尖沙咀凱悅酒店咖啡廳

Cafe, Hyatt Regency Tsim Sha Tsui
363
105
76
等級4
暑假Staycation最後一擊,揀左尖沙咀凱悅酒店,包標準客房1晚,雙人自助早餐同自助午餐,平日入住,總數$1345.9。自助早餐都係Cafe,分時段,每個時段有1小時15分鐘。我預先預約左9:15到10:30。一齊睇下有咩食啦!首先一入門口仍然係傳説中既多款卷蛋,唔知如果問服務員比唔比你呢?卷蛋隔離就有瑞士凍麥片,巴西莓碗,同四款自製乳酪(原味,芒果,草莓,藍莓)。要請服務員幫手攞。我食左巴西莓碗。好似草莓乳酪加新鮮草莓同藍莓,上面加左少少籽類,味道正常。自製乳酪係原味乳酪加果醬係面,我無試。隔離就係麵包布甸,同牛角包兩款(原味,朱古力)。亦有蜜糖,草莓同杏果沾比你自己畢。鮮莓朱古力蛋糕:居然比我發現麵包布甸對面有鮮莓朱古力蛋糕!早餐食朱古力蛋糕真係好少何。我想講呢件蛋糕係非常好食又唔膩,忌廉好輕盈而朱古力味適中!鮮莓朱古力蛋糕下面有三款無麩質糕點。椰汁沙冰:我相信好多食客都會miss左呢個自製椰汁沙冰,要自己係部機禁出黎。椰汁沙冰既椰香味濃,而且好滑溜,我一人隊左兩大杯。隔離個杯係芒果奇亞籽布甸。點解早餐都有甜品食既?尋日午餐見到既奇亞籽布甸今日都有,仲有四款口味(原味,雜莓,芒
更多
暑假Staycation最後一擊,揀左尖沙咀凱悅酒店,包標準客房1晚,雙人自助早餐同自助午餐,平日入住,總數$1345.9。自助早餐都係Cafe,分時段,每個時段有1小時15分鐘。我預先預約左9:15到10:30。

一齊睇下有咩食啦!

首先一入門口仍然係傳説中既多款卷蛋,唔知如果問服務員比唔比你呢?
乳酪,瑞士凍麥片,巴西莓碗
108 瀏覽
1 讚好
0 留言
卷蛋隔離就有瑞士凍麥片,巴西莓碗,同四款自製乳酪(原味,芒果,草莓,藍莓)。要請服務員幫手攞。
瑞士凍麥片,巴西莓碗
55 瀏覽
1 讚好
0 留言
我食左巴西莓碗。好似草莓乳酪加新鮮草莓同藍莓,上面加左少少籽類,味道正常。自製乳酪係原味乳酪加果醬係面,我無試。
麵包布甸,牛角包
89 瀏覽
1 讚好
0 留言
隔離就係麵包布甸,同牛角包兩款(原味,朱古力)。亦有蜜糖,草莓同杏果沾比你自己畢。
鮮莓朱古力蛋糕
77 瀏覽
0 讚好
0 留言
鮮莓朱古力蛋糕:居然比我發現麵包布甸對面有鮮莓朱古力蛋糕!早餐食朱古力蛋糕真係好少何。我想講呢件蛋糕係非常好食又唔膩,忌廉好輕盈而朱古力味適中!
無麩質糕點
79 瀏覽
0 讚好
0 留言
鮮莓朱古力蛋糕下面有三款無麩質糕點。
椰汁沙冰,芒果奇亞籽布甸
43 瀏覽
0 讚好
0 留言
椰汁沙冰:我相信好多食客都會miss左呢個自製椰汁沙冰,要自己係部機禁出黎。椰汁沙冰既椰香味濃,而且好滑溜,我一人隊左兩大杯。隔離個杯係芒果奇亞籽布甸。
奇亞籽布甸,沙冰,小麥草芒果汁,益力多
71 瀏覽
0 讚好
0 留言
點解早餐都有甜品食既?尋日午餐見到既奇亞籽布甸今日都有,仲有四款口味(原味,雜莓,芒果,穀物乾果)。我食左雜莓同芒果,好好味道呀!
沙冰有兩款,係黃薑香蕉同豆腐杏仁。豆腐杏仁怪味。不過黃薑香蕉帶淡淡既薑味,都可以。不過兩杯都唔係沙冰,無冰架。
雪櫃仲有小麥草芒果汁,同益力多。
麵包
74 瀏覽
2 讚好
0 留言
附近仲有多款麵包,包括墨西哥麵包,軟麵包,菠蘿包,白麵包多士,全麥多士,丹麥酥,同其他麵包。老實講,款式就唔算特別多,不過夠食。
墨西哥麵包,菠蘿包,軟麵包,丹麥酥
47 瀏覽
0 讚好
0 留言


隔離居然有即製班戟同窩夫,旁邊有香蕉片,芒果醬等比你自己加。
即製班戟,窩夫
70 瀏覽
1 讚好
0 留言


班戟軟綿綿又夠濕潤,好好味道,真係喜出望外!我加左芒果醬同瓜子一齊食。
芒果醬班戟,鮮莓朱古力蛋糕
37 瀏覽
0 讚好
0 留言


之後就到冷盤區。
原個水果,椰子水
40 瀏覽
0 讚好
0 留言


首先見到三款原個水果,包括橙,梨,蘋果。隔離居然有椰子水!
椰子水
36 瀏覽
0 讚好
0 留言

椰子水味道係正常。
水果
32 瀏覽
0 讚好
0 留言

水果有切塊既西瓜,火龍果,哈蜜瓜,菠蘿,蜜瓜,質素正常。
果汁
31 瀏覽
0 讚好
0 留言

果汁色彩繽紛,有5款,包括橙汁,西柚汁,西瓜汁,蜜瓜汁,甘筍汁。我無飲,因爲忙緊飲椰汁沙冰!
穀物鮮奶
30 瀏覽
0 讚好
0 留言

穀物有四款,包括粟米片,全麥片,脆米等。Toppings有南瓜籽,葵花籽,提子乾,燴西梅等。鮮奶有三款,分別係全脂奶,脫脂奶,同杏仁奶。杏仁奶好香杏仁味,不過好淡。
凍肉
30 瀏覽
0 讚好
0 留言


