影片
港鐵銅鑼灣站 A 出口, 步行約8分鐘
繼續閱讀
營業時間
星期一至二
12:00 - 14:30
17:30 - 23:00
星期三至日
12:00 - 14:30
17:30 - 00:00
公眾假期
12:00 - 14:30
17:30 - 00:00
公眾假期前夕
12:00 - 14:30
17:30 - 00:00
以上資料只供參考, 請與餐廳確認詳情
相關文章
一直都知道呢間串燒小店略有名氣，因為佢哋主打用新鮮雞嚟做串燒，好多稀有部位都有得食。最近做緊全日串燒半價優惠，今晚嚟到仲見到門口海報牌寫啤酒買一送一！抵喎！不過可能我太晚來，不少特別串燒同烏冬都售罄，所以建議大家還是食早點以及訂位先。（下列所示為原價參考）<雞串>大蔥日本雞腿肉串 $48—雞肉配埋燒香咗嘅大蔥同食，好香口鹽燒日本雞頸串 $42—雞頸肉肉質緊實有彈性，口感鮮嫩鹽燒雞橫隔膜串 $42—真係好罕有的部位，越嚼越香鹽燒鮮雞腎串 $38—咸咸地好惹味，雞腎不硬仲好嫩鹽燒雞軟骨串 $32—口感爽脆，送酒一流鹽燒雞皮串 $28—雞皮燒得好食，好脆身但又唔太乾<豚、牛>豚肉芫茜卷 $38—好鍾意呢種卷，豚肉肉汁加上芫茜味道好匹配北海道黑豚五花串 $48—肥瘦適中，咬落油香十足豚肉車厘茄卷 $38—車厘茄酸酸甜甜令豚肉入口變得更清新招牌鹽燒牛舌心 $58—牛舌切得幾厚，軟嫩中又有點Q彈鹽燒美國牛肋條 $56—牛肋條肉質扎實，牛味濃郁<海鮮>燒日本多春魚 $68—好香脆，魚卵好多很飽滿鹽燒活白鱔 $78—至愛食物之一，白鱔肉質爽彈帶少少軟骨燒北海道扇貝 $68—扇貝燒完味道仲好鮮甜燒兵庫生蠔 $68—新鮮生蠔個頭幾大隻，燒至微暖，入口唔腥鹽燒鮮海鍜 $48—蝦肉彈牙，簡單調味就非常香口惹味<炸物、小食>雞皮餃子 $48—極力推介，雞皮炸得好脆，入口爆晒肉汁酥炸墨魚咀 $58—鹹鹹香香食完一粒又一粒酥炸小池魚 $68—份量好多，有成10條，抵食唐揚炸蠔 $36—外層金黃色好酥脆，粉漿好薄唔厚燒芝士年糕 $26—年糕內有香濃芝士，食落芝味無窮
繼續閱讀
之前見 @yakimori_hk 介紹有新鮮雞串燒🐔用新鮮雞做串燒已經難得，仲連稀有部位都有得食😍今日咁啱喺灣仔收工，即刻book枱去食😋宜家仲要有半價優惠🤑可以盡情叫餐飽🥳🥳串燒種類都幾多，特別係雞🐥真係好多聽都未聽過嘅款式😆好似雞掌心、大動脈同橫隔膜😮全部都好值得一試🤗特別係掌心，平時食雞腿最鍾意食呢粒肉，今次係成串都係🤩口感爽彈，好過癮😆另外仲有唔少高質串質，雞腿串多肉嫩滑，雞皮又香又脆👍🏻仲有牛舌心，又厚又大塊，爽口又juicy🤤忍唔住要再encore🤣餐廳仲好貼心用小蠟燭暖住啲串燒，一次過叫多啲都唔怕凍哂😛最後食返碗暖笠笠嘅雞白湯烏冬🍜自家熬製並冇加過多調味料，所以濃稠但唔會好咸，反而係清甜嘅雞湯😌烏冬彈牙配搭野菜野菌🍄🟫食完一輪串燒再食湯品真係好舒服😙鹽燒日本雞腿肉串 ($48)大蔥日本雞腿肉串 ($48)招牌月見免治雞肉串 ($46)鹽燒雞掌心串 ($34)汁燒鮮雞大動脈串 ($42)鹽燒雞橫隔膜串 ($42)燒鮮雞心串 ($36)汁燒鮮雞肝串 ($36)鹽燒雞皮串 ($28)鹽燒雞軟骨串 ($32)鹽燒日本雞翼串 ($42)北海道黑豚五花串 ($48)豚肉車厘茄卷 ($38)招牌鹽燒牛舌心 ($58)鹽燒美國牛肋條 ($56)燒牛肉金菇卷 ($48)鹽燒活白鱔 ($78)明太子翠玉瓜 ($30)燒杏鮑菇 ($28)燒菠蘿 ($30)蕃茄沙律配酸汁啫哩 ($38)雞皮餃子 ($48)雞白湯烏冬 ($88)信洲蘋果梳打 ($38)完熟水蜜桃梳打 ($38)
