尚盛潮州海鮮飯店

鹵水併盤 - 鵝肉 白烚大墨魚 $200 食潮州野就一定要食 滷水！ 滷水可以自由配搭好開心 就算2個人都可以試幾樣野！ 我地叫左最signature 既鵝肉同大墨魚 ， 大墨魚爽口入味 鵝肉嫩滑 拆左骨啖啖肉 拼盤底下重所有最愛既滷水豆腐 超滑 完全無over cook 好味潮州蠔烙 $128 蠔餅❤️ 完全冇吝嗇咁放好多蠔仔！ 佢蠔餅唔係平時炸個隻 而係落好多蛋似煎蛋餅個隻 幾特別 同埋份量好多 有成5，6塊 超抵食潮州梅榚骨 $128個名好特別叫黎試下 味道酸酸甜甜好過癮 真係食到話梅味 骨用咗啖啖肉嘅肉排 推介❤️潮州蠔仔粥 （$65 碗） 潮州嘢必食潮州粥 粒粒分明 好足料 有好多蠔仔 重有肉碎 如果再多啲芫荽就更加好了 加少少胡椒粉調味 一級棒❤️最後姐姐重問我哋試唔試綠豆爽 我哋飽得滯所以要咗一細碗 第一次食幾特別 綠豆口感同綠豆沙完全唔同 原理就好似潮州粥咁樣粒粒分明

今日同老友殺入中環萬宜大廈呢間潮州老字號，未入門口已經聞到陣陣滷水香，仲要全場爆滿，等位等到「鵝鵝」聲！好彩伙記手腳快，轉頭就執到位～*滷水鵝件件閃令令*碟滷水鵝一上枱，油光閃到戴咗黑超都覺得刺眼！鵝肉嫩到識跳舞，滷水汁仲要夠晒「骨子」，唔會鹹到變「鹹魚」，連墊底嘅豆腐都索晒精華，搞到我要同朋友「筷子決鬥」爭最後一件！*炒河粉鑊氣沖天*潮州炒河粉鑊氣勁過火山爆發！芽菜爽脆、牛肉嫩滑，最過癮係啲河粉條條分明，油光水滑得嚟又唔會黐埋一嚿嚕，食到「嗦嗦」聲，隔離枱個叔叔仲轉頭望我哋食得幾開心！*烏頭魚飯大過塊面*叫咗半條烏頭魚飯，上枱嚇到下巴跌！條魚大過我塊面，魚肉結實到似健身教練，點啲普寧豆醬鮮到「打冷震」。老友話：「早知叫四分之一條啦，飽到個肚凸出嚟！」*春菜煲暗藏玄機*以為春菜煲係清淡嘢？錯晒！入面啲腩肉片邪惡到爆，湯底仲有乾蝦吊味，飲兩啖即刻「嘩」出聲。最抵死係伙記送綠豆爽，冰涼清甜即刻降晒火，仲有杯功夫茶回甘，飽到要解褲頭鈕！埋單睇價錢，兩個人食到捧住個肚行出嚟都係五百蚊有找，抵食到笑住走。下次一定要帶多幾個「為食兵團」嚟掃晒個menu！（後記：走嗰陣見到門口仲等緊位，心諗：「好彩

咸菜 令人讚不絕口，甜甜酸酸，十分開胃。潮州鹵水鵝肉 肥瘦適中，鹵水味濃，豆腐彈滑，不會太鹹。 比鵝片肥，鵝肉味足，鵝皮極邪惡。水瓜絡 口感非凡，花生脆，蝦仁彈，火腿香，加上水瓜獨特味道，香煎得外脆內軟，食不停口。潮州梅羔骨，帶肥排骨肉香四溢而不韌，在酸酸的梅羔醬點綴之下，完全不膩。伴碟的酥脆紫蘇葉添上淡淡清香，讓整道菜更見完美。蠔仔粥足料豐富，粥底飽含米香。豐盈的蠔仔釋放出充分的蠔味，再加上香菇、香菜及肉粒的調味，使整體更為鮮甜提味。最後上桌的經典反沙芋，以熱辣辣的芋頭條引人注目。外層是脆脆的反沙，內裏則是粉粉的芋頭，帶回滿滿的童年回憶。份量充足到一家大小都吃得心滿意足。

