29
3
2
港鐵大窩口站 B 出口, 步行約9分鐘 繼續閱讀
所有分店 (4)
電話號碼
36222770
營業時間
今日營業
11:30 - 16:00
18:00 - 22:30
星期一至五
11:30 - 16:00
18:00 - 22:30
星期六至日
11:30 - 22:30
公眾假期
11:30 - 22:30
付款方式
Visa Master 現金 銀聯 JCB
座位數目
180
其他資料
Wi-Fi
酒精飲品
自帶酒水 詳細介紹
切餅費 詳細介紹
泊車 詳細介紹
外賣服務
加一服務費
食評 (38)
高質價廉上海菜 焦點食評
等級4 2018-02-14
1630 瀏覽
呢輪天氣凍成日打邊爐或者食烤肉,今日行開荃灣悅來坊商場,想轉下口味,決定食上海菜。而尚點 小籠包.上海麵館,之前食過長沙灣分店,感覺唔錯,今次一於試下荃灣分店先。今日公司好多野做,我連晏晝都只係食左個包咋,所以而家鬼咁肚餓。望下個餐牌見2人餐都幾抵食,就ORDER佢啦。雞絲粉皮可算係上海菜中一個招牌涼拌,呢道菜以雞絲同青瓜配上香滑的花生醬同粉皮,簡單得黎好味又開胃。套餐仲有呢個大人細路都啱飲粟米豆腐羹,天氣咁凍,飲碗熱辣辣嘅湯羹就VERY GOOD啦。看似簡單嘅菜式其實越難煮得好食,好似呢個韭黃蝦仁炒蛋,蛋容易燶、韭黃就易老、蝦容易霉,所以廚師要專心掌握火侯,先可以炒到咁靚咁好食嘅韭黃蝦仁炒蛋如果小籠包一夾即爛啲湯就會漏晒出黎,味道就會大打折扣,但呢度嘅小籠包皮薄餡靚,雖然食嘅時候會比湯淥親,但最緊要係可以食到果份原汁原味吖嘛。年糕勝在夠煙韌又有咬口,配上津白,清清啖啖,唔駛叫飯。另外,散叫左一客糖醋魚塊,無論顏色、氣味都相當吸引,而且食落味道酸酸甜甜,非常醒胃。最後奉上套餐附送嘅桂花糕及椰汁糕,桂花糕清甜爽滑,加入杞子又有滋潤明目功效,好味又有益。最後不得不讚呢度嘅店員,全部都非常有禮,由門口接待、帶位、送餐等服務每個都充滿笑容,比客人一個開心舒服嘅環境食飯,所以話優質嘅食肆除左廚師煮得好食之外,用心嘅服務態度都好重要架。 繼續閱讀
(以上食評乃用戶個人意見 , 並不代表OpenRice之觀點。)
驚喜上海菜 焦點食評
等級4 2018-02-02
577 瀏覽
今日朋友約我食晏晝,方便佢返工,係佢公司附近嘅尚點食上海菜,佢話好多時都會離,貪佢就街,坐得又舒服。食上海嘢小籠包一定會叫,熱辣辣,高湯又多,皮好薄,又吾多肥肉,好食。小食脆鱔,好乾身,又脆口,加埋個黑醋汁,甜甜地,覺得依個小食好啱送酒。跟住我最鍾意嘅花雕醉雞,好重酒味,雞肉好嫩又唔靱,好滋味。酸辣湯,完全對味,又足料,酸辣啱啱好,最重要係夠熱,特別好飲。紅燒獅子頭,兩大位嘅獅子頭,放係煲仔度,遠遠已經聞到好香,肉質唔錯,餸飯一流。上海粗炒,配菜好多,麵質煙煙韌韌,條條麵條都上晒醬油,夠晒味。尚點環境都唔錯,而且仲有窗邊卡位,望出去見到青青綠綠嘅樹,感覺真係好舒服。而且價錢都好抵食,份量又足,係荃灣要食上海菜,依度都係一個幾好選擇。 繼續閱讀
(以上食評乃用戶個人意見 , 並不代表OpenRice之觀點。)
來吃小籠包 焦點食評
等級4 2018-01-22
1130 瀏覽