凍肉有巴馬火腿,煙三文魚,同另外兩款火腿,隔離有Bagel同三款芝士(軟芝士,伊丹芝士,安達文芝士)。我試過煙三文魚同軟芝士,質素正常。同行友人話巴馬火腿好好食。
沙律
32 瀏覽
0 讚好
0 留言


沙律就失望啦,得一兜沙律菜,加幾款配料如車厘茄,粟米粒,青瓜粒等,同幾款醬料。青瓜粒無味。車厘茄同粟米粒就好少少。

冷盤區之後外圍就係熱食區。熱食區分好多唔同菜式,除左一定有既西式同中式之外,仲有日式同印度區。
日式
36 瀏覽
0 讚好
0 留言


日式食物有:

大阪燒三文魚:幾好味又唔膩
燒鯖魚:燒得皮脆肉香,我encore左幾次
日本漬物
日式紫菜白飯
麵豉湯
粉麵檔
28 瀏覽
0 讚好
0 留言


粉麵檔好似同午餐一樣,不過幼麵轉左米粉,另外仲有油麵,配料有牛丸,魚蛋,紅腸,豆卜,菜心,生菜。菜心非常鮮嫩,而同行友人話米粉好好食。
米粉
21 瀏覽
0 讚好
0 留言

點心
25 瀏覽
0 讚好
0 留言


點心有蒸饅頭,奶皇包,菜肉包,豬肉燒賣,珍珠雞。同行友人話豬肉燒賣好食。
肉碎粥
29 瀏覽
0 讚好
0 留言


粥係肉碎粥。隔離仲有油炸鬼,炸素春卷,同豆漿。豆漿怪味,而油炸鬼唔脆。
XO醬炒腸粉,咖哩豬皮魚蛋
19 瀏覽
1 讚好
0 留言

其他中式食品有XO醬炒腸粉,咖哩豬皮魚蛋,
清炒時蔬,醬爆四季豆
33 瀏覽
0 讚好
0 留言

清炒時蔬,醬爆四季豆(係幾好味既),
豉油皇炒米粉,肉丁炒飯
34 瀏覽
0 讚好
0 留言

豉油皇炒米粉,肉丁炒飯。
西式
25 瀏覽
1 讚好
0 留言


西式食物就係另外一邊,有:
Egg Benedict, 法式多士, 雞肉腸, 炸薯餅
25 瀏覽
1 讚好
0 留言


炸薯餅:香脆
番茄汁焗豆
Egg Benedict:可以自己夾,唔洗等。蛋汁流心,好好味,不過下面塊火腿就麻麻地
烚蛋
法式多士:超脆,加少少糖漿好好食!絕對要encore!
雞肉腸:有兩款,白色個條麻麻地
烤車厘茄
炒蛋
煙肉
奄列
19 瀏覽
0 讚好
0 留言


當然有即製奄列,不過要排隊,後期就唔洗排。有6款配料,包括芝士,燈籠椒,火腿等。好大份,要分享好d。芝士拉絲,略嫌雞蛋太熟。
印度區
17 瀏覽
1 讚好
0 留言


最後就係印度區,有5款,分別係印度扁豆咖哩,印度素菜咖哩,印度式炒飯,印度蒸飯餅,印式香脆薄餅。我無食。

總括而言,今餐自助早餐真係好驚喜,我覺得野食選擇好多,連甜品,沙冰,同特別少少既肉類都有(如大阪燒三文魚,燒鯖魚),好多野食,而且好多野都好食。餐廳基本上坐滿,不過好多食物都唔洗排隊,夠時間食到飽飽,同埋夠鐘服務員都唔會叫你離座,會比你坐多陣。座位舒適,今次我地霸左四人座卡位,自成一角,裝修都特別。今次staycation過得好開心又唔洗同人逼,正!
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-27
用餐途徑
堂食
用餐時段
早餐
推介美食
鮮莓朱古力蛋糕
椰汁沙冰,芒果奇亞籽布甸
奇亞籽布甸,沙冰,小麥草芒果汁,益力多
即製班戟,窩夫
芒果醬班戟,鮮莓朱古力蛋糕
原個水果,椰子水
椰子水
凍肉
日式
米粉
清炒時蔬,醬爆四季豆
西式
Egg Benedict, 法式多士, 雞肉腸, 炸薯餅
奄列
等級4
暑假Staycation最後一擊,揀左尖沙咀凱悅酒店,包標準客房1晚,雙人自助早餐同自助午餐,平日入住,總數$1345.9。Check-in之前係Cafe食個自助午餐先,呢度無限時間,一齊睇下有咩食啦!首先一入門口就見到傳説中既多款卷蛋,賣相非常吸引。一共有六款口味,我全部都試一次先!要請服務員幫手攞。馬達加斯加雲呢拿及鮮莓係酥皮底,非常非常酥脆,好正!少有自助餐可以任食呢個質素既酥皮糕點!而上面既馬達加斯加雲呢拿忌廉係好好味道又唔膩!鮮莓有草莓同藍莓。70度厄瓜多爾朱古力都係酥皮底,質素一樣高!不過個人覺得朱古力味較爲苦。港式奶茶都係酥皮底,質素一樣好高。不過個人覺得港式奶茶味道唔夠到位。草莓雲呢拿卷蛋非常好食,蛋糕好濕潤而雲呢拿忌廉又香又滑而完全唔膩,卷蛋入面都有新鮮草莓。貓山王榴槤卷蛋既榴槤味道我就覺得可以再濃d。泰式芒果糯米卷蛋就最差,太實但係又唔覺有糯米味道或者質感。不過自助餐有呢種質素既蛋糕好抵食!卷蛋隔離就係甜品櫃,要請服務員幫手攞。梛汁西米布甸草莓芝士蛋糕:好濃厚又滑,好正印度糖球綠茶梛子蛋糕:麻麻地草莓忌廉泡芙:正常鮮莓撻:撻底都可以,另外仲有藍莓撻另外仲有甜品放係雪
更多
暑假Staycation最後一擊,揀左尖沙咀凱悅酒店,包標準客房1晚,雙人自助早餐同自助午餐,平日入住,總數$1345.9。Check-in之前係Cafe食個自助午餐先,呢度無限時間,一齊睇下有咩食啦!
98 瀏覽
0 讚好
0 留言