繼續閱讀
其實呢間我都食咗好多次，但今次係最差嘅一次體驗，啲口味完全唔同晒，同埋食食吓會見到隔離有啲枱食緊嗰啲所謂嘅Omakase，認真佢嗰啲咁嘅食材我真係不敢恭維，啲店員又好鍾意喺我哋傾緊偈嗰陣時過嚟搭嗲，其實我只係想靜靜地食一餐飯，唔會再有下次
繼續閱讀
本來都唔想寫呢篇食評，但真心愈諗愈伏本來mark咗想坐大阪背景位置，店員服務態度都好好，提早打電話同我講因為座位上嘅安排所以編排唔到，幫我盡量坐到最近嘅位置👍🏻一入去都好nice，仲叫我哋喺大阪背景位置影相留念先👍🏻但係一入嚟坐低，店員幫我小朋友放低個袋嘅時候就跌爛咗啲嘢飲倒到成個袋都係，一句對唔住，唔好意思都冇，仲話我小朋友開支嘢飲有問題。唔緊要，我覺得係小問題。到我哋落單，店員都好踴躍去sale今日有咩特別嘢食，落完單，我哋傾偈途中，店員又會插嘴入嚟傾，我感覺太刻意，好似好friend咁。感覺已經有啲奇怪。鹽燒牛舌串叫咗兩串，店員拎過嚟話有兩款牛舌俾我哋試吓，我呆咗望住2款牛舌，佢尷尷尬尬話係呀有兩款唔同嘅俾你試吓，我感覺已經知賴嘢，價錢一樣，但係有兩款，好肯定一款係靚一款唔靚啦。唔緊要，我照食，一款大塊一食落去一款靭既，一款細塊食落去彈牙冇渣嘅。到招牌月見免治雞肉串，開頭冇生雞蛋，我問店員佢都話冇，第二店員就衝出嚟話因為想轉芝士免治雞肉，比客人適應吓冇隻雞蛋，但客人問先會比，唔明咩叫做招牌，我仲好有禮貌咁多謝佢俾隻生雞蛋我🙄然後我想叫檸檬食墨魚咀，佢俾咗桔仔我，我望住佢，佢話呢款仲正，我話呢款係桔仔，佢話咦你食過啊。我個仔都話可能阿媽生得後生當我妹妹仔當我咩都未食過，成餐當我水魚。到最後嘅五花豚肉，一串有三件厚既，口感好實，脂肪多過肉，頭兩件都照食，但最尾一件食落去半生熟，粉紅色咬唔開，個店員拎入去同師傅講，師傅話唔係生，最尾一件因為燒嘅時候近爐頭邊位，所以係毆熟咗，我聽到心諗你講咩呀？我淨係聽過慢煮，廚師冇聽過毆熟囉，仲話燒過一串俾我，我話唔要啦，我有事做，就先要埋單，咁就$480。另外有個爐幫你熱住，其實放低落嚟影咗2張相就已經食，越食啲串燒就越凍，我同店員講個爐唔熱嘅，放隻手指落去都冇感覺，佢話哦唔熱呀，我話係冇熱過。。。想食串燒都唔敢再叫見到咁多好評社交平台咁多人拍片影相，就係咁樣吸引咗，見白色情人節去食吓串燒，點知會有咁嘅體驗。祝大家好運
繼續閱讀
最近有位朋友介紹我去食串燒😋唔單止用新鮮雞做串燒，甚至是一些稀有部位，仲有全日串燒半價優惠，可以盡情叫串燒了😋！酥炸墨魚咀$58外皮酥脆，墨魚肉質鮮嫩同埋好爽，配上醬汁，好快食晒秘製Juicy香脆雞翼@$20經過秘製的雞翼超級Juicy😋個皮香脆，出面食唔到呢度嘅雞串燒全部用新鮮材料😍鹽燒日本雞翼串、鹽燒雞頸串和稀有部位都有得食🥰鹽燒雞橫膈膜串是必點的，出邊唔係間間有😋鹽燒雞腎串和燒雞皮串唔會好硬，而且燒得香脆，配啤酒一流還有招牌月見免治雞肉串，雞肉的鮮美和雞蛋好match鹽燒牛舌心和鹽燒白鱔的也非常出色，肉質鮮嫩，口感極佳。除了肉類，這裡的蔬菜串燒也不容錯過，像是燒香菇、燒大蔥和燒茄子串，都被烤得香氣四溢燒明太子翠玉瓜和燒菠蘿encore左幾串🤤這家餐廳的串燒不僅新鮮美味，還能讓人品嚐到各式各樣的稀有部位，值得一試。
繼續閱讀