31
12
1
電話號碼
36897187
營業時間
今日營業
12:00 - 16:00
17:30 - 20:30
星期一至日
12:00 - 16:00
17:30 - 20:30
付款方式
AlipayHK 支付寶 現金
其他資料
當面支付
食評 (48)
等級4 2022-01-10
1087 瀏覽
因為工作關係都係集中係大西北其中一間黃色漢堡包叫做屯門牛係置樂屯門官中對面一樣都小店經營只得幾張檯但係人流好少當晚六點幾去到除左我另外只係得一個客食野途中更加係完全無其他客可能日頭會比較多學生幫襯掛店內有豬仔狗仔見佢地有同附近黃色手搖飲品店都有合作就好似尻砌個鐵三角咁香港加油已經變成禁語漢堡由最平四十八蚊到最貴過百蚊都有除左牛肉仲有其他肉類選擇另外加十八蚊可以轉set加野飲薯條因為唔算太肚餓揀左經典漢堡餐揀左個望落去幾特別既土耳其有氣蘋果汁飲落就正正常常咁經典漢堡5安士牛肉patty都好大件唔知係咪手打但都係即製既聽住佢炸炸聲咁煎都等左一段時間先有漢堡包入面有生菜同蕃茄配上特製既醬不過口感就唔係話好特別正正常常無乜肉汁但都唔會話好乾唔知8安士果隻prime級牛會唔會有大分別呢另外薯條都係即炸熱辣辣都唔會話好油膩成個餐加埋86蚊無加一以置樂小店黎講都真係貴左少少小店環境一般不過人少都坐得幾舒服店小二態度唔可以話佢差不過見佢對客就有少少奇怪整體黎講真係只可以話不過不失支持立場既話都叫做黎得過起碼好過對面金拱門19漢堡但的確係仲有好多更好既選擇 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-22
604 瀏覽
成日比人叫新界牛🌝今次趁平日去左屯門呢間burger店探下我啲坐騎🐮店舖空間唔係好大,但算企理,店員親切樂於幫助食客👍🏼🔆經典漢堡$𝟞𝟠開頭考慮要個雙層漢堡,但諗諗下好難擘到個口咁大😂所以要左個經典🙌🏼入面配醬可以轉其他,要左蜜糖芥末😋5oz牛肉漢堡放入口厚度剛好,中心充滿肉汁,外層香脆感重啲🔆飛驒和牛漢堡$𝟙𝟛𝟠飛驒和牛比較下較厚身,而且明顯釋出較多油脂。配料同經典一樣,有車打芝士🧀蕃茄🍅生菜🥬都係burger常客🍔全部都夠fresh😎另外芝麻包都烘得好香脆兩個漢堡都加了$𝟙𝟠做套餐,有薯條同飲品🥤好欣賞有果汁做選擇,唔洗一定飲汽水😆薯條表層撒上黑椒調味,裡面的薯蓉好飽滿無乜空氣感🍟有一個餐加左$𝟝由薯條轉做脆炸雞條,岩岩炸起超彈牙✨抵轉🔆炸芝士蘑菇雞翼5隻$𝟟𝟠炸得金黃亮麗💛但不會乾巴巴,而是保留到嫩滑有肉汁的口感。已被熱溶的芝士加上蘑菇作餡料非常滿足🥰🐰自己始終都鍾意食牛嘅burger所以兩個餐好似差唔多咁,但店舖其實有提供雞羊魚堡等其他選擇,實有一款岩你食😉 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-22
387 瀏覽
