居食屋「和民」 (已結業)

好耐冇去過和民食，想睇下有咩新野。呢間和民好細，等了一會先有位。呢間有好多waiter ，但係又個個都好忙好唔得閒咁，等左好耐先有人理下我地。間野咁細waiter 又多，都唔知點解可以咁忙咯，定係佢地手腳慢！二人叫了四樣野。炸豪炸得好脆好香口，但略嫌有少少熱氣。一口牛柳０的牛柳有少少韌，冇乜牛肉味！另外海鮮飯同叉燒拉麵都係舊有既菜色，一貫既水準－冇咩特別。和民既菜色實在太少，食兩三次都食哂咁濟，唯一既好處係勝在好坐咯，睇黎食完呢次之後又係有排都唔會再去的了。

今日同ｆｄ２個人去食，等左好耐～環境唔錯，友人唔食得牛，蛋同辣，叫左炒鳥冬，和民沙律同一個日式ｐｉｚｚａ，個烏冬真係好好食，沙律亦都唔差，係個ｐｉｚｚａ雞左ｄ～叫左２杯ｄｒｉｎｋｓ，呢間和民算係幾得手ｌａ！

8 December 2005 - 晚飯朋友係第一次食和民，我自己則食過幾次，冇乜期待，不過朋友幾鍾意！兩人叫咗：1. 燒羊架配紅酒洋蔥汁：好細件，好的骰，味道一般，如果唔加埋汁一齊食就會好淡．．．2. 六色刺身：我一向麻麻地呢度既刺身，覺得味道好淡3. 芝士牛油粟米：雖然好普通，郤係我既喜好，芝士味都好濃，唔錯，不過好難夾，又冇叉，要用筷子，有啲辛苦！4. 雜菌鮭魚燒：幾好味，可惜稍為細碟！5. 辛味脆蝦配他他汁：我覺得好好味，因為真係好多隻蝦，開心，他他汁即係好似沙律醬咁好味！6. 和風比薩：呢個又係好味，雖然跟本係冇乜料，但係啲汁同超薄pizza加埋郤好好食．．．總括都仲可以再黎，但係會好容易唔覺唔覺食多咗，因為實在太細碟！所以雖然價錢唔貴，但比錢時會覺得好似唔平咁．．．

剛剛同完男友去食,真係覺得它越來越唔掂!order四樣野:1. 焗芝士年糕2. 一個新推出既鮮蠔野菜3. 和民沙律半客4. saki一支除左支酒,每樣都係得一個字"咸"!D芝士年糕已經走哂樣,以前係一餅野,好煙"NGAN".但現在變到好似上海年糕咁,一塊塊.差好遠!而個就係麵豉湯底,好咸好濃.而個沙律我都唔明點解可以調到咁難食.唔會再去尖咀個間食

非常差呀!! 完全唔惦, 等唔係問題, 而家好多地方都要等, 但等得來, 服務態度差, 食物水準差, 咁等來做咩呢, 我想同呢間餐廳既負責人講, 香港唔係得你一間日本餐廳架....... 叫你堆服務員態度唔好衰成咁呀......

繼續係老老o既生日飯--"中小學老死"篇禽晚十個人去食，食到勁飽，都係一千一百蚊倒，好抵!而家有冬天菜式推介，重有推出西印度櫻桃飲品，話好高Vitamin C架。叫兩杯送一杯，重每杯送一片雪肌精mask，超飲得過!!不過我覺得和民d飯類始終麻麻地好味!我地最後仲收倒一本記事簿做禮物，因為幫襯滿四百大元。服務好貼心，值得一讚。好滿足亦都好滿意o既一餐，食足三個鐘

和朋友聚舊，試一試到和民，想不到六個人，七點鐘到，居然唔洗等位﹗食物都是一灌的水準，最後我們試了秋日限定的南瓜雪榚，沒想過可這樣的有南瓜味，和朋友一齊說了聲：「好南瓜喎﹗」真的好好味﹗

差不多10點，知道無乜人先去食，無謂等。兩人要了- 芝士菠菜豆腐- 泡菜火鍋- 蒜香帶子炒飯- 2 X 紅豆拼綠茶雪糕芝士菠菜豆腐，麻麻地，有沙律味，酸酸地。仲要來到才醒起，不是說菠菜和豆腐一起吃是不好的嘛？火鍋和炒飯都ok。

