尚點 小籠包.上海麵館 (置富第一城) (已結業)

女同事CS約我同女同事CY一齊食lunch,就約大前日(31-8-2018 Fri)食啦,又上Openrice search, search到南小館,但CS覺得同樣o係第一城食上海o野o既,呢間抵食啲,咁就決定呢間.我依稀記得我o黎過呢間,返o黎又search吓先,係,係舊年o黎過,o個個食評:https://www.openrice.com/zh/hongkong/review/%E4%BA%BA%E5%A4%9Ao%E6%97%A2%E5%8E%9F%E5%9B%A0-e2756846.今次我o地o黎到,冇乜人,而且俾o左張卡位我o地,不過冷氣好凍,可能呢日落雨冇咁熱,所以感覺凍啲.講返食,原本諗住叫3個由$48.00-$74.00不等o既午市套餐,點知冇得加錢食小籠包,甜品又冇豆沙鍋餅o個啲,主食又唔多吸引,於是叫兩個,再另叫小籠包同甜品.午市套餐我o地要o左$48.00o既菜肉餛飩麵同$56.00o既排骨菜飯,前菜要o左:涼伴粉皮粉皮太腍,麻醬份量o岩o岩好,好味.味道: 3分蒜香四季豆蒜香味o岩o岩好,唔會太哽,OK.味道: 3.5分加$12.00鍋貼3件呢個同前菜一齊到,s

去開沙田第一城，如果唔係朋友住呢頭，都真係未必會嚟到呢度搵嘢食。呢度嘅商場都有好多食肆，呢日想食清清地，就揀咗間上海鋪食。假期六點鐘入座，等咗兩三張枱度啦，都唔算好耐嘅。環境都尚算ok，唔會話坐得好迫。 嘢食都幾多選擇，幾多種類。首先點咗個食上海野必食嘅鮮肉小籠包。都可以稱得上皮薄餡靚！上枱熱辣辣！小籠包有滿滿嘅湯汁。黃金南瓜條 南瓜切到一條條細細條，沾滿蛋黃炸，食落口唔會覺得好油，幾有蛋黃香味！！南瓜亦都夠淋黑松露拌麵一上枱就聞到濃濃嘅黑松露味！！好香！用拌麵面嘅形式一齊食都幾特別。

從未食過咁難食嘅上海餐廳!!!!由於住得近加上之前記得呢間餐廳都幾好食，假日便和家人到尚點食lunch。點知呢個就係大伏嘅開始。12點時候入席仲未係好多人，所以好快就有位。今次叫左個芝麻冷面、擔擔麵、嫩雞煨麵、上海雲呑同生煎包。一開始黎嘅芝麻冷面係唔錯嘅，因為只係將d料切好晒再加醬料。之後嘅嫩雞煨麵冇味，就好似清水雞面咁。擔擔麵先係意想不到嘅極品。個湯好似溝左水，麻醬溝水杰杰地又冇味，就好似食膠水咁🤮。而上海雲呑又係冇味，連自己屋企煮用水開嘅雲呑都會好味過佢。呢間野質素突然下降成咁，冇下次！

近來好耐冇食上海野，好掛住以前中午常吃既排骨菜飯及上海湯麵。正値午膳時間係第一城見到間上海菜館，客飯套餐大概五十幾蚊，包前菜，主菜及飲品，見價錢大衆化所以就入去一試。前菜: 涼拌茄子、香蒜四季豆茄子有少少辣十分惹味，而四季豆唔會煮得過冧，好怕豆類煮到過冧一pat pat咁，但似乎放係雪櫃太耐稍為冰凍咗啲。排骨菜飯，排骨夠大，但冇乜肉味及有些乾身，菜飯多但飯有些硬。津白肉絲湯年糕，年糕煙韌度剛好，湯底夠清唔會好油，而且又唔會太鹹。薑汁湯圓，薑味濃郁，湯圓煙韌，正。

男友媽咪生日去左第一城呢間上海小店食晚餐慶祝。個日叫左好多野食，甜品都係到食埋。 口水雞，整得幾麻，入味。唔會得返副骨，都多肉。酸辣湯，唔易生水，都幾辣，我好鍾意呢個 飲左2碗 周圍都有嘅生煎包，無咩特別，汁唔夠爆。鱔胡啊 炒得好入味，份量又夠叫左3個手拉麵，1個膽膽面，味道都係一般，麵條太淋，好似煮左好耐咁 甜品叫左銀絲卷同高力豆沙味道不過不失啦個日食飯都多人，要排隊，好彩早左去等位 裝修其實幾ok,但啲位就窄左啲。

