川味坊 (中海日升中心)

營業中

休息中

本來係長期客戶 四個月幫襯超過30次 前兩日同同事食lunch 想叫口水雞米線 走雞胸員工一句「老細唔俾走雞胸」 我話「唔緊要盡量啦 不過之前叫開 同前幾日喺你哋另外一間分店都得嘅」 然後員工一句「咁你去隔離鋪食」 😡😡😡😡😡😡😡😡😡 我哋全枱O咗 。。。。。留低咗電話 希望老細回覆返 但依然冇理 證明，其實老闆都接受到佢啲員工可以咁樣態度對佢啲客人😡😡😡 未試過食飯食到咁谷氣 永遠都不會幫襯 超級過份😡😡😡😡😡🥰

一轉眼走進咗呢間可以話係川味天堂嘅餐廳，一入門已經俾佢哋嘅招牌–秘製豬扒米線吸引咗。今次我無揀辣嘅湯底，反而點咗豬骨上湯，嘩，個湯底鮮香得滯，飲一啖都覺得舒服過人💆‍♂️。然後講吓個豬扒，真係厚身得黎唔會肉質老，好入味，啖啖肉感都係咁juicy，真係正！除咗豬扒，添嘅四寶–酸菜、韮菜、芽菜同葱花，都夠哂味，酸菜尤其提味，咁啱搭嗰湯，嚟個滋滋聲咁帶勁😋。最後講下米線，獨立包裝嘅話，真係唔怕佢變成冧包，喺彈牙嘅質感上面，絕對keep得好好㗎。呢碗大大碗嘅豬扒米線，食到最後一啖都想唞晒，滿足感爆棚👌。總括嚟講，今次嘅體驗係充滿驚喜嘅，尤其係嗰份澎湃嘅食物份量同口感，下次記得再嚟重溫，話俾你知，這川味，真係得我心！

套餐45-47元，仲送熱飲一杯，性價比極高，酸辣豬扒撈米線 $45.00, 厚切豬扒，炸得好香, 豬扒肥瘦均勻，不肥膩，米線彈牙，加埋香脆的花生，酸菜，芫茜，香蔥，同特製的麻辣醬汁，麻辣醬汁液好有層次，真係食過返尋味，值得推介

川味撈米線唔油少麻，豬扒厚肉米線彈口！・・・・・・・・・・・・・・・・・・・・🍜 酸辣豬扒撈米線 HK$45 ・味道：酸辣同麻都有而且唔會好搶食到好渴喉/重口味👍，鍾意佢麻味幾足又唔會食到條脷冇知覺XD。豬扒好食醃得入口唔會好鹹，份量足。btw花生好脆～・口感：米線好滑身，夠彈口。・・・・・・・・・・・・・・・・・・・・🤰性價比：高～🤰9衝度：9衝～🤰結論： 成日經過都miss咗嘅小店，價錢唔貴份量大味道好食，有下次喎～・・・・・・・・・・・・・・・・・・・・

以前返工返觀塘海濱嗰頭已經食過幾次, 佢個豬扒撈米線係無得頂。事隔幾年重臨舊地 (慶幸間舖仲喺度) 再嘗豬扒撈米線，今次挑機嗌左大辣。感恩過左幾年味道不變，酸菜甜酸味好正，而辣係辣得好過癮。豬扒有只有少少肥位，我覺得一塊好食既豬扒就係要咁樣。囗水雞嗌左例牌share。我鍾意食嫩損下肉就覺得ok，但如果鍾意食啖啖肉，呢個就唔係你杯茶。辣度略嫌太溫和。蠔仔豬軟骨米線，蠔仔如圖大大粒。食米線未必一定食老譚既，呢個都係你既選擇。下午茶&晚餐包冷熱飲品。

