山本屋 (海運大廈)

營業中

休息中

同朋友午餐時間12:30去到好幸運俾咗窗口位我哋點餐紙有好多款烏冬仲可以揀湯底、追加配料我哋點咗兩款烏冬，配唔同湯底-親子煮烏冬🐥配老店味噌湯底雞肉好嫩，唔會鞋烏冬好煙韌，我鍾意！但個味噌湯好濃郁，偏鹹朋友鍾意呢個湯美國安格斯牛肉煮烏冬🐮配黃金鰹魚清湯冇味噌湯咁鹹(我反而鍾意呢個多啲😂)個腐皮好似海綿咁吸收哂啲湯好好味牛肉就不過不失-📝整體都好滿意對住個海景食熱辣辣嘅瓦鍋烏冬別有一番風味🎐

中午午飯想搵人問一問佢午市套餐兩款烏冬(煮烏冬同平烏冬)有咩分別 “唔該”左第三個人先有人理我地 前提係頭兩個職員係我地枱邊經過 但係完全係無視我地呢枱客到落單個陣又係叫左幾次先有人過黎寫野 好彩收據一到枱面我有check單 發現左落錯單 一個鐘頭既午飯 就有三次既不快之處 我地食緊野既時候 後面有兩枱客都係到投訴店員服務態度講真 呢間餐廳座落係海港城算係唔錯舖位 窗邊海景位每位有160蚊最低消費 但係整體服務水準完全配唔上呢個舖位

山本屋 Yamamotoya 🌃尖沙咀海景過江龍!🇯🇵喺尖沙咀LCX開咗名古屋人氣過江龍手打烏冬新分店! 原本好高期望，的確食物係幾好嘅，但服務就差啲…環境方面本來就好好嘅，有維港海景, 但其實都限於窗邊嗰幾張枱🌉小編同朋友排隊嗰時特登同侍應講話想等海景位嘅枱，(已經講咗我哋唔介意等耐啲)但侍應似乎冇理我哋，安排咗我哋坐random其中一張枱…明明我哋想坐嗰張枱係空嘅，而且冇預約嘅牌喺上面😔佢都將張枱安排咗比正正喺我哋後面排隊嘅人, 佢哋都冇book枱, 淨係Walk in…之後問原因，九成嘅侍應都不斷迴避問題，之後仲好似唔係好想serve我哋咁, 難免有啲失望, 幸好最後有經理出嚟解決佢哋唔願意面對嘅問題😕 俾我哋坐咗去海有海景嗰張枱, 但嗰時已經食甜品, 可能啲侍應未夠經驗, 影響咗我哋嘅用餐體驗————————————————感想:❆ 美國安格斯牛肉煮烏冬 $108味精湯夠濃郁, 店員會將烏冬放入餐廳獨創既伊賀燒砂鍋裏燉煮🍲, 口感方面手打烏冬比較硬, 知道係鋪頭既特色但可能唔啱一啲人既口味❆ 吉列豬扒煮烏冬 $108烏冬方面同上, 外脆內嫩, 豬扒同烏冬形上口感上嘅對比❆ 日式

这顿饭体验感真的给我拉满没吃过服务这么差劲的店...12:41下的单，我跟朋友一人点了一份乌冬，朋友的很早就上了，去问了才知道我们另外一份乌冬服务员漏下单。13:07漏点的乌冬补单，等到13:40乌冬才上，这当中又等了半个钟头。我一份面等了足足45分钟!就在我吃了没两口的时候，一开始点单的服务人员来通知我已经到了用餐时长???意思需要我们离开，我请问呢?我面漏下单没人跟进加速上菜，我吃饭时间倒是盯得死死的!全程没有一句抱歉收服务费我能理解，但10%服务费能服务成这样我不是很能理解。

在6pm晚市前早些入座，很幸運仍有1張海景枱，可以清楚望到維港及對面岸。打卡一流。烏冬有手切或平烏冬，既然招牌食烏冬，就試手切烏冬。分別試了味噌湯底及鏗魚清湯底，各有風味。前者適合喜歡飲味噌湯的人，配合索滿湯汁的腐皮，充滿味噌味，吉烈豬扒相當鬆軟，無刮口感覺。而清湯配豚肉，味道也很平衡。兩碗烏冬都是熱辣辣成煲上，飲第一啖湯時，要小心燙口。以這個價錢吃到日本來港過江龍店，又有海景，性價比算高。而且海港城價位來說，這間唔算貴。