首先一入門口就見到傳説中既多款卷蛋,賣相非常吸引。一共有六款口味,我全部都試一次先!要請服務員幫手攞。
馬達加斯加雲呢拿及鮮莓,草莓雲呢拿,70度厄瓜多爾朱古力,貓山王榴槤,港式奶茶,泰式芒果糯米
97 瀏覽
2 讚好
0 留言


馬達加斯加雲呢拿及鮮莓係酥皮底,非常非常酥脆,好正!少有自助餐可以任食呢個質素既酥皮糕點!而上面既馬達加斯加雲呢拿忌廉係好好味道又唔膩!鮮莓有草莓同藍莓。
70度厄瓜多爾朱古力都係酥皮底,質素一樣高!不過個人覺得朱古力味較爲苦。
港式奶茶都係酥皮底,質素一樣好高。不過個人覺得港式奶茶味道唔夠到位。
草莓雲呢拿卷蛋非常好食,蛋糕好濕潤而雲呢拿忌廉又香又滑而完全唔膩,卷蛋入面都有新鮮草莓。
貓山王榴槤卷蛋既榴槤味道我就覺得可以再濃d。
泰式芒果糯米卷蛋就最差,太實但係又唔覺有糯米味道或者質感。
不過自助餐有呢種質素既蛋糕好抵食!
甜品
126 瀏覽
0 讚好
0 留言


卷蛋隔離就係甜品櫃,要請服務員幫手攞。
楊枝甘露,奇亞籽布甸,草莓芝士蛋糕,綠茶梛子蛋糕,鮮莓撻,草莓忌廉泡芙
86 瀏覽
0 讚好
0 留言


梛汁西米布甸
草莓芝士蛋糕:好濃厚又滑,好正
印度糖球
綠茶梛子蛋糕:麻麻地
草莓忌廉泡芙:正常
鮮莓撻:撻底都可以,另外仲有藍莓撻
甜品,水果
109 瀏覽
0 讚好
0 留言

另外仲有甜品放係雪櫃,可以自己攞。

朱古力慕絲車厘子
草莓荔枝奶凍:味道唔錯
意大利芝士餅
楊枝甘露:正常
奇亞籽布甸:似西米布甸多d

雪櫃都有水果,有切塊既火龍果,菠蘿,哈蜜瓜,西瓜,同未剝殼既龍眼,大部分質素正常。
芒果糯米飯
80 瀏覽
0 讚好
0 留言

芒果糯米飯:質素幾好,糯米飯椰香味十足!
哈根大師雪糕
95 瀏覽
0 讚好
0 留言

哈根大師雪糕:雖然無寫清楚,但係一看就知係哈根大師出品。一共有六款口味,分別係咖啡,朱古力,雲呢拿,綠茶,芒果,草莓。質素有保證,真係抵到爛,我encore左好多次!雖然要服務員幫你筆,不過好少要排隊。記得飲品站附近有雪糕toppings可以自己加,分別有gummy bear,M&M's,朱古力,穀物乾果,軟糖等等。
班戟
84 瀏覽
0 讚好
0 留言


呢度居然有即製班戟食!仲有兩款口味,分別係士多啤梨班戟,同朱古力香蕉班戟。
朱古力班戟
72 瀏覽
1 讚好
0 留言

朱古力班戟好少見,當然要試試。班戟帶淡淡既朱古力味道,而質感係薄脆,好正!仲可以要求配士多啤梨,或者自己加香蕉或者士多啤梨,配哈根大師雪糕,一冷一熱,又脆又滑,非常正!我encore左一次!
豆腐花,三色冰
64 瀏覽
0 讚好
0 留言

班戟站隔離有豆腐花,三色冰。
豆腐花
74 瀏覽
0 讚好
0 留言

豆腐花唔夠滑。

總括而言,甜品都幾高質同多選擇,滿意!
立魚,魷魚,三文魚,赤身
63 瀏覽
0 讚好
0 留言

刺身有四款,分別係立魚,魷魚,三文魚,赤身,質素正常,我無encore。另外有細細兜魚生飯,主要係三文魚粒同三文魚籽,所以我都無食。
壽司,卷物
53 瀏覽
0 讚好
0 留言


刺身隔離有壽司同卷物各兩款,我無試。
青口,蝦
49 瀏覽
0 讚好
0 留言

蟹,蜆
68 瀏覽
0 讚好
0 留言

凍海鮮有四款,分別係青口,蝦,蟹,蜆。蜆可以,青口麻麻地。
沙律
58 瀏覽
1 讚好
0 留言


沙律選擇少,主要係撈好既沙律,有南瓜沙律,番茄芝士沙律,凱撒沙律,質素正常。
沙律,前菜
51 瀏覽
0 讚好
0 留言

前菜有三款,分別係麻辣海帶,香辣藕片,陳醋雲耳。我無試。

芝士有三款,分別係軟芝士,伊丹芝士,安達文芝士。我試過軟芝士,質素正常,而且攞完會添加。
煙三文魚,巴馬火腿,凍肉
66 瀏覽
0 讚好
0 留言


沙律隔離有煙三文魚,巴馬火腿同凍肉。煙三文魚正常,巴馬火腿幾好食。旁邊有蜜瓜同麵包配凍肉食。
自製肝醬
47 瀏覽
0 讚好
0 留言


自製肝醬我就無試。

過左甜品同冷盤區之後外圍就係熱食區。熱食區分好多唔同菜式,除左一定有既西式同中式之外,仲有韓式,日式,泰式同印度區。其實每區食物選擇唔算多,只係勝在咩都有啲,感覺上好似有選擇。
韓式海鮮煎餅,韓式香辣炸雞配年糕
42 瀏覽
1 讚好
0 留言

