山下

營業中

休息中

呢個品牌一向都出名貴因為嗰啲食材真係幾得嘅性價比就一定唔係好相宜嗰啲啦😂我覺得耐唔耐去都可以如果想經濟一點朋友仔們可以食lunch套餐性價比會相對高啲😂大約$600 起錶講吓呢度裝修望落去都幾乾淨地方闊落一張大枱都係用好多木同不鏽鋼員工服務態度非常有禮貌非常體貼煮嘢食個師傅都健談有禮貌冇乜嘢投訴想洗多啲錢嘅朋友可以試吓佢個Omi Steak每100 gram大約$1200總結：都算係一間幾高級嘅鐵板燒用嘅係高端食材佢有個士多啤梨酒煮甜品配自家製雪糕呢個就相當之甜應該唔係個個啱食其他嘢都幾好👍

對於食物質素感到失望，特別是鮑魚、甘鯛和炒飯。依幾樣野嘅味道同口感都不佳，鮑魚和甘鯛的煎焗時間太耐，加上受熱唔均勻，搞到個口感過於乾同硬，且有D腥味。炒飯的米飯過於濕潤，味道比較淡，且油膩感過重，食完感覺有D名大於實。我希望餐廳會重視依D問題，尤其係食物品質和味道。我對鐵板燒期望好高，特別係價錢真心唔係平，所以餐廳真係要改善食物質素。

好耐無食鐵板燒，之前食過天后個間「鐵板燒·鑄」，情人節前早兩星期打去預約已經話無位，所以試下第間喺中環嘅「山下」讚： 牛西冷油脂分布平均，保持肉汁鮮嫩、龍蝦肉質唔會過老，彈牙爽口，個醬汁都好夾。彈：蒜蓉炒飯係無味、湯係好鹹，唔知係咪要兩樣溝埋一齊食呢？ 食物有啲好食有啲可以差好遠，如果有錢普通食餐飯就ok，作為打工仔比咁貴嚟慶祝情人節，食到最後失望，希望品質方面控制下，服務就無乜特別，呢個價位應該可以做得更好。

有人介紹話佢地既lunch 好抵食同都幾出名可以去試，所以約咗朋友一齊試試佢。服務都算唔錯，不過店內冷氣就凍咗少少! 我點咗個set lunch係「和牛，龍蝦」，前菜沙律(正常)，麵豉湯(正常)，龍蝦都幾彈牙個汁都好味，和牛就有d筋，有d位比較難咬，最後嘅蒜蓉燒飯我個人認為一般比較單調 蒜蓉味唔算好出。食物其實都算好好，但乾淨程度就真係差d，因為地下好黐立立，唔知係唔係倒瀉嘢無拖返，間唔中食食下野有陣酸味飄上嚟，同埋兩隻杯都有漬，呢下真係無諗過，希望之後會有改善。

食物方面係唔錯嘅，和牛、鵝肝同炒飯都係幾好食，我男朋友都話幾正，食物都算係對得住個價錢!但可能因為疫情剛剛復常，餐廳職員唔多，明顯唔係咁夠人。我地一坐低就覺得個位吹正個冷氣，想問下個職員可唔可以較細少少，或者調一調個位。有個睇落似Senior嘅職員就行埋嚟話"我地未聽過有客人話凍"，跟著就行開左。我心諗冇人話凍又唔等於唔凍，加上個風口足住點都唔舒服。之後我再問可唔可以調第2個位，佢又話"冇得調，Booking full晒喇"，我成餐依左個半鍾，起碼有10個吉位，全程冇人坐，但佢都唔俾我調，我覺得職員嘅態度同安排真係唔太妥當。希望餐廳可以注意下依一點，必須以客為本，如果唔係只會浪費左廚師嘅廚藝同餐廳個氣氛。

