山見台式火鍋 (雅蘭中心)

請唔到假去台灣，咁就去山見台式火鍋食返餐😅治療下掛住台灣嘅滋味。 餐廳佈置得好有特色，宜家主題係‘’澎湖‘’ 揀咗極品套餐$328放題式任飲任食，有92款可以食100分鐘。 揀個古早藥膳牛骨湯底，淨係睇到個色就感受到滿滿嘅骨膠原，陣陣藥膳香味，令人胃口大增，試試湯底好濃香呢，淥完啲食物已經夠味，真係可以吾使醮醬料😅各式各樣飲品都有👍 仲有好多台灣街頭小食😋😋😋 我仲叫埋柯仔煎鬼馬油炸鬼炸魚皮又有黑松露溫泉蛋 啲牛肉好新鮮， 我最鍾意就係牛舌芯同埋牛爽胸，都唔知叫咗幾多轉😜 又有好多不同嘅餃子，好滿足👍特別要介紹黃金蝦丸裏面系鹹蛋黃，超正同埋黑松露墨魚滑，都係我嘅喜好。 砂爆魚肚索晒啲濃濃嘅湯底，都超好味😍 無骨黑魚片，啖啖肉，既嫩且滑🤩 最後嚟返個甜品😍系台式甜品👍 我叫咗椰果，愛玉，芋圓，朋友係要先草花生芋圓，超正🤩 呢個價錢有咁多款式，真係好抵食👍👍👍…查看更多

係我近期食過最有台灣風味嘅一間任食火鍋店。餐廳有5個level嘅任食餐點揀，level4以上已經可以食到和牛，時限會加長到120分鐘。餐廳環境大得黎坐得又舒服，另外如果想的話，仲有一人一火鍋嘅位置，都幾體貼自助區有驚喜，除左有唔同嘅火鍋配料同雪糕飲品之外，仲有好多台式滷水熱食同炸物，好有台灣夜市街頭嘅feel。另外醬料區都特別，有柑桔醬,腐乳醬，都真係未見過湯底叫左古早藥膳牛骨湯底+青花椒麻辣湯，兩款湯都好香，由其是麻辣湯嘅辣度同香係會愈食愈想食因為叫左lv4，可以任食海鮮同埋澳洲和牛肩胛肉眼，肉眼片雪花幾靚，肥瘦算係幾適肉味又香，食多左唔覺得膩。海鮮有蝦有蜆肉都無沙，仲要有新鮮鮑魚都幾正另外仲有台式甜品可以叫黎食，叫左個芋圓紅豆仙草。細細碗過到口癮幾好，芋圓都幾煙韌，同埋唔太甜幾好食埋完單仲要有硬幣比我地係餐廳門口位置玩夾公仔機，夾到的話會有唔同嘅獎，我就好好彩地夾到支靚靚嘅原子筆…查看更多

之前去旺角見到有一間未入去先被佢嘅台灣火車頭🚂山見號及十分的車站牌、郵筒裝飾吸引住。原來是一間主打台式放題嘅火鍋店，今晚就約左舊同事來試下。餐廳裝修以米白色及木材作室內設計，牆上很多黑色熊仔佈置，溫暖得來帶點家的感覺。座位更設有卡座，增加私隱度。未打邊爐前，可以出面簡台灣夜市小食及熟食，如藤燒烤魚、咖喱角、魚條、牛肉羹、滷味、台灣香腸、鹽酥雞。仲有自助吧台，可取各款火鍋料如菇、丸、雪糕、多款有機蔬菜選擇，如水耕翡翠石斛苗、人蔘葉、白鳳草、小松草。最後甜品及多款飲品任拎。只需加$28，更可無限暢飲山見手工啤。最近火鍋店更推出了當季主題「澎湖遊」的小食及特產火鍋料。如金沙蝦球、黃金酥蝦。火鍋配料有竹笙蝦包、澎湖蝦滑。甜品有黑糖豆腐花。期間限定古草藥膳牛骨湯湯底。金沙蝦球 / 黃金酥蝦外殼炸到金黃松脆，蝦非常新鮮，超有好味炸九層塔花枝丸外皮酥脆，食落卜卜聲，花枝丸超彈牙，滿口鮮味。九層塔🌿增添花枝丸的鮮味，超懷念去台灣夜市時的時光。澎湖蝦滑滾完後，非常重蝦味，蝦滑好彈牙爽口。竹笙蝦包非常有趣的火鍋料，似日底福袋嘅口感，但載住蝦滑在豆皮內。澳洲和牛肩胛肉眼脂肪比例平均、不會過肥、有肉味。澳洲羊肩胛食落唔會好蘇。薄薄地不會食到好飽。薄切牛舌芯薄切牛舌芯半鍋料真系無得頂！牛舌片到透光咁薄，落鍋涮3秒就熟，入口脆嫩彈牙，仲帶住啲炭燒香。月見封門柳第一次見火鍋店有得叫月見封門柳，真系好開心。厚切封門柳超粉嫩，淋埋月見蛋黃汁簡直系靈魂所在。 蛋黃撈勻埋牛肉，濃郁蛋香包住牛脂香落火鍋，邪惡到極點！元貝非常新鮮、沒有沙。食完火鍋，當然要點埋該火鍋店獨有的台式甜品。有多款芋圓冰粉糖水食，非常貼心。…查看更多

