川味坊 (東廣場)

營業中

休息中

地鐵行10分鐘到方便,坐位24左右,座位比較窄,細！先畀錢後送餐！今次我叫咗個「口水雞撈米線小辣」小辣真係好少辣,雞比較大件,厚肉,真係太滑,可以！如果要彈就太多碎骨喺麵入面😅！扣分

係觀塘做野，最喜歡就係去東廣場搵食，喜歡佢多細鋪，多選擇見川味坊有下午茶餐，便入去試吓，叫了麻辣肥牛撈米線，同熱咖啡☕叫了少辣，但食落都幾辣吓，米線偏淋，肥牛有4，5塊，配料花生同鹹酸菜都幾多，份量足，味道正正常常，而熱咖啡就普普通通整體來講，食物唔差，份量足，環境同服務還可以， 勝在飽肚，同價錢唔貴👍

中午放飯時間到了，又要諗食乜嘢？ 天口實在太熱，想搵粉面去食。行過觀塘東廣場見到呢間川味坊，就入去試下囉！今次試左魚肉春卷、墨魚卷湯米線，小酸辣湯底。入口感覺好精神，酸酸辣辣好爽的，魚肉春卷及墨魚春卷也特別，岩我口味，期待下次嘗試其他款式的食物。

夜晚去左東廣場搵野食見呢間有位又唔係好貴 試試佢有飯有粉 有d套餐包飲品叫左個凍檸蜜 (+$3) 正常 唔會好甜番茄湯雞扒豬扒米線 ($48)個番茄湯一d都冇番茄味 仲要好重味精第二日食完d胃氣仲有個浸味同埋好口渴雞扒豬扒正常 各有3件 不過都浸淋哂米線煮得太淋 no good自選兩餸米線 ($48)揀左蠔仔同墨魚春卷同配豬骨湯蠔仔唔煋 墨魚春卷好似南記咁米線都係偏淋 但湯底冇咁重口味整體好一般 唔會再食🫠

有時放工唔想煮, 又想輕食, 又或者經過都會去四川風味外賣返屋企食次行過呢間四川小店都覺得好吸引！款式算多而且價錢又平，味道都唔錯！咁平又多野揀，次次都好貪心想試多d，麻辣野食極都唔厭調味料都有好多見到調味果時都係樣樣加，最正係台式肉燥雞扒飯！

服務認真麻麻地,店員態度有些不禮貌.不過,體諒小店人手不足,樓面收銀得一位姐姐負責.先去收銀位置付款(只收現金及八達通),店員俾牌你,再送餐到你座位.環境：小店環境座位空間不會太大價錢：2人合共$93. 晚餐每人不需要$50,算是便宜食物：蠔仔肉碎粒湯飯味道偏濃胡椒粉味過重,不過好多蠔仔肉,肉碎粒半肥瘦都算可以.雞扒豬扒湯米線 (唔辣湯底:可選豬骨湯或蕃茄湯)除咗雞扒及豬扒外,蕃茄湯底當然有蕃茄🤣仲有大量花生及蔥等配菜.湯底都係偏鹹及濃味,豬扒及雞扒炸得香脆份量都算多.整體來說:如果對食物冇乜要求但求飽肚絕對合格.

觀塘飲食日day 7東廣場是我經常搵食的地方愛其多元化又不太貴地方也尚算企理呢間都係先到收銀處點餐再圖座位等候送餐挑了一個不辣的雞扒肉燥飯雞扒是一般雪藏貨炸得香口肉也應該經處理過，所以非常嫩滑但也沒有任何雞味肉燥無乜汁也無乜肥肉所以唔太香不過份量給得非常慷慨足夠伴飯整體來說份量非常足夠味道一般但算抵食

尋日去觀塘行街 晚飯又想慳下錢 於是就去咗東廣場搵嘢食🦭 求其見到呢間撈米線有位就入咗去食😗 兩個人夜晚食得勁飽 睇翻張單原來只係97蚊 🥹 味道仲有驚喜添！✨ 招牌手撕雞撈米線💲 47辣汁酸辣度啱啱好 有啲麻 唔會太辣 唔食得辣既我覺得接受到得黎好惹味😋 酸菜係我鍾意嗰種甜酸菜 撈埋花生 芫茜 米線一齊食 味道好夾！🥹 本身以為鋪頭唔多人 可能味道麻麻 但係滿意既～ 呢個價錢黎講 份量都唔少❗️✨ 香辣牛腩飯餐💲 47 （凍飲+ 💲3）蘿蔔好驚喜！每舊都無筋 同埋好甜！🤩 牛腩亦都煮得夠嫩～個汁都好食 但係無撈米線咁有驚喜 加上平時食開清湯腩 所以辣味有啲唔慣👀 不過呢個價錢再加上蘿蔔真係好好食 可能會encore🫣

