327
6
3
港鐵銅鑼灣站 A 出口, 步行約4分鐘 繼續閱讀
所有分店 (2)
電話號碼
21677188
開飯介紹
中式火鍋店,以新鮮海鮮作主打,另有日式生魚片及燒烤料理。 繼續閱讀
獎項殊榮
最優秀開飯火鍋店 (2016)
營業時間
今日營業
17:00 - 02:00
星期一至日
17:00 - 02:00
付款方式
Visa Master AlipayHK 支付寶 現金 AE 銀聯 微信支付
座位數目
70
其他資料
網上訂座
Wi-Fi
深夜營業
酒精飲品
自帶酒水
切餅費
VIP房
電話訂座
賞訂座積分
外賣服務
加一服務費
電視播放
當面支付
有關獎賞計劃
食評 (347)
等級4 2019-07-30
1935 瀏覽
雖然呢排天氣好熱🔥但係唔知點解有鋪癮想食火鍋🍲,咁我就嚟咗呢間係openrice排名幾高嘅火鍋店🤣1️⃣川貝海椰燉鱷魚排湯 $178養顏滋潤湯,佢哋冇落味精,而且好足料。我同🐢🍯每人飲咗兩碗多啲👻🙆🏻‍♀️美味指數:7/102️⃣特尚手切牛(中) $180手切牛肥瘦適中,唔會靭身,而且有咬囗👍🏻🙆🏻‍♀️美味指數:7.25/103️⃣四色丸尚盛 $88🍡金沙鮮牛丸呢個好特別,金沙係咸蛋黃味,冇諗到同牛丸又幾夾😋🍡松露豬肉丸松露嘅香氣撲鼻,食落去嘅時候松露味就相對聞落去淡少少,不過都好正🥰🍡甜薯墨魚丸真心第一次食用甜薯🍠做餡料嘅墨魚丸,甜甜地好清新!🍡芥末籽蝦丸全部都係新鮮手打丸,爽口彈牙。🙆🏻‍♀️美味指數:7.12/104️⃣鮮炸脆響鈴+百花釀油條 $48即叫即炸,佢仲要維持到係熱辣辣嘅狀態🔥炸脆響鈴🔔嘅兩邊沾一下川貝海椰燉鱷魚排湯嘅湯底,香脆可口,而且好入味👍🏻除咗響鈴之外,仲有油炸鬼👻,炸得好脆口,點咗落湯都唔會變到好淋身,而且唔會有油膩感🤤🙆🏻‍♀️美味指數:7.52/105️⃣尚鮮活魚刺身(日本深海島馳魚) $238呢個係我本人最愛❤️,馳魚嘅肉質鮮甜無比,沾上少少刺身豉油加芥末醬更加帶出到馳魚嘅鮮味🐟,完全唔會食到雪味❄️真心超正,佢嘅魚鮮味真係會食到哇一聲😍癡線咁正,我搶咗2/3來食😹搞到我嘅🐢🍯就來冇得食🙈🙆🏻‍♀️美味指數:8.92/10💡整體來講,呢間港式🇭🇰火鍋真心超高質🤤,大家如果好似我咁口痕想打邊爐,不妨試吓 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-18
1233 瀏覽
放工落銅鑼灣同男朋友食晚飯,唔知食咩好嘅我地又嚟到百樂中心搵嘢食😂百樂中心集中咗好多各式各樣嘅食肆,呢次我地就上咗8/F打邊爐🥘⭐️醬料 $15/人除咗葱,芫荽,辣椒絲,生蒜,炸蒜,芝麻,仲有新鮮薑蓉!佢地嘅XO醬亦都好香濃惹味!⭐️姫松茸冬瓜湯拼血池麻辣湯 $136男朋友唔食辣,我又好想食辣,叫個雙拼鍋啱哂,有辣有唔辣,一人打一邊👍🏻麻辣湯味道香辣,唔會好油,正好刺激食慾!湯底入面仲有大量爽脆雲耳,可以作開胃前菜。冬瓜湯好清甜,冬瓜煲到入哂味,另外姫松茸味道亦都好香好突出。⭐️手切安格斯 $198油脂呈現雪花脂而且分佈平均,肉質鮮嫩,牛味香濃。⭐️豬皮併豬紅 $45豬皮豬紅處理得乾淨,兩樣都好彈牙。⭐️四色丸尚盛 $88四色丸包括金沙鮮牛丸,松露豬肉丸,甜薯墨魚丸,芥末籽蝦丸,我最鐘意食松露豬肉丸,松露味出眾😋四款手打丸都好有特色,粒粒彈牙!⭐️田園盛 $78蔬菜新鮮,而且款式多,金菇,粟米,白蘿蔔,生菜,油麥菜,菜心👍🏻青檸梳打水,酸甜開胃。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-06-23
1438 瀏覽
