7
3
2
開飯介紹
主打重慶酸辣粉、四川擔擔麵及麻辣口水雞的川菜餐廳，配搭自家製辣醬會更加滋味。食物定價親民，是嗜辣朋友的好選擇。
繼續閱讀
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
相關文章
突然間想食口水雞，聽聞川亭好抵食，而咁啱行開天后個頭，就一於去試下。川亭舖面細細，大約都係得五六張檯，但好彩唔洗等就有位，我叫左個川亭招牌套餐，可以揀一個餸再揀個麵，仲送埋飲品，唔洗諗，我就叫咗口水雞同擔擔麵再加罐可樂，埋單都係66蚊，至於味道方面，口水雞唔會太辣，啱哂我依啲唔食得太辣既人，而雞肉嫩滑，非常好味，而擔擔麵麵質彈牙，擔擔麵湯底香濃唔太辣，總括而言，依個餐係一個性價比高既選擇，值得推薦。
繼續閱讀
店舖位置唔算難搵，個川辣汁相當夠味唔太食得辣嘅叫微辣就夠今日試咗：四川擔擔麵+口水雞（微辣）+麻辣青瓜個雞真係好滑，擔擔麵都夠足料，青瓜我喜歡佢夠細粒一口一粒剛剛好。四川口水雞+重慶酸辣粉（中辣）+涼拌木耳個酸辣粉係薯粉，煙煙靭靭唔錯，最怕就係煮到太耐淋曬，配料都好足，中辣真係食到滴哂汗，木耳一般般可能醃嘅時間唔夠木耳完全無味。紅燒牛肉腩麵呢個小朋友食，清湯底就算，牛腩都算淋，但個湯底就真係好清牛𦟌涼麵（中辣）牛𦟌都ok嘅唔韌不過唔係好夠味，記得食之前一定要加醋，加咗醋中和咗啲辣味，所以唔算太辣
繼續閱讀
又係酸辣粉關注組力捧之一，呢度勝在係有位坐同埋有下午茶餐食，間唔中口痕都可以嚟食吓。如果去開staycation仲可以揀openrice外賣自取，會比起餐牌上價錢平啲～重慶酸辣粉 小辣 配紙包飲品($38)下午茶諗住食少少嘢墊肚，當然揀重慶酸辣粉。薯粉用粗薯粉，係我至愛，湯底夠酸夠辣，而配料都俾得大方，食到底都仲會有。如果平時食lunch或者dinner會配埋佢地個香油鹽水雞，雞加粉仲有嘢飲，抵食而且份量夠，嚟親天后都會掛住呢個味道
繼續閱讀
呢一間川亭口水雞專門店已經係第二次食，喺維園個泳池附近，游完水就過嚟食。款式都算多嘅，但係暫時食過兩次都係口水雞。今次叫咗個川亭招牌套餐，係口水雞配擔擔面再加支豆漿。以擔擔面嚟講，唔夠好濃郁，但係味道都唔錯嘅。再嚟佢個口水雞你都唔差幾嫩口，仲有唔同嘅辣度選擇，都係幾正。計返$66來講，又有豆漿其實都幾抵食。
繼續閱讀
天后地區開咗好多四川菜，眼見呢間都有佢嘅fan喺門口等位，即管試一試😌 我用OpenRice外賣自取，落單等一陣就有得拎🙌🏻🍜 香油鹽水雞涼麵（$52）+ 沙薑雞腳（$13）涼麵可以選擇上海幼麵/ 米線/ 紅薯粉，我認為米線撈出嚟最好食✌🏻撈麵配料有少少肉碎、花生、蔥粒、辣油、 青瓜，可揀走辣、或者由細至大嘅辣度，平時食開三哥小辣嘅我，都係揀小辣，味道啱啱好👍🏻 鹽水雞整得好滑，雞皮唔會太厚；雞腳都好淋，沙薑杰杰哋，每一啖雞腳都食到沙薑味🤟🏻 整體來講味道唔錯，不過有啲鹹，食完要飲多啲水🚰
繼續閱讀