103
14
11
電話號碼
28660296
開飯介紹
格調悠閒的咖啡小店,招牌菜為水滴形的草莓麻糬鬆餅,另有All day breakfast、小食、薄餅、意粉等供應。 繼續閱讀
營業時間
今日營業
12:00 - 22:00
星期一至日
12:00 - 22:00
付款方式
現金
其他資料
Wi-Fi
酒精飲品
切餅費
加一服務費
室外座位
電視播放
食評 (136)
等級3 2018-07-08
111 瀏覽
想試呢間好耐喇,難得呢晚佢味閂門,望入去又唔少人得嚟又剛剛有位。天氣咁熱 當然揀凍飲,沙冰就啱哂,仲有Caramel Coffee味,就揀佢啦,沙冰當然有連鎖店嘅碎冰咁滑,但都好夠咖啡味,如果打得幼啲唔太冰會更啱我口味。我吔另一杯就揀咗佢嘅奶泡系列,實物比想像中靚,如果女仔叫呢杯一定會好LIKE,飲落亦好滑同埋唔會太甜,正!牆上黑版有啲是日推介,落單時店員又介紹下,就叫多個鴨肝試下,以佢88蚊嘅價錢以為係一件,實物比想像中大份,厚厚嘅鴨肝同脆脆嘅多士,好夠口感之餘又唔會太濃,再配埋啲沙律菜,食兩件都唔會好漏,完全係"冇介紹錯呀"!食西餐我通常都會叫個沙律,呢晚都係想傳統啲揀番凱撒沙律配上鮮蝦,見只係幾十蚊,諗住當前菜食下啦,點知....見到佢真係嚇咗一跳,竟然係有差不多主菜嘅份量,新鮮嘅生菜,配埋芝士碎,麵包粒,煙肉碎,一啲都唔似係呢個價錢畀到嘅貨色,好味之餘仲要係食完都已經飽咗幾成,好彩都兩個人share下。其中一個主菜我吔揀咗豬鞍,好厚呀~一睇就知唔係平價貨色,仲有唔少配菜,仲有烤過嘅茄子。食落仲一啲都唔會靭。讚!另一個主菜就揀個輕量啲嘅三色多士,嚟到時又係嘩然~ 好夠份量,好足料,煙三文魚,野菌,車厘茄三款材料分別放係脆脆嘅多士上,車厘茄仲要係煮過嘅,甜甜酸酸好開胃,中間仲有沙律菜㖭!足料到片三文魚一啲都唔細片,鐘意三文魚嘅一定超鐘意!整體而言,真係又好味又抵食,難怪咁旺場,我吔食食下就更多人入嚟幫襯,仲要等位㖭! 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-06
76 瀏覽
假期既中午時間黎到, 唔駛等位就入得。叫左兩款menu都有推介的食物, 但兩款都令人失望!1. 黑松露蟹肉炒蛋牛角包 雖然聞到黑松露味, 但入口黑松露味極淡! 而且蛋也炒得過火, 很硬身也不滑! 整體食落冇咩味!2. 三色多士其實即係有3款不同口味的多士 (煙三文魚, 蕃茄及磨菇 )每款有兩塊。一見到賣相就知自己中伏! 廚師只是將三種材料放到多士上,再加一些類似沙律醬的醬, 可以想象到到製作過程是十分求其! 味道一般般, 煙三文魚配沙律醬反正味道不會差得去邊, 至於另外兩款味道更是麻麻地!另外點了玫瑰朱古力及mocha, 味道普普通通。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-07-04
99 瀏覽
土瓜灣有好多隱世美食,但去cafe真係第一次,見可以坐門口位睇實部車唔怕俾人炒牌,兼且可以望吓天空睇風景,就試呢間啦!點咗個玫瑰Latte,賣相好好, 咖啡甜度啱啱好,奶同咖啡比例亦適中,唯一可以進步嘅係玫瑰香味唔夠,濃多少少就更好。雖然對住大馬路,坐出室外都算寧靜,美中不足係如果你唔係煙民,有機會吸二手煙;而如果你怕坐出去會太熱或者太凍,坐入室內都算舒服,不過餐廳面積唔大,假日比較嘈,傾計還可以,想靜靜地睇書就有困難喇。餐廳服務亦唔錯,侍應有禮貌,唔怕坐得耐俾人趕走。 繼續閱讀
(以上食評乃用戶個人意見 , 並不代表OpenRice之觀點。)
等級2 2018-06-07
337 瀏覽
北帝街呢一行 好多間餐廳揀 間間食過都唔差今次食左呢間 每人平均$100 叫左兩個pizza 有4款pizza can choise ga 叫咗一個招牌Pizza同埋一個四重芝士pizza 你真係叫住一個Pizza嘅但係呢食完一個唔夠喉所以叫多個 😋😍😋😍一個龍蝦天使麵 同埋一個黑松露意粉 食完正餐仲叫左個 抹茶麻薯窩夫😍😍好好味 in in un un 又有雪糕 抹茶紅豆 雪糕 配窩夫 真夾👍🏻🍰😋😋🍮仲要叫左幾杯特飲焦糖咖啡 沙冰 蜜桃冰紅茶等等店員仲好風趣幽默 個個都服務好好 繼續閱讀
(以上食評乃用戶個人意見 , 並不代表OpenRice之觀點。)
等級3 2018-05-10
486 瀏覽
係土瓜灣完成工作又肚餓,上open rice apps睇下附近有乜食,見到呢間似乎唔錯,咁一於就試下啦餐廳裝修好有歐洲cafe風味,入到去坐低好有悠閒感覺,地方都好整潔企理,似乎係行中高檔高線餐牌上有多款選擇,有all day breakfast,有steak,仲有各類甜品小食,咖啡都有好多款可以選擇🤔今次就點左樣香蕉朱古力鬆餅試試😄上到枱賣相都幾好,球雪糕用酒杯裝住,即刻感覺好似啲五星級酒店咁😂鬆餅份量都唔小,有四件,雪糕都有兩球,鬆餅口感非常軟熟,而且仲附有濃濃蛋香味道,再點埋附有既朱古力醬,更加有味道,朱古力醬係偏點,每件點小小已經夠,再食埋香蕉同埋球朱古力雪糕,咁就食左一個精美下午茶 繼續閱讀
(以上食評乃用戶個人意見 , 並不代表OpenRice之觀點。)