55
9
2
電話號碼
24041444
特色
適合駕駛人士
營業時間
今日營業
11:00-15:00
18:00-23:00
星期一至日
11:00-15:00
18:00-23:00
付款方式
現金
座位數目
50
其他資料
酒精飲品
加一服務費
電視播放
Spot payment
招牌菜
咖哩羊腿 咖哩炒蜆 咖哩炒蟹 鐵板燒魚 鐵板燒雞
食評 (70)
初嚐屯門咖喱屋 焦點食評
等級4 2016-12-05
2724 瀏覽
已經搬來屯門快兩年了,不過連置樂花園在那裡都毫無概念,雖然朋友曾告知只需穿過華都花園,再走一段路便會到達,但卻完全沒有想過要去那裡逛! 直自上月首次步行到碼頭後,又燃起了探索屯門區的行動! 週末早上,與家父吃過早餐,就步行到置樂花園,途中發現了一個新開的劏舖商場,可惜內裡店舖不多,沒甚好看的; 離開後再四處閒逛,再找找屯門咖喱屋的位置,原來只是離置樂不遠處的彩華花園,可惜是日太飽了,決定一星期後才來吃午餐! 可惜隔星期的週六,氣溫下降兼下起雨,本着一試這出名的屯門咖喱屋,穿好雨靴,步行30mins到這餐廳,我連早餐都沒吃,就是為了一嚐這店的馳名咖喱!! 餐廳內部環境都幾濶落,燈光則偏暗,與一般印度餐廳無異~ 來到餐廳只是11:30左右,成為該日第一枱食客,午市餐牌共有7款,如咖喱雞、牛舌、蔬菜 ($40)等,至於咖喱牛腩/ 羊腩/ 魚則另加$5,即是$45. 套餐已包括: 湯、蔬菜、薯條、飯、烤餅、餐飲,也可以加錢轉特飲,是日我們就轉了一杯印度拉茶 (另加$10). 餐湯 這湯有點似忌廉湯,但有濃重的胡椒味,內裡亦有不少雞肉,不過味道偏鹹,不合我胃口. 咖喱魚 ($45) 喝過湯後,主食都等了差不多20mins,實在超耐,可能我們來得太早,食物未ready! 之前看過食評,已知是以銀盤奉上食物的,不過沒想份量會是如此的多! 我想那銀盤也有12吋般大小,分開幾格,有點似小朋友吃飯時用的餐碟呢! 當日的蔬菜就是雜豆,可以用來拌飯吃; 薯條也是即炸的,可能我們來得早la,看過食評說薯條是凍的; 主角咖喱魚,大約有3件,用上雞蛋包着來煎,魚肉都幾嫩滑,咖喱的辣度都有點強,對於我來說已經夠辣了,而且有不少香料的味道,都幾惹味; 至於烤餅,外脆內軟,沾上咖喱汁已經很美味,不過要趁熱吃,否則會變軟身; 至於白飯,份量對於我來說實在太多,見到別的客人下單時說不要白飯,原來是可以全選烤餅的,下次也要這樣做~ 家人則分別選了咖喱牛舌& 咖喱羊腩,不過我就沒有試味,但單看賣相都很吸引. 熱檸茶 餐飲則選了熱檸茶,想不到印度餐廳的熱檸茶茶底都幾香濃,是有點喜出望外的. 印度拉茶 (跟餐另加$10) 至於媽媽說難得來到,也想試試印度拉茶! 師傅在我們面前把茶拉到1米的高度,而且拉了多次,可以拍下多幅相片,可惜我忘了拍片,不過這表演只需$10 實在超值,來到不妨點杯拉茶,看看師傅的演出呢! 不過拉茶卻是充滿印度香料的味道,我就喝不慣了~ 餐廳沒有加一服務費的,帳單是$140,不過給予$200 只找回$40,而且是用黑色帳簿蓋着的,幸好見到只有2張$20,即是詢問店員找少了$$,希望只是個別例子,如果來食的朋友,應該自備散紙,不用店家找錢就不會錯數la! 本來想給笑臉,不過連$200-$140= $60這小學生都識的算術都計錯,只可給予OK了~ 屯門彩華花園25號地舖 2404 1444 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-11
350 瀏覽
