川燒 串燒·酒埸

營業中

休息中

去完銅鑼灣行街買野，嚟到新開嘅川燒 串燒·酒埸，座位唔算太多，但喺店員親切，我哋坐定定就開始睇吓餐牌嚕～餐牌上嘅串燒除咗海鮮之外，仲有唔少肉類同蔬菜🥬，亦有唔同嘅主食可以選擇 。✨川燒豆腐 川燒豆腐嘅外皮酥脆，但內裡非常軟嫩，搭配特製嘅辣椒醬同木魚絲，見到隔離枱叫咗兩份就知必點呢！✨燒大海蝦 🦐 海蝦好大隻呀，加上鹽燒，燒到好香脆！✨燒豚肉荔枝卷 第一次食豚肉 X 荔枝配搭，煙肉包裹著新鮮嘅荔枝，荔枝嘅鮮甜味中和豚肉嘅油膩感，一啖咬落去好Juicy ，正呀！✨燒豬頸肉燒豬頸肉惹味焦香，肉質肥美嫩滑！✨燒大蔥雞柳大蔥加上雞柳，口感豐富，食落甜甜地，好好食～✨川香肉碎燒茄子🍆原條起皮嘅大茄子，加上爆香咗蒜蓉同麻辣肉碎，咬落多汁又滑。✨吾係紐西蘭大蘑菇 🍄 蘑菇質感厚實，而且仲分成四件，大大啖，好滿足喔～✨燒雞泡魚干 雞泡魚干燒得乾身香口，咬落脆卜卜，仲可以配埋蛋黃醬食！✨青檸荔枝梳打 🍸✨青檸話梅梳打 🍸食串燒再加上青檸梳打，係最佳配搭呀！ 

「川燒 串燒·酒埸」是一家以🔥川燒和串燒🍢為主打的餐廳，是一個非常受歡迎的餐廳以下是幾款推薦菜式：1. 燒麻辣日本淮山🌶️：這道菜式以日本淮山為主要食材，搭配辣椒和芝麻等調料，味道香辣可口，非常適合喜歡辣味的人士。2. 日本雞心串🍢：這款串燒使用了日本的雞心，經過炭火燒烤後，口感鮮嫩多汁，搭配上特製的醬汁更是美味無比。3. 川燒豆腐🍢：這道菜式使用了嫩豆腐，經過川燒的炭火燒烤後，表皮焦香入味，內裡仍然保持了豆腐的柔軟口感，是一款非常受歡迎的素食菜式。4. 川香魚湯清酒煮花甲🍲：這道菜式以花甲為主要食材，搭配上清酒和川燒的炭火燉煮，營造出濃郁的魚湯味道，是一款非常清爽的湯品，非常適合作為開胃菜或夏季消暑。除了以上推薦的菜式，「川燒 串燒·酒埸」還提供了多款美味的串燒和炭火燒烤菜式，讓顧客可以盡情享受美食和社交。

我至鍾意hea 銅鑼灣，由駱克道巡舖時發現新餐廳越開越多，好似人氣。也越來越旺。既然咁旺，我哋就去試吓新串燒小店「川燒」我哋系第一枱客人，完全未感受到熱鬧氣氛，不過過咗七點左右，個埸就越燒越旺，居酒屋feel 的串燒店真是很適合放工約好友來吃串燒、啤啤佢 🍻小店新裝感覺乾淨企理，座位亦不會太迫。食串燒梗要叫到成枱都係先會開心先飲啖「蜂蜜柚子茶」潤下喉嚨先男友就點左杯凍野青檸話梅梳打$32佢話酸酸甜甜好開胃，可以食多幾串咁話喎！串燒豆腐28先炸後燒，做到外脆內軟。黑松露芝士牛油焗雜菇$48原個錫紙兜上，加咗白汁焗，口感好creamy 燒油甘魚鮫$138有啲人成日覺得魚鮫肉少，其實越食越有，而且邊邊燒得香脆可口，少少咸味吊出鮮味。川燒特級厚切牛脷$48咬落去有少許靱川香肉碎燒茄子 $56茄子起肉先蒸再加上麻辣肉碎，超惹味，個人推介！一向都喜歡「免治雞肉棒」$48啖啖肉，保留點點軟骨，沒有不吃的理由。蒜蓉燒大虎蝦$78虎蝦燒到個殼脆卜卜，夠大隻，夠我哋一人咬一啖，加埋蒜蓉調味，超級香口，肉質爽口。最後是店員推介燒芝麻湯圓 $28好似串燒三兄弟，糯米皮燒到小小焦，煙靱，但芝麻餡冇預期地流心，一