韓式海鮮煎餅唔覺有海鮮。

韓式香辣炸雞配年糕就幾好味道,年糕煙煙韌韌,上面仲灑上白芝麻粒。
泡菜有三款,分別係大白菜,芽菜同青瓜,太鹹。
天婦羅
45 瀏覽
0 讚好
0 留言

天婦羅好失望,居然得番薯同粟米。番薯係可以但係粟米係無味。
燒味檔
47 瀏覽
1 讚好
0 留言


天婦羅區隔離就係燒味檔。燒味有叉燒,切雞,燒腩仔,同燒鵝,要等師傅切比你。燒腩仔最正,堅脆皮又半肥瘦。燒鵝都有脆皮而鵝肉算嫩。叉燒有燶邊同半肥瘦。
粉麵檔
58 瀏覽
0 讚好
0 留言

粉麵檔有幼麵同油麵,配料有牛丸,魚蛋,紅腸,豆卜,芽菜,生菜。可以叫叻沙湯麵或者越式生牛肉湯粉。
中式燉湯
66 瀏覽
1 讚好
0 留言


湯得一款中式燉湯,無西湯但係有泰式湯。
中式食物
97 瀏覽
0 讚好
0 留言

中式食物
90 瀏覽
0 讚好
0 留言

中式食物有花生豬腳,牛肉芽菜豆卜,八爪魚,肉碎四季豆,西蘭花,春卷,炒麵,炒飯。老實講,好唔吸引。不過肉碎四季豆係好食既。
西式食物
67 瀏覽
1 讚好
0 留言

西式食物
50 瀏覽
1 讚好
0 留言


西式食物就完全係另外一邊。有牛油梛菜花,炸南瓜餅,忌廉豬肉腸長通粉,火腿菠蘿薄餅,炸魚柳,燒牛舌,燒豬柳,肉丸。燒牛舌係可以既,燒豬柳都算嫩,不過唔會令人想encore。牛油梛菜花反而幾好食。
西式食物
41 瀏覽
1 讚好
0 留言

附近有慢燒西冷扒,燒豬腩卷,烤菠蘿。慢燒西冷扒我就麻麻地,雖然都嫩,不過我同行友人就食好多。燒豬腩卷外皮好脆,肉質都好嫩。

泰式食物得冬陰公湯同紅咖哩鴨。紅咖哩個汁好香好好味,少少辣好惹味,我用呢個汁撈菜食。
印度區
37 瀏覽
0 讚好
0 留言

最後就係印度區,呢區反而好多選擇:

羊肉咖哩:唔太韌或者過羶
雜菜咖哩
印式牛油烤雞
印式魚咖哩
印式香飯
扁豆咖哩
茄子咖哩:較鹹
天多利烤雞:唔算韌
牛油烤餅
印式香脆薄餅:堅薄脆

咖哩味道我覺得冇咁正宗,可能為左迎合港人口味,我自己覺得只係略鹹。

每人包一杯餐飲,唔包朱古力。2點半就開始收野。


總括而言,今餐食得好舒服,唔洗同人逼或者不斷排隊又無限時。雖然熱食同冷盤都麻麻地,選擇又少,貴價野欠奉,不過都有少量好食既野,一定會飽。甜品實在係幾出色,絕對值回票價!服務員基本上個個都好好。餐廳座位分散而裝修舒服,唔會覺得逼。我奇怪係,點解少人黎呢度既?
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-26
用餐途徑
堂食
用餐時段
午餐
推介美食
馬達加斯加雲呢拿及鮮莓,草莓雲呢拿,70度厄瓜多爾朱古力,貓山王榴槤,港式奶茶,泰式芒果糯米
甜品
楊枝甘露,奇亞籽布甸,草莓芝士蛋糕,綠茶梛子蛋糕,鮮莓撻,草莓忌廉泡芙
甜品,水果
芒果糯米飯
哈根大師雪糕
班戟
朱古力班戟
煙三文魚,巴馬火腿,凍肉
燒味檔
等級4
119
0
2021-08-26 787 瀏覽
起初訂位時一直以為係 Afternoon Tea set, 無諗過原來呢度星期六, 日係做 Tea Buffet, 既然訂左位又來到, 無咩所謂啦, 而且  Staff 都好 nice 好有禮貌 ! 由於早到左未入得, 係 lobby 坐下等下, 15:20  就開始放人入去,  枱與枱次間都算有一定既距離, 亦有準備好 mask holder 俾客人,  非常細心, 坐低亦會有溫馨提示!  到 15:30 就可以出去攞野食, 行左個圈, 發覺食埋都唔少, 對於自己來講, 太 heavy 既都唔太岩, 所以都係揀 D 輕食, 各樣食物都中規中矩, 只係個中湯同個冬蔭公就麻麻地 ! 要讚既係朱古力 pancake, 好濃既朱古力味, 岩哂食朱古力既人士, 另外就係自家出品既肝醬, 估唔到幾好食,  同時無諗過 Tea Buffet 會有凍海鮮, 不過魚生得三款就少左 D, 可能唔係正餐啦最後係埋單先知有 8折, 無問點解, 反正平左就開心啦
更多
起初訂位時一直以為係 Afternoon Tea set, 無諗過原來呢度星期六, 日係做 Tea Buffet, 既然訂左位又來到, 無咩所謂啦, 而且  Staff 都好 nice 好有禮貌 ! 

由於早到左未入得, 係 lobby 坐下等下, 15:20  就開始放人入去,  枱與枱次間都算有一定既距離, 亦有準備好 mask holder 俾客人,  非常細心, 坐低亦會有溫馨提示!  到 15:30 就可以出去攞野食, 行左個圈, 發覺食埋都唔少, 對於自己來講, 太 heavy 既都唔太岩, 所以都係揀 D 輕食, 各樣食物都中規中矩, 只係個中湯同個冬蔭公就麻麻地 ! 