本人之前是他們的會員兼熟客，但是自從今年起就再沒有續會啦，首先，由於今年他們高層拆夥，所以續會的要求更加複習，以前是一次過俾晒全年會費，而且很便宜，但是現在是焗客人食滿二佰多元就儲一個印花，儲夠10印花才有九折，儲夠20個印花就有85折，還要三個月內儲滿，即是變相要二仟多至伍仟多元才可以有折扣。其次，由於高層變動關係，所以之前所有員工都更換了除了一個兼職知客外，但是也不是時常回來的，所以基本上那裡的員工好像在玩弄客人的樣子，先講等候入座，客人在門口等候入座，客人有客人自己等，職員有職員自己說笑嬉戲。其次，等到入座後選擇好小菜後，想交給侍應落單時，每個員工就扮睇唔到的樣子。再其次，因為我們落單時連兩碗白飯，所有小菜到齊，但是白飯總是沒有到來，還要客人三催四請才有，是否要客人到廚房自己攆白飯。最後，當我們結帳的時候，因為我想看清楚單子，但是那個男侍應顯得不耐煩的樣子，仲夠膽問個客OK未?應該叫個分店經理炒魷啦

諗住好地地同一家人食飯 點知失望咁走 啲野食又凍 好似整定再番熱咁 反枱速度快但係野食質素好差囉成枱最熱嘅係杯茶 粗炒又凍 身為上海餐廳 擔擔麵又整得差 啲湯無味嘅又稀 無食慾 小籠包啲肉又散都唔知有咩可以叫

同同事食午飯點左幾個set lunch...環境：可以食物：午市前菜個：1. 手拍青瓜...味道奇怪，切青瓜又咸，唔好期望係正正常常2. 嫩雞煨麵...普通到唔普通，一個麵加幾件雞3. 雞扒菜飯...呢個真係難食，正式黎講係酥炸雞扒，雞扒唔熱都唔洗講，d粉仲要厚過厚粉婆，再睇睇件雞扒，完全係薄切，食完好似食左好多炸粉咁，個菜飯血係最正常服務：無服務，幫你埋單咁。最後再加多10% service charge 結論：其實唔算貴，不過味道真係差，簡單講就係難食。

前排睇到fb 嘅介紹，撞埋呢排都經過第一城就特登黎試下， 但完全無fb 介紹咁驚為天人。幾個菜都好普通，口水雞更係唔掂，無味、唔辣亦唔香老上海炒隻唔錯蔥油撈面 無味係個家常煎餅最好食 但為煎餅黎食飯就無謂了

一坐低見到啲餐具係唔乾淨嘅，叫個職員換佢話：「下，乜好污糟咩？」（這是什麼服務態度？）我地今晚叫左其中一樣菜式係銀絲卷，銀絲卷係最快上枱，一拎起手就凍既，之後即刻同部長講，話要換過碟，佢自己仲用成隻手摸過個三件銀絲卷，隔咗一陣再拎返出嚟，我地發覺原來都係同樣嗰三件，然後就問佢：「你係唔係攞返同樣個三件出嚟？」佢話：「係呀，我幫你叫廚房翻熱左！」我心諗：唔係啊嘛，你用隻手摸完再比我食？冇嘢啊嘛？🤷🏿‍♀️❓另外，我哋叫咗酸辣湯，去到最尾都仲未出，之後我哋叫佢取消，職員即刻攞出嚟....（即係根本漏咗單）

由於住在附近，所以自這家上海食館開業那天已經間中有去光顧。感覺是碟頭很少，與及服務質素欠佳。開業的第一天打開門做生意期間，經理還在教店員如何擺位如何落單，這不是應該在未開門甚至未開業時已經教好了嗎？有時候外面有客人等了多時，而內裡有幾張吉枱仍遲遲未有人去清理。至於為何還是要去，是因為區內除了樓下的上海麵館外，較為像樣而提供上海小菜的館子，就只有這間及對面較為新開的那間，而那間地方又較為焗縮些，所以在選擇不多的情況下仍會間中去光顧，抱著希望在有競爭的情況下會有所改善。今次可能是我們來得早的關係，很快就有位。不過當我們要點菜時，就發覺他們的老毛病依然不變：店內只有兩三位店員或者是較高級的會較為主動留意客人的需要，而其他好些店員都會將注意力放在單一而且是面積較小的方向，至於即使是旁邊不足45度角之內的客人如何揮手她們都是無動於衷，反而有一兩位較為主動的會從老遠跑過來招呼，後來因為碟頭小而要加單時情況仍是這樣。不多提了，我們落單要了個雪菜黃魚煨麵($64)及上海排骨粗炒($76)，本來還要一個砂鍋津白，但這麼早就說售罄，唯有改了一個魚湯雲耳勝瓜($52)。先來的是雪菜黃魚煨麵，魚塊的味道還算可

