10
0
0
港鐵灣仔站 A3 出口, 步行約2分鐘 繼續閱讀
電話號碼
31266633
開飯介紹
新派四川菜,室內設計有格調,除了經典川菜,還提供獨家菜式,如醋椒胡辣羹、52度慢煮樟茶鴨胸、麻椒香子蘭意式雪糕、和自家調製雞尾酒。 繼續閱讀
營業時間
今日營業
12:00 - 23:00
星期一至五
12:00 - 23:00
星期六至日
11:00 - 23:30
公眾假期
11:00 - 23:30
付款方式
Visa Master 現金
座位數目
70
其他資料
網上訂座
Wi-Fi
酒精飲品
自帶酒水 詳細介紹
切餅費 詳細介紹
賞訂座積分
外賣服務
加一服務費
電視播放
有關獎賞計劃
食評 (13)
等級4 2019-04-05
367 瀏覽
甜酸苦辣本人最愛辣,灣仔這間新開川菜館有私房菜也有火鍋餐廳環境有暗黑格調,佈置及擺設有種型格先除辣外人生又怎能沒有酒呢?先由餐廳介紹這枝梅酒,入口香甜梅味濃厚,我喜歡加一點冰更好飲前菜有四款小食都係香辣爽口爲主另外一款大連蜇頭拌萵笋入口爽脆,而萵笋清新鮮甜回鍋本地黑毛豚有我最愛的多蒜啊,豚肉薄度剛好,吸哂醬汁及包埋蒜蓉食特別惹味辣子雞真係出色,外層香脆入口肉香微辣,用嚟送酒一流另一款當紅沸騰龍躉似水煮做法,龍躉肉厚魚皮位膠質豐富,紅油辣度適中,最愛浸在紅油底下的配菜食咗咁多辣嘢可以叫杯有機豆漿解解辣,入面有薄荷及青瓜,入口清新帶涼解辣一流素煸花生芽係新鮮感十足,因為第一次品嚐,聽侍應講係季節性先食到,入口超爽脆,又有花生豆香五十二度慢煮樟茶鴨胸食落特別嫩腍,而鴨香經樟茶烹調歌過仲多一入茶香小籠包呢個用針管注入醋去食幾特別,咬落肉汁豐富又鮮香乾燒明蝦球呢個有驚喜,個汁醬超惹味層次豐富,酸甜帶辣,蝦球爽口彈牙,個汁用嚟撈飯食勁正最後有甜品玫瑰吐司抄手及機焦糖豆漿燉蛋,令整餐飯更完滿 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-18
565 瀏覽
朋友識食,知道灣仔開咗間新派私房菜仲要係由星級大廚主理,一早BOOK咗位就話帶我班為食鬼去了解下咩叫好味川菜。見下世面,哈哈哈。行過其實唔會想像到呢度係食中菜嘅地方,門面似日式而個名又似。連餐廳名字都係以LAB黎命名,非常有特色!辣子雞。唔似坊間咁食開全部都係雞肉丁,全部都係雞肉連皮/骨切細粒。所以食落要油香肉香更豐富。醋椒胡辣羮。少少辣又有少少酸。質感似碗仔翅但又更有花椒香味,飲落非常醒胃。素煸花生芽。花生芽第一次食,估唔到成支筷子咁粗。味道好爽脆甘甜花生味仍充足。五十二度慢煮樟茶鴨。慢煮令到鴨肉非常腍滑,食落一啲鴨羶味都無,反而係淡淡茶香。配以饃包同食,好好味道。當紅沸騰龍躉鰭。我地點咗小辣就覺得啱啱好,因為食咗幾款菜覺得呢度嘅辣入口好溫順,唔會一入口就嗆到標汗,而係令人食得舒服,辣嘅層次分明而有回香。龍躉鰭煮得入味而不失鮮味,魚肉滑嫰,魚皮好似啫喱咁好好味。仲有唔可以放過啲底料好似芽菜/粉條咁,因為吸晒個辣汁,絕對唔比魚肉輸蝕。小籠包。味道十分鮮香,內裡充滿肉汁。創新地方係浙醋可以針管注入,分量可以自行調整之餘又唔會咁容易夾爛小籠包嘅皮,食起上黎方便。回鍋本地黑毛豚。又係一道麻香惹味嘅菜式,豚肉薄切包住蒜泥及各種香料,食落好過癮,雖然辣味唔強但就不停刺激大家嘅口水分泌,特別開胃。大連蜇頭拌萵苣。海蜇頭非常爽口同脆身,配埋有咬口嘅萵苣,口感一流。同埋佢唔辣但非常麻香,啱晒用黎轉換下味道,俾舌頭休息一下。燈影牛肉。紙咁薄嘅牛肉片,擺係燈光下真係晶瑩剔透。咬落十分酥脆而且花椒香味突出,就咁食/作為下酒小吃都一流。黃耳尚素餃。清湯飲落好滋潤,味道覺得有啲似竹蔗茅根但就更清淡,素餃嘅黃木耳餡好爽口。