15
0
0
以上資料只供參考, 請與餐廳確認詳情
堪稱為香港其中一片遠離鬧市的樂土的大澳，雖然有不少食客津津樂道的小食，好像沙翁、茶果、大墨魚、烤魷魚等等，但可供客人坐下吃午餐，又充滿水鄉風情的食店卻並不多，「橫水渡小廚」可算是其中之一，但原來這間名字充滿詩意，與大嶼山完全呼應的「嶼山漁水」比「橫水渡小廚」更有水鄉風味。這一天，一心去二澳尋幽探秘，順道在大澳遊逛的我，就在這間在棚屋中營業，佔地三層的特色小店中吃了一頓滿有水鄉風情的午餐。店不易找，來到的時候，起初我還以為它已無聲無息地結業，甚感可惜，原來它的門口竟在大街之後，要不是我死心不息，契而不捨地尋覓一番，真會誤會了它。這小店的地下其實並不是客人用餐的地方，而是廚房的所在，在樓上兩層用膳的客人點選的菜式，都是由店舖中人由地下端上去給客人享用的。這裡的一、二樓都有半露天的地方，可讓客人一邊用餐，一邊居高臨下俯瞰眼前的大澳棚屋風光，而當然，二樓比一樓更加開揚，視野也更加廣闊，不過這天我來得不夠早，二樓唯一的大檯已有人佔據，幸好一樓還有一張細檯，可讓我與太太兩人坐下用餐，不會錯過了這難得的美景伴午餐的體驗。原來疫情期間，這特色風味食店生意大受影響，大不如前，所以老闆把餐牌精簡成只得兩頁的餐紙，不少往日有得吃的菜式都沒有了，令我好生失望。無奈下，唯有在僅存的有限菜式選擇中簡單地揀選兩道菜式做午餐。「紫背天葵咕嚕肉」（$128）的茨汁加入了紫背天葵汁作為成份，味道雖然仍是酸酸甜甜的，但比一般咕嚕汁來得有點不同，不過就下得不太多，使咕嚕肉顯得較為乾身。不過這菜式的咕嚕肉肉質還算不錯，外層又炸得脆，裡面的豬肉肉質軟腍，也能成功地保存肉汁，吃來都能讓人感到滿意，配料中的菠蘿用上了新鮮菠蘿而非罐頭貨，加上紅椒和紫洋蔥，雖然沒有青椒增色，顏色差了一點，不夠豐富悅目，仍能刺激我的食欲。「大澳三寶炒烏冬」（$128）比咕嚕肉好，所謂「三寶」，其實是指蝦膏、蝦乾和吊桶。眾所周知，大澳其中一樣最出名的手信名物，正是蝦膏，加上水鄉盛產海味，生曬後的蝦乾和吊桶，自然也是最地道的出品，這麼說來，還不是三寶。這道特色菜式，份量雖然不算很多，但每口都是濃郁的滋味，蝦膏的鹹鮮味配以滑溜的烏冬，其為匹配。而除了惹味的蝦乾和吊桶外，這碟炒烏冬還有不少的翠玉瓜片和少許的肉片與香芹做配菜，材料都算豐富。這炒烏冬雖然收費略貴，但可以在這充滿漁鄉風味的小店中一邊欣賞水鄉風光，一邊享用都幾美味的食物，雖然服務只是一般，就連餐具杯碗，而需自己拿取，我還是挺滿意的。
繼續閱讀