今晚約了朋友銅鑼灣行街買野，大家想吃BBQ野食，忽然想起之前經過街口，見有間串燒好想入去試吃，揀了這間今晚晚餐，入到去，環境好有日本感串燒店，坐下，看了一會餐牌，叫了燒黑豚芝士五花腩芝士舖在五花腩上，五花腩同芝士一起入口，有濃郁芝士香味同腩肉香味，肉質好嫩滑，有口感燒手打免治雞肉棒雞肉有鮮蛋黄伴碟，肉點埋蛋黄一起吃，特别滑身同軟霖，平均雞香味同蛋黄香味，好搭配燒日本廣島蠔  (2隻)大隻，重海水鮮鮮蠔鮮甜味，蠔身獨特爽口又彈牙燒豚肉生菜卷有特色，厚身豚肉包住生菜，捲成一個圈，一邊有豚肉香味同生菜鮮菜味，肉味濃香，菜好唰唰聲燒韭菜菜鮮翠綠色，切到幼身一條條，嘴爵入口爽脆香，韭菜極鮮菜味川香魚湯清酒煮花甲份量多，蜆大隻，獨特鮮海鮮蜆甜味，爽滑身，好清新魚湯同清酒香味，味道有特色燒雞泡魚干粗條，燒得好乾爽，脆脆口，濃香雞泡魚干味燒豚肉荔枝卷厚肉，重豚肉香味帶點點荔枝香味，肉身好嫩滑川香肉碎燒茄子少見，全條茄子燒，好軟滑，茄子好鮮茄香味，肉碎好香肉味黑松露燒腐皮温泉玉子腐皮好軟滑滑，帶有濃郁黑松露香味，玉子有温泉水滑感

川燒 串燒酒場 - 銅鑼灣今日同媽咪去灣仔睇展覽 睇完係附近餐廳搵嘢食 誤打誤撞嚟咗呢度食串燒 鮮燒白鱔 $68魚皮燒到香脆 白鱔啖啖肉川燒豆腐 $28係呢度嘅招牌之一 伴上木耳同蔥花嘅炸豆腐 配上豆瓣辣醬 炸豆腐炸到好香脆汁燒原隻魷魚筒 $108魷魚筒燒到小小乾 但又未至於冇汁 依然仲有彈牙口感 所以食落好香燒特級牛仔骨 $48牛仔骨帶有油脂 食落夠牛味 又嫰滑吾係紐西蘭帶蘑菇 $32大啡菇好Juicy燒豬頸肉 $48豬頸肉薄切 肉既油脂加埋汁醬嘅甜香都幾好味燒豚肉荔枝卷 $32一片薄薄嘅豚肉包住好甜好Juicy嘅荔枝 必叫之選青檸柚子梳打 & 荔枝梳打 各$32餐廳似乎暫時未有酒牌 所以本身餐牌上有嘅酒都暫時未嗌得 但如果想同朋友食下串燒飲下嘢呢度都不失為其中一個選擇

今晚黎到銅鑼灣呢間川燒串燒酒場，店內環境好有日本串燒店既感覺！日本雞心串調味調得很好，雞心切開一半依然爽口！燒鮮白鱔鱔皮燒到脆卜卜，咬落充滿油脂，鱔肉骨都起得好乾淨川辣酒煮東風螺開頭擔心螺肉會唔夠入味，但食落卻有非常濃郁既香辣味！黑松露燒腐皮溫泉玉子好特別，其實係將腐皮切開一半，再將蛋液倒入去加上黑松露燒，出面脆卜卜，咬入去有小小流心既效果燒豬頸肉薄切，火侯岩岩好，所以將油脂迫左出黎，唔會感覺油膩，配上佢秘制既甜醬汁非常惹味！

