川婆婆 (東廣場)

營業中

休息中

星期日同呀女上堂前喺附近食晏，揀咗東廣場嘅川婆婆，座位尚算闊落唔會太迫早鳥優惠，11:30～12:30埋單更可享全單9折，下午茶餐低至$39🥢香辣豬頸肉炒出前一丁 $62勁香口，香辣真係再香啲惹味啲，放上鐵板熱辣辣，好在啲辣來得快去得快都好多豬頸肉，好入味，另有多款配料，蔥、香芹、洋蔥等，口感十足，估唔到幾有水準🥢酸菜肥牛米線要咗BB辣，再有好多配料可以追加，要咗生根、響鈴卷、皇帝菜、姓娃菜、魚腐，最後食餸都食飽咗🤣肥牛唔錯，份量好多，無因買加餸而少咗，味道微酸不太辣，生根魚腐索咗湯汁好食🚩川婆婆 @chuan_po_po 📍觀塘成業街7號東廣場1樓109號舖

最近我去觀塘發現了一間抵食的川菜飯店！我點了個芥蘭炒牛肉，芥蘭的爽脆，牛肉也煮得非常入味，配上超多的白飯，食得好飽足！🍚除了這道，我還聽說他們的米線也特別出名，所以我和朋友們也點了一碗牛肉銅鍋米線。🍲 裡面搭配了新鮮的牛爽腩和牛丸，口感不錯😋 我們還選了個特色的檸檬薄荷湯底，喝下去都幾清新！🍋🌿不過，還有一道檸檬鳳爪，我覺得味道稍微偏鹹了一點，可能是我個人喜好吧。腐乳生菜的味道還算正常。🥗

之前食過川婆婆，快靚正，當然會再度幫襯。唔食川菜唔食麻辣燙，都仲有好多全日飯餐成12款可以選擇，實有啱食。$200可以食到兩大碗麵，兩個小菜兩本飲品，都算不錯了，份量夠大，料夠多。🍜椰子雞湯米線烏冬🍜酸菜魚主菜超大碗，連配料都好好多，椰子雞好香椰子味，雞塊好多，連酸菜魚都有超多魚肉。🥬小食酸辣無骨鳳爪同腐乳生菜都好大碟🥤飲品凍檸茶同埋豆漿宜家川婆婆推出早鳥優惠，11:30～12:30（埋單時間），全單9折優惠。

川婆婆 川婆婆觀塘川菜好選擇！性價比高~店內裝修光猛、光線充足食物款式選擇多！有酸菜魚、水煮牛肉、車仔系列今晚來左晚餐，叫左幾款小菜好夠鑊氣！辣椒炒蜆自家配製醬汁勁香濃！蜆肉微辣好香口萵筍炒臘肉加入大蒜、蔥段、辣椒、萵筍同臘肉一同炒香勁入味！好下飯酸菜魚配料勁多！有豆皮、海帶、娃娃菜、芽菜我再加配個豆腐串～酸菜魚魚肉滑溜勁大碗薯粉超多又飽肚！川婆婆味道地道，價錢親民川婆婆 川婆婆觀塘川菜好選擇！性價比高~店內裝修光猛、光線充足食物款式選擇多！有酸菜魚、水煮牛肉、車仔系列今晚來左晚餐，叫左幾款小菜好夠鑊氣！辣椒炒蜆自家配製醬汁勁香濃！蜆肉微辣好香口萵筍炒臘肉加入大蒜、蔥段、辣椒、萵筍同臘肉一同炒香勁入味！好下飯酸菜魚配料勁多！有豆皮、海帶、娃娃菜、芽菜我再加配個豆腐串～酸菜魚魚肉滑溜勁大碗薯粉超多又飽肚！川婆婆味道地道，價錢親民📍觀塘成業街7號東廣場1樓109號舖📍觀塘成業街7號東廣場1樓109號舖