我上網睇過好多人介紹食間餐廳，見到好多好評，就姑且去試一試，當然，喺香港要食到好食嘅鐵板燒係可遇不可求，有啲地方連塊鐵板都未處理得好，更莫講話處理食材。講返正題，我之前已經BOOK左枱，所以唔洗等位就可以直入，但個職員就唔知點解有啲黑面，我諗緊係咪我太敏感，我問我男朋友有冇FEEL到怪怪地，好彩佢都FEEL到啲服務係唔太歡迎我咁款，但我地都冇咩點理，因為我地去食鐵板燒姐，服務好咪當BOUNS，差嘅就由得佢。但坐低左就睇到問題嚟喇，佢用嚟清潔個剷同鐵板塊布非常污糟，唔係話普通有漬嘅正常損耗，而係直頭見到有焦黑嘅食材痴住左，我就擔心緊塊布嘅污糟嘢係痴左幾多日....講返食物嘅味道，以依個價錢嚟講，佢嘅出品係合理嘅，只係我睇見塊布已經冇左一半胃口姐，加埋職員態度有待改善。

香 港食鐵板燒, 要食最好的, 非山下莫屬. 用料由日本空運到港. 和牛、鮑魚、龍蝦、鮮魚，魚生等等就一定係日本運到。就算連洋蔥、黑胡椒、或配菜，都係喺日本最靚嘅運到香港。廚師大多數是日本人。每一道菜都10分講究. 喺香港，求其搵一間日本餐廳，好少少嘅價錢都唔會平。但好多水準好難講。但係喺山下，水準非常之高，每一個道菜嘅食材講究，廚師廚藝精湛，每一碟擺喺你面前嘅都好似一件藝術品。個人嚟講，因為交咗功課，覺得唔算貴。

[🇭🇰香港- 中環].🔻初訪 - 有幸係山下san親自主理👨🏻‍🍳食材同其他舖頭唔係話好大分別, 但重點係呢度嘅醬汁配搭“青森黑鮑魚”配香檳牛油汁, “日本甘鯛”配牛骨香草湯…令到成碟菜式更加有睇頭又惹味個人就覺得如果最後嘅”蒜蓉燒飯”蒜味再濃啲會更正.🔻🍽 山下📌 地址: 中環士丹利街11號1樓.#tummysreadyatcentral #tummysreadyforjapanese #tummysreadyforteppanyaki

2022 august 🙆🏻‍♀️ ： 期待左好耐啦 🤤💁🏻‍♂️： 冷靜d比d儀態（話說呢到我都泥左兩次，因為佢地既lunch 真心好抵食，除咗服務好好之外，佢地食物都好好食 ，我最鍾意係海鮮🤤🤤 帶子 加蒜蓉牛油汁 個汁好食到我用埋麵包點泥食，龍蝦 ，牛扒 都好似置身係日本食緊鐵板燒既感覺 經過cfu細心嘅烹調 食埋個飯加麵豉湯 令到個胃好滿足，當以為要完 仲有芭菲做甜品）最令人有驚喜係 係到慶祝生日 係有人陪你唱生日歌同埋仲幫手影合照兼哂埋相比你拿走留個紀念。

法日fusion菜，只試過arbor一家，係傳統fine dining上似乎言之成理，但放落鐵板燒依種咁傳統嘅日式料理之上，實在令人很好奇～睇落去就知到底邊到有法國料理元素！( •̀֊•́ ) ̖́-❝Sanka Special Course❞ ($1,750 +10% → $1,925)晚市有兩個套餐選擇，印象中分別只在於有無〔加拿大龍蝦〕，品嚐過後認為選擇貴啲個個set係正確嘅！龍蝦肉絕對係我所知嘅龍蝦料理中數一數二出色，肉質彈牙爽口嘅程度難以媲美，配合濃稠﹑帶甜味嘅醬汁令菜式昇華至另一境界。首圖嘅〔青森黑鮑魚〕係個人大愛！size有翻咁上下，肉質彈牙而有韌性，鮮味被醬汁加乘後又係另一程度嘅美味。師傅係醬汁調配方面落咗唔少功夫，而依個特色係〔金目鯛〕上就更明顯：本對燒魚類無太大好感，有醬汁加持下又變大愛。醬汁搶眼出色、唔似傳統日本料理咁盡量以原汁原味呈獻食材就係個人認為山下鐵板燒嘅法式元素。行政總廚山下泰伸曾經係日本同法國工作，希望將日本同法國料理融合，而醬汁往往就係法國料理嘅靈魂。風格獨特，係別店未必搵到呢～〔特選黑毛和牛西冷〕油脂感滿滿﹑入口無筋而肉味濃厚，三成熟度令肉質保持鮮嫩，係鐵

