岱民紅磡店 (已結業)

岱民紅磡店～小菜嘅款式並唔算太多，只係得大概十幾款，一般嘅炒菜、煎炸嘅菜式都有，辣子雞、煎/蒸肉餅、蕃茄炒蛋、魚香茄子、麻婆豆腐、咕嚕肉椒鹽豬扒同各類嘅炒菜都有。…查看更多

餐餐食外賣黎講，最經濟實惠都係食兩餸飯，價錢平之餘選擇又多。紅磡黃埔區之前無乜兩餸飯店，呢間係上年中開張，舖位大，人手多，但無堂食位置，只做外賣，午市時間例牌見到大排長龍。午市去到見到白飯底已經一棟棟放好，逐格客叫餸，店員裝好，由另一個店員收錢，流程順暢，感覺亦衛生啲。不過有選擇困難症既朋友就大鑊啲，因為差唔多排到先望到有咩餸揀，所以無咩時間比你諗。食過咁多次，我覺得有時要睇邊個人裝餸，唔計可量化既餸，阿姐好似豪爽啲，一打開根本見唔到飯；至於阿叔就好似孤寒啲囉。而食物味道我覺得無話特別出色，仲偶有伏食，例如梅菜扣肉，不過平均而言都算唔錯。.兩餸飯 $25，三餸飯 $30，淨餸 $35…查看更多

岱民紅磡店疫情期間暫時搬咗去紅磡附近住，又懶煮飯，咁就唯有買外賣啦。唔想煮又要慳錢，咁梗係揾平野食啦，而平，一諗就諗起幾餸飯！行行下見到岱民紅磡店，25蚊兩餸飯，真係好surprise! 岱民既選擇都算多，普通既蒸水蛋，蒸/煎肉餅，蕃茄蛋等等都有，仲有其他特別野例如辣子雞同埋咕嚕肉！如果驚唔夠食，仲可以叫佢多飯，只要事前講聲就得，唔洗加錢，啱晒大食朋友。今次叫咗煎肉餅，肉碎四季豆，魚香茄子同埋蘿蔔炆牛腩。煎肉餅肉味幾香，肉餅表皮煎得幾脆，但略嫌肉質淋得濟，實啲會比較好。四季豆調味嫌咸，肉碎份量唔多，而且有少少overcook咗，豆有啲過淋咗。魚香茄子好多汁好好送飯，茄子煮得入晒味幾唔錯。蘿蔔牛腩份量好多，蘿蔔有少少渣，但都食到甜味，而牛腩炆得好淋！ 飯就正常，粒粒分明，唔會太多水變至爛飯咁，不過冇乜飯香，但25蚊，絕對係物超所值。…查看更多

晚上5：3O到達，鋪內餸枱上預先巳放置2O盒巳裝好之白飯，只放上餸便可㩗走，買完立即打開，白飯巳凍，餸份量少，豬肚完全無味，調味料味都無，似白灼。生炒骨肉質乾晒，無汁。兩款餸都是凍。舖頭名就大，出名認真差，不會再去！！😡😡😡😡😡😡😡…查看更多

雖然$25有2餸飯係唔算好貴，但今日試咖哩薯仔炆雞，味道係可以既，但竟然一舊雞都冇，全部都係薯仔！真係o哂咀！！！有d離譜，希望店家能改善下！如果咁唔想比雞人，就唔可賣呢樣餸！…查看更多

紅磡平價雙餸飯岱民 如果有留意開兩餸飯 應該都聽過呢間 近期開咗大量新店 主打$25兩餸飯 $35淨餸 定價絕對平民 記錄一下.呢日20:00夜晚去到 冇咩人剩低餸菜都唔多 大概有10款叫左個兩餸飯都只係$25 不過冇跟飲品.👎🏻咕嚕肉 肉球 洋蔥 菠蘿都大舊過佳記 但食到明顯一層粉 肉質唔套得 我唔鐘意 咕嚕汁 甜度啱啱好 個汁我幾鍾意👍🏻排骨 南乳醬油feel 入味 肉質唔癡牙 🤔小雪味.見到人哋如果點炸雞翼 有4大隻 相當抵食.$25真係好平 望落大盒 而且有裝滿如果同佳記比較餸菜份量冇咁多價格平過佳記好多 男仔食都好飽（份量：佳記$36 會over 岱民$25岩岩好）今日水準一般偏低 即使想慳錢都未必堅持到日日食.#hkfunfoodrecord窮遊香港#hkfunfoodrecord_紅磡.#岱民紅磡店 (紅磡)地址：紅磡湖光街7號地舖.⭐️評分：味道：2.3/5環境：-/5 冇堂食服務：-/5抵食：4/5.…查看更多

岱民紅磡店，應該開咗張冇幾耐嘅時間，而且岱民嘅分店已經越開越多，分店遍布港九及新界，遠到去港島南區、西貢或柴灣，都一樣有佢嘅分店存在，真係犀利！岱民賣兩餸飯賣到街知巷聞，兩餸飯價錢一直維持$25蚊，認真難得。岱民除咗主打兩餸飯之外，其實仲有其他唔同種類嘅食品供應，包括台式食品、車仔麵及煎餃子等，款式多元化，而且價錢實惠，乾淨又衛生，基本上係好受任何人士歡迎嘅食店食物方面～其實都唔使再多講㗎喇，都係比較大路嘅食材，例如～椒鹽豬扒、魚香茄子、咕嚕肉、蒸肉餅、清炒時菜、辣子雞等，各款小菜都非常好食，飯量又多，真心抵！…查看更多