尚盛潮州海鮮飯店德輔道中萬宜大廈地下G04號鋪 餐廳未到12:30已經坐滿客人，人流非常多，已經反映咗餐廳嘅食物質素，入面燈光光慢枱同枱之間又闊落坐得舒服。員工態度親切 對菜式都有深入了解水瓜煮魚肚$228店員推介 這個季節水瓜清新鮮甜配搭埋海味魚肚鹹鮮，加上水瓜嘅清甜，配有肉碎同粉絲嘅材料更能突出 ，大人小朋友都啱食，較為清淡嘅一個菜式，唔油膩，又健康，必點乾燒伊麵（潮州）$118潮州特色乾燒伊麵 ，又叫糖醋麵，先將麵餅灼水煮熟，然後將麵餅煎至兩面金黃香脆 ，口感外邊脆脆，內裏還是軟的 ，好似食煎餅嘅感覺，還可以點糖醋汁一起食，重點係食落嘅口感一啲都唔油膩抵讚潮州滷水鵝$168正宗潮州菜，滷水鵝必食 鵝肉鮮嫩多汁，鵝皮帶着小小肥膏 油脂豐富 墊底還夾雜着大大件嘅滷水豆腐 豆腐吸收晒滷水汁嘅味道 令豆腐更加入味 真心推薦必食飽肚後店員都會附上功夫茶給我們清清油膩最後送上兩碗綠豆爽，配埋陳皮醬糖水唔會太甜入面有大量嘅綠豆每一粒都有口感，夠清甜，又潤提提大家，記得要WhatsApp預約 有房間同大廳可供選擇

唔係第一次嚟呢間潮州餐廳食飯，之前比我哋感覺還好。但今日去食晚飯，未食完餸我哋已經叫定甜品：高燒三寶（知道需時去整），之後侍應也擺放好食甜品嘅碟同叉俾我哋，點知過咗10分鐘佢同我哋講話廚房冇貨，當時時間係晚上7:45pm，咁我哋話要反沙芋啦，佢又話冇，我哋就覺得奇怪：第一時間尚早、咁快賣晒？第二如果真係冇點解仲擺放叉碟，以及唔即時講俾我哋聽冇這兩樣甜品呢。當時雖然覺得怪但係都算啦，侍應即刻同我哋埋單（我哋未講埋單嘅），朋友就去洗手間，返嚟同我講有枱食客枱上有高燒三寶⋯⋯我再睇見門口好多人響度等位，即時明白係乜嘢原因冇高燒三寶了，咁樣嘅經營走手法，我哋唔會再回頭！感覺勁差！之後我哋去咗隔離中環街市嘅’久両菜’（同樣係潮州菜）食反沙芋、黑糖糕，食物更好更勝一籌！

－早預約左晚飯booking，中間有再打電話作实。預左帶幾個囯外的朋友試吓佢哋的潮州菜。－行人準時到達，被告知冇枱因為我們的枱給了其他人，但未知幾時會有枱….. 請問佢既然walk-in 可以有枱，預早訂卻冇枱，重點係一句对唔住都冇，真係離普。唔建議帶朋友去。管理如此混亂，對佢哋的出品亦沒有信心，絕對不愉快的晚上！！

中環50年老字號潮州菜，食lunch超多人幫襯！👨‍💼附近返工嘅OL同老細都係熟客～座位闊落坐得舒服，食物正宗又高質，絕對係中環隱世好味之選！💯 ————————————————— 🐟 檸檬蒸烏頭 $158例 潮州名物！烏頭魚肉超嫩滑，酸香開胃～食落啖啖滿足！😋 必試！ 🐔 海蜇手撕雞 $118 冷盤首選！手撕雞肉夠晒嫩，海蜇爽脆到「索索」聲✨ 麻油香超突出，食到停唔到口～ 🐷 酥炸豬大腸 $128 邪惡但好食到癲！外皮炸到金黃脆卜卜，咬落好惹味💥 完全冇異味，點埋醬汁食超夾！ 🥬 蝦米炒汕頭白菜 $108 簡簡單單但好有鑊氣！蝦米鹹香逼哂出嚟，白菜炒到剛剛好，爽甜解膩～🥢 🥥 Meko 100% pure coconut water $15 食濃味菜必配！天然清甜冇人造色素，飲完成個人都refresh哂～🌴

呢間五十年嘅老字號潮州菜🏮好細個已經係上環經常去食😜 而家重新喺中環開幕更加方便同坐得舒服🤍食物方面仍然保持水準係經典既潮州味道👅鍾意食潮州菜嘅一定要試吓☺️⭐️ 潮州蠔烙 🦪蠔餅金黃得來唔會太重油膩感🍳 每一顆蠔仔都飽滿充滿鮮味🌊⭐️ 菊花石榴雞 🌻係比較少見到嘅傳統手工菜🎨 蛋白皮配上雞肉蘿蔔蘑菇等配料🍗口感豐富得黎平衡返比較清新既口味💚⭐️ 潮州梅羔骨 🍖排骨啖啖肉口感好滋味🐷 最有兩點就係傳統嘅梅羔🍓 酸甜度恰當開胃得來唔會太過甜膩🥹⭐️ 酥炸芋茸鴨 🦆又係一道好懷舊嘅菜式🪭芋茸配上鴨肉嘅鹹香🍠酥脆得黎帶絲絲嘅油香好邪惡

