影片
以上資料只供參考, 請與餐廳確認詳情
有關獎賞計劃
如果有食開任食火鍋，每次入去既感覺都好似打大佬咁 - 挑戰食量。今晚打 lv 4。場地乾淨又闊落，特別鍾意枱夠大，叫野食唔駛就住就住。有分唔同lv，越高lv食物款式越豐富。可以揀既湯底多，見到佛跳牆湯底又真係未試過。湯頭金黃色，鮮味濃郁，又唔會蓋過食物既味道，值得一試。Lv 4雖然唔係終極大佬，但有澳洲和牛肩胛肉眼已經好夠做。油脂同細緻既肉質一碟真係唔夠喉，要不停追加。除此之外，淨係牛都有牛舌芯、牛爽脯、里肌肉、牛扑肉、牛小排同埋封門柳等好多花款。想食下豬同羊又可以揀黑毛豬，羊肩胛。除咗火鍋配料，另外仲有好多台式小食供應。出面飲品櫃有好多唔同款式，熟食區，甜品區都好多選擇。最驚喜係有榴槤雪條同紅豆沙，兩樣啱晒我口味。
繼續閱讀
如果你係鍾意火鍋嘅食客，咁「山見台式火鍋」絕對係你唔可以錯過嘅地方！位於將軍澳PopCorn嘅呢間人氣火鍋店，以其正宗台灣風味而聞名，吸引咗唔少食客光顧。今次我就嚟到呢度，體驗下佢哋嘅「Lv 5 殿堂日本A4和牛海鮮吃到飽」套餐，準備好一齊享受呢場美食盛宴！🎉首先，當我踏入餐廳，映入眼簾嘅係一片熱鬧嘅氛圍，香氣四溢，令人忍不住流口水。尤其係自助區，超過50款食品令人目不暇給，有台式小食、前菜、甜品等，讓人一眼就想試個遍！😋當然，最吸引我嘅係嗰盤日本A4和牛，肉質滑嫩，色澤紅潤，每一片都散發著肉香，讓人一見就心動。火鍋湯底選擇多樣，我選咗經典麻辣湯底，辛辣又開胃，剛好可以平衡和牛嘅油脂。當和牛輕輕浸入湯中，瞬間散發出誘人香氣，一口咬下，肉質鮮嫩，配上湯底嘅香辣，真係令人陶醉！🔥至於海鮮方面，珍寶海扇蛤同廣島蠔都非常新鮮，口感彈牙，搭配檸檬汁更加提升味道，讓人食得津津有味。🍋食完主菜，唔好忘記自助區嘅甜品！我試咗台式珍珠奶茶同芒果冰沙，唔單止視覺享受，味道亦係一流，甜而不膩，好適合飯後清口！🍧總括來講，「山見台式火鍋」不僅食物多樣化，味道出色，服務亦非常周到，絕對值得一試！下次有機會再嚟，無限享受呢個美食之旅！😉
繼續閱讀
今日終於輪到我啦✌️餐廳好大，梳化坐得好舒服揀咗Lv4 特選澳洲和牛海鮮吃到飽套餐佛跳牆湯底（融合多種珍貴嘅海味同肉類，包括鮑魚、海參、雞件）在配搭香氣獨特嘅藥材及配料，如杞子、紅棗、冬瓜、栗子等😍海鮮有：原隻鮑魚、生蝦、新鮮白鱔片、、無骨墨魚片、福隆刺參、黃金鮮蝦球等，品種繁多，勁滿足❤️然後再狂食肉質嫩滑的澳洲和牛和滑捋捋的月見封門柳😋除咗牛類，仲有不少別具台灣特色嘅食物，如台灣鴨血、台南烏雞肉卷，蠔仔煎等，更有大量不同種類的蔬菜、菇類、丸類👍甜品DIY，自己喜好用不同味道的爆珠配搭新鮮果肉、九份仙草、十份愛玉最後再食埋甜品和雪糕✨
繼續閱讀