🤙《打邊爐應該不分季節》🤙真正中意打邊爐係要不分季節都食🤪依家多咗啲唔係任食既火鍋店,賣既係特色湯底,食材方面都會特別啲。—————————————————————叫二人餐就可以唔需要諗食咩🤣打邊爐最緊要係咩?答案係湯底。今次揀咗雙併,血池麻辣同埋姫松冬瓜湯,前者初頭覺得唔辣,慢慢你就發現個嘴越黎越麻。後者絕對係健康之選,好多冬瓜。如果嫌唔夠重口味,可以每位加$15要醬料。#二人海鮮尚盛 💰228呢款set包咗五款海鮮。有廣島蠔、白鱔片、海蝦、大花甲同聖子王,貝殼類食落唔會有沙。海鮮放落冬瓜湯就可以試到食物既鮮味,不同款式既海鮮絕對可以迎合到唔同人既口味。#特尚手切牛 💰180呢款牛超好食,切得好薄身,食落一啲都唔韌。#雙併蟹皇餃 💰118總共有四隻,雙併包括尚鮮蟹皇餃同埋松葉蟹皇餃。包得似雲吞同埋餃子,食落好足料。#鮮炸脆響鈴 💰48特別大既響鈴放落麻辣鍋可以吸曬啲湯,好正。一定要試既係蝦膠炸油炸鬼,炸到幾香脆。#羽衣甘藍 💰38平時打邊爐好少食呢款蔬菜,可以一試! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-31
1176 瀏覽
想同班朋友十下十下但又想坐得舒服?又要抵食?今次去呢間餐廳都叫做合符我心目中既條件,日式刺身X港式火鍋絕對係我首選,地方都幾大,入面有2間VIP房,就算一大班人去都無問題呀!👇📌 姬松茸冬瓜湯 x 血池麻辣湯 $136 (雙拼)👉 先黎個湯底最緊要呀,一邊有得養生一邊享受麻辣快感,湯料非常豐富,冬瓜切哂粒索哂松茸既精華,成個湯就咁飲都夠哂滋補,又好味,另一邊箱既血池聽個名都知唔惹少呀,除左麻辣味夠哂嗆口,醒胃,入面仲有放左好多雲年,算幾幾入口,個湯亦都唔會好油膩既感覺,但當滾左一段時間後,味道開始愈黎愈濃,麻同辣都開始變得勁左辣味,果陣先知原來好戲在後頭,相當過癮!📌牛三拼 - $268 ▪ 雪花牛柳粒 ▪ 特尚手切牛▪ 手切牛邊位▫ 呢個牛三拼可以你一嘗各樣牛既部份,食過你就知道真材實料,絕對係新鮮即切,每一塊師傅都切得好細緻,特尚牛切厚薄適中,每塊都有咬口,肉味好濃,手切牛邊位肉質相對比較細嫩,油脂同紋理都分佈平均,雪花牛柳粒肉質煙韌又爽口,三者不相伯仲,配埋個麻辣湯底一齊食份外入味,抵食!📌尚鮮活魚刺身 - $328👉絕對係令人食指大動既刺身拼盤呀!賣相首先已經奪去左我既目光注視,滿足感即時更加提升,由日本空運新鮮到港既全條活魚刺身,入口滑嫩無比,另外仲有帆立貝、泰式生蝦同埋汁煮飽魚,味覺觸感頓時爆發,非常鮮甜!▪ 豚肉片 - $45▪ 墨魚滑釀冬菇 - $48▪ 田園盛(有機) - $78▫ 絕對都唔惹少既配料呀!話明田園盛當然係全部都係菜啦!樣樣都好新鮮,而且講明有機,所以食落絕對好鮮生,墨魚滑夠爽口彈身,冬菇亦都好夠味,豚肉不過不失,都係鍾意食牛多d,最後埋單連埋醬料每人大概$400零蚊有刺身又有靚既牛食,打邊爐黎講性價比非常高,絕對要一試! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-05-26
1155 瀏覽
今日放工身處銅鑼灣區, 想搵啲好嘢食慰勞自己, 行咗去耀華街 出名嘅食廈。唔想食放題 我哋揀咗比較精品的 《尚鮮》。火鍋店標榜鮮味同靚料仲有養生嘅湯底。好有日本居酒屋小店feel, 餐廳有五,六個卡座, 更設有私家電視, 夠曬貼心。 當然仲有獨立嘅vip房。<川貝海底椰燉鱷魚扒湯> $178 夠曬滋補, 除咗鱷魚扒湯料仲有半隻雞,勁多嘅排骨, 店員推介先飲一,兩碗湯,因為全無味精, 純粹係汤料嘅味道。 果然飲落順喉清甜, 平時缺乏自家湯水 所以我哋每人都飲咗兩三碗。鱷魚扒已經煲到好冧, 肉質有啲似煲完湯嘅魚, 但印像中嘅鱷魚肉係非常硬淨。二人海鮮尚盛$228海鮮拼盤选料豐富, 聖子勁鮮甜彈牙。 大蝦爽甜鮮味。 大花甲好新鮮, 切記唔好淥過時。鱔片亦非常厚切肥美, 但鱔肉唔夠爽。特尚手切牛 $188打邊爐怎能欠缺牛肉。 手切牛肉脂肪紋理分佈均勻清晰, 放湯一會就要夾起。 唔需要蘸豉油, 肉味濃, 超嫩滑, 入口軟嫩完全冇渣。炸響鈴、蝦滑釀油炸鬼, 海鮮肉類以外做得唔錯。即炸嘅響鈴熱辣辣, 放湯之後咬落仲有少少脆, 絕對唔係預先包裝嘅貨色。 一時手快快 放咗湯, 醒唔起原來係可以即食 😅件油炸鬼夠曬厚同脆, 淥完都仲有啲咬口!👍👍《四色丸尚盛》, 全人手打造, 而且粒粒內有乾坤。豬肉丸裏面有黑松露餡料, 爽口彈牙, 味道甚有層次。 牛丸裏面有蛋黃嘅餡料, 味道並不突出。手打墨魚丸裏面紫色嘅係紫薯餡?餐廳仲備有多款時令海鮮靚料, 人多或慶祝生日 仲有驚喜菜式贈送。 繼續閱讀
(以上食評乃用戶個人意見 , 並不代表OpenRice之觀點。)