去過大澳嘅朋友就知道排隊返等巴士返東涌條龍有幾長🦖，所以今次醒目，食埋晚餐先回程。除咗海鮮酒家，大澳晚市無咩餐廳選擇，我哋去咗朋友推薦嘅「嶼山漁水」⛰，開咗2年左右，主打在地漁村菜式同鄉村風情，每碟菜都大大份。3層高嘅餐廳位置比較隱蔽🛖，巴士站落車行入去，唔過橋，沿永安街一直行，見到餐廳招牌，沿兩屋之間掛滿燈飾嘅小巷行入去就到。隔離檯都有四個外國人👫🏼👫🏼，用Google Review搵到呢間餐廳，仲同佢哋傾計添————————————————👅紫貝天葵咕嚕肉（$128）👍🏻味道都係酸酸甜甜，但唔係普通咕嚕肉味，多咗紫貝天葵微苦嘅焦糖味，醬汁偏紫色💜。肉塊大大塊，除咗彩椒同洋蔥，仲有紅肉火龍果一齊炒。👅椒鹽花枝片（$138）👍🏻 花枝片每片都好大片🦑，一碟份量應該有兩隻，炸皮有啲似巴辣雞粒個款，加上椒鹽好涮嘴，幾鍾意酸泡菜解膩。👅荷葉四寶飯（$168）👍🏻白飯魚、蝦乾、魷魚仔乾同鹹肉蒸荷葉飯🦐，要撈勻蝦醬汁一齊食。因為白飯無調味過，所以主要食海鮮嘅鹹鮮味————————————————🚩總結：品嘗大澳風情🐡———————————————— 🌟注意：自助式茶水，茶錢$15/位，飲水可以唔收茶錢，不設加一————————————————📍 嶼山漁水地址：大澳大澳太平街140號後座🗺地區：#bem離島📥分類：#bem港式💰人均消費：#bem_201至400蚊
繼續閱讀
好彩呀！今日入大澳，嶼山漁水有開呀！上咗11:30am 船，入到大澳就啱啱可以食lunch 喇！多謝大家的uploads & share, 可以搵到呢間隱世好味餐廳。我哋嗌咗椒鹽魷魚🦑，啲魷魚真係好新鮮、又彈啦，經過丹爺巧手製作，真係啱啱好脆皮而裏面仲係好彈牙！另外嗌咗咕嚕肉🥘，嗰個汁同出邊酒樓嗌嘅咕嚕肉好唔同。個豬肉仲要好林，唔知係邊個部份，總言呢一味餸都係一個推介。仲嗌咗個魚肚蘿蔔，呢個餸就比較清淡一啲，不過嗰個魚肚真係發得好林好入味！如果早到就上最高嗰層，咁嗰度有個望到條河嘅靚位，得兩張枱㗎咋！望住靚景食個lunch或者晚飯應該好開心。
繼續閱讀
頭抽豉油王海蝦海蝦肉好爽彈，蝦頭新鮮鮮甜，蝦殼鹹度剛好，亦都好香脆，好味😋砵仔荷葉四寶飯以蝦膏、白飯魚、蝦干、吊桶干、蜆肉、鮮腩肉整嘅荷葉飯，滿滿漁鄉風味，飯粒粒粒分明，每啖都有鹹香氣同荷葉香，好好食，大推😍鮮魚仔湯浸時蔬時蔬有雲耳、娃娃菜、芹菜等；娃娃菜吸收咗好多湯汁，好甜；魚湯好鮮味，唔似有味精，食食下連湯都差唔多飲哂😌〰️〰️〰️〰️〰大澳之旅已經係幾個月前去，依家先寫返食評😅 二人餐包咗以上嘢食同2杯梳打，價錢唔係好記得，但有印象食物質素係對得住個價錢，絕對唔係遊客區嘅水魚店，係一間用心嘅小店，下次去大澳都一定會再幫襯💕餐廳共3層，2樓同3樓可以睇到大澳嘅漁香風貌，亦有露台位，不過晏晝天氣有啲曬，都係坐返有瓦遮頭嘅地方會冇咁熱，一樣睇到靚景😉〰️〰️〰️〰️〰️食物: 4/5性價比: -/5 環境: 4/5服務: 4/5Revisit: Yes
繼續閱讀
好耐無行大澳,行行下見到呢間咁神秘食店,又行入去試下,好彩無中伏。朝早經過聽到賣魚佬sell青口比廚師,就係咁,黃昏時候就行去食,叫咗個炸薯條同口水鷄送啤酒,再叫埋油鹽水青口同蝦.都好好味,室外環境寧靜,可惜有啲蚊同熱,等天氣涼啲先再去。
繼續閱讀