今日行到觀塘附近想食小店米線，來到呢間覺得坐位都幾舒服，叫咗豬扒米線酸辣湯底（BB辣),建議可以食辣的朋友可以嗌小辣，因為BB喇好似唔夠味，同埋鹽味都比較少，送一杯熱奶茶都還好😅

#20221229 🤍📍 川味坊觀塘成業街7號東廣場地下49-50號舖 🍽觀塘駿業街56號中海日升中心地下C號舖———————————————————————#雙拼湯米線 #雲南酸辣 #秘製豬排 $48#炸蝦餅 +$3💭酸辣尼講🐷係鐘意有肉碎粒、酸菜同芽菜既酸辣湯底，呢度個雲南酸辣就係喇🤩唔會淨係得湯同粉，一啖同啲米線一齊咬落去有唔同口感丫嘛😎米線預左係煮定，不過呢度都幾好，米線應該過過冷河，食落爽口既，但係啲花生麻麻🥜有時會好重油味😥豬扒好大塊，都好淋好鬆化，蝦餅應該係即叫即整🦐入面脹卜卜唔會凹左，🐷覺得要加$3都會再叫呀～提醒想食既朋友仔，平時lunch hour 尼買都要等啲時間架😅.#觀塘美食 #🐷_食

叫咗三樣嘢。，雞扒肉燥飯，蘿蔔豬軟骨飯同蒜泥白肉。雞扒肉燥飯個雞扒得鹼水味，咩味都冇。超級難食🤢🤢未食過啲咁難食嘅台灣嘢。再嘈都係冇乜味嘅。雞扒冇調過未淨係用鹼水那過。個蘿蔔豬軟骨飯，蘿蔔超級硬。個豬軟骨唔講我以為係豬肉飯。根本冇「軟骨」。食落好似食湯渣咁。不過蒜泥白肉要入下口，但都係難食過譚仔嗰個。環境唔算乾淨，嘢食係用外賣兜裝嘅好冇feel。位置都比較迫。真係好難好難好難食，以後唔會再幫襯😡😡

之前都聽人講，觀塘廣場附近有好多小店，行左一個圈，真係好似美食天堂咁，咩種類都有，自己本身都係重口味既人，見到呢間川味坊好似幾吸引🤗。都幾多人食呢款米線😏，即刻跟住order秘制酸辣豬扒撈米線 $45黎到見到份量唔少🤗，賣相唔錯，不過味道就一般，米線無咩味😅，唔酸又唔辣，可能自己鍾意重口味，所以有啲失望，豬扒就不過不失，煎得比較乾身，反而啲配料花生幾香脆好味。另外叫左肉燥雞扒飯 $47都係大大份，飽肚一流，味道反而比撈米線惹味😋，肉燥偏向瘦肉多，如果有少少肥膏，可以增加油脂香仲正。雞扒就普普通通，無咩特別。可能我食得比較辣同鍾意刺激，所以覺得平平無奇，無咩味道，唔太適合我😬。

第二次來食，地方不大，不過都唔洗點等。暫時試過 牛腩，入味 軟糯，味道唔錯，可惜沒有單賣，一定要跟飯套餐。雞絲撈粉 都幾辣下，建議小辣就好，味道都不錯。豬扒滷肉飯滷肉好味，唔太肥，唔膩。 豬扒都ok，唔柴。手拍青瓜 ，蒜蓉機攪得太爛，好似食蒜蓉醬，建議唔洗攪咁蓉。飲品方面都過得去。

今日食晏去咗哩店食晏，我唸大家如果係觀塘做嘢都知，觀塘廣場間間食市一到食晏時候都好難搵到位，咁啱今日行到哩間店有位就坐低咗，我叫咗蘿蔔豬軟骨飯，我2位朋友叫咗米缐，我個飯先到，但係一夾起啲飯就好似’ 冷飯’ 番熱咗咁，仲有啡色一舊舊飯焦😖，我朋友同店員講我個飯好硬，佢哋就攞咗我盒飯返入去，之後攞返出嚟，我見到個飯只係番熱咗，入面都仲係一舊舊飯焦咁😤最後我淨係食咗少少餸，啲飯都冇食過😒唔會再幫襯👎

我已經好耐冇嚟過觀塘，尋日見到依度新開左一間川味餐廳，店鋪嘅裝修唔錯，又係食辣野，就想試吓。本來有下午茶餐，下午茶38蚊包埋野飲真係好吸引，可惜錯過左時間，就嗌咗F餐雲南湯底，湯料非常好食，夠晒入味，份量足，食得好飽。配料酸菜同花生好正，聽佢哋講啲花生係自己炸嘅，仲可以單買花生，好似係七蚊一杯，價錢來講幾抵食。加埋樓面嘅服務態度非常好，又親切。諗住下次有機會再過嚟試下食蕃茄雞絲泡飯（見到隔離台食覺得唔錯）