Lunch time 又到, 今次再用keeta apps 用免運費coupon落單,都慳左23蚊架.今日我就想食口水雞湯米線,揾到呢間叫川味坊既餐廳.雞既份量好多, 有成6至7塊, 隨盒有少量花生同青瓜絲,花生炸得好香口,而且雞相當有雞味,我點左雞同湯既辣度係少辣, 雖然係咁 , 都食到微微既麻辣,唔會死鹹,恰到好處.雖然我已經揀左1/2米線, 我懷疑佢都係比左全份,超級大碗, 我係食唔晒的.但我就覺得個湯比較油左少少, 如果可以少d油就更加好啦,呢個餐係唔喝跟野飲,62 蚊,我覺得呢個價錢lunch黎講有杯野飲會開心少少囉

午餐時段見到有好多人堂食，就叫了外賣試試。今次叫了雞扒，豬軟骨雲南酸辣薯粉（小辣）同招牌手撕雞撈米線（小辣）一打開外賣盒見到兩款都用料十足雞扒，豬軟骨雲南酸辣薯粉（小辣）食落湯底酸度同辣度剛剛好 雞扒同豬軟骨夠唒味又唔柴招牌手撕雞撈米線（小辣）加了䓤同花生提升了撈麵食落的口感醬油好香但唔係好油

同幾年前食差咁遠，湯底還可以但d米線好唔彈牙諗住比多次機會比東廣場果間坐得又迫，路己經窄仲要人出去比錢買左先最後d米線質感都係好唔掂食左一半唔想食睇黎轉左手差左咁多，以後都唔會幫襯

日升中心地下有好多野食呢一間好早已經係度,但因為佢門口好多辣野,所以次次經過都唔敢試好彩試左第一次,真係幾好食用心整既豬扒米線!算係半自助形式去完counter 俾錢,會俾個牌你自己搵位過一陣就會有人拎食物放低係枱面,再收走個牌餐具係即用即棄,雖然係幾方便又衛生但竹筷子太細,要夾起米線都幾用力,食到中間隻手會有D攰好多酸菜最正係有好多酸菜鋪面,酸菜夠酸,我最喜歡仲有脆花生,真係要讚下,因為花生真係好脆,唔係D 放左好奈軟晒/有陣唔新觧既味汁去到個汁,汁既量係岩岩好,唔會有水浸既感覺所以基本所有米線都有汁包到汁咸味唔重,呢樣好,因為已經有酸菜花生呢D 配料夠味了辣度叫左少少辣,所以辣係點到即止,但沒有麻既位豬扒去到豬扒,厚度適中再薄少少沒有炸粉在外層雖然算不上好JUICY,但也不乾身扒邊有D 肥肉就會相當比較JUICY 味道我覺得岩岩好不過我覺得靈魂位係D 配料同個汁整體撈晒所有野一齊食,覺得好正,好惹味 所以我都食左幾次價錢都抵食,$45包熱飲,食到飽飽佢都有其他款既撈,下次真係要試下坐位就正常,椅子有腰背靠都算係咁雖然係有D窄,但呢個價錢食個quick lunch都幾OK~會Keep

今日同朋友經過駿業街一心唸住食潭仔米線，點知撿笠，行入去竟然發現一間都係食雲南米線店，鋪頭細座位大概20個左右，就同朋友試下，我地點佐個雲南酸辣bb辣豬扒雞扒餐，因為本人唔係好食得辣就叫個BB辣，辣度剛剛好，朋友就叫佐個牛腩糖心蛋重慶中辣米線，樓面送上來分量足，豬扒雞扒脆，值得一提糖心蛋正，第一次食比我留下印象好深，有酸菜芫茜花生全部好夾，我同朋友都好滿意，50蚊樓下都可以食到分量足料米線，見到餐牌還有一個豬排酸辣撈米線，應該會好開胃下次要試下先得。。

