峰壽司 (已結業)

平時lunch時間總係要排隊等3/4張台先有位所以呢間係冇得訂如果lunch黎食建議早少少過黎食!排隊都要等約15分鐘!今日慶幸唔洗排隊兩個人直入舖有位呢間都食過好幾次價錢合理抵食平均一個人計埋一個餐加一大約$75有壽司有烏冬有沙律好飽肚！台上每台會有部pad點選落單另外亦有餐牌容易share睇落單後5分鐘內呈上套餐自助茶壺 鼓油 wasabi午市套餐叫左限量供應嘅蒜香三文魚飯 $68配有迷你烏冬+沙律三文魚分量極之豐富配料有醃製過既乾蒜好重蒜香味放少少豉油已夠味如果唔係想太濃味太咸味道ok!抵食!沙律一般麻醬較少烏冬係濃濃昆布湯底煙韌可口ok!推介!值得一試!

同同事們食個新年飯, 大家決定到峰壽司餐牌上有午餐set及聖誕special, 但聖誕special在這沒有; 有部份餐牌食物在這分店都沒有(比較失望, 還好不是為新菜式而來, 否則會敗興而回)由於午餐不太合心水(因為大量三文魚), 所以叫了幾個單點, 包括一客嚴選貝盛(4粒), 金目鯛壽司, 火炙葱粒吞拿魚壽司及鵝肝厚切三文魚壽司, 另外同同事share兩客炸物.... (不知何解相片自動被「瞓橫」了...) 食物水準是一貫峰壽司水準, 驚喜欠奉但起碼不會有驚嚇...炸物就不多講, 不是太突出...壽司海鮮ok, 但飯比較削, 不夠黏度, 所以差不多所有壽司都散開...呢一點有人可能不介意, 但我就不喜歡另外, 他們六人座位坐的比較擠擁, 所以要非常小心避免讓由食物輸送帶「飛」過來的食物打到頭...

見到網上對佢有唔同嘅好評讚賞， 搞到我都有啲心動打開荷包 ，發現有現金300蚊 ，啱啱好夠錢去食， 帶子鮮甜 ，肥美唔會攝牙罅， 至於拖羅壽司， 雖然紅潤但係食落去就比較淡，都幾血腥

銅鑼灣的峰壽司去得多，香港仔亦開了峰壽司，而且還有消房車送遞服務。雖然開了一段時間，但我都只是光顧兩次，第一次6:xx去到已經要等，唯有派我先生等，自己同囡囡行下，足足等左成45分鐘，於是第二次未六點就去左拎位。不好的地方係無得好似元氣甘online 取票，所以令我卻步。每枱有部tablet自己落order, 落完就等消房車送到，囡囡係甘玩部tablet落order😓今次去食，menu 多左d新推介的食品，點左個新品，亦例牌點了我最愛的帶子丶甜蝦、三文魚刺身壽司，囡囡就食烏冬丶手卷、鰻魚壽司。menu 上新推介的新品，其實無咩特別，只是多了些金簿在上，望落幾高級刺身，樣樣都好新鮮，鮮甜壽司的飯，份量較少，所以望落上面的刺身較大，假象😝水是用䁔水壺盛著，不過唔夠熱，似放左一段時間，最後叫侍應換壼新的。

峰壽司在港有多間分店，香港仔中心的分店相信是較新的一間。店內採用了簡潔的和式裝潢，最大的特色在於其「特急送餐餐車」！ 未訪之前，筆者並不知道餐廳有這個特別設施，直至餐車在身邊擦身而過，驚喜更大！本來半夢半醒的魚仔，也被眼前景象大大提振精神，自此滿心歡喜等待餐車來臨。 峰壽司與其他連鎖壽司店比較，食品水準佔據了中上游位置，其中焦香誘人的火炙帶子壽司、肥美濃味的火炙鰻魚壽司、甘香軟滑的油甘魚壽司、黏爽味佳的特大墨魚壽司，以及脆甜可口的海膽軍艦勻是值得推介的作品。 習慣「吃不過三口」的魚仔，竟然能獨自埋首吃畢整個炸蝦手卷，相信味道也甚為香口吸引。 櫻鯛魚壽司屬季節限定作品，奈何刺身帶筋嚴重影響了享受。 整體來說，峰壽司的壽司水準比同級連鎖店佳，服務亦較貼心。筆者與魚仔同行，店員會主動安排卡位入座，送餐時也特別囑咐廚房多以「消防車特急」送餐，滿足小朋友的好奇心，讚！

