影片
營業時間
今日營業
11:30 - 23:00
星期一至日
11:30 - 23:00
以上資料只供參考, 請與餐廳確認詳情
有關獎賞計劃
請唔到假去台灣，咁就去山見台式火鍋食返餐😅治療下掛住台灣嘅滋味。 餐廳佈置得好有特色，宜家主題係‘’澎湖‘’ 揀咗極品套餐$328放題式任飲任食，有92款可以食100分鐘。 揀個古早藥膳牛骨湯底，淨係睇到個色就感受到滿滿嘅骨膠原，陣陣藥膳香味，令人胃口大增，試試湯底好濃香呢，淥完啲食物已經夠味，真係可以吾使醮醬料😅各式各樣飲品都有👍 仲有好多台灣街頭小食😋😋😋 我仲叫埋柯仔煎鬼馬油炸鬼炸魚皮又有黑松露溫泉蛋 啲牛肉好新鮮， 我最鍾意就係牛舌芯同埋牛爽胸，都唔知叫咗幾多轉😜 又有好多不同嘅餃子，好滿足👍特別要介紹黃金蝦丸裏面系鹹蛋黃，超正同埋黑松露墨魚滑，都係我嘅喜好。 砂爆魚肚索晒啲濃濃嘅湯底，都超好味😍 無骨黑魚片，啖啖肉，既嫩且滑🤩 最後嚟返個甜品😍系台式甜品👍 我叫咗椰果，愛玉，芋圓，朋友係要先草花生芋圓，超正🤩 呢個價錢有咁多款式，真係好抵食👍👍👍
繼續閱讀
係我近期食過最有台灣風味嘅一間任食火鍋店。餐廳有5個level嘅任食餐點揀，level4以上已經可以食到和牛，時限會加長到120分鐘。餐廳環境大得黎坐得又舒服，另外如果想的話，仲有一人一火鍋嘅位置，都幾體貼自助區有驚喜，除左有唔同嘅火鍋配料同雪糕飲品之外，仲有好多台式滷水熱食同炸物，好有台灣夜市街頭嘅feel。另外醬料區都特別，有柑桔醬,腐乳醬，都真係未見過湯底叫左古早藥膳牛骨湯底+青花椒麻辣湯，兩款湯都好香，由其是麻辣湯嘅辣度同香係會愈食愈想食因為叫左lv4，可以任食海鮮同埋澳洲和牛肩胛肉眼，肉眼片雪花幾靚，肥瘦算係幾適肉味又香，食多左唔覺得膩。海鮮有蝦有蜆肉都無沙，仲要有新鮮鮑魚都幾正另外仲有台式甜品可以叫黎食，叫左個芋圓紅豆仙草。細細碗過到口癮幾好，芋圓都幾煙韌，同埋唔太甜幾好食埋完單仲要有硬幣比我地係餐廳門口位置玩夾公仔機，夾到的話會有唔同嘅獎，我就好好彩地夾到支靚靚嘅原子筆
繼續閱讀
之前去旺角見到有一間未入去先被佢嘅台灣火車頭🚂山見號及十分的車站牌、郵筒裝飾吸引住。原來是一間主打台式放題嘅火鍋店，今晚就約左舊同事來試下。餐廳裝修以米白色及木材作室內設計，牆上很多黑色熊仔佈置，溫暖得來帶點家的感覺。座位更設有卡座，增加私隱度。未打邊爐前，可以出面簡台灣夜市小食及熟食，如藤燒烤魚、咖喱角、魚條、牛肉羹、滷味、台灣香腸、鹽酥雞。仲有自助吧台，可取各款火鍋料如菇、丸、雪糕、多款有機蔬菜選擇，如水耕翡翠石斛苗、人蔘葉、白鳳草、小松草。最後甜品及多款飲品任拎。只需加$28，更可無限暢飲山見手工啤。最近火鍋店更推出了當季主題「澎湖遊」的小食及特產火鍋料。如金沙蝦球、黃金酥蝦。火鍋配料有竹笙蝦包、澎湖蝦滑。甜品有黑糖豆腐花。期間限定古草藥膳牛骨湯湯底。金沙蝦球 / 黃金酥蝦外殼炸到金黃松脆，蝦非常新鮮，超有好味炸九層塔花枝丸外皮酥脆，食落卜卜聲，花枝丸超彈牙，滿口鮮味。九層塔🌿增添花枝丸的鮮味，超懷念去台灣夜市時的時光。澎湖蝦滑滾完後，非常重蝦味，蝦滑好彈牙爽口。