中環呢間潮洲老字號，啲餸絕對夠水準，食完真係回味無窮。首先點左椒鹽白飯魚，呢道菜真係炸得靚！白飯魚外皮炸到金黃香脆，入口仲有少少胡椒嘅微辣，鹽味調得啱啱好，完全唔會過鹹。最正係炸完都唔會覺得油膩，一啖接一啖停唔到口，成碟分分鐘十幾分鐘就清晒。 之後有蠔仔粥，呢個粥底係用足料熬出嚟嘅，夠綿滑，啲蠔仔又肥又鮮，咬落仲有啲海水味咁鮮甜。最啱係天冷食住碗熱辣辣嘅蠔仔粥，一啖落肚真係暖晒個胃，好有懷舊街坊味。 螺頭炖鳳爪湯係清甜嘅，螺頭炖到出晒精華，鳳爪炖得夠腍，啲骨都輕輕一咬就甩。飲完有種滋潤嘅感覺，真係一碗好湯。 粉絲雜菜煲健康又好味。仲送甜品綠豆清心爽，好窩心。

呢家50年老字號潮州菜餐館，本身叫尚興，係位於上環嘅名星飯堂。近年重新開咗喺中環，喺附近返工嘅人就有口福了。平日中午時分，人潮都幾多，最好提前訂位。除咗傳統打冷滷水野，仲有好多特色小菜同甜品。❤️九肚魚烙平時喺潮州飯店淨系會食到蠔仔烙、椒鹽九肚魚，九肚魚烙系第一次食，真係好驚豔。魚烙煎到金黃色，可以見到九肚魚塊大大塊好完整。表面脆脆地，好有蛋香味，裏面啲魚肉好似棉花咁軟，濕潤度啱啱好。❤️滷水拼盤（白烚大墨魚、潮州滷水鵝）例牌份量好多，好似一個小山咁。鵝肉滷水味好香好入味，鵝皮又薄又爽口。大墨魚色澤好靚，好新鮮，咬落有彈性。底層仲有滷水豆腐，入口滑溜。❤️薑蔥魚頭煲魚頭煲好有鑊氣，一上枱熱辣辣咁，香氣撲鼻。魚頭係煎完再入煲嘅，醬汁粘喺已經煎脆咗嘅表面，食落好惹味。❤️胡椒豬肚湯近幾日天氣特別凍，飲呢款湯就啱啱好。胡椒味突出，一啖湯落肚，成個人即刻暖笠笠，驅寒暖胃一流。豬肚整得好乾淨，完全冇騷味；鹹菜特別腍，系入口即溶嘅程度。❤️清心丸豆爽呢個係送嘅飯後甜品，係潮州傳統嘅糖水。去皮綠豆有少少起沙，好有口感。糖水有嘅係天然嘅清甜味，最特別係，仲有一支用陳皮磨成粉整成嘅調味醬油，加幾滴落去糖水入面，清

今日約咗一個好耐冇見嘅朋友食飯，佢就喺中環附近返工，為咗就佢，我哋係中環附近食，我哋叫咗：1） 潮州滷水鵝片鵝片肉質非常柔軟鮮嫩。鵝肉爽口彈牙，滷水汁融入到鵝肉中，令到滷水鵝片香醇可口。再配上辣椒油，簡直拍案叫絕。2） 韭菜雞紅韭菜爽口，加上超濃的醬汁滲入一磚磚軟腍爽滑的雞紅中，而且雞紅沒有腥味，廚師應記一功。3） 蠔仔粥蠔仔超級足料，粒粒新鮮，聞起來是很鮮香，食落有一浸浸海水鹹香味，致使粥底鮮甜可口，入口綿密。4）白烚大墨魚潮州滷水食物當中，墨魚片係我最喜歡的。墨魚片切成一片片，爽口彈牙，非常有咬口，配上濃濃嘅滷水汁，相當惹味。5）酥炸芋茸鴨依款菜式係傳統嘅潮州菜，餐廳做得令我非常之surprise，表面炸得鬆脆可口，但沒有油益味，真正做到香而不膩，味道極似芋角，又有鴨香味。