睇完醫生去到香港仔，無食晏直接去到呢個商場，見到有下午茶餐幾豐富，入去無乜客人，自己坐一個大卡位，揀好叫店員落單，原來可以在桌面嘅平板電腦落單（𤓓咗）店員落好單，食物好快到！下午茶餐F($58)大學芋：來個甜嘅蕃薯兩件，外面嘅甜脆漿幾硬，入面嘅蕃薯味道雖然甜但又頗乾，一般！壽司盛:三文魚：無腩咁肥！正常三文魚腩：肥美嫩滑甜蝦：新鮮無腥味，味道微甜！墨魚：爽口正常油甘魚：魚肉味太濃，味道較腥！一般飛魚子軍艦：蟹籽卜卜脆，紫菜脆！好味！八爪魚芥辣：八爪魚碎彈牙，不過無芥辣味！加州卷：蟹籽卜卜脆，餡料多，味道唔錯，不過卷得太鬆湯烏冬：唔大碗，烏冬頗彈牙，兩片魚蛋正常，海帶片爽口，油豆腐絲粉，唔喜歡，敗筆在醬油湯太鹹，所有嘢都鹹！店員唔勤快但態度正常！成個下午茶餐最好都係啲壽司！其他一般！

不吃魚生媽媽竟然提議吃壽司，所以要揀選多熟食的日本餐廳。除了元氣在裝修，香港仔的日本餐廳也有幾間，福緣、鮨政、爭鮮、板長，而我今次選了峰壽司。第一次帶媽媽來，當然讓她要看一看餐牌，她說有炸物就可以！喜歡到峰壽司，因為環境舒適寬敞，而且在7點前入席，就算只有2人，也很大機會可以坐4人卡位，可以有火車運壽司到眼前。有茶壺，隨時可加茶，方便。今次ORDER的大部份都是熟食火炙沙律三點盛$28，火炙是我的最愛，香口。炸蝦手卷$24，紫菜脆身，蝦還熱，這是媽媽今晚最愛的。MINI蝦天婦羅烏冬$42，蝦天婦羅放在湯上，到來已浸淋了，建議可分碟上，另外，MINI烏冬實在太MINI，不太抵。長腳蟹碎$16及八爪魚芥辣$18，長腳蟹碎配以青瓜，清新；八爪魚芥辣非常攻鼻，每次必點。辛辣龍之卷$68，炸蝦卷，有熱浪碎碎灑在飯面，加上醬汁，非常惹味可口。南蛮炸三文魚$38，炸得不錯，三文魚全熟但不乾，還有魚油。初嚐美味，但放久了，炸粉涼了後淋了就不好吃，建議要趁熱食。整體來說，水準依舊高，服務亦很好，重要的是媽媽滿意就好！😎

今次捉蟲，食完先發覺自己忘記影相，但今次好想出食評，於是唯有影下個ipad餐牌星期五晚上阿女想食壽司，咁元X又正在裝修，於是便去峰壽司，要等十張枱，冇其他選擇唯有照等，大約7，8個字終於到我地了，我地點左個迷你烏冬，天婦羅蝦壽司，軟殼蟹手卷，魚背壽司，蟹腳壽司。。。。價錢好像比元X略貴小小，可能期望又會高小小，但食完會明白元X點解成日咁多人（呢度我唔知平時多唔多人)，所有食物既味道元X比呢度都好好多，選擇又多好多。天婦羅蝦蝦係冇味，壽司飯又比較細舊，我第一次食手卷係夾硬＂啃＂落去，其他的普普通通，冷氣又超凍，有點趕客。短期內應該唔想去多次