要讚既係朱古力 pancake, 好濃既朱古力味, 岩哂食朱古力既人士, 另外就係自家出品既肝醬, 估唔到幾好食,  同時無諗過 Tea Buffet 會有凍海鮮, 不過魚生得三款就少左 D, 可能唔係正餐啦

最後係埋單先知有 8折, 無問點解, 反正平左就開心啦
22 瀏覽
0 讚好
0 留言
19 瀏覽
0 讚好
0 留言
20 瀏覽
0 讚好
0 留言
18 瀏覽
0 讚好
0 留言
19 瀏覽
0 讚好
0 留言
19 瀏覽
0 讚好
0 留言
10 瀏覽
0 讚好
0 留言
6 瀏覽
0 讚好
0 留言
13 瀏覽
0 讚好
0 留言
10 瀏覽
0 讚好
0 留言
9 瀏覽
0 讚好
0 留言
15 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-22
等候時間
10 分鐘 (堂食)
人均消費
$280 (下午茶)
慶祝紀念
生日
等級4
276
5
2021-08-22 10303 瀏覽
lunch buffet 冇生蠔就預咗,估唔到佢連長腳蟹、螺、鮑魚、龍蝦乜都冇。只有最cheap的青口、蜆仔、蝦(仲要唔新鮮)、冇肉嘅不知名蟹。信用卡折完都400蚊一位架喎,你淨係俾呢啲嘢食我?唔係呀嘛!?(10級驚訝+喊出黎)算啦諗住食下刺身啦,刺身得四款,見到吞拿魚個顏色都知你咩料啦,簡直同我心情一樣:灰呀!刺身量俾得好少,即使你只要一款魚生,佢都只俾你兩小片,個師傅仲要有啲寸。沙律都冇乜菜揀食返啲Cold cut好過。煙三文魚質素唔錯。算啦諗住食下熱葷,質素都好參差,拎住隻碟我嘆晒氣,唉~天婦羅全部喺粟米呀、菇呀,居然就連天婦羅蝦、假蟹柳都冇一條。炸野,例如炸魚柳完全係大家樂嘅水平。有好多肉類包括豬肚、豬扒都硬到哭泣,炒飯炒麵嗰啲下欄嘢我完全冇掂啦,不予置評。去到呢度我已經食到想喊,好彩燒味檔同印度咖哩係好食嘅,甚至比起其他酒店自助餐質素更佳。燒味檔即叫即切,試左佢個燒肉,皮脆到咯咯聲,正!仲有燒鵝食,不過有啲肥。印度咖哩選擇多,香料配搭出色又正宗,配埋薄餅一流。燉湯都唔錯,是日係冬瓜湯。真正救番呢間野嘅功臣應該要數甜品喇,甜品選擇都幾多,而且好食嘅。本人平日最愛拿破侖佢有兩款,
更多
lunch buffet 冇生蠔就預咗,估唔到佢連長腳蟹、螺、鮑魚、龍蝦乜都冇。只有最cheap的青口、蜆仔、蝦(仲要唔新鮮)、冇肉嘅不知名蟹。信用卡折完都400蚊一位架喎,你淨係俾呢啲嘢食我?唔係呀嘛!?(10級驚訝+喊出黎)


157 瀏覽
1 讚好
0 留言


算啦諗住食下刺身啦,刺身得四款,見到吞拿魚個顏色都知你咩料啦,簡直同我心情一樣:灰呀!刺身量俾得好少,即使你只要一款魚生,佢都只俾你兩小片,個師傅仲要有啲寸。


125 瀏覽
2 讚好
0 留言
71 瀏覽
1 讚好
0 留言


沙律都冇乜菜揀
56 瀏覽
0 讚好
0 留言


48 瀏覽
0 讚好
0 留言
食返啲Cold cut好過。煙三文魚質素唔錯。

算啦諗住食下熱葷,質素都好參差,拎住隻碟我嘆晒氣,唉~
天婦羅全部喺粟米呀、菇呀,居然就連天婦羅蝦、假蟹柳都冇一條


106 瀏覽
1 讚好
0 留言


91 瀏覽
0 讚好
0 留言


炸野,例如炸魚柳完全係大家樂嘅水平。有好多肉類包括豬肚、豬扒都硬到哭泣,炒飯炒麵嗰啲下欄嘢我完全冇掂啦,不予置評。

69 瀏覽
0 讚好
0 留言

41 瀏覽
0 讚好
0 留言

去到呢度我已經食到想喊,好彩燒味檔印度咖哩係好食嘅,甚至比起其他酒店自助餐質素更佳。


65 瀏覽
0 讚好
0 留言


燒味檔即叫即切,試左佢個燒肉,皮脆到咯咯聲,正!
仲有燒鵝食,不過有啲肥。
30 瀏覽
0 讚好
0 留言

印度咖哩選擇多,香料配搭出色又正宗,配埋薄餅一流。燉湯都唔錯,是日係冬瓜湯。


53 瀏覽
0 讚好
0 留言


真正救番呢間野嘅功臣應該要數甜品甜品選擇都幾多,而且好食嘅。


54 瀏覽
0 讚好
0 留言


本人平日最愛拿破侖佢有兩款,士多啤梨果款的酥皮係軟咗嘅,奶茶個款就keep到脆。貓山王蛋糕亦都唔錯,榴蓮味都幾突出。

49 瀏覽
0 讚好
0 留言

30 瀏覽
0 讚好
0 留言

另外我幾欣賞嘅係佢的芒果糯米飯,芒果香甜,唔係度度有得食,加分!


37 瀏覽
0 讚好
0 留言


另一個有加分嘅喺佢個雪糕,本身諗著“又唔喺咩牌子野”所以冇乜期待。點知食落有幾好食喎,試左綠茶同埋雲呢嗱,香而不過甜,而且夠滑,好好味!