今晚，我同老婆去了中環的尚盛潮州海鮮飯店作為晚餐的地點，這家餐廳專注於潮州菜，提供多樣的傳統美食。走進餐廳，迎面而來的是溫馨的氛圍和舒適的裝潢，讓我們立刻感到放鬆。我們的晚餐以潮州名物「鹹酸菜」作為開胃前菜。這道菜色澤鮮艷，味道酸鹹適中，清新可口，為接下來的菜餚奠定了良好的基調。隨後上桌的是「潮州滷水鵝」，這道菜的鵝肉經過精心滷製，鮮嫩多汁，搭配底部的滷水豆腐，既增加了口感的層次，又吸收了鵝肉的鮮香。接下來，我們點了「潮州蠔烙」，這道菜的外皮金黃酥脆，裡面包裹著新鮮的蠔肉，讓人每一口都充滿海味。然後是「潮州炒河」，這道炒米粉的香氣撲鼻，米粉炒得恰到好處，搭配各種配料，讓人忍不住多吃幾口。其中最讓我們驚喜的是「薑蔥魚頭煲」，魚頭肉質鮮美，湯底濃郁，薑蔥的香味彌漫整個餐桌，讓人心情愉悅。最後，我們嘗試了「酥炸魷魚」，這道菜外酥內嫩，魷魚的鮮味和特製醬汁的搭配，讓人一試成主顧。整體而言，尚盛潮州海鮮飯店的菜品不僅色香味俱全，而且每一道菜都展現了潮州料理的獨特魅力。這次的用餐體驗讓我們非常滿意，不僅享受了美味的食物，還度過了一個愉快的夜晚，期待下次再來品味更多美食！

舊公司老闆約食飯, 設宴50年字號的尚盛潮州餐廳, 餐廳地方不太大但座無虛席, 非常旺場, 相信食物是原因之一. 有幸已預訂特別的鹵水拼盤, 鵝頸肉, 鵝腸, 鵝肝及鵝掌, 不然早已售罄, 本相試試此店的潮州名物, 韭菜粿, 蘿蔔粿, 芋頭粿, 可惜遲來一步無緣品嚐, 只好寄望下次光臨. 小不點本是支持環保, 已戒食魚翅多年, 今破戒再嚐潮州魚翅, 真材實料, 傳統的味道又回來了, 一個談笑風生的舊同事飯局, 以三款甜點結束. 微甜的芋泥香滑軟綿, 羔燒三寶 (福果, 蕃薯, 芋頭), 及不一樣的綠豆爽. 本是平平無奇的綠豆爽, 因加了陳皮甜浆, 真是神來之筆, 帶來淡淡花香甜, 驚喜, 驚喜.

由上環50年老字號｢尚興｣二代重新經營嘅尚盛，本身對呢餐頗期待，但無論服務定食物質素都不達預期水準🥹訂咗位但去到發現餐廳無安排到枱🤯員工推個波俾老闆娘，老闆娘就只顧住處理鬧情緒嘅女，又推個波俾另一位員工(老闆?)，經過一輪擾攘，加咁啱有另一booking no show，先安排到一張細枱。座位十分迫，食物質素都一般，碟頭好細，不會再光顧。🐮沙嗲牛肉炒河全晚最符合預期嘅一道菜，沙茶醬香濃，牛肉嫩，但好細碟，大約3碗 🪿潮州滷水鵝片鵝片肉質不柴但不算嫩，墊底豆腐入味🦀乾炸雙棗$160/10粒，偏貴，無嘜驚喜👎🏻雙色晶包水晶包好迷你，用碟上並不是蒸籠，而且水晶包表面好濕，蓮蓉餡味道也怪怪的另外點了白飯魚煎蛋及川椒雞球，調味偏鹹。

位於中環的潮州店，無疑是香港食客心目中的熱門選擇。雖然店內的客人絡繹不絕，侍應的服務速度或許有所延遲，但這份忙碌的氛圍也讓人感受到餐廳的受歡迎程度。我們點了幾道招牌菜，首先是滷水鵝。滷水醬汁，味道比較清，搭配醋會好食啲。接著是椒鹽白飯魚，這道菜的口感十分鮮脆，椒鹽的香氣恰到好處，讓人忍不住多吃幾口。沙嗲牛肉菜心，牛肉用新鮮牛肉，口感煮得恰到好處，沙嗲醬香濃。而荔芋鴨則是潮州菜一道必試的手工小菜，由於做功繁複而家喺街上已經買少見少。最後，我們點了紅豆蓮蓉水晶包作為甜品。這道點心的皮透亮，內餡的紅豆和蓮蓉香甜可口，口感輕盈。雖然服務上可能會因為人流而稍顯緩慢，但這間潮州店的食物選擇多樣且美味，值得一試。