越來越多鼎泰豐級別嘅上海菜館🙈😍😍其實我都好愛上海菜 好味得黎又唔係重口味感覺係出街食一個「比較健康」嘅選擇xd-尚點 從外面看感覺幾舒服而且菜餚看起來也很精緻五點多不用等位就可以進去了😛-1⃣️口水雞（HKD76）醬料好好吃🤤花生 辣椒油份量蠻多的👍🏻不過辣椒油不辣 只有油香味🤔是因為要配合廣東人的口味嗎🤔🤷🏻‍♀️...雞卻出奇地不入味脂肪比例比較多也沒辦法 畢竟香港地邊有可能會有新鮮的活雞食？2⃣️小籠包（HKD38）沒想到出奇地高質素 我指真的有鼎泰豐的質素😧😧😍裡面是滿滿的湯汁 而且皮薄餡鮮😛這個價錢我覺得值得了😂3⃣️高力香蕉豆沙（HKD36）第一次吃高力豆沙😂感覺好過癮原來就是炸麵糰入面包新鮮香蕉和豆沙🍌再拎上糖霜4⃣️雪蔡黃魚燴麵（HKD64）好耐未試過食黃花魚有人幫我挑曬d骨😭黃魚是新鮮的不過一碗麵裡面只有兩三塊 好無癮☹️麵比較稔身 鍾意食麵線嘅你一定會鍾意呢款麵5⃣️擔擔麵（HKD52）吃了口水雞以後叫了小辣一點都不辣也是預期內湯底濃郁👍🏻而且味道偏甜不過肉碎份量比較少🌟Rate：8/10

偶然機會下，去沙田工作，中午在第一城搵食。小小的商場，食物選擇都幾多，我哋就揀咗食中菜。午市套餐都幾豐富，而且價錢實惠。但朋友仔想食的食物唔在午市套餐內，所以我哋都點左幾款小菜。打頭陣的花雕醉雞溫度剛好，清涼爽口，而且酒香味亦幾濃郁。脆鱔甜甜地，又香口，作為餐前小食亦幾開胃。小籠包上枱時熱辣辣，聞到都開胃。每一個湯包入邊都有滿滿的湯汁同肉餡，令人好滿足。朋友獨愛的蒸餃子亦都唔錯。兩款主食都係麵類，分別係擔擔麵同嫩雞煨麵。擔擔面湯底頗為杰身，花生味道濃厚突出。麵條有掛湯效果，而且唔太辣，老少咸宜。嫩雞煨麵就滾熱辣，麵條軟綿綿。個雞湯感覺幾清新，清淡得來亦夠味，加少少青菜，感覺幾健康。甜品係桂花糕，My Favorite!

雖然係新界人，但平日都真係唔會去第一城，因為有朋友住果到，所以先入左去搵佢食飯。唔黎都唔知，原來第一城有甘多食肆，朋友揀左呢間食上海菜既尚點。估唔到屋苑食肆都裝修得幾靚，而且好大間好闊落，當晚星期5，去到7點30左右就已經坐滿哂人。呢到都幾多野食，仲有季節限定MENU添。金網生煎鍋貼 $36/5件一睇MENU就決定要食呢個，因為個賣相實在太吸引喇。鍋貼本身唔算好高質，好正常既水準，但因為加左金網，成件事真係好特別，個金網真係好香好脆，點少少醋加埋個鍋貼一齊食，確實係令平平無奇既鍋貼加左好多分~干煸四季豆 $48四季豆炒得夠干身，唔多油而且入面有蝦米黎炒，食落真係好惹味!!津白肉絲炒年糕 $58年糕稍為軟左D，口感麻麻地。不過呢到調味唔會太咸，味道方面係唔錯既!砂鍋餛飩雞 $120無諗過$120竟然甘大鍋，雖然個湯有少少味精，不過都算鮮甜，雞肉唔算太鞋，餛飩亦鮮味，整體唔錯~黑木耳露 (熱) $18黑木耳露唔係甘多地方有得賣，呢到既黑木耳露仲有落紅棗，飲落有D棗味，甜甜地唔錯~不過個人覺得可以整番稀少少，而家太杰其實有D似糖水。其實食物質素雖然唔係好高，不過係收貨既，而且價錢比起出面食真

識我嘅都知我好鍾意食上海菜，今日男朋友特意帶我黎尚點食小籠包，非常期待呢！鮮肉小籠包（四件） ＄38小籠包剛蒸起，熱氣騰騰的，皮很薄，一個唔小心就會弄穿皮，流晒d精華。黑松露小籠包（四件） ＄54黑蚊蚊的賣相很特別，出奇地黑松露味又幾夾！金網生煎鍋貼（五件） ＄36鍋貼煎至金黃色，非常香口，內裏肉汁豐富，食嘅時候要小心，很燙嘴呢。鹹豆漿煮花甲＄88韭菜水餃麵＄50麵質爽口，份量多，可以話相當抵食！豆腐花（二人份） （桂花糖） ＄40用「偽木桶」盛着，挺有心思。豆腐花温熱的，很滑很嫩，配上桂花糖美味非常！大力推薦！香蕉高力豆沙（三件） ＄36尚點的質素唔錯，價錢又唔貴，一定再有下次！