以前觀塘返工成日食呢間米線店，轉左返工地點之後一直都心心念念佢地既米線。難得甘岩黎到附近，梗係要帶朋友一齊去食啦！今次叫左一個有湯既一個係撈既，分別係麻辣大辣豬扒蘿蔔米線同埋炸魚餅撈米線，兩種食法兩種感覺。而且價錢又唔算貴，40幾蚊已經包埋野飲，揀可樂仲要唔使加錢。麻辣大辣豬扒蘿蔔米線碗米線份量足，米線偏腍身，湯底鮮甜，雖然叫左麻辣大辣但唔係超級辣個種，帶香帶麻。無記錯豬扒好似都係佢地招牌，醃得好入味，唔會好諧好靭。仲叫左蘿蔔，夠入味又甜。炸魚餅撈米線出面好少見有撈米線，夏天熱辣辣食撈米線最開胃。本身撈米會有幾款配菜，包括：酸菜、花生、蔥、芫荽等等，撈埋佢個汁超夾！岩岩上菜個下，塊魚餅仲新鮮滾熱辣岩岩炸出黎，勁香又脆口，建議盡快食！凍左會有少少腥味值得一提既係米線入面個啲花生，一入口就知好好食啊！好脆好脆好脆！完全唔係個啲放左勁耐又有油益味。

最近發現公司附近有間川味坊，價錢真心唔算貴，一個麻酸辣豬扒撈米線加一杯凍飲，價錢都係$48，碗野都幾大碗下，不得不讚果塊豬扒炸得幾乾身同埋好入味，米線配埋酸菜汁仲有芫荽碎同脆脆花生撈勻黎食，味道好鬼夾，呢個咁熱嘅天氣，食番啲酸辣野真係零舍開胃，不過如果辣味再加重些小就更加惹味啦😋

補翻食评。我是它家的老顾客很不愉快被大打折扣，我一直帮親開舊鋪，星期曰发现區开新店就去试下，我叫左個重庆酸辣F餐中辣，楼面伶过来一看同舊铺吾同，就试下米线太碎，一夹就斷，湯底鹹，辣度吾够，几十蚊米线都吾系平，感觉麻麻地，個人建议大家喜欢食宁愿行多两步翻舊铺食。

見新店試業，就試下佢手勢，以$50價位來說，食物水準偏低。 分量少，用料一般屬工廈食堂最平的材料，堂食米線太過林。座位少，但坐得不算迫。餐具全部用即棄，外賣的口感，都唔緊要。 服務很失望，體驗不太愉快。我叫了一個$50的牛腩溏心蛋米線，來錯了個$47豬扒雞排米線，但因為我投入與朋友聊天，樓面一擺低就開始食咗幾啖，心諗點解有骨嘅呢，先至醒起原來佢嚟錯嘢。想換咗佢，店員問我介唔介意要咗佢，我話唔想要哩呢款，想要返我order. 佢就話但係你已經食咗。（問我介唔介有咩意義？？）咁我話食咗兩啖一係我補返錢啦，總之換返佢。佢又唔出聲... 將個波推比廚房。 廚房話得，於是我返埋位。佢都有再送返啱上嚟，用之前嗰碗食過嘅，加返啱個餸。 雖然唔係太好睇，但都叫補返啱，咁就算啦... 未去到好差，但真係唔太愉快。 嚟錯嘢搞到好似我食嘢食錯係罪人咁。要喺出面食米線，除咗三哥同少數ok嘅小店之外，真係好多都伏... 有陰影...豬扒屬兩餸飯級數，牛腩唔合格，溏心蛋正常，湯底正常，凍飲正常，地方清潔，店員有啲ok, 有啲唔識撈。 不過米線咁林，估計外賣應該更林。

🍲酸辣豬排撈米線 豬排🍖炸到金黃無筋 肥瘦剛好未撈匀前見米線白雪雪 擔心好淡口米線室温 質地控制得好好無過腍過硬醬汁唔算好辣 花椒油好香 配料有🥜花生, 菜脯, 葱跟餐重配餐飲 $45好抵!!