好耐冇去川婆婆食嘢，尼間以前係觀塘返工，成日都去觀塘廣場食Lunch ，原來係隔離東廣場開咗新店又大間，坐得舒服😌，而家推出好多新菜單 - 川菜麻辣燙/椒麻/特色雞湯/雲南銅鍋雜醬小窩米線/酸菜魚同小食等等系列，有辣有唔辣選擇，梗有一款啱你口味。椒麻招牌豬雜 $88 + 黑毛肚/蘿蔔 $26我就叫咗椒麻招牌豬雜，辣度可以自己揀，我就淨係揀左小辣，再加了蘿蔔同黑毛肚，店員送上枱已聞到麻辣香的味道，同埋估唔到好大碗，豬雜有豬肚、豬潤、豬粉腸、豬心同豬腰，重有大豆芽，百葉、海帶絲同芫荽，真係超級足料。湯底有椒麻味道，有少少辣，食起好又麻又香，最喜歡爽口豬粉腸同豬腰，仲有煙煙韌黑毛肚同又大嚿又甜蘿蔔，寬薯粉又好Q彈。🥢 口水雞 $48 份量都唔少，雞肉都嫩滑配上惹味有少少辣的秘製辣紅油醬+ 芫荽 + 蔥花 + 辣椒+ 蒜蓉 + 花生，底部仲有青瓜，好惹味，食起來特別滋味。 🥤凍檸茶 + $8叫麵餐 + 8 就可以飲凍檸茶@chuan_po_po

搵到間平價川菜小店，味道濃郁，性價比高到爆燈！間店唔大，十幾張枱，裝潢簡單😆 店員好nice！菜單簡單但樣樣經典，平靚正！爆汁台灣香腸（2條） - $28條香腸烤到外皮脆卜卜，一咬爆汁，28蚊真係超值，開胃一流😋腐乳椒絲生菜 - $19生菜爽脆，配指天椒絲同腐乳醬，鹹香開胃，19蚊平到笑，食完好解膩～風味豆豉醬炒涼瓜牛肉飯 - $58涼瓜炒到爽口唔苦，牛肉嫩滑，豆豉醬香到扒飯停唔落，份量夠，58蚊真心抵！🙌🏻白胡椒豬肚雞湯手工麵（加鮮蝦雲吞、魚腐） - $62湯底胡椒味濃，暖胃又香，豬肚爽Q，仲加左兩個餸蝦肉雲吞同魚腐，食完好滿足！

觀塘工作十幾年，經常觀塘買下午茶外賣回公司食，沒有試過外賣下午茶收4元外賣盒錢，外賣牌寫著$39，外賣$43，離嗮譜，我問為何收多4元，她說對的，沒有錯，服務態度又差，而已米線也不好食，又油，永不再幫襯， 😔

份量多但唔好食，個湯底完全無酸味，純粹係車仔麵湯底煮完兜嘢出嚟再加上酸菜 湯底冇得揀唔辣，因為佢係酸辣菜，淨食酸菜都唔好食。之前喺度食過其他嘢都唔差，但酸菜魚又貴又唔好食，寧願叫返其他野食。

收工去了觀塘東廣場食麵，想暖暖身。一向很喜歡吃牛的我，是牛的都喜歡！火鍋的手切肥牛、漢堡扒、牛扒，到牛肉粉又怎能錯過呢？而這間麵家有一碗「牛魔王」，一於點來試試。一上桌，比平時的麵食份量大一倍，大大碗吃得飽飽的。裏面有多款不同部位的牛，如爽口的牛胸爽、煙靭的牛脷、彈牙的牛丸、刁鑽的吊龍、傘肚、牛排骨、黑毛肚、草肚等等，一碗嘗盡各部位，口感柔軟嫩到彈牙，滿滿牛肉香。而我更選擇了出面比較少有的粉皮，大大片粉皮沾滿了湯汁，相當惹味。另一碗也選擇了店家有名的酸菜魚，酸菜魚性價比高，份量夠足夠大碗，味道酸中大鮮，非常醒胃。如果還不夠滿足，可以加配小食，由於吃了一碗以肉做主角的牛肉粉，所以小食則選擇了素的涼拌豆皮。

好多人都食呢度既酸菜魚，我就唱反調，揀左其他野嚟食。一貫內地餐廳的架步，然後掃QR揀嘢食。可能係天氣凍，大推火鍋，最平都係100蚊，應該幾有競爭力。招牌牛肉粉 (三拼) 牛肉粉可以三拼不同的牛部位，自己就揀咗雪花牛頸脊，吊龍牛肉同埋牛爽腩。最正係三拼之下，牛既份量都冇特別少，令牛肉粉賣相豐富。由於第一次食，招牌麻辣只揀咗最低程度，屬bb級數，下次食可以直接升lv。藥膳黃酒雞米線 配合紅棗杞子同黃酒香，令米線帶有幾香既藥膳味。雞件足料，另加左響鈴卷，吸湯一流；而墨魚味春卷就啖啖肉。上湯娃娃菜平時食麵鍾意叫多碟油菜，今次有得揀娃娃菜，上湯浸過，份外鮮甜。