ˢᴬᴺᴷᴬ 𓐃 ᵀᴱᴾᴾᴬᴺʸᴬᴷᴵ 為咗慶祝特登預定咗間日本鐵板燒𓆸 座位半圓圍住師傅們坐鎮嘅鐵板燒枱，只有12個位置𓊆 建議預約先哦以下介紹包括咗兩個午市套餐嘅食物♕估唔到跟餐嘅是日沙律都有刺身𓆟 當中吞拿魚同左口魚都好新鮮⧛ 南瓜湯非常滑、又濃郁，好喜歡♡帆立貝鮮爽帶甜◌ ° 加拿大龍蝦肉質QQ彈牙口感，師傅處理得時間啱啱好𓈏 鮮甜滋味，最後要用烤香嘅餐包沾滿醬汁享受埋！喜之次最佳嘅品嘗季節係秋天至初春，因為春天產卵前特別肥厚𓆡 肉質細滑富彈性，經師傅耐心燒製，呈現外脆內嫩 ⍢一般西冷位未去到好軟腍，呢款九州A5和牛西冷𓃒 估唔用三成熟已經足以令油脂溶化，同時肉質細膩，極具光澤，睇到都知好食，入口柔軟多汁𓎩蒜蓉燒飯質感煙韌，蒜蓉亦夠香，仍然覺得比較單調，同呢度評語差唔多❁ 要讚嘅就係佢哋好細心，訂枱時已經主動問係咪慶祝生日或紀念日，最後會喺好好味嘅甜品寫上優美嘅祝福字句，仲要加埋即時印相，服務好好，會係推薦俾朋友嘅餐廳之一𖠌 Executive Course $650+10%𓇢 香煎帆立貝 𓇢 喜之次配沙律、是日前菜、麵豉湯、蒜蓉燒飯、自家製雪糕及咖啡或茶𖠚 Surf and

一個中午食左又和牛又龍蝦既鐵板燒，在此多謝友人既好意☺️入正題，今次食既係「龍蝦和牛午餐」($780@1)，包括左以下幾款食物：1️⃣是日沙律 2️⃣是日餐湯 3️⃣加拿大龍蝦 4️⃣特選黑毛和牛西冷 5️⃣麵豉湯，蒜蓉燒飯或白飯 6️⃣甜品 7️⃣咖啡或茶🔸🔹🔸🔹🔸🔹🔸🔹🔸🔹🔸🔹🔸🔹🔸🔹🔸重點食物放送：2️⃣餐湯係南瓜湯，唔太濃南瓜味，但好咸，非常咸，感覺冇咁好3️⃣大大隻新鮮生龍蝦即叫即燒，燒得夠多汁，伴碟既龍蝦汁都夠味，點埋旁邊個包食都幾夾4️⃣重點真係要享受呢幾粒A5和牛，medium, 係有燒到入口即溶。職員特別介紹伴碟材料，有鮮磨wasabi，酸汁用黎點洋蔥而豉油點和牛。值得一提洋蔥切得幾薄，新鮮所以好爽口，開始食既時候相當清甜，食到最後就開始辣辣地🤣另外即燒既蒜片相當香脆，忍口唔可以食咁多太熱氣🤣5️⃣蒜蓉燒飯既飯都幾黏，蒜蓉味唔算太出。6️⃣甜品可以選擇鮮橙啫喱/蛋糕。揀左前者，冇揀錯，成個甜品又凍又甜，橙片又帶小小酸，食完一堆油膩食物後，完全有清膩既效果🤣🔸🔹🔸🔹🔸🔹🔸🔹🔸🔹🔸🔹🔸🔹🔸🔹成個食飯既流程由服務至食物質素都冇挑剔，坐得舒服，三兩知己好友都可以傾到計，食到一餐滿意既飯。很好👍

