山一 (已結業)

短期內再次去到山一幫襯，服務依然貼心周到，食物保持水準，今次認真睇睇menu，價錢確實合理。。。消費者不要用北上消息價錢作比較，這裡是香港，經營餐飲確實不易，租金、人工高昂若然選擇留港消費，山一確是不錯之選…查看更多

好友相聚😋😋，12/24平安夜唔知去邊好，約埋兩個朋友打完波去食飯，環境非常舒服，店員服務很好，我哋坐咗好耐，店員不段為我們加熱茶，很有賓至如歸的感覺，食物無論份量，味道我哋都非常滿意啊😋😋…查看更多

環境舒服，服務周到，食物味美，價錢公道，絕對可以一試再試惟一美中不足是地點，位處康城。。。之不過想食好野，相信再遠都願意前往，而且乘搭港鐵可以直達，總算是方便的昨晚二人入座，兩口子胃口不大，為免浪費食物，只點了幾款食物，其實還有很多想試想食，惟有留待下一次…查看更多

食物味道挺好，環境都很乾淨企理，但服務態度有待改善。上菜時，侍應們都只會用餐牌上標示著的英文及數字代號問誰點了這個餐，但除非只有簡單的幾個餐揀，否則誰都不會記住代號的☹️☹️☹️所以例如侍應問我們誰點了L17餐，因我們人數較多，所以都一頭霧水。然後請侍應幫忙添水，叫了3次才有人添。因今次是第二次食，所以知道用餐的最後會有糯米糍送，但當用餐後，問侍應是否可以有糯米糍，對方問回我們是否要甜品餐牌，我們要向侍應解釋一次她才明白我們想上糯米糍，有點奇怪。…查看更多

咁岩去開康城所以睇下有咩食，最後揀左呢間嘅下午茶試下分量都足夠同埋幾好食。特別係個蝦壽司同埋鯛魚湯牛肉烏冬。鯛魚湯好香好濃郁，好似食緊魚白湯拉麵咁。牛肉唔係好老嗰種。裝修同座位都好舒適闊落，入到去好似自成一角咁每人一個跟餐沙律或味噌湯安格斯牛肉鯛魚湯稻庭烏冬（我揀左配加州卷，可以揀炸豆腐嘅）精選壽司配稻庭烏冬（壽司有三文魚、油甘魚、赤蝦、腐皮、玉子、加州卷🍣)日本菜好似都少見有下午茶，今次都算抵食…查看更多

收得呢個價錢，加埋一，啲服務員仲要「西」面😑😑早前一批服務員態度很好又專業，今次呢班好cheap!! 做cheap曬間餐廳😮‍💨飲完曬啲茶又唔沖俾人，下次不了。唯一可以讚係食物質素…查看更多

第一次嘗試山一嘅日式下午茶。叫咗大蝦雜錦天婦羅和安格斯牛肉鯛魚湯稻庭烏冬。可能是星期一,客人流量不算多,環境清幽,坐得好舒適。牛肉鯛魚湯烏冬,湯底清甜,牛肉口感唔錯烏冬也很嫩滑。大蝦天婦羅蕎麥麵配咗一些脆粒,加入醬汁可算有特色,也與天婦羅很相配。如以下午茶計,比午餐大約平50%,價格比例上也算合理,侍應服務態度熱誠,總括嚟講可以再試。…查看更多

The LOHAS 好多間食店都未試過，老公話去下啦唔好食咪一次out囉，，點知真係惡夢開始。呢間日本店望落去企理好似好高級咁，環境都算舒適，諗住都唔會好差掛。我哋各自叫左一個 Dinner set我嗰個係滑蛋安格斯牛肉定食老公叫嘅係壽喜燒豚肉定食上枱已經知道中伏，滑蛋唔喺滑蛋，好似煎蛋咁，抄晒成碗飯得三片薄到好似纸咁薄又细塊嘅安格斯牛肉，成晚係度硬食白飯，仲係一啲醬汁都冇。老公個壽喜燒豚肉定食啲肉多啲，好過我果個，但係老公話完全唔係壽喜燒果種味道。呢間餐廳除咗裝修環境值得一讚之外，其他都不願置評。 …查看更多

又黎幫襯哩間日本菜，從開鋪食到宜家。最開始我行入哩間店，被店內的裝潢和氛圍所吸引。店內燈光柔和，覺得非常舒適。店員都好友善，熱情地向我們介紹餐牌食物，推薦翻佢地時令菜、隱藏menu之類。Order左銀鱈魚西京燒、三文魚刺身，好快就有得食。定食質素保持一直嘅高水準，滿足我對星期五LUNCH嘅美好期待。西京燒配嘅蒸蛋好足料，每次食都幸福感爆棚。食埋個沙律，胃口大開。西京燒燒得好靚，味道都非常好，魚肉夠味嫩滑。追加三文魚刺身大件夾抵食，油脂唇齒留香。用餐期間，店員都幫我倒水，傾兩句食物意見，整體來講，非常滿意服務、環境同食物質素，強烈推薦哩間…查看更多

星期日約埋朋友一齊堂食，食物水準都能夠維持，午飯時段座無虛席。不知道是否上錯食物，烏冬居然在前菜沙律前送到台上，當然紫菜好快淋咗。當我們吃到一半時，居然送上另一碗烏冬，當我們告知以上了，立即攞走。😂…查看更多