48 瀏覽
0 讚好
0 留言

去到呢度,原本喊緊嘅我已經笑逐顏開,同埋佢個餐飲都幾有誠意。

32 瀏覽
0 讚好
0 留言

服務方面都算唔錯,甜品哥仔好友善,切肉同燒味檔師傅都好有禮貌。
32 瀏覽
0 讚好
0 留言

然而,呢間野其中一個最令我不滿嘅地方,係佢冇打黎confirm booking. 咩卡有咩優惠都係去到先知,有咩海鮮更加係當日睇到先知。
其實我提早一個月之前已經預訂,但去到發現座位安排極差
連帶位嗰個哥哥都feel到唔對路,連忙安排換位,後來的位置坐得尚算舒服。當日明明吉位都幾多,但晨早又block咗佢唔俾訂位、扮full, 理解不能。

159 瀏覽
2 讚好
0 留言


總結
作為一個專注冷盤海鮮既覓食者,見到海鮮櫃同刺身既一刻,完全感到中伏,我既負評已經呼之欲出(心入面直升機已起飛:伏伏伏伏伏……)。
我已經係問同行者:你覺得呢間差啲定上次我俾負評嗰間差啲?(係呀,係鬥"差")
其實由佢啲碟既size比一般buffet細,已經睇得出間嘢有幾咁孤寒。
不過佢有某啲菜色同甜品、雪糕挽狂瀾於既倒,最終拉回去“OK”一類。
但我本人不會推介呢間嘢的lunch buffet俾任何朋友 ,畢竟同樣價錢尖沙咀大把選擇。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-21
等候時間
2 分鐘 (堂食)
人均消費
$400 (午餐)
慶祝紀念
生日
等級1
2
0
2021-08-19 699 瀏覽
整晚只有一隻乳豬,三隻片皮鴨(睇唔清兩隻定三隻)。唔想好似餓鬼咁搶,乖乖等,結果兩樣未排到我已經冇晒。去飲一枱12人都有隻乳豬啦,當每位客人只可以食一片,成晚都唔應該得一隻乳豬!大家都係俾咁多錢,豬骨都冇塊,而且我特別鍾意食乳豬,所以失望感更加放大。吞拿魚刺身只係赤身,仲要唔新鮮。廣告又話即劏嘅?!其實再嚟食,真係因為睇咗YouTube介紹,滿心期待訂位,點知⋯⋯唉😮‍💨早幾年都嚟過唔錯,但今次同新朋友嚟,感覺好差,令我難堪同失望。
更多
整晚只有一隻乳豬,三隻片皮鴨(睇唔清兩隻定三隻)。唔想好似餓鬼咁搶,乖乖等,結果兩樣未排到我已經冇晒。去飲一枱12人都有隻乳豬啦,當每位客人只可以食一片,成晚都唔應該得一隻乳豬!大家都係俾咁多錢,豬骨都冇塊,而且我特別鍾意食乳豬,所以失望感更加放大。
吞拿魚刺身只係赤身,仲要唔新鮮。廣告又話即劏嘅?!其實再嚟食,真係因為睇咗YouTube介紹,滿心期待訂位,點知⋯⋯唉😮‍💨
早幾年都嚟過唔錯,但今次同新朋友嚟,感覺好差,令我難堪同失望。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級4
241
0
2021-08-18 3443 瀏覽
今次去呢度staycation, 包左自助晚餐同自助早餐, 今次講咗自助晚餐先✨Hyatt Regency一向嘅龍蝦都好新鮮, 今晚嘅龍蝦係即刻係你面前白灼同開邊, 非常非常新鮮🥰 肉質鮮甜彈牙, 基本上唔使任何調味都好滿足, 佢亦都有提供一款泰式醬汁, 加埋更加覺得好夾, 吊起咗個鮮味☺️食咗三隻(6邊🤣)燒牛肉亦都唔錯👍🏻 燒菠蘿好甜👍🏻雖然呢度係鴨肝唔係鵝肝, 但係好厚肉, 好重油香☺️羊架嘅肉質亦都幾嫩滑🥰平時嘅我真係好少食炸嘢, 但係見到呢度嘅炸魚柳炸得咁靚, 忍唔住攞咗一舊試吓, 食完真係返唔到轉頭✨ 好香脆肉質亦都好juicy好嫩滑🤤 好似encore多咗一舊🤣呢間酒店嘅煙三文魚亦係冇得輸😚 肥美調味亦都好香香草味💓💓 無限encore🤣甜品時間✨🧁🍨🍰🍮聽講呢度出名蛋捲, 甜品嗰個師傅同我哋講話蛋捲攞晒就冇, 於是我就去攞每樣一舊, 有唔同口味:- 芒果- 榴槤- 奶茶- 士多啤梨我攞咁多舊係諗住同屋企人share, 點知個甜品師傅黑晒面, 之後仲串我做咩食咁多甜品…不過講真我都幾後悔留咗每樣一舊, 因為啲蛋捲真係唔好食, 同埋d拿破崙淋晒:/anyways, 佢呢度亦都有
更多
今次去呢度staycation, 包左自助晚餐同自助早餐, 今次講咗自助晚餐先✨

Hyatt Regency一向嘅龍蝦都好新鮮, 今晚嘅龍蝦係即刻係你面前白灼同開邊, 非常非常新鮮🥰 肉質鮮甜彈牙, 基本上唔使任何調味都好滿足, 佢亦都有提供一款泰式醬汁, 加埋更加覺得好夾, 吊起咗個鮮味☺️食咗三隻(6邊🤣)
新鮮白灼龍蝦
44 瀏覽
0 讚好
0 留言


燒牛肉亦都唔錯👍🏻 燒菠蘿好甜👍🏻
36 瀏覽
0 讚好
0 留言


雖然呢度係鴨肝唔係鵝肝, 但係好厚肉, 好重油香☺️
32 瀏覽
0 讚好
0 留言

羊架嘅肉質亦都幾嫩滑🥰
燒羊架,  燒菠蘿
47 瀏覽
0 讚好
0 留言

平時嘅我真係好少食炸嘢, 但係見到呢度嘅炸魚柳炸得咁靚, 忍唔住攞咗一舊試吓, 食完真係返唔到轉頭✨ 好香脆肉質亦都好juicy好嫩滑🤤 好似encore多咗一舊🤣
炸魚柳
38 瀏覽
0 讚好
0 留言


