31
0
0
電話號碼
95439874
營業時間
今日營業
11:30 - 15:30
17:30 - 22:00
星期一
全日休息
星期二至日
11:30 - 15:30
17:30 - 22:00
*最後落單時間: 15:00, 21:30
以上資料只供參考, 請與餐廳確認詳情
食家推介
呢間係我疫情期間食得最多嘅日本嘢唔止因為佢係黃店同我鍾意食日本嘢更多嘅係因為味道份量嘅性價比好高一度覺得可以媲美九龍區嘅餐廳但隨住時間過去份量的確縮咗水🥲晏晝嘅定食比較抵食選擇都唔少不過有好多我鍾意食嘅都要夜晚先有例如係左口魚邊壽司同明太子玉子燒份量明顯係少咗一截特別係蟹籽沙律話雖如此但都一樣係好夠食唔會少只係性價比冇咁高🥲都明嘅小店難做依然開心小店嘅刺身質素可以保持新鮮三文魚腩/赤蝦/帶子一直keep到水準舊飯比一般見到嘅細舊刺身丼嘅飯都好似係偏少每次食嘅感覺都係刺身多過飯另外鐵板牛肉蠔卷都係鮮味十足夜晚嘅二人餐好豐富好滿足😆普遍所有嘢食嘅味道都有少少偏甜重點介紹返佢唔鹹唔淡嘅自家豉油豉油本身係畫龍點睛嘅作用而山下嘅豉油真係恰到好處✨
繼續閱讀
因為今日係一個好朋友生日，我地由中學識到大，好老友鬼鬼，但因為大家返工都好忙，佢又要on shift ，超級難約到食飯，唔好話食飯，見佢一面既機會都好難，但因為佢生日我提前2個月已經約好左佢呢日，由於佢都比較忙，就約左係佢住既附近，係佢住既附近搵到呢間日式餐廳，我地點左超多野食，最有驚喜係有個10件既廚師發板壽司，你唔會知佢要比咩你，但係件件都好好食仲要擺盤得好靚，其次最好味係個玉子燒，可惜我唔記得影相，呢間一定會再去食
繼續閱讀
好耐無食壽司 happy day🔥超抵食壽司店 幫襯過無數次發現我原來幫襯完但漏了好評😛1️⃣午市優惠-三式便當先選了刺身丼-火炙海鮮丼再自選兩款手握壽司 一共四件（希靈魚/鰻魚/北奇貝等等）最後可選抹茶厥餅/加州卷做配搭一次過cross over 滿足唔同願望三樣都只係$98 抵食高質日本便當🍱✨✨✨推介
繼續閱讀
食咗個外賣魚生飯再加三文魚飯卷，買單$100內，呢個價錢來講真心抵！ 另外見到佢哋都有好多套餐, 又午市同晚市嘅，都包前菜同埋甜品，性價比好高，呢間真心超級推介，街坊最愛。❤️
繼續閱讀
同朋友來了一家屋村附近的日式餐廳聚舊見面，食物選擇多而且中意佢空間感夠大，慢慢傾計都可以😌明太子玉子燒：玉子燒原來都有咁多款式，我哋揀左明太子，中意佢有少少辣，一啖咬落去啲明太子爆曬出黎，雞蛋鬆軟柔嫩，一上枱都聞到濃郁香蛋味，甜甜地又辣辣地，外實內軟吉列廣島蠔：即叫即炸既廣島蠔，外表非常香脆，即使經過油炸既過程但裏面既蠔汁依然完美鎖住，包你食到原隻廣島蠔既鮮味黃金芝士燒蠔：廚師用另一種煮法帶出廣島蠔既美味，用芝士燒相對上味道更濃烈，我中意食芝士因為少少鹹可以搭配蠔既鮮甜，白，有香蔥同拉芝效果，68蚊兩隻性價比合理海鮮刺身丼：十分足料，第一次食刺身當有鮑魚，仲有海膽、大赤蝦、火炙魷魚、帶子等等，總共十樣既刺身比你一次過食曬，每啖都係舌尖上既享受，最愛食海膽既鮮味，赤蝦有好多蝦膏添，鮑魚彈牙爽口，正呀！薄燒牛肉便當：要讚吓佢個味噌湯，好好飲，配菜有中華沙律同埋蒜味螺肉，兩者都啱曬我心水，主角薄燒牛肉簡直一流，基本上冇個配汁都非常惹味，外皮微焦，牛肉味香濃，口感稔嫩，薄燒更加易入口，幾件都夠撈曬成碗飯，珍珠米又大大粒有嚼勁，讚👍😋😋
繼續閱讀