近排愛上食burger~搵搵下~先發生原來屯門都有間咁高質既burger小店~✅八安士美國Premium牛肉漢堡($118)8安士漢堡份量十足~一拎已經覺得好重手~漢堡用左美國Premium牛肉~牛味特別濃~再加埋佢地既招牌特製醬~好夾好好味呀~招牌特製醬以沙津醬作為base~味道不會太濃~唔會蓋過漢堡既味道~✅飛驒和牛漢堡($138)飛驒和牛漢堡就係大家熟識既飛驒和牛味道~相比起黎~哩款漢堡會比較腍身d~更有肉汁~食落會有入口即溶既感覺~包內搭配蜜糖芥末醬~可以去除和牛本身既油膩感2款漢堡除左塊漢堡好味外~最鍾意佢地既麵包烘得夠哂香脆~包內其他材料好似生菜同埋蕃茄都十分新鮮~2個漢堡我地都+$18轉左set~跟薯條同汽水~轉左set之後~薯條仲可以轉成其他食物架~我地+$5轉左香辣魷魚✅香辣魷魚其實類似酥炸魷魚~香香脆脆~賣相已經非常吸引~咬開外皮~魷魚食落仲係好juicy~而且辣辣地咁~幾惹味另一個就+$10轉成芝士波✅芝士波一定要襯熱食~熱辣辣咁好香芝士味~咬開仲會有拉絲效果架~✅水牛城風味雞翼($48/4隻)好鍾意佢地既水牛城雞翼唔會有太多既醬料~不過雞翼確實有水牛城雞翼既味道~外皮仲要係脆脆咁~只可以講4隻真係唔夠喉呀~ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-12-07
459 瀏覽
作為一隻做左廿幾年的屯門牛,返到家鄉當然要食返D地道野,以型補型一下~餐廳位於屯門置樂,屯官中對面的萬寶商場,店內座位唔算多,但餐廳大致整潔坐得舒服,大大個屯門牛麥頭令你實認到佢係邊。小店主打的牛肉漢堡即叫即做,堂食、外賣自取、外賣到送(+$40)亦可。屯門牛漢堡 $98 🍔推介:⭐️⭐️⭐️⭐️⭐落單無耐就聽到廚房滋炸聲齊發,熱辣辣的招牌漢堡份量十足! 雙倍牛肉份量,兩塊5oz牛肉漢堡同芝士蕃茄夾實沽溶為一體👍私心推介真係要試下嘅+$20 烤大啡菇,將一個本身多層嘅漢堡包加高變成高層塔😋再加上秘製creamy嘅黑松露忌廉醬,打卡認真正到暈! 熱辣辣香濃汁由頂流到包底,強烈建議要叫店員攞返對刀叉慢慢切開慢慢嘆。+$18 轉為套餐(薯條+飲品)另再加$10 轉成水牛城風味雞翼,再加$5轉特飲:土耳其100%純果汁,有石榴、橙、蘋果同雜果味四款,選了橙汁味十分解渴,中和黑松露醬汁嘅濃味感。️係屯門人值得去試嘅屯門牛,foodpanda可以外賣,而元朗天水圍嘅朋友就可以另加$40有專人送到👏👅美味: 9️⃣ 😮驚喜: 8️⃣✨環境: 8️⃣ 💆‍♂️服務: 8️⃣💡性價: 8️⃣ 🐽飽肚: 🔟💫回頭: 8️⃣ 👍推薦: 9️⃣ 繼續閱讀
(以上食評乃用戶個人意見 , 並不代表OpenRice之觀點。)
等級1 2022-05-19
0 瀏覽
今日晏晝渣車經過屯門,就順便去試下屯門牛。跟住睇完餐牌就是下佢地出名嘅屯門牛漢堡,大約等左10分鐘,跟住個漢堡包好厚身,漢堡包個面同低都焗過。跟住食落塊漢堡牛肉啲肉汁漏出來蕃茄同生菜都新鮮佢特別之處係少許番茄醬加黑松露汁,所以食落去有啲特別,個漢堡飽真係無得輸,不過個薯條可以炸耐小小,因為個薯條中間可能有少少未熟透,不過依間屯門牛,有機會再去屯門可會試佢另外果個八安土美國prime漢堡包另外同埋飛驒和牛漢堡包,應該都唔會令我失望。 繼續閱讀
(以上食評乃用戶個人意見 , 並不代表OpenRice之觀點。)