香港試咗間台式火鍋店，口味幾貼近台北當地，整體「抵食」又「好食」，冇踩雷。其中LV3任食套餐性價比幾突出，有104款高質食材同台式小食，人均輕鬆實現火鍋自由，預算唔多都食得飽足。菜品方面，几款招牌表現穩定：卡樂Beef牛五花涮完肉質軟嫩，咬落有肉汁🥩；月見封門柳裹蛋液入口順滑，口感唔柴🍳；松露墨魚滑食到墨鱼顆粒，松露香唔會太濃，啱啱好✨。古早麻辣鴨血吸滿湯汁，口感嫩又夠味🌶️；金沙芋泥球外脆內軟，甜鹹平衡，做餐後小食幾適合🥧。店入面自助區補貨好快，時令蔬菜、特色丸類同飲品基本唔會斷檔🥬，唔使特意搶食材，食飯體驗幾順暢。環境有台式夜市元素，有幾處適合影相嘅位置📸，鍾意記錄嘅話，食飯前影兩張都几出片。食完之後有簡單互動環節：可以喺願望牆掛木牌、願望樹下許願，或者寫張明信片📝，多咗少少用餐趣味。點LV3套餐會送2枚遊戲幣，可以去玩夾扭蛋機🎮，好彩嘅話仲抽到小獎品，整體體驗幾完整，適合朋友或者屋企人小聚。…查看更多

喺旺角雅蘭中心呢間山見台式火鍋店用餐，真係一場味蕾盛宴。以$328成人價錢嚟講，選擇多到令人眼花撩亂，尤其係「Lv3 極品」套餐，簡直係打邊爐界嘅天花板。由肥牛、羊肉、雞肉到美國牛、牛舌、牛肚等，肉類選擇極為豐富，質素亦相當唔錯，油花分佈平均，入口嫩滑。最正係卡樂beef 肥瘦適中非常軟腍， 月見封門柳混合咗雞蛋嘅蛋香令牛肉更加滑身 海鮮方面更加驚喜，鯇魚、魷魚、蝦、蜆等一應俱全，全部都新鮮爽口，尤其係黑魚片，肉質緊緻，淥一淥就食得，鮮味十足。丸類同滑類選擇亦非常多元，由牛肉丸、墨魚丸到芝士滑、蟹柳滑，口感層次豐富，啱晒鍾意試新嘢嘅朋友。台式小食都好出色，波波芝士球香濃爆汁，芝麻蝦多士酥脆惹味，椒鹽花枝丸外脆內彈，招牌七里香鹹香撲鼻，口感層次豐富，每款都令人回味無窮，絕對係下酒一流之選。環境方面，座位寬敞，服務人員有禮又主動，換碟速度快，令整個用餐體驗更加舒適。湯底選擇多，無論係清淡昆布定濃郁沙嗲，都能夠配合唔同食材，突出其鮮味。總括而言，呢間火鍋店性價比極高，無論係朋友聚餐定家庭聚會都非常適合，絕對值得一試。…查看更多