是一隻超級 bb 乳鴿，因為肉的比例實在太小了！！只是買相精緻的炸豆腐， 沒什麼特別！！沒有味道的豬肉串！！全晚最好的食物，就只有這一串牛舌，肉質彈，口感爽，牛味香濃。整體食物質素不過不失，沒有話不能入口的味道，亦沒有什麼很特別的口味， 而川式燒烤，欠了孜然粉的香味，道至沒有下次到來的衝動！！！

預約左唔駛等~其實都係食串燒野,都OK推介食燒牛舌、燒蠔、燒粟米其實燒原條茄子都幾好味,不過油左少少唔推介:燒辣椒(無味)同朋友飲弄下野都唔錯, 出菜都算快

有日無事, 忽然網上約食飯. 誰知經常約不到的舊同學突然都得閒了! 就在一小時內極速促成此局, 十分開心。餐牌分食物(紅), 飲品(藍)先從簡單, 易接受的入手。煙肉露荀卷, 煙肉車厘茄, 當然煙肉車厘茄好些, 因為內裡有汁。煙肉露荀卷分較少見, 但經燒過之後露荀獎得有點乾。燒豬頸肉 -- 肥美油脂, 不過鬆化度差少少, 已經不錯。免治雞肉球 -- 這個比較日式, 我在居酒屋也常點這個。點上蛋漿味道更好。燒雞軟骨 -- 香口, 不過是街外標準的雞軟骨串, 沒有特別。相比之下, 這個日式青椒仔更好吃。日式青椒是分較細隻, 但是青椒的青澀香味特別強, 加一點點木魚絲辟去腥味, 感覺不錯。友人點上一客燒菠蘿 - 熱力將菠蘿的水分排出, 將糖分強化, 令菠蘿更甜, 但酸度仍然持續。燒洋蔥 - 我是很喜愛的, 但這個火喉控制一般, 外層有點乾, 但是又有點地方有生辣的感覺。燒聖子 - 多汁, 蒜味強, 肉質新鮮, 算是可以。不過聖子鮮味被蒜味蓋過了。燒南瓜當然好食, 不過這些味粉配搭有點不倫不類。燒韮菜 - 開始有點似國內串燒了! 還是如麻辣燙樣子般穿起, 不過菜經燒過之後, 有點過老。京蔥 -

同朋友兩個去食，所以一入就入位，坐bar台，不過都okay！好似唔洗錢咁嗌左好多野食，之後就開始後悔........肥牛烏冬－湯太淡又油，肥牛okay但係成個麵好boring，唔知自己食緊乜燒羊架－香，但係冇羊味，而且1d川燒既味都冇，純粹係燒羊架一口牛：okay，係燒汁味唔係川燒味，幾廿蚊得3粒牛燒牛仔骨：唔好試，hea過自己整，又係燒汁味燒菜：反而okay，而且見住佢好用心燒，食都食到開心d燒豬頸肉：唔脆，冇味，有d“孩“清酒蜆湯：唔腥，冇清酒味，但價錢太貴啦以呢個quality燒牛利：最好味既一個，夠熱，而且好香，夠味！其實間野最大問題係d野食唔夠熱，就算佢係岩岩燒好都係唔夠熱，而且價錢偏貴，食食下就＄495張單，食完仲未夠飽因為d野食都satisfy唔到我地環境okay，員工服務非常好，坐bar台有少少熱，不過都okay的唔會再試既主因係因為食物唔岩口味，唔似川燒，似日燒多d....

朋友話呢間串燒好味~帶左我黎食~一行4人~密密叫密密食~開頭以為係自己燒~ 原來唔係, 係人地燒埋~叫左好多野食~好似雞冀, 洋蔥,鱔,雞軟骨, 菠蘿,南瓜...最好食係燒粟米, 厚厚一層牛油, 再加上燒完的粟米, 撞埋一齊好香好好味!!!燒雞冀同樣出色~ 加入佢地提供既香料, 釣出更香的燒味. 推介~燒南瓜都幾特別~ 南瓜好甜, 燒完後又帶點香燒味~!特意叫左佢地既 " 真係餐蛋", 原來只係一串入面, 有2 粒方型蛋同2 粒方型餐肉~ 冇特別...失望左~最後再叫左個饅魚炒飯~ 同普通炒飯差不多~ 饅魚太咸~ 飯都炒得不錯~ 不會太濕或太乾~ 如果不是太咸會更好~!