原來川婆婆開咗分店喺東廣場上面。太好啦，呢日經過特登去試吓分店。新店座位較為闊落，鋪面比較大。🌟水煮雪花牛頸脊 $108轉了粉皮，加豬潤，特別豐富，牛肉都有好多，點了小辣，可以食到香辣味同埋牛肉香。水煮牛肉裏面已經好多配料，海帶、豆腐、芽菜，滿滿一大碗‼️🌟小食 - 口水雞 $48口水雞醬夠香夠味，用嚟撈麵都一流。🌟凍檸茶 $8食辣嘢點少得飲凍檸茶，簡直絕配。川婆婆算是貼地價錢，料多味香又好食，附近地鐵站想食都好方便。

川婆婆真係成日食如果想挑戰辣 呢間真係性價比最高都會60幾70蚊一個自選麵辣版既車仔麵🚗🔸酸菜魚配薯粉湯底鮮香撲鼻 魚片滑嫩內有的大豆芽、海帶絲、豆皮和娃娃菜豐富口感不得止 仲索埋辣汁好刺激😬薯粉的Q彈口感，與酸菜魚的湯底完美結合👍🔸三拼牛肉粉 ⭐川婆婆有好多唔同牛既部位俾你揀所以我就揀左呢個牛肉粉雪花牛頸脊的油花分佈均勻 肉質鮮嫩吊龍牛肉的嚼勁十足 好少岀面有得加落自選麵到牛爽腩則口感豐富配上米粉 幾正😀😀👍仲加左兩粒雲吞😍🔸涼拌皮蛋皮蛋晶瑩剔透 作為小食好一流❤️📍川婆婆 📍觀塘開源道68號觀塘廣場地下G24-G25號舖

在此商戶訂了兩個麵食外賣，選擇了麻辣小辣，以往亦有點選過同一間分店同一個辣度既麵食外賣，但這次外賣食店明顯給了比小辣辣很多的辣度，我和太太食完後感到胃部不適，大部分麵食亦沒有食用，向外賣平台和食店反映，食店堅持自己沒有出錯，外賣平台也沒有給予有效的幫助，對於食店出錯，食客卻要無奈承受，十分無奈。之後同外賣平台協商幾次，食店都堅持自己沒有出錯，就是次事情，本人亦向相關部門反應，希望呢間餐廳可以正視自己嘅問題。

今日走咗去觀塘食lunch，突然間好想食四川菜，所以揀咗呢間：🖤涼拌皮蛋 $28皮蛋入口微涼，皮蛋糖心入口即溶，醬汁微辣微酸，仲落咗少少糖，整體口感不錯！🐷新鮮豬雜粉（三拼）$55豬粉腸洗得好乾淨，本身帶少少苦回甘味，質地有口感之餘唔會太煙靭！豬腰同豬潤都無腥味，豬腰帶柔嫩清爽口感，可以一食！🐃涼拌牛舌$38牛舌薄脆，加咗四川辣汁，味道非常惹味，上面加咗少許白芝麻，更香口！🍜蟲草花雞湯米線 $58花膠雞湯入面加咗紅棗同埋杞子仲有蟲草花，所以好滋補，一入口就飲到雞鹹香味，入面仲有小白菜同木耳，整體感覺豐富，雞煮前經過醃製，味道似係小菜當中嘅鹹香雞，雞肉都算幾嫩滑，不錯！✨呢間好抵食，米線份量勁多，搞到我又食唔晒啦，下次想食酸菜魚！ε٩(๑> ₃ <)۶з

冬天當然要食辣啦、之前係TST返工就好鍾意去食【川婆婆】、不過轉左工就好少去食。最近心血來潮就去左觀塘東廣場新開分店食晚飯，地方寬敞明亮。水煮雪花牛頸脊 配響鈴卷、鮮腐竹：雖然話係水煮牛、但個人覺得更加似麻辣燙。小辣唔會好辣、雪花牛頸脊分量都好多。裏面仲有豆皮、蔬菜、芽菜、寬粉同海帶，全部都好入味。分量都好多。如果有D食材唔鍾意食、另外可以自己mix and match、搭配唔同湯底。涼拌腐竹：分量好多、CP值高。不過呢個會偏重口味D、辣同鹹D，不過幾過癮。檸檬茶：叫少甜岩岩好、好解渴解辣。