黎左悅來坊搵食,是晚選了食小籠包,尚點之前食過別的分店覺得還不錯,就試試荃灣店吧。枱上擺放了醋,豆瓣醬,熱茶等,好方便。茶位($6/ea),沒有小食/醬料費。出左冬天menu喎,有我鍾意嘅牛肉餅喎,即叫啦!鮮肉小籠包($38)食上海野最鍾意食點心,小籠包是其中一樣啦,皮薄多肉汁,熱辣辣好味。金網生煎鍋貼($36)一客有五隻,藏在金網底下,煎得香口,但餃子略瘦不夠飽滿呢。自選尚點涼菜($79)-蒜香四季豆,四喜烤夫,香煎素鵝,五香牛展因為好多款都想試,叫個併盤就可以有四樣了。素鵝即煎的夠熱又香口,千層腐皮有口感,烤夫甜甜地幾入味,牛展略硬了點但份量好多喎,四季豆勁重蒜味正呀。回鍋肉($72)再點了小菜送飯,有椰菜,豆干,肉片同炒,炒得乾身,回鍋肉辣辣地很惹味,不錯吃。菜飯($22)菜飯好大碗,點煮到啲菜咁翠綠呢?自己煮啲菜成日黃哂,唔……?香煎牛肉包($42)等左好耐的牛肉飽,上枱時好香呀,熱辣辣香噴噴。牛肉餡爆汁,調味不錯,好食喎,雖然唔係平時食開個種包,但新款下又幾特別,哈哈。高力豆沙($32)再點了甜品作結,好大個波哈哈,外層鬆軟軟綿綿的,豆沙微甜,幾好味呀,再多啲豆沙餡就好了。點得太多野,包走左啲聽日lunch加餸啦,哈哈。 繼續閱讀
(以上食評乃用戶個人意見 , 並不代表OpenRice之觀點。)
等級4 2018-01-17
783 瀏覽
今天有新同事加入,大家便一起到附近上海麵館吃Lunch~店內乾淨企理,有寬闊的落地玻璃窗,陽光微微透入,滿舒適的。雞絲粉皮,粉皮爽滑,加入雞絲及青瓜絲味道鹹香鮮美,淋上花生醬鹹中帶甜香, 美味可口。😋唐芹菜水餃麵,水餃美味可口,麵條粗幼適中,質感柔軟,加入高湯及蔥花,清香醇鮮。對中菜有點研究的同事說唐芹菜營養價值高,健康味美。😄上海擔擔麵,湯底加入特製辣醬,濃郁香口,加上甜香辣肉,小辣惹味,必吃之選 👍炸菜肉絲麵,嚐到肉香及蔥花生菜的鮮味,清新帶微辣,不太濃味,原汁原味。鮮肉小籠包,外皮柔韌偏薄,咬下時,温熱香口的湯汁四溢,內餡豬肉肉汁飽滿,鮮味十足! 👍招牌生煎包,外皮略厚,內餡豬肉鹹香肉鮮,底部香脆帶焦香,油而不膩。豆沙鍋餅,外層春卷皮香脆,內容香甜的紅豆蓉。可惜,我夾到角位,豆沙餡僅佔四分一,感覺只在吃鹹香的春卷皮…😥豆漿,暖和,微甜。款款食物鮮香味美,尤其上海麵類🍜更為出色,平時少吃中菜的我也覺不錯,偶爾可以再孖同事們吃~😊 繼續閱讀
(以上食評乃用戶個人意見 , 並不代表OpenRice之觀點。)
抵食上海野 焦點食評
等級4 2017-11-09
1650 瀏覽
上次黎過悅來坊先知好多野食, 今晚收工無地方去, 一於過黎呢邊食飯, 而且悅來泊車又唔貴.大人想食中式野, 所以黎左呢間食小籠包上海野.睇左MENU, D價錢都唔係好貴, 不過最抵食都係2人套餐, $238有6樣野.主要既小籠包, 粒粒都幾大隻, 皮薄唔太乾, 夾起亦唔易穿.入面既肉餡夠滑, 軟嫩入味.前菜有雞絲粉皮, 晶瑩剔透, 入口滑溜, 麻醬都幾多, 食落唔會乾爭爭.酸辣湯酸味較重, 辣都易入口, 材料又多, 每人一碗都幾飽肚.蔥爆牛肉炒得夠惹味, 牛肉夠滑, 而且片片都好大片, 食落唔會太咸.雞扒擔擔麵係分開上, 擔擔都就唔係好辣, 麻醬味好香, 而且夠杰. 麵質爽口彈牙, 每人都分到一整碗, 份量唔少.而雞扒都好脆口, 個皮唔會太厚, 亦唔算油膩.最後係甜品高力豆沙, 3件即整熱辣新, 體積唔算太細, 咬落好軟熟, 糖份剛好唔會太甜.餡既豆沙亦唔太甜, 配埋一齊食唔覺漏, 唔覺唔覺都食左兩件.食埋甜品真係飽到行唔郁, 2百幾蚊有咁多野食, 真係好抵. 繼續閱讀
(以上食評乃用戶個人意見 , 並不代表OpenRice之觀點。)