影片
以上資料只供參考, 請與餐廳確認詳情
好耐未去過高鐵站，一路以為只有添好運，今日去送人北上出trip ，原來有美食廣場，仲開咗多間餐廳同朋友見仲有時間唔趕，咁就食下呢間牛腩粉麵先，唔知係咪非繁忙時間，係度用餐環境都極寧靜舒適紫菜三寶丸河粉有白魚蛋、墨丸和牛丸崩沙腩米粉+雲吞 牛腩軟爛再加拼三粒雲吞 雙倍快樂菜肉雲吞上海麵，適合清淡口味嘅人腐乳通菜，腐乳醬濃稠，通菜唔係好翠綠但都爽脆，妥妥的港式經典搭配🚄坐高鐵時早少少來呢度快速解決一餐都係一個唔錯嘅選擇
繼續閱讀
今次係我第一次去到高鐵站，原來呢度都有好多餐廳美食，站內都有枱凳俾大家坐喺度食飯！第一次試高鐵站嘅嘢食，就揀咗呢間清湯腩，價錢合宜，唔會話喺遊客區特別貴！清湯牛腩河雖然冇嗌到牛坑腩崩沙腩，佢嘅牛腩都非常軟腍，偏瘦，係我鍾意嘅，唔會好肥膩！河粉有超多，對於我一個女仔嚟講都有啲食唔晒！佢嘅湯底偏清淡！魚蛋河店員高魚蛋都唔錯，所以朋友就叫咗呢一個！反而覺得魚片唔錯，魚蛋唔知出邊食嗰一種，唔太知道點形容！
繼續閱讀
尚好記清湯牛腩地址 尖沙咀柯士甸道西3號香港西九龍站售票大堂B1樓WEK B1-4號舖【尚好記清湯牛腩｜食完真係「好記」得嘅好味道！】今日同班friend去咗好記掃檔，一於試吓傳說中嘅清湯牛腩！鋪頭未開門已經排長龍，聞到陣味已經流口水🤤✨炸魚皮 — 脆過薯片！熱辣辣即炸，浸一浸落湯3秒即刻食，半脆半吸湯，正到拍枱！仲要唔油膩，魚味出得嚟，唔係淨係得層粉咁簡單～✨通菜 — 佢哇嘅腐乳醬係靈魂！濃到癲又唔死鹹，菜焯得啱啱好，碧綠爽脆，掛滿腐乳醬一啖放入口…哇，諗起都又想食！✨清湯牛腩麵 — 個湯真係清得嚟甜到震！飲得出係足料牛骨熬，冇味精呃人。牛腩份量多得驚人，仲要係半肥瘦「坑腩」，一啖咬落去鬆化得嚟又唔黐牙，個麵底仲要掛湯力超強，吸盡精華！✨牛三寶麵 — 牛筋、牛肚、牛腩大合集！牛筋燜到好似啫喱咁duang duang聲，入口即化；牛肚爽脆唔韌，滷水味徹底滲入去！三樣夾埋食，口感層次爆燈💡總結：呢餐食到個肚變波咁圓都忍唔住清晒碗！好記嘅清湯真係殺食，唔會飲完口渴，仲要價錢合理。下次再嚟一定要encore牛三寶加多碟魚皮，仲要試埋佢哇辣椒油——聽講係隱藏大佬嚟㗎！👏#廣東話食評 #清湯牛腩之王 #牛三寶超驚豔 #炸魚皮脆到尖叫 #通菜腐乳醬無敵
繼續閱讀
送朋友去坐高鐵 臨分開之前梗係要食啲地道嘅食物啦朋友鍾意食清湯腩 咁啱呢間有好多人幫襯 一於食佢❣️清湯三寶飯三寶有牛腩、牛筋、金錢肚飯同餸會分開上 一份勁足料 超大兜牛腩想要肥定瘦可以落單時講定 我就要咗半肥瘦 食到脂肪部份嘅香味 牛腩有炆到好入味牛筋最重要梗係要炆得腍啦 金錢肚大大件底下仲有幾件白蘿蔔吸收晒牛嘅精華❣️咖喱牛腩河咖喱牛腩配河粉真係第一次食 初初以為係湯河點知其實係撈河咁樣 港式咖喱汁勁惹味汁嘅份量足夠撈晒成碗河粉 牛腩炆得好腍 份量都好多❣️菜肉雲吞上海麵拼魚蛋菜肉雲吞好似乒乓球咁大粒 咬落去肉同菜嘅比例剛剛好而且雲吞皮超級滑溜 魚蛋重魚味得來夠晒彈牙呢度嘅上海麵係幼身嘅 食落都幾滑溜
繼續閱讀
呢日嚟咗呢間喺西九龍站車站售票大堂嘅清湯牛腩麵店諗住簡單快脆食個午餐🤣咁當然係要食牛腩啦🤣，揀咗 $73「崩沙牛腩伊麵」再加 $8 拼「雲吞」：「崩沙牛腩」似乎係牛腩中最矜貴嘅部位，呢間粉麵店嘅「崩沙牛腩」肥瘦適中肉質軟熟兼好牛味，仲切得大大件，份量真係幾多😋；雲吞有兩粒，粒粒都大大粒，係菜肉雲吞😋；伊麵煙煙韌韌幾彈牙🤣$25「郊外油菜」：揀咗「芥蘭菜全走」，「芥蘭菜」夠新鮮爽脆簡單幾好食，份量亦都係幾多😋跟餐加 $6「無糖可樂」：凍冰冰嘅可口可樂就梗係好飲啦😋
繼續閱讀
您可能會有興趣的...