由白沙道分店開始一直都好喜歡食峰知道香港仔開了分店真的好高興今晚正是爸爸生日特登帶了他去慶祝因為媽咪食壽司一向鍾意坐迴轉的位所以一進店內就問職員有無迴轉位店員用好愕然的眼光跟我說佢地無迴轉位我就不禁話因為去開尖沙咀店係有跟住有成2~3位職員再眼望望又話佢地間間分店都係無迴轉位其中一個仲要問我係咪記錯係元氣!?其實如果唔係怕破壞慶祝生日的氣氛我會同店員繼續理論的因為佢地都相當無禮貌算了。到我嗌野食，我地有1人唔食沙律醬同個店員講想分醬上個男店員竟然話唔明咩叫分醬最後要另一女店員埋檯再講再入去問廚房先可以落單真係嗌碟壽司有要求都咁困難嗎？坦白說，我每一間分店都去過竟然係呢間新開既分店服務最差仲要開係香港仔咁靜既地區，仲要今日係星期一客人只得幾檯，店員相當清閒因為一開始佢地已經幾個人行埋黎回應我迴轉檯的問題就算之後我再幫襯我都只會寧願簡去較遠的分店就算呢間幾近都好，都不會再有下次了如果我用呢個價錢，相對地真係會對服務有要求而不是相反地去受氣食一餐唔開心既飯如果職員係唔知其他分店的設計請自己做好功課，睇下自己公司既網有咩背景睇下其他分店既openrice而唔係咩都唔知就串左個客先!!!

特別為火車送壽司以黎；之前知元氣荃灣第一間元氣開始用，但遠同排長龍，朋友話其實峰壽司一早用，香港仔又新開我地唔洗過海，所以黎呢度～火車送壽司真係幾有趣，為食嘅過程增添不少歡迎（就算我唔係小朋友），但要有咁嘅設計，相對會減少咗座位數且～另外tablet直接落order呢個服務幾好；但我研究過就算有火車上壽司，tablet直接落order，侍應嘅人數都無話特別減少～三文魚刺身：切得算原，顏色同紋ok靚，但就無乜味～蟹子軍艦：d蟹子點解係紅色？！？！？！ 好奇怪～厚蛋：ok～牛肉烏冬：叫咗兩碗，牛肉得兩至三細塊，烏冬好滑～麵豉湯：ok～除咗個火車送壽司係賣點之外，個甜品蕨餅好少壽司店會有呢甜品～

等了又等，終於等到峰壽司售賣午市套餐，謝謝！大約60多到70多元的午市套餐有多種選擇，以魚生飯或壽司主打，亦有鰻魚飯供愛吃熟食人士。是次用自助點餐屏點的魚生飯，魚生很多，三文魚、吞拿魚、帶子和魷魚等每款兩件，須不稱上極度新鮮，但各款都算鮮甜，尤其是帶子最為甜美。鹽燒三文魚頭亦做得很好，厨師已將多餘脂肪切走，燒得香口，鹽份又剛好，沒有腥味，連付上的檸檬都用不上。

呢個商場新開，多了好多食店，今晚去呢間食肥髀最愛嘅壽司，雖然已經晚上8點，都仍然要等20分鐘先有位，門口派位姐姐非常有耐性加笑容，等待期間仲比咗壽司造型糖果比肥髀，兩個有說有笑，肥髀肥店內有上菜列車，同姐姐要求一定要坐列車上菜位（因為只有部分位有！）姐姐好好都安排到！店內和式設計，淺木傢私，光猛乾淨！卡位先有列車上菜，枱面用具齊晒（不過茶包太淡，我要加一個先覺得有味！）包括點菜嘅板腦，點完就等列車送食物！肥髀玩得好開心！三文魚--新鮮好味！北寄貝--唔知點解會細件啲，不過新鮮好味！芥辣八爪魚--一啲都唔辣，八爪魚淋身彈牙！一般！親子卷--三文魚子卜卜脆，三文魚肥美！蟹柳手卷--紫菜脆，蟹柳多，味道唔假！貝三點盛--赤貝厚肉，不過有微腥！帆立貝厚肉新鮮，螺肉爽口！北海道盛--海膽好多，顆粒分明，新鮮，蔥粒吞拿魚蓉，好滑肥美！三文魚子卜卜脆！夏鰤魚--厚切魚肉，以為紅色一定會重味帶腥，結果唔會，味濃但唔腥！正！間八--好大片，新鮮好味！半熟子持帆立貝--餐牌話半熟會好滑，雖然係滑，但連裙邊就有腥味！枝豆--灑滿海鹽，帶出枝豆味道又唔會過鹹！三文魚子軍艦--魚子卜卜脆好新鮮，紫菜脆口！好味！