星期日既晚上,心血來潮想食印度嘢,同印度薄餅,突然醒起置樂有一間,就同去喇晚上有set dinner ,不過想散叫多d店員喺未點菜,就送左2款小食炸卜卜,點左青咖喱,好開胃Mango lassi, 乳酪味好重,好味,經店員友善介紹下,叫左godfather beer,甜甜地,好味鐵鑊仔雞,辣辣地,有好多好多蕃茄,點d 薄餅食,好野味,好食洋蔥薄餅,廚師將洋蔥切碎,夾喺餅中間,食落每一啖都係好香既洋蔥味,點埋咖哩,正少少辣既牛,牛煮得好林,好入味,5記得叫咩名了😂😂本身諗住淨係食薄餅5會飽,點知都好飽,店員都有禮總括而言,要喺屯門揾到咖哩店已經好難得,不時要去支持一下小店哦,下次再try try 其他咖哩同烤餅先 繼續閱讀
(以上食評乃用戶個人意見 , 並不代表OpenRice之觀點。)
等級3 2017-09-07
261 瀏覽
星期六下就游完水,夜晚同屋企人去食晚飯,經過屯門咖哩屋見到竟然唔使排隊,即刻衝左入去羅位🤞🏻🤞🏻 事關上星期日經過已經想食,點知門口排隊就無等到。屯門咖哩屋既地理位置其實唔算方便,附近無地鐵,做既多數都係街坊生意,但神奇地好多印度人去幫襯,所以佢應該都算幾正宗🤔餐廳內唔算大,座位亦較密集,大約容納到30人左右。食客大多數都係嗌套餐。價錢都算幾掋。我地一坐底,佢就比左碟好似係炸雜菜既野我地,都算脆既,味道就一般。其實都唔係太食得到佢exactly係咩,不過就一定唔係肉🤗我地4個人叫左個3人餐,佢個餐包左份雞件,呢個雞就麻麻地啦,肉質一d都唔嫩滑又乾🤔如果係可以揀串燒就好。雖然我地叫3人餐,侍應好好咁比左4碗湯我地,湯就值得讚既,十分清甜,好香椰子味但又唔膩套餐包左三款咖啡主食,我地揀左一個雞,雞肉都係唔嫩同乾🤦🏻‍♀️ 似用雪藏肉兼煮左好耐🤷🏻‍♀️ 但無可否認個汁係好味既,唔辣,有椰香味,送飯一流👌🏻👌🏻叫左個咖啡牛,兩款咖哩好明顯係唔同既,我地比較中意呢隻咖哩,應該係黃咖喱,甜甜地好易入口,用黎點烤餅食一流!牛都煮得好林,一咬就撕得開,比雞好好多😋要論邊碟肉煮得最好就一定非羊莫屬,佢有陣騷味但唔會好濃,(P.S. 本人係好中意食羊同食得騷既) 肉質又林,真係唔錯值得推介!呢個咖哩汁同牛個個係一樣既。呢個餐仲跟左兩大塊烤餅,餐廳好貼心咁將一分為4,大家都見到其實一塊好大塊☺️ 重點係佢係新鮮出爐的,烤得好好味,個質感好正軟得黎外面濃濃地有少少脆👍🏻👍🏻👍🏻👍🏻👍🏻👍🏻👍🏻有3杯餐飲,其中一杯叫左拉茶黎試,大家千奇唔好expect佢係傳統港式奶茶咁濃,相反佢係完全無茶味🤷🏻‍♀️ 反而好重奶味,但個奶又唔係大家平時飲個種奶喎,媽媽話佢應該係用羊奶沖🤔 但唔騷既大家放心,飲完你會用個味好得意黎形容😂順帶一提,佢係有專人係你面前即刻拉既杯拉茶😂 睇下媽媽舉起隻手指公就想像到佢睇得有幾開心啦🤣總括黎講,呢到既咖哩汁係正正子的,正宗的,回頭率高的,但勸大家就唔好嗌雞啦,肉質真係唔得🤦🏻‍♀️ 中意食咖哩既朋友不妨特登入去屯門試下 繼續閱讀
(以上食評乃用戶個人意見 , 並不代表OpenRice之觀點。)
等級3 2017-08-30
194 瀏覽
這間食店近民居及學校,多以熟客為主,可能太喜歡食咖哩顧抱住期望而來,只看食評負評很小,因有套餐推介固價錢合理,亦冇咩可以挑剔,若單叫就不抵食,咖喱味道適中,而配各種肉類應該有4至5舊,但薄餅就稍為....因太像超市品種,價格單1件也要18元。比起在重慶大廈的咖哩食店稍遜一籌。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-07-27
355 瀏覽
屯門置樂花園巴士站一落車就見到五隻大字,屯門咖喱屋。平日下午餐廳都會爆滿,黎嘅多數都係學生哥,點解?因為夠經濟夠實惠囉!午餐50蚊唔洗,有湯,有餐飲,仲要大大份,正常食量嘅女仔食半個已經好飽。我哋兩個人叫左一set咖喱牛腩,有啲肥肉有啲瘦肉,配正宗印度咖喱汁,正!薯條十分香脆,精粹係個烤餅,記住,係一定要叫烤餅!大大塊烤餅,本身冇乜味,少少咸,煎到金黃色,外層少少脆,再點埋咖喱汁,簡直就perfect池!睇下幾大份! 繼續閱讀
(以上食評乃用戶個人意見 , 並不代表OpenRice之觀點。)