銅鑼灣開了間新的串燒店，地方闊敞舒適，地方有氣氛，適合朋友、家人相聚，情侶約會應是不錯。酒的選擇也不少，可以暢飲一番。串燒選擇由肉類、海鮮、蔬菜每款都有。燒手打免治雞肉棒 - 烤得外酥內嫩，必定要讚個醬汁同蛋液融合得好好，每啖都試到醬汁香，雞肉滑溜。日本燒雞軟骨串 - 有嚼勁，香氣十足，調味剛好不會太鹹。燒麻辣羊肉串 - 辣味十足，肉質鮮美，羊肉一啲都唔羶。燒秘製雞中翼 - 帶有獨特的秘製醬汁，香氣濃郁，醬汁好惹味，好食過鹽燒。燒雞中翼 - 味道鮮美，烤得剛剛好。燒特級牛仔骨 - 肉質嫩滑，好多汁。燒豬頸肉 - 肉質鮮嫩，口感豐富。日本雞心串 - 新鮮多汁，烤到恰好熟度，好脆口，好少地方有。秘製醬燒麻辣鴨舌 - 鴨肉細嫩。川燒豆腐 - 醬汁入味，豆腐Q彈有口感，加埋豆瓣醬好香辣，外皮好香脆。鵝肝煎雙蛋飯 - 鵝肝鮮美，蛋香四溢，必食的一道菜，蛋漿香濃配合鵝肝，邪惡之選。燒雞泡魚乾 - 鮮嫩多汁，泡魚乾香氣獨特。蜂蜜燒鳯梨 - 鳳梨甜美多汁。

酒場格局，有川味串燒食，做法係日式與四川式混合，即係有辣有唔辣。環境舒服，氣氛熱鬧，出咗有秩序，唔算等得來。款式很多，價錢唔貴，廿幾三十幾一串都唔少，海鮮價錢就會高些。我們兩個人吃了很多，只計食物全部花費$623。我最鍾意，因為荔枝甜甜哋。燒豚肉荔枝卷 $32這款特別：黑松露燒腐皮溫泉玉子 $38三款都非常好味，熟度剛好：手打免治雞肉棒 $48日本燒鮟鱇魚肝 $88燒一口番薯 $24材料好，夠厚。燒特級厚切牛脷 $58很新鮮。燒鮮白鱔 $68唔算好辣，很香：燒麻辣羊肉串 $38燒麻辣田雞串 $46 鵝肝煎雙蛋飯 $128又抵食又美味，鵝肝細細件但隻蛋好靚，兩個人分享啱啱好。

適逢黃金週，駱克道有幾間新開食肆～難得一見嘅熱鬧。今晚來到這間串燒、酒吧專門店熱鬧一番。店內裝修好有飲酒嘅意欲，勁多附近上班族。餐牌有多種唔同嘅串燒，特色是結合麻辣四川嘅調味，某些種類仲有北方風味。青檸茘枝梳打，鮮檸檬梳打味道清新，夠氣🌟 冰凍選擇太多，還好店員推介了幾款必吃串燒。燒辣田雞串非常特色嘅川椒雞煲味道，辣辣哋好醒胃！燒手打免治雞肉棒每一次食串燒都會點，雞肉棒混入雞軟骨口感特別，蘸日本生雞蛋再加醬油更美味可口。😋鹽燒雞中翼（2隻）燒得好香，外皮夠脆。燒特級厚切牛舌厚切的口舌口感特別唔同，爽口而且有香濃的肉汁，美味之選！燒豚肉荔枝卷香甜嘅荔枝配豚肉片配搭精彩。燒辣羊肉串有蒙古風烤羊嘅味道，羊羶味非常重可能有點肥膏～不過屋企人極為欣賞！燒豆腐大大件外皮烤到好脆，驟眼睇有啲似臭豆腐仲加咗豆瓣醬和香蔥。蜀都炒飯呢個炒飯不得了，加咗獨特嘅香料，辣度十足，超吸惹味，飯粒香軟有鑊氣，味道出色！燒芝麻湯圓比較少吃燒嘅湯圓，外皮有點脆，芝麻餡料暖暖的，燒嘅做法襯返串燒店🌟燒多春魚多春魚細細條口感香脆，都係啲心機手工燒烤。

