影片
朋友一向對食好講究，今日一行十幾人今次自攜海鮮去石塘咀熟食中心呢間餐廳加工，今日晚餐超豐富，有蝦有蟹有魚有花甲有蟶子有生魚兩味，其他小菜就喺嗰度叫，叫咗菠蘿京都肉，炒酸辣土豆C，毛血旺，大豆芽炒豬腸，炒篙筍都好好食。廚師話推介話生魚兩味係佢嘅撚手菜，朋友買咗條 三斤幾重嘅生魚試下佢手勢，生魚片炒球同芫荽生魚骨湯，真係冇介紹錯喎，特別係個湯超清甜，幾個小朋友都追住飲。個豉油王蝦係我食過嘅最好食，加上朋友買啲蝦好靚，有蝦膏啖啖肉好好食👍🏻朋友讚豬腸處理得好好，E味菜我就唔識欣賞啦，因為我唔食豬腸。最後由朋友自家製綠豆沙同大菜糕結尾，正!，
繼續閱讀