可能係食完咁多辣野,覺得份外清甜。乾燒明蝦球。個蕃茄燒汁真係可以撈兩三碗白飯,酸/甜/麻/香/辣恰到好處。醬汁係沿用香港開埠初期參照外國蕃茄醬而改良嘅方式做成,酸甜得黎又有丁點麻辣,非常醒胃。玫瑰吐司抄手。外型似足一粒雲吞,但其實係用上面包壓扁再包入玫瑰蘋果餡而成。旁邊再伴以黑醋及煉奶,甜酸味道中和返抄手嘅甜膩感。唔錯。有機焦糖豆漿燉蛋。估唔到中菜館嘅燉蛋可以做到咁出色,味道香/滑/甜共冶一爐,用黎平衡返整晚辣味嘅刺激,非常合適。有機豆漿。用上薄荷及青瓜同製所以味道絕唔單調。微甜嘅豆漿用黎解辣非常有效。亦可於飯後伴以甜品,簡嘅豆漿加上少少創意就已經令平凡變得不平凡。以實驗室命名真係不無道理,因為呢度嘅川菜比想像中更有特色,一反平時只有辣辣辣嘅舊有觀念,令唔太食得辣嘅人如我,都可以品嚐到川菜菜嘅樂趣。值得返轉頭! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-02-19
2279 瀏覽
望穿秋水的川流終於開業,自從上次在觀塘品嚐過德哥的Preview菜單後,便一直期待他的開業。直至一月尾,發現太和街川流裝修的圍板拆下,知道距離日子不遠了,便每日都經過望下,希望第一時光顧。 基於占苗是一個急性子,一開業便相約了幾位朋友到來小聚,舒解一下壓抑已久的味道,也一探究竟。店內的裝潢以深色為主,甚有時代感,加上中央酒吧的設計,形成一種非常有格調的風味,配合英文店名Sichuan Lab的設計,是一種創新又神秘的態度。 午餐時間緊迫,先來一道醒神為之一振的醋椒胡辣羹來,德哥用上有別於一般加入辣油的做法,改用香噴噴的貢布胡椒來調味,出來的效果不會油膩,清新得來相當有層次,美味度跟食慾都大增。 接著點上川菜經典中的頭盤 - 蒜泥白肉,蒜泥必須磨得幼滑,並用上肥瘦適中又滑溜的腿肉,加入辣油及甜醬油,調出味道討好的味道,正是這兒的寫照。另外,墊底的手工涼麵吸收了精華,一起吃顯得非常美味。 今次人少的關係,只需加點幾道香口小菜及白飯即可。香口的宮保雞丁是友人C 的至愛,當中嫩滑的雞丁與脆口的腰果形成強烈的對比,辣中帶甜,令人吃得不亦樂乎。 另一川菜經典非麻婆豆腐莫屬,由於友人S好辣,點菜時需要加辣,令出品特別辛辣,突顯了川菜的精髓,包含着麻、辣、燙、嫩、酥、香及鮮八味來,送飯一流。 餐牌上記載了水煮魚片與當紅沸騰龍躉鰭的價錢差不多,當然要選後者,起碼龍躉鰭的質感爽滑,配上辣湯的加持,令層次變得豐富入味,辣勁亦會慢慢滲出來。 來都此時,胃口已差不多了,但意猶未盡下,隨意加點一籠罐汁小籠包來。小籠包做得皮薄餡靚,相當鮮味,值得一試。 最後,本來想吃德哥的拿手甜品 - 桃仁甜板,可是餐牌並沒有這項,只好改點為玫瑰吐司抄手。從賣相看已拿滿分,吐司炒手炸得外層香脆可口,包著的豆沙充滿玫瑰香,絕對有畫龍點睛的享受。 時隔開業半月,昨天再來午飯時,發現全院滿座,證明德哥的復出,絕對是飲食界的大事,非同凡響的。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-18
2 瀏覽
自雲陽關門後,那個傳說中人人津津樂道的德哥tasting menu,好像那些失傳了的美味般,人人期待佢重出江湖,等了很久也只聞樓梯響。還記得在醞釀關門之前,我和兩班不同的朋友都在雲陽吃過德哥的拿手好戲,人人也念念不忘,個個都問幾時再有機會再吃到。去年年尾已經聽過德哥將會開一間以川菜為主的私房菜,並走一個完全不同的格調新路線,十一月尾的時候還身體力行食過一次pre-open的dinner,那感覺到今日還記得,一直也期待餐廳正式開張的一天。我會形容新開的餐廳比雲陽做得更加好,更加深刻,就如川菜和fine dining的結合。