竹笙蝦包非常有趣的火鍋料，似日底福袋嘅口感，但載住蝦滑在豆皮內。澳洲和牛肩胛肉眼脂肪比例平均、不會過肥、有肉味。澳洲羊肩胛食落唔會好蘇。薄薄地不會食到好飽。薄切牛舌芯薄切牛舌芯半鍋料真系無得頂！牛舌片到透光咁薄，落鍋涮3秒就熟，入口脆嫩彈牙，仲帶住啲炭燒香。月見封門柳第一次見火鍋店有得叫月見封門柳，真系好開心。厚切封門柳超粉嫩，淋埋月見蛋黃汁簡直系靈魂所在。 蛋黃撈勻埋牛肉，濃郁蛋香包住牛脂香落火鍋，邪惡到極點！元貝非常新鮮、沒有沙。食完火鍋，當然要點埋該火鍋店獨有的台式甜品。有多款芋圓冰粉糖水食，非常貼心。
繼續閱讀
[ 山見台式火鍋 ]呢間台式火鍋店最近做緊「台灣環島遊 (澎湖站)」主題，由小食、火鍋湯底、配料、飲品到甜品都有好多台灣特色食物。✿ 晚市Lv4 特選澳洲和牛海鮮吃到飽套餐 (120分鐘) 成人$388、小童$298小食🍢主題小食有 金沙蝦球、 炸九層塔花枝丸、黃金酥蝦、澎湖海鮮粥。其他台式小食有鹽酥雞、蚵仔煎、麻辣鴨血、士林台灣腸、台式滷肉飯等，好似去咗台灣夜市咁😄。火鍋湯底🍲期間限定「古早藥膳牛骨湯🐮🥘」+$28以牛骨為基底，加入黨參、杞子、紅棗等中藥材熬煮而成，湯頭有清香藥材與牛骨味。火鍋配料🥩🦐肉類有 澳洲和牛肩胛肉眼、牛小排、澳洲羊肩肉、美國穀飼黑毛豬、花雕醉雞等；海鮮有 原隻鮑魚、大海蝦、白鱔片、沙白、花膠等，選擇都幾多。主題限定配料有 澎湖蝦滑、竹笙蝦包，幾有台灣特色。甜品🍨有黑糖豆腐花、芋圓仙草等台式甜品。飲品🍹冷泡茶、包裝飲品以外有期間限定 火掌梳打，味道酸酸甜甜，清爽解膩。總結🫦 今次台灣澎湖主題有好多台式食物，啱哂中意食台菜、夜市小食嘅食客👍。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿山見台式火鍋地址：旺角彌敦道625 & 639號雅蘭中心2樓201號舖電話：2311 8002✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
「山見」主打台式火鍋，100-120分鐘食到飽自助火鍋放題，按食客需要有不同級別既套餐，所提供放題既食品都有不同，除可手機點餐外，自助吧提供超過50款食品、甜品和飲品供享用。今次選擇了Lv3自助火鍋放題，而湯底揀左鴛鴦鍋，分別是椰子雞湯及古早藥膳牛骨湯。肉類分別有牛爽腩、嫩肩里肉和月見封門柳等牛肉味相當濃郁，口感鮮嫩，特別係封門柳連蛋漿創意十足。此外仲有梅花肉、豚五花、羊肩肉等，種類多樣。多款小食都可以在這邊揾到，例如蚵仔煎、金沙芋泥球及酥炸杏鮑菇，令你仿如置身台灣夜市之中。黃金炸魚皮口感香脆，表面灑滿咸蛋黃粉，味道特別惹味。桃園碎雞卷酒香四溢，雞卷啖啖肉，食落十分滿足。現正以澎湖為主題，推出一系列澎湖獨有既熟食、粥品和甜品。金沙蝦球口感外皮酥脆，內裏嫩滑，咸蛋黃濃郁香氣與蝦仁的鮮甜配搭十分和諧。澎湖海鮮粥融入瑤柱和蚵仔的海鮮粥，鮮味十足。黑糖豆腐花以豆腐花搭配濃郁黑糖，甜度剛好，不會過甜。外面仲有一個龐大的自取區，有各類新鮮蔬菜、熟食、粥粉麵飯等。其中特別推薦甜品意大利雪糕杯，口感柔軟絲滑，雲尼拿味特別濃郁。
繼續閱讀