呢間酒店嘅煙三文魚亦係冇得輸😚 肥美調味亦都好香香草味💓💓 無限encore🤣
22 瀏覽
1 讚好
0 留言

煙三文魚
37 瀏覽
0 讚好
0 留言


甜品時間✨🧁🍨🍰🍮
聽講呢度出名蛋捲, 甜品嗰個師傅同我哋講話蛋捲攞晒就冇, 於是我就去攞每樣一舊, 有唔同口味:
- 芒果
- 榴槤
- 奶茶
- 士多啤梨

我攞咁多舊係諗住同屋企人share, 點知個甜品師傅黑晒面, 之後仲串我做咩食咁多甜品…不過講真我都幾後悔留咗每樣一舊, 因為啲蛋捲真係唔好食, 同埋d拿破崙淋晒:/

anyways, 佢呢度亦都有pancake, waffle, 同埋六款Häagen-Dazs雪糕💓 全部都唔錯👍🏻

整體來講覺得如果鍾意食海鮮嘅話, 食呢度嘅龍蝦一定好滿足☺️ 各種食物水準都唔錯, 覺得性價比都幾高👍🏻
16 瀏覽
0 讚好
0 留言
21 瀏覽
0 讚好
0 留言
15 瀏覽
0 讚好
0 留言

18 瀏覽
0 讚好
0 留言
20 瀏覽
0 讚好
0 留言


順帶一提,逢星期日至三可以食4個鐘(6-10pm), 星期四至六淨係可以食兩個鐘, 可能會比較趕><
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
用餐時段
晚餐
推介美食
新鮮白灼龍蝦
燒羊架,  燒菠蘿
炸魚柳
煙三文魚
等級4
199
0
2021-08-18 1256 瀏覽
The cafe 重新有任食烚龍蝦,book 了三星期才有位。開始龍蝦已有十多人排隊,龍蝦比以前細隻D,食兩至三開邊已夠,之後食牛羊扒和rib,大件okay, rib 肉較硬。6:45pm 有燒乳豬,每人只有2塊肉和幾肥。7:15pm 有片皮鴨, 肉幾鞋。炒麥皮蝦有乜鮮味。無中湯改肉骨茶幾咸。反而風乾火腿和煙三文魚幾好味道多人食。甜品有好幾款,芒果蛋糕,pancake 唔錯,豆腐花較鞋唔夠滑。叫茶部長送來只放在枱邊,要自己擺,好唔專業。之前打去餐廳confirm booking兩天都無人聽,只有總機聽,五星級酒店服務水準差。總括中規中矩,但食物質素比以前下降,以正價可有其他選擇。
更多
The cafe 重新有任食烚龍蝦,book 了三星期才有位。
開始龍蝦已有十多人排隊,龍蝦比以前細隻D,食兩至三開邊已夠,之後食牛羊扒和rib,大件okay, rib 肉較硬。
6:45pm 有燒乳豬,每人只有2塊肉和幾肥。
7:15pm 有片皮鴨, 肉幾鞋。
炒麥皮蝦有乜鮮味。無中湯改肉骨茶幾咸。
反而風乾火腿和煙三文魚幾好味道多人食。
甜品有好幾款,芒果蛋糕,pancake 唔錯,豆腐花較鞋唔夠滑。
叫茶部長送來只放在枱邊,要自己擺,好唔專業。
之前打去餐廳confirm booking兩天都無人聽,只有總機聽,五星級酒店服務水準差。
總括中規中矩,但食物質素比以前下降,以正價可有其他選擇。
18 瀏覽
0 讚好
0 留言
16 瀏覽
0 讚好
0 留言
11 瀏覽
0 讚好
0 留言
16 瀏覽
0 讚好
0 留言
12 瀏覽
0 讚好
0 留言
12 瀏覽
0 讚好
0 留言
15 瀏覽
0 讚好
0 留言
12 瀏覽
0 讚好
0 留言
11 瀏覽
0 讚好
0 留言
16 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-17
等候時間
5 分鐘 (堂食)
人均消費
$570 (晚餐)
用餐優惠
優惠券
等級4
2021-08-15 1628 瀏覽
The melon vanilla ice cream was definitely what attracted me here. The tea set only costs about 540(after service charge) (around 270/head) yet a similar dessert outside would have costed you a similar price.The tea set arrived and we were stunned by the amount of food(the ice cream would be served when we finish the tea set first)I liked most of the savories except for the pineapple bun. The concept was innovative to add pineapple to the pineapple bun(for foreigners who don't know, "pineapple b
更多
The melon vanilla ice cream was definitely what attracted me here. The tea set only costs about 540(after service charge) (around 270/head) yet a similar dessert outside would have costed you a similar price.
112 瀏覽
0 讚好
0 留言
2545 瀏覽
3 讚好
0 留言
3249 瀏覽
1 讚好
0 留言
The tea set arrived and we were stunned by the amount of food(the ice cream would be served when we finish the tea set first)
160 瀏覽
0 讚好
0 留言
I liked most of the savories except for the pineapple bun. The concept was innovative to add pineapple to the pineapple bun(for foreigners who don't know, "pineapple buns" do not really contain pineapple but is called as such due to its appearance). However, due to the juice of the pineapple, the bun became a big soggy. I think they can slightly grill the pineapple first before putting it into the bun so it won't be soggy and the pineapple itself would be even sweeter after the grill.
92 瀏覽
0 讚好
0 留言

For the desserts, I liked the Peach trifle and the Watermelon Cake. The cream between the watermelon acted as a coating to stop it from soaking the cake(unlike the pineapple bun). The peach was also juicy yet this did not affect the dessert overall.
55 瀏覽
0 讚好
0 留言
I may have drank the tea so the tea flavor of the scone was not too prominent.
35 瀏覽
0 讚好
0 留言

The milk tea was really rich(I tried some from my friend's bottle). The red bean frappe was a bit too lacking in red bean though the sweetness was well controlled and tasted good.
59 瀏覽
0 讚好
0 留言