在灣仔銅鑼灣中間一直有很多食肆，開完會和老公一齊食串燒開心下。店舖很新淨，座位就比較狹窄，到7:30左右都滿座了。【珍寶大元貝】很鮮甜又大隻，簡單的蒜蓉香蔥和蟹子調味就已經很美味了。【川燒豆腐】燒乾了的豆腐很有口感，又索滿了微微酸辣的醬汁，加些蔥花超美味。【蒜香肉碎燒茄子】有別於其他串燒店，茄子不是只用了蒜蓉，而是很有特色的麻辣肉碎醬汁，本身茄子燒得夠香口。【黑松露燒腐皮溫泉玉子】腐皮中間包着半隻蛋，一咬就流出大量蛋汁加濃郁的黑松露味道。【燒手打免治雞肉棒】甜甜地的燒汁配埋很有口感的免治雞肉棒，最喜歡咀嚼到雞軟骨的棵粒，搞一搞蛋黃漿一流。【燒特級厚切牛脷】取了牛脷中間的部份，煙煙韌韌有嚼勁，恰到好處又惹味。【燒秘製雞中翼】醬汁幾濃郁。【鹽燒雞中翼】鹽味的雞翼比較好食雞皮更香脆。【燒豬頸肉】還是比較多汁，我喜歡燒得更加乾身。【燒雞腎】爽口。【燒大蔥雞柳】超級香濃美味的燒汁，大蔥又夠香同淋。【燒韭菜】簡單的孜然粉作調味已經無敵了。

銅鑼灣駱克道新開 日式串燒酒場 氣氛超爆🤩🤩和同事 已經約定再嚟哈哈位於地舖 地方就腳就喺橋底不遠牆身用上全部 清酒 威士忌等等做裝飾非常有特色， 座位唔算太多但氣氛很好 店員服務仲好貼心添 點了燒雞泡魚乾送啤酒慢慢傾🥳🥳店員推介左幾款佢哋嘅主打菜式 日式為主食串燒當然要飲suntory premium 日本生啤 超大杯 爽呀🥰新鮮燒白鱔 非常肥美 、厚身 而且好新鮮 😊魚皮燒得焦香 肉質好彈牙，用上特式醬汁好惹味😝😝特級 厚燒牛脷 真係做得好好，選料靚 外表焦香內裏都非常之滑 係我食過牛脷當中最正😌😌汁燒原隻魷魚筒 超大size 彈牙 cut得細細圈一口一 一圈剛剛好😚😚竟然有麻辣鴨血，做得好過好多川菜館燒豚肉生菜捲 好有創意！估唔到口感咁好，生菜爽脆，加上豚肉油脂 更能平衡 值得一讚😍😍最愛日本青椒仔 爽脆 不太辣 配上木魚絲一齊食口感很好的各菜式 都很不錯 有驚喜添 😀放工過嚟食個串燒飲返杯賞心樂事清酒種類都很多下次一於過嚟飲清酒 🍶價錢亦相當大眾化 人頭三百零蚊飲飽食醉

今日下午過咗銅鑼灣逛逛，黃昏時候肚餓搵嘢食，上網睇睇有間新店喺鵝頸橋附近，位於駱克道嘅《川燒·串燒·酒埸》新開，交通方便，銅鑼灣鐵路站出，行一陣就到喇。早早地食飯唔使同人逼，仲有happy hour啤一啤，串燒種類豐富，牛羊豬雞，特色嘅串燒都有好多選擇。Happy Hour生啤買二送一幾抵飲，Santorum Premium Draft Beer。黑松露燒腐皮溫泉玉子~食落唔錯，腐皮即係個大豆卜，脆脆地，玉子夠香，黑松露味道唔會搶曬啲味；燒黑豚芝士五花腩~香口嘅五花腩配芝士係今晚邪惡之選，夠肥美；燒特級厚切牛脷~呢個真心燒得唔錯，一啲都唔韌，咬落好juicy；燒日本豚肉腸拼盤~黑椒腸、芝士脆皮腸、脆皮腸、豬肉腸， 各有特色，腸腸係我嘅至愛；川香肉碎燒茄子~本身肉碎唔算好辣，茄子去皮燒，方便入口；日本炸池魚仔~即叫即炸，香口脆卜卜，送啤酒最啱；炸麻辣雞軟骨~再來下酒菜，加咗少少麻辣味；蜀都炒飯~呢個要讚下師傅，炒得香好唔肥膩，粒粒飯會跳，加咗辣炒，味道比較辣。越夜越多人，想坐特別位置，大家記得book枱啊！