去將軍澳探朋友，响佢屋企坐咗陣，之後就落樓搵野食，入咗山見台式火鍋打邊爐。晏晝唔食咁貴，所以我地只係叫Level 1 100分鐘任食，不過已經有齊牛🐮、豬🐷、雞🐥。牛肉係嫩肩里肌肉，肉質OK嘅，又唔會話好多脂肪；豬肉係梅花肉，肉香都唔差；雞肉係醉雞件，食落都有雞味。湯底揀啲左椰子雞湯，椰水味夠嘅，但雞味略遜，唯有自己叫多幾件雞加落去滾啦😂自助區都算多野揀，蔬菜、丸類、熟食、甜品，特別係有水蓮，去親台灣都食，鍾意佢嘅爽脆口感。另外仲有好大個雪櫃，飲品種類雖然未算係好多，但都算有得揀下，鍾意飲佢地嘅冷泡茶，清清地又可以去膩。整體環境及座位算係闊落乾淨，坐得舒服嘅。
繼續閱讀
今日第1次黎將軍澳 Popcorn 嘅山見台式火鍋 ! 店門裝修光猛 , 而且樓底極高 , 感覺舒服 , 好有空間感 ~ 座位都好闊落👍👍👍 仲有好多唔同種類嘅座位 , 卡座 , 圓枱 , 大長枱等 , 啱晒情侶 , 一家大細 , 一大班朋友過嚟聚會啊 !!晚市放題分咗 5 個 level , 我地今次食 Lv. 3 極品套餐 ($328 @) , 100 分鐘任食 !! 我地揀左將軍澳分店獨家嘅佛跳牆湯底 (+$28) !! 好足料 😱😱 好多條小刺參 , 鮑魚 , 花膠 , 圓肉 , 杞子等藥材 ! 打邊爐之前一定要飲吓個湯 😍😍 真係好好飲 !! 濃味但係唔鹹 , 飲得出係真材實料煲嘅靚湯 !!配合番食店嘅溫泉主題 , 入座時店員會比一張明信片你 , 寫低自己嘅住址 , 放係門口嘅紅色郵筒 , 張明信片就會寄返去你屋企 , 下次嚟食嘅時候 , 拎住呢張明信片就有減 $50 嘅優惠 !! 好玩又有優惠 , 而且張明信片嘅設計都好用心 , 好靚 😆😆自助區位於 2 邊座位區嘅中間 , 方便食客拎嘢食 !! 熟食有好多台式食物 , 例如滷肉飯 , 烤台灣香腸 , 蟹粉小籠包 , 雞腳 , 麵線 , 台式酸辣羹 , 炸物等等火鍋配料區有幾款丸 , 海量唔同種類嘅蔬菜同菇類 , 當然有台灣火鍋必食嘅水蓮啦 😏😏醬料區同樣好多款式 , 有 d 仲係充滿台灣特色 , 例如特製蔥油同辣油 😎😎 超有新鮮感 甜品區除咗一般嘅糕點 , 蛋糕 , 雪條 , 呢度仲加入咗台式嘅芋圓仙草 , 可以自行配搭 , 出邊食 1 碗都幾十蚊 , 呢度可以任食 , 真係超抵呀 😌😌飲品區有 2 個大雪櫃 , 自家製冷泡茶 , 罐裝茶類 , 果汁 , 汽水等等 , 另外仲有水蜜桃沙冰 ! 仲可以經 QR code 叫幾款台式手調飲品 , 都係 $20 幾蚊 1 杯 🤤除咗自助區 , 大家仲可以用 QR code 落單嗌嘢食 , 例如麻辣鴨血 , 醉雞卷 , 款式真係多到食唔晒呀 !食咗咁多款嘢食 , 有幾款特別推介俾大家 🤗🤗台式滷肉飯 , 個汁味道啱啱好 , 滷肉口感一流 , 唔油膩 , 高質 ! 我食咗 2 碗 😆😆肉類我就推介卡樂 Beef , 月見封門柳同美國殼飼黑毛豬 ! 蝦膠釀竹笙 , 我 encore 咗 2 次 , 竹笙脆卜卜 , 入邊嘅蝦滑好彈牙 , 好好食 ! 我仲試咗椰子水 , 好好飲 , 唔太甜 , 味道好清新 👍👍店員比左 4 個代幣可以去門口玩夾波波 , 有好多唔同嘅禮物 , 例如係優惠券 , 山見自家筆 , 山見熊仔等等 ! 又有得食 , 又有得玩 , 真係唔錯嘅體驗 !
繼續閱讀