7點鐘到達都唔係太多人,2個人仲有卡位大梳化坐tim!好舒服,不過現場環境好嘈,燈光比較黑暗~2個人叫左4樣野:--海鰻天婦羅壽司$38呢個時候仲有鰻魚出售都好出奇下,鰻魚分量少,wasabi要問侍應拎佢先會比你..--蒜香海鮮炒飯$38分量少,多油同好咸--牛肉火鍋$48呢個唔錯,試得過,湯底係日本豉油,甜甜地,,不過d牛肉好肥下,烚下烚下好過癮!隨鍋仲送一隻生雞蛋比你中和返d咸味--番茄和風海鮮Pizza $38口感似食番茄包,唔似即焗pizza,少芝士同海鮮,全晚最難食既一味...侍應服務滿意,灼水收碟快,但上菜較慢,落完order等左成20 mins先有得食!走0個時大約8點幾,門口已經好多人等位~

月頭同女友黎食晚飯~女友話佢地服務幾好, 幾友善~ 可惜我遲左到, 體會唔到~今次好味o既食物:燒魷魚(唔記得個名), 牛油焗帶子, 炒烏冬, 帶子海鮮飯(唔記得個名)令人好失望o既係鰹魚壽司! d 鰹魚得好少, 我只可以講係鰹魚碎, 好勉強蓋過左d飯, 一睇都知材料同飯o既比例有幾唔夠, 食落口更覺得似食緊舊飯, 完全試唔到鰹魚o既味道~ 好唔抵食!唔知點解, 次次食和民(唔淨係呢間)o既壽司都會失望~ 雖然今次除左個鰹魚壽司唔好, 其他都好滿意, 但我都係手緊d唔卑"笑"~

去過和民都不少次，總結一下(我記得的)菜色吧! 以必叫度排名：1. 炸雞軟骨(脆!平!必點!)2. 和風海鮮飯(平，食相不錯，也可填肚)3. 廣島薄餅4. 枝豆(夠平，放在last，和朋友一邊聊天一邊吃，感覺不錯)其他食物評價麻醬冷麵(不錯)鮭魚腩串(太肥)鯖魚燒(ok)季節限定(春) 唔記得左叫咩野用三文魚包著的卷(好正!)(夏) 清酒煮蜆(正)(秋) 炸蠔(有點油膩)(秋) 鮮蠔野菜鍋(味道ok，風味搭夠)(秋) 辛味金槍魚腩卷(有點辣，好味)(秋) 和民海鮮薄餅(普通到唔記得有咩感想)飲品caramel milk tea (good)去食lunch平均一人7xdinner一人10x

周五放工約左朋友聚聚, 黎左尖咀和民. 遲左收工, 黎到時佢地已經嗌定野食, 兩個靚女唔知係咪等到肚扁, 得三個人, 佢地嗌左成檯野食, 當中:好味-- 炸蠔-- 無計, 個人至愛, 蠔夠大隻, 無腥味.軟殼蟹沙律-- 鍾意中間一堆撈左沙律醬o既蟹籽沙律甜蝦刺身-- 有8大隻, 抵食okay --番茄海鮮pizza -- 係厚批, 調味唔夠, 批唔夠熱帶子炒飯-- 好濕, 唔係好鍾意個口感.海鮮沙律-- 好多生洋蔥, 食完個口一陣味仲叫左個千層菠菜, 好漏好難頂.食到飽上心口, 埋單都係$350, 算抵食.

呢到d野整體都算係好食,呢個收費水平都算有功課交.食物冇咩太特別,可以試一隻好似pizza仔咁餅都幾好食.不過等位就要等好耐,要有心理準備.

又唔係特別好食~~唔知點解要咁貴~~d服務只係ok~~開頭d人全無笑容~~目無表情~~中途有個waitress倒瀉碗湯~~好彩都識得講對唔住同唔好意思~~不過之後冇主動俾番我地~~要我地問先俾~~好唔醒目~~總括黎講~~我會寧願去對面"茶軒"囉.......應該唔會再去lu~~

四個人等左半粒鐘即刻叫野食:1)和風pizza---每次去都一定叫,好脆而沙律醬酸酸地,幾好食2)牛油焗帶子---d帶子都幾大粒,又好香牛油味,最緊要係一d都無燶,大家都爭住食多粒,哈哈3)六式刺身---唔覺特別鮮甜,但食得過4)一口牛肉---肉質幾林同有肉汁,係幾好既選擇5)炸雞軟骨---咸咸地再點d沙律醬,ok既,但我下次唔會再叫6)芝士菠菜闊面(好似係咁既名)---唔係好多芝士o係面,加上d菠菜爛爛地,係全晚最唔好食既7)串燒雞腎---好硬...小販賣的仲好吃侍應叫左好耐都唔會主動抖茶,打翻左野又抺得唔乾淨,攪到我個fd 滑低左,但我地無追究到,真係有d後悔,如果同個經理講下,可能佢地既service會好d