今次已經係第二次食，第一次食試咗吉列豬扒味增烏冬覺得不錯～ 啲烏冬彈牙、味增湯濃郁但唔咸、吉列豬扒炸粉夠薄今次食第二次就試下個平烏冬啦！叫咗個《黑豚肉平烏冬》（冷）因為嚟到個樣不太討好就無影相😊 我第一次食冷烏冬無 wasabi，都唔緊要！！ 咁可能個冷麵汁夠濃郁，怕遮咗陣味先唔比 wasabi😉 個汁淡到⋯⋯ 我都幾肯定自己去超市買隻3倍濃縮自己溝出嚟仲好食過佢⋯⋯咁我就問店員有冇 wasabi啊？無！個湯無味，可唔可以幫我調濃啲啊？「無啊，因為個汁係喺樽倒出嚟所以無得再調較⋯⋯⋯⋯⋯⋯⋯⋯⋯ 下刪唔知幾多字」因為太重口音，所以我都唔係太聽得明 😀仲要平烏冬唔比add -on ，加隻蛋都好啊😀 唔比！諗住快快趣食埋個烏冬就走，點知個豚肉 😅😅 難食到喺超市是但拎包急凍都好食過佢，如果呢碗野50幾蚊我心甘命抵食垃圾，但佢係$88/$98？仲要服務態度極差，見到啲豚肉食踎落個湯無味，無諗住幫個客同店舖改善 ～ 只係用佢啲極重嘅口音喺到煩我，其實係藉口嚟⋯⋯ 點會同個客講啲湯喺個樽倒出嚟？係都話廚師自己一早調製過啲份量我亦都唔知係咪因為個邊多大陸客所以要請個完全聽唔明佢講乜嘅阿姨翻嚟啦。但

晚上一個人喺尖沙咀，見佢裝修得幾靚，6點又唔洗排隊咪食下囉。環境都算寬落，見到有啲窗邊位睇到海景。晚市限時一個鐘食飯，ok我理解嘅。結果有個阿姐由40分鐘開始催我，同佢講佢搞錯時間，佢仲同我拗係計我入座時間，並非落單時間。事實係我一坐低就落單，而且早過我嚟嘅人都未走，當時根本就未夠鐘。個阿姐就一副唔相信我嘅樣走去check電腦，仲同同事喺度對我指指點點，最後連唔好意思都冇句食物叫咗個尖沙咀限定嘅蕃茄黑豚肉烏冬（$98），仲加咗兩隻天婦羅蝦（$39）。天婦羅蝦好快嚟到，碗烏冬等咗15分鐘先嚟。碗烏冬上到枱熱辣辣，配菜有隻蛋同啲腐皮，豚肉就2-3塊。一個人食加埋一$150。味道正常烏冬一碗，唔算好飽不過就食到一肚氣囉如果大家平時食飯食得好快，同同行朋友又唔會傾計就可以考慮吓啦

服務態度奇差，5點入餐廳話晚市唔比坐，第一全場無客，第二，你全日既價錢都一樣，咁5點30晚市又如何？我哋入嚟食嘢唔係淨坐，咁如果我食夜晚想坐入面又唔得？如果係，請貴公司劃分座位有清晰嘅指引！請貴公司劃分座位有清晰嘅指引！全香港唔係剩係得你哋一間山本屋食烏冬海港城唯一一間服務態度奇差嘅餐廳

第一次食，見到店面幾靚，野食外觀幾靚，就衝左入去一試。首先，等食，唔多人，點餐後，野食要等半個鐘先黎到。之後野食黎到，烏東一入口，好似食緊麵粉條咁，烏東口感頗硬，而且不像烏東。等半個鐘就煮出這樣嘅貨色。成一百蚊一個烏東，半個鐘先黎，包埋等，一個鐘就要催還枱，催你走人。仲要不停催。真係不得了，野食已經差，服務仲催你走。最後一口岩岩半個鐘。怪不得飲食業每況愈下。老實說，呢間真係可一不可再，唔明啲食評係喺邊度黎。

食物還可以，小食普通但烏冬麵還可以。但員工服務真心唔掂：呼呼喝喝，放低食物時求其有位就放低，上錯食物，連自己上緊乜野都唔知，地上嘅放袋盒執枱時用腳踢等等，令我只有一個決定 ：無下次

我地一家三口傍晚非繁忙時段入去，被安排中間長檯搭檯，眼見2張卡位都冇人坐，於是問侍應A可否坐卡位，侍應A表示要夠4個人先可以坐。但明明有張卡位都係三個人坐,仲食緊嘢。 由於坐得好迫，而且小朋友對住冷氣風口位好凍，於是再問侍應B，侍應B回答：我唔知，你自己問返頭先侍應A。服務體驗感受非常貼地，唔知以為自己去左茶餐廳，侍應之間談話也大聲，聽到附近有唔少客人都催單，但愛理不理，餐廳員工整體年齡水平應該都可以拎交通津貼，與餐廳形象不相符，香港分店服務體驗也與日本本店不能相提並論，好奇是如何培訓員工的。總括而言，唔會再幫襯，整體體驗感好差。

