4
0
0
電話號碼
62112687
營業時間
今日營業
10:00 - 21:00
星期一至日
10:00 - 21:00
付款方式
現金
以上資料只供參考, 請與餐廳確認詳情
食評 (6)
等級1 2021-11-20
417 瀏覽
無諗過香港仔咁舊嘅商場(利群)都會有咁有特色嘅餃子店,餃子多汁美味,小食種類多又好有川味特色,特別推介大葱牛肉餃😋😋😋值得一試再試👍🏻👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
等級1 2021-10-31
266 瀏覽
叫左蒜麻雞腳 , 不夠味、而且蓋不到雪藏味….見佢有好多款雞腳….以為叫蒜麻應該無咁伏…點知都伏左….另外叫左個牛展米炒,牛展好好好薄,下面用青瓜墊底; 而米粉煮到太林喇…. 湯底尚可接受。而早前叫過餃子食,個皮好滑only。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-12
389 瀏覽
今日晏左放工,又唔想番屋企自己煮野食,唯有係附近碌下睇下有咩岩食,甘岩見到一間小食餃子鋪幾吸引,又幾多人排隊,所以走左去試下🤣——————🐽 酸甜無骨雞腳黎間小店主打雞腳同水餃,陣係雞腳已經有8個選擇,酸甜雞腳食落好特別,無左陣辣味,取而代之既係梅子既酸甜味,幾有新意🐽 涼拌青瓜雲耳大大盒青瓜,汁醬酸酸有蒜味好開胃,做頭盤一流🐽 涼拌豬耳同青瓜雲耳同一款汁,但今次用左爽脆既豬耳,又係另外一個口感🐽 牛肉大蔥餃 韭菜豬肉餃有生餃同熟餃揀,中意番去自己煮既可以買生餃,牛肉餃好多汁!咬落口好爆汁feel,而韭菜豬肉好足料,好多韭菜係裏面🤩 繼續閱讀
(以上食評乃用戶個人意見 , 並不代表OpenRice之觀點。)
👉香港仔新開餃子涼拌外賣店,啱晒炎炎夏日。 📌酸甜無骨雞腳 $38 ~一大盒無骨鳳爪,酸甜汁加埋中芹,又靚又開胃👍📌香辣有骨雞腳 $28 ~ 打開見到咁多辣椒🌶️比佢嚇親,但食落其實只係少辣,辣辣哋幾冶味!!📌涼拌豬耳 $28 ~ 爽脆豬耳配上青瓜粒,汁醬係靈魂,加入大量芫茜、蔥、蒜⋯好香口,越食越想食😁📌涼拌豬腳 $28 ~ 應該係同豬耳個汁一樣,豬腳大小適中,爽口又唔硬,好夠味,食完骨膠原滿滿📌牛肉大葱餃 $36/6隻 ~ 大大隻漲卜卜,如果加強大葱應該會更香更好味。📌香菇豬肉餃 $32/6隻 ~香菇豬肉比例目測有3:7, 香菇大大粒,啖啖都有香菇味!🤤 繼續閱讀
(以上食評乃用戶個人意見 , 並不代表OpenRice之觀點。)
等級4 2021-09-05
199 瀏覽
原來香港仔利群商場開左間賣餃子既小店。今日專程嚟幫襯,餐廳做外賣自取,有生餃賣,亦有唔同風味既雞腳同涼拌小食。涼拌豆腐皮蛋皮蛋配埋濃味既配料,味道好夾,再加上嫩滑既豆腐中和左陣辣味,令人不知不覺就食哂成碗。涼拌金錢肚配料有青瓜、芫茜,辣椒等,金錢肚切成一片片,幾有口感。酸辣無骨雞腳酸酸地唔太辣,相當開胃,仲可以成件放入口唔洗噒骨,夏天食真係一流。香辣雞骨雞腳上面鋪滿辣椒,肉質比無骨雞腳煙韌,係兩種截然不同既口感。韭菜豬肉餃餡料飽滿,韭菜香味濃郁。麻辣牛展米粉用上湖南手工米粉,唔會太索湯或者好易斷開。食完帶點麻辣既牛展再配個清清地既米粉,都係幾唔錯既配搭。 繼續閱讀
(以上食評乃用戶個人意見 , 並不代表OpenRice之觀點。)