餐廳在溜冰場旁邊午餐時段就只有定食, 不知道晚餐會否有其他小食提供呢每份餐都跟沙律特上壽司盛配烏冬&茶碗蛋壽司一般,烏冬彈口, 湯底鮮甜茶碗蛋都算滑白雲魚生飯魚生厚切, 但鮮味一般, 不太推薦鰻魚飯鰻魚燒得很好食!!…查看更多

襯放假約朋友去康城完食飯再行街，見到這裏環境闊落好似好舒服。同埋去見到 有特別的海豚裝修 都好leng，好有feel，好leng的居酒屋。我 Order 左特上壽司盛盒，非常豐富，好鮮甜，同埋這個selection 的壽司都係我會食的壽司，不會有d 奇怪味道 或是未食過的壽司，好好。個炸鷄真係好好食，不會太油。我個人認爲，要知道一間日本餐廳好唔好食，如果有炸鷄，同埋係日式又好食，就d野食一定唔會差。就算是假期，這裏服務態度都好好不會趕客。幾好。Visited this restaurant on a holiday with a friend before we go off shopping. This restaurant is really comfortable and it has cute dolphins decoration like they're floating above us while we eat, it is a really pretty restaurant. I ordered the sushi set,  the sushi was fresh and the selection was just right, no new or weird sushi flavors, all sushi are ones I would eat. The fried chicken is also Japanese-style fried chicken, which I loved. The service here was good too. …查看更多

今晚選擇外賣自取，用外賣平台🐼訂餐更有折扣優惠，非常化算！我們點了一份套餐: 山一豪華刺身丼和散叫: 香葱金槍魚蓉雲丹丼。🐟豪華丼包括了三文魚腩，油甘魚，蟹膏蟹肉🦀，榮螺🐚，金槍魚蓉🐟和赤蝦🦐。餐牌上還包括了三文魚籽，但我們這份沒有，看來是師傅漏了🥲三文魚腩肥美，赤蝦超大隻還有蝦膏，十分好味。金槍魚蓉雲丹丼用上加拿大海膽，有三大片，份量可以，但可惜味道較為甘口，不太鮮甜，金槍魚蓉肥美，入口即化，十分滿足！…查看更多

吃了個空虛🥲食完唔夠飽女店員態度和藹親切，女supervisor語氣特別，係唔休做嘅語氣🤔比佢個期間限定嘅推廣優惠吸引到，但唔記得咗原來連埋加一其實都唔算平😂而且食完覺得佢唔值呢個價位😗應該單點抵食啲🍱山一和風盛合 連加一 $181.8🥗野菜沙律一小碗沙津但落左好多沙律醬，變左沙津醬浸沙律菜，有啲重口味。如果嚟食要叫佢少醬。🦞龍蝦沙律加洲卷小龍蝦肉加咗啲沙律醬同埋蟹籽整成沙津，幾惹味。加洲卷舊壽司飯淋咗啲。🐟三文魚刺身拼珍寶赤蝦刺身正常的刺身。隻赤蝦唔算珍寶🤔🦀松葉蟹肉鱈魚片松葉蟹肉撈左啲蟹膏，幾鮮甜，再配埋脆脆地嘅鱈魚片，係幾特別嘅小食。🥬野菜餅天婦羅天婦羅脆口亦帶有蔬菜嘅鮮甜味，不過有啲油膩。🍚三文魚貝柱濃蝦湯石鍋泡飯食唔到濃蝦湯味(´･ω･`)唔知濃左係邊。樓上樂天經典個蝦湯濃好多好食好多。泡飯味道淡淡的，有幾粒三文魚同埋迷你貝柱，兩者都係冇乜味。最後我要加啲豉油落去先有返少少鹹味。🍵精選甜品正常的抹茶蕨餅。單點食品附送沙律和麵豉湯三色魚生飯 $122朋友評價：啲飯太淋，魚生厚切，蟹籽唔算係好鮮甜。特上壽司盛合配稻庭烏冬 $158朋友評價：啲壽司飯偏淋，壽司飯用赤醋調味唔係好食得慣🤔同埋唔係好夠飽滑蛋吉列黑豚定食 $108朋友評價：啲飯太淋。豬扒正常。…查看更多

今日出街送貨路經將軍澳突然好想食日本嘢，搜索一下發現這間位處民居嘅日本菜，佢嘅午餐做緊七折所以我諗都冇諗就入咗去試一試。我選擇咗和風盛盒，食物有野菜沙律，龍蝦加州卷，三文魚刺身赤蝦刺身，松葉蟹肉鱈魚片，野菜餅天婦羅，三文魚貝柱龍蝦湯石鍋飯。野菜沙律：中規中矩龍蝦加州卷：中規中矩三文魚刺身：有油香味不錯赤蝦刺身：都算新鮮有蝦嘅甜味松葉蟹鱈魚片：中規中矩野菜餅天婦羅：天婦羅不會太厚，剛炸出來很新鮮，咬落口香脆三文魚龍蝦湯石鍋飯：整個盛盒最好食嘅一個鍋飯，龍蝦湯蝦味濃，上菜時石鍋好夠溫度適合這星期較凍嘅天氣。三文魚係直接落龍蝦湯中煮熟，不會過油，和龍蝦湯的味道也很搭另外我同事叫咗天婦羅定食，份量適中炸蝦天婦羅會比較好食，搭配幾款不同嘅野菜天婦羅，中規中矩如果下次經過仲有七折會繼續幫襯。…查看更多