自從發現係L C X開左呢間山本屋後，我都經常嚟食～一嚟本身烏冬就係吸引，二嚟環境坐得又好又舒服～有幸坐窗口位置的話，小朋友睇船睇海最高興🚢🌊「❤️明太子冷平烏冬」平烏冬係扁身啲，彈牙同埋滑啲，最啱就係凍食～而加上略帶鹹辣香嘅明太子，啱曬夏天食～能夠消暑得嚟，仲可以增進食慾😋😋而且佢哋平烏冬所跟嘅湯底/醬汁都會淡口一啲～比較適合唔鍾意食太濃味嘅朋友～「🐣親子煮烏冬/🦐蝦天婦羅煮烏冬」手切煮烏冬，呢款手切烏冬較為傳統，粗身一點，實在一點～屬於佢哋嘅主打系列，湯底會有3款選擇～我多數都會揀黃金鰹魚清湯～雖然叫清湯，但實際湯頭嘅質地同味道都係比較濃郁～比起一般平時嘅鰹魚湯底嚟得更鮮甜惹味～佢地呢一個煮烏冬，每一款都係好熱辣辣鍋上～每一條烏冬都掛上熱辣辣嘅湯汁，非常入味～親子款式就係雞蛋加雞肉，雞肉似係地雞，質地會較實在而香～而蝦天婦羅🍤，薄薄嘅炸衣底下包住鮮嫩彈口嘅大蝦，又脆又惹味～值得一提，大家記得加配料一定要加年糕，軟糯得嚟充滿濃濃米香，必點品之一！「🦀蟹棒天婦羅」大大條嘅炸蟹棒，少少鹹多多脆～惹味又好味，我兩個小朋友就最鍾意❤️

LCX祥仔辣辣原來轉左做名古屋手打烏冬店，見唔使排隊就試下啦。兩個人被安排座位同隔離枱好近，一坐低就聽到晒隔離枱講緊乜，唔講我以為自己去左茶餐廳。① 招牌咖喱吉列豬扒煮烏冬 $118吉列豬扒正常既，唔會好油膩，唔係好柴皮，收貨。至於個砂窩咖喱烏冬，滾住上餐好期待，但咖喱味道無乜特別，招牌手打烏冬口感硬身，我仲懷疑未煮熟同個店員講，佢話佢地既手打烏冬係咁…只怪我唔識食② 蝦天婦羅平烏冬 $98失望過後，呢個平烏冬口感滑身，冷食幾清新，天婦羅蝦感覺就偏細隻。③ 冷豆腐 $18胡麻豆腐正常的滑，加胡麻醬好難唔好味。④ 燒地雞手羽 $48完全係放題炸雞翼質素，以為係雞全翼，原來得3隻雞中翼及雞尖，呢個價太進取吧

係海港城行街時見到呢間餐廳的menu有咖喱烏冬🤩未食過咁就緊係試下啦😆餐廳仲可以望到維港海景，可惜我唔係坐海景位😓吉列豬扒煮烏冬 $108（湯底轉招牌咖哩 +$10）咖喱湯底好香，都幾濃味，但又唔會好鹹。湯底仲有唔少腐皮，腐皮吸引哂咖喱味，好好食。烏冬好扁身，食落都幾煙韌，條條都蘸滿咖喱湯，都幾好食😋烏冬本身有隻雞蛋跟埋，蛋漿好香，烏冬蘸蛋漿味道極好😍好欣賞烏冬用瓷煲盛住，食到後面都仲keep到熱👍🏻吉列豬扒分開上，豬扒炸得非常酥脆，就咁食都已經好正，蘸咖喱湯底更加好食，豬扒更濕潤，又有好香的咖喱味。和風沙律 $38沙律都幾大碗，份量都唔少，沙律落滿咗和風沙律醋，食落好fresh，唔錯👍🏻山本屋 (海運大廈) (尖沙咀)尖沙咀廣東道3-27號海港城海運大廈3樓LCX 32號舖*上述文章只供參考及以當時價格為準

首先入到去坐低問可唔可以轉檯 staff A就話落要夠低消 然後我地蚊低消幾多 唔夠可以再order 跟住Staff A都話唔得；然後Staff B過來話要4個先可以轉 明明隔離張4人檯都係坐緊2個人；之後經理過來 問據點解隔離4人檯可以坐2個人ga？據話人的坐左成個鐘嘎啦 what？9唔搭8嘎對話；之後都肯俾我地叫夠兩碗烏冬+3款小食轉檯。唔明點解可以每個staff都唔同講法…之後最worst係食到三分一 發現碗烏冬裡面有錫紙 食物質素十分堪憂 …