就正如荷里活的電影,第一集拍得好,叫好叫座,第二集電視公司更加揼本資源更多,那麼導演當然做得更加好,德哥所做的可以說是如虎添翼。餐廳在哪裏?就是在交通四通八達,非常方便的灣仔, 這間餐廳叫川流,就在薈賢居樓下。首先外型非常cool,有別於中菜川菜的中式外表,餐廳就高格調的路線,餐廳裡面完全如西餐廳一樣,特別是那個吃私房菜的房間,整體感覺很好。就如Fine dining,每次德哥都會送上精美的前菜,川流風味盛薈就有幾道菜式。先有松花口水雞卷,那口水雞卷配上複雜口感的松花醬,又酸又辣,帶甜且香,美不勝收。較特別好味還有這個薑汁藤椒熗蟶肉,你唔會有諗過呢個配搭,蟶子肉的爽口配上獨特的藤椒香氣,你會奇怪這個為什麼份量唔可以多點。萵笋拌大連蜇頭,晶瑩剔透又食落爽口,唯一埋怨嘅係冇乜辣度,我以為德哥回歸應該係辣味四射的。燈映牛肉的漂亮,如紙的薄,那震撼就係藝術品一樣的形狀,吃下去如紙一樣的薄。蒜泥黑豚二刀肉是另一個很喜歡的前菜,薄薄的豚肉夾著的蒜泥香,用上黑豚整體味道更濃烈,不過最緊要係點多一些充滿辣味的蒜泥。在雲陽反而沒有飲過酸辣湯,今晚的炸大蝦醋椒胡辣羹,是我最深刻的一道菜,用上胡椒和辣椒的香氣,加上醋香下,酸辣湯更為醒胃,加上那件炸得像大阪式天婦羅的炸蝦,就咁食和點湯都一樣美味。如果你和我一樣係胡椒粉絲,加一點這個辣到不行的胡椒,我想你會更加喜愛它。主菜份量的葱燒遼參拼烤鵝卷外表沒有平時的一貫靚靚作風,遼參的粗壯無人能敵,加上肥美的烤鵝卷互相幫助配合,令味道更多元化。慢煮一路是德哥的最拿手好戲,這個52°c 樟茶BB鴿一直都是筆者或所有食客吃過最念念不忘的,比之前的作品這個慢煮的味道更為細膩,之前試過的主角也沒這麼好吃。而且睇起來更有藝術天份,當然菜式的大小和從前有點分別,但永遠小食多滋味,這樣更令人想念感覺多一點吧。最後的水煮白鱸魚獅子頭,應該是當晚最辣的食物了,但愛辣的人大約愛得想幹掉那碗血紅色的湯,應該沒有愛辣的人不喜歡水煮吧,配合了勁爽的巨大智利鱸魚獅子頭(我想應該沒有很多人吃過這類獅子頭)。温泉蛋鮑魚脆飯粑又係外表精緻,鮑魚當然炆得剛好,加上那個胞飯粑,點上那個温泉蛋的蛋黃,這樣的主菜,多重享受,又怎會不令人欣喜。甜品拼盤有桃仁甜板,麻椒雪糕,辣朱古力大粬雪糕焦糖豆腐布甸,玫瑰吐司抄手,淨係睇到個甜品盤都已經覺得非常熱鬧,要說最驚喜的一定是玫瑰吐司抄手,完全不會勁油但又十分可口,焦糖豆腐布甸簡單明瞭直接,而桃仁甜板和兩種雪糕當然仍然恰如其分,整個甜品的感覺就好似回到家一樣的快樂。整份menu又點會吃得不快樂,要挑剔的可能是愛辣的人士會覺得味道溫和了一點,沒有從前那種粗獷豪邁,但多了一份細膩入微,德哥,還是令我們驚喜,期待之後越做越精彩,續集不一定會差過第一集,你看《教父》,你看《無間道》,你看《異形》便知道。川流  灣仔太和街28號灣仔薈賢居地舖 繼續閱讀
(以上食評乃用戶個人意見 , 並不代表OpenRice之觀點。)
等級2 2019-04-02
203 瀏覽
新開的新派川菜,好幾次嘗試定位都滿座,更加期待這次的晚餐。同朋友四個人過去。門口幾有特色,黑黑暗暗的隱蔽門,裡面也不錯,但比我想像的要亮少少。點了幾杯雞尾酒,infusion不錯,茶味濃小菜顏值高,好吃的只有毛豆,其他都一般般,爆米花完全不脆口最最最好吃的菜也比較驚艷的反而是這碟素炒花生芽,不僅花生芽口感好,芹菜粒等調料搭配都非常適合最後點的甜品玫瑰抄手(好像是這個名字),很漂亮,餡料的玫瑰味也很濃,我們自帶酒水,但發現餐廳酒單也還不錯總的來說菜的味道ok,但是比如黑毛豬回鍋肉,我沒有吃出和其他回鍋肉的不同,份量亦較小 繼續閱讀
(以上食評乃用戶個人意見 , 並不代表OpenRice之觀點。)