本人感覺與睇OpenRice 其他人寫既評價之比較，其實可以叫做一樣。不過最為喜歡既唔係食，係十分貼心嘅服務。服務態度有高級餐廳嘅feel。好似一班貼心管家係後面照顧住咁。但又唔覺得唔舒服。可能有人會話俾咁貴去食，服務點都會好。不過好多時都唔係咁，好多時香港食日本野連水都無杯，好似無人理咁。所以呢度既服務係高質既，希望keep住！食物方面，我自己食完，再睇返d comment。其實會見到個個講既係差唔多。睇埋d食物相同自己影果d,係9成9似。咁即係日本人做既野佢做左一樣野之後，其實佢哋唔會點變。又即係好食唔好食，好個人。講埋個服務。是日老婆生日，好多餐廳都會整個驚喜係送個甜品，整個名咁啦。但驚喜在於經理係唱埋生日歌，仲要無走音。係大大加分。如果你唔鐘意自己份工，我諗你都唔會咁服侍d客。但都有個位要講，有時食材既野就好要運氣，咁岩我地轉做宮崎和牛。師傅煎好果陣我都見佢揍眉頭左一下。挑一挑，轉一轉件牛先落刀。之後一食就知，原來舊牛有筋，應該佢都知道所以盡量避果d位。不過都係唔得，俾貴左明有d銀牙。所以有時都係要睇你好唔好運。

On the last day of the year of Rat 🐀, it’s time to have a nice lunch to wrap up the year. Finally got to try this authentic teppanyaki restaurant. SANKA is a traditional Japanese teppanyaki restaurant that blends together with classic French techniques, creating a East meets West fusion culinary experience. The environment is quite nice with 12 seats in front of the curved teppanyaki bar, and there’s 2 private rooms too. As we were not that hungry, we went for the SURF AND TURF COURSE, including

山下.〔 Sanka Course 〕 $1600 .Course 有黑松露蒸蛋/刺身_吞拿魚_牛肉_池魚/Kinki /魚湯蜆/厚切牛舌/麵豉湯/蒜蓉燒飯/甜點. -Kinki皮煎得好香口魚肉很嫩好出色-魚湯蜆加入洋蔥調出蜆既鮮味-厚切牛舌好軟滑醬汁也很夾-呢個course反而比special既好味黑松露蒸蛋/刺身_吞拿魚_牛肉_池魚/麵豉湯/蒜蓉燒飯/甜點。都同special一樣所以寫左係special到〔 Sanka Special Course 〕 $1750Course 有黑松露蒸蛋/刺身_吞拿魚_牛肉_池魚/加拿大龍蝦 /清森黑鮑魚/金木鯛/厚切牛舌/麵豉湯/蒜蓉燒飯/甜點. -黑松露蒸蛋非常出色蛋好滑黑松露同蛋配合得好好-前菜的刺身很新鮮-龍蝦一定要配上醬汁會比較有味道-鮑魚煮得好林好易入口但汁有點酸-金木鯛的皮煎得好脆加上湯汁中和了魚嘅澀味-黑毛和牛油脂分布很好配蒜片非常夾-飯冇咩特別燒得唔夠焦-麵豉湯好咸-甜品選了雪芳蛋糕配焦糖雪糕, 雪糕超贊.(好味指數: 8/10)服務(6/10)這個價位的餐店可以有更好的服務，開始明明説要tap water但佢就係要問bottl