The moment we have been waiting for came and it was a delicious moment indeed, though take your pictures quickly as the ice-cream melts quite fast as the melon was not stone cold. (I guess if the melon was stone cold, it may affect its taste so quite a difficult balance to achieve indeed). The ice cream was rich and melon was sweet and juicy. The gold flake on top was definitely a nice touch to make the dessert even more stunning.
26 瀏覽
0 讚好
0 留言
題外話/補充資料: My recommendation: Come with an empty stomach
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-14
用餐途徑
堂食
人均消費
$270 (下午茶)
等級2
2
0
2021-08-13 1321 瀏覽
八月生日晚市Buffet,成晚無乜好野食。水煮波龍全晚任食,高峰期大約等十五分鐘左右,新鮮好味,如果食得多,唔會蝕。乳豬只有一輪,拎完唔會再有,我排左隊一次,食左一件,老婆一件。片皮鴨又係限時,目測多過一隻,七點幾去拎已經無,當堂呆左。隔離肉骨茶又係限量,大約八點又無,變例湯。炒麥皮蝦,時有時無,睇彩數,當晚食到兩次。其他小炒,豬腳薑、炒下菜、三杯魷魚仔就大把。凍海鮮有小龍蝦,蟹仔,熟蝦,好普通,無蠔亦無麵包蟹或長腳蟹。刺身最抵食係有帶子,都算大粒,全晚都有供應。鴨肝長期無人serve,切到細細煎定放埋煎爐一邊,熱係夠熱,但乾晒,真係「鴨乾」。燒味檔d燒味唔會切定,放晒喺d架到,可能你叫先切,但睇樣差過普通街市既燒味店,所以無食。生果雪櫃好臭,唔知幾耐無清潔,西瓜唔新鮮,就算剛剛拎出黎都係瘀瘀爛爛,唔係一粒粒完整。哈蜜瓜夠熟,夠甜,蜜瓜就硬過石頭,無味既。雪糕有多款,不過雪櫃唔夠凍,未返到位已經開始溶,八點出去拎雪糕,無碗無匙羹,個staff無意識去補充,淨係話無碗,有第二個客黎拎,都係話無碗,三四個客企晒喺度,先識揾其他staff去拎。酒店蛋糕,原本有六款,八點去,淨返三款,問佢仲會
更多
八月生日晚市Buffet,成晚無乜好野食。水煮波龍全晚任食,高峰期大約等十五分鐘左右,新鮮好味,如果食得多,唔會蝕。乳豬只有一輪,拎完唔會再有,我排左隊一次,食左一件,老婆一件。片皮鴨又係限時,目測多過一隻,七點幾去拎已經無,當堂呆左。隔離肉骨茶又係限量,大約八點又無,變例湯。炒麥皮蝦,時有時無,睇彩數,當晚食到兩次。其他小炒,豬腳薑、炒下菜、三杯魷魚仔就大把。凍海鮮有小龍蝦,蟹仔,熟蝦,好普通,無蠔亦無麵包蟹或長腳蟹。刺身最抵食係有帶子,都算大粒,全晚都有供應。鴨肝長期無人serve,切到細細煎定放埋煎爐一邊,熱係夠熱,但乾晒,真係「鴨乾」。燒味檔d燒味唔會切定,放晒喺d架到,可能你叫先切,但睇樣差過普通街市既燒味店,所以無食。生果雪櫃好臭,唔知幾耐無清潔,西瓜唔新鮮,就算剛剛拎出黎都係瘀瘀爛爛,唔係一粒粒完整。哈蜜瓜夠熟,夠甜,蜜瓜就硬過石頭,無味既。雪糕有多款,不過雪櫃唔夠凍,未返到位已經開始溶,八點出去拎雪糕,無碗無匙羹,個staff無意識去補充,淨係話無碗,有第二個客黎拎,都係話無碗,三四個客企晒喺度,先識揾其他staff去拎。酒店蛋糕,原本有六款,八點去,淨返三款,問佢仲會唔會添,佢話唔會,之後索性淨係添淨一款。
成晚都係食d普通野,信用卡85折收1300兩位,不如食JW Cafe,起碼service都似返間五星酒店,呢間酒店無服務無食物。
後記:同酒店個social media manager投訴,佢話好重視客人意見,會反映返喎。有無改善就靠大家去「試伏」啦!歡迎大家再俾報告。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-04
等候時間
5 分鐘 (堂食)
人均消費
$650 (晚餐)
慶祝紀念
生日
用餐優惠
信用卡優惠
推介美食
  • 刺身
  • 波士頓龍蝦
等級4
2021-08-12 976 瀏覽
在今時今日什麼也講求快速的社會,手作工業真係買少見少;而手繪瓷器在香港更可謂幾近絕跡。最近尖沙咀凱悅酒店特地與粵東磁廠合作;製作出一系列餐具(多款彩蝶、鳥語、花香等圖案),以迎合是次的下午茶主題。而用作盛載食物的器皿也頗別緻,是白色的陶瓷高腳托盤,配手繪瓷器;充滿港式的優雅。鹹點及甜點分開擺放,另加一碟Scone+Madeleine,有三款特色飲品可供選擇(三選一),我們四人兩個下午茶,放在一起影相,不可謂不震撼!食物未到,先挑點特色餐飲(港式冰鎮奶茶、懷舊紅豆冰或桃蜜茉莉茶),每人可選其中一款;我揀了奶茶,友人們則選了兩杯茉莉茶和一杯紅豆冰。港式冰鎮奶茶 ~ 帶淡淡茶香,潤滑香甜,奶與茶的比例剛好,以冰鎮之,在這悶熱的日子,真正涼透心!桃蜜茉莉茶 ~ 味道不過甜;清香中滲出蜜桃香氣,懷舊紅豆冰 ~ 圓潤飽滿,香甜可口!鹹點有蜜糖火腿迷你菠蘿包、港式芝麻蝦多士、自家焗製牛油軟包西多士配煉奶、炸龍蝦肉雲吞配甜酸醬。菠蘿包係茶餐廳名物,這款中間夾了蜜糖火腿和菠蘿,係真正有菠蘿嘅菠蘿包;芝麻蝦多士採用的是可持續發展海鮮,食得更安心,外層香脆、蝦肉爽彈;花生醬西多士新鮮出爐,面頭的半溶化牛油配
更多
35 瀏覽
0 讚好
0 留言

在今時今日什麼也講求快速的社會,手作工業真係買少見少;而手繪瓷器在香港更可謂幾近絕跡。最近尖沙咀凱悅酒店特地與粵東磁廠合作;製作出一系列餐具(多款彩蝶、鳥語、花香等圖案),以迎合是次的下午茶主題。
67 瀏覽
2 讚好
0 留言
37 瀏覽
1 讚好
0 留言
1804 瀏覽
2 讚好
0 留言
而用作盛載食物的器皿也頗別緻,是白色的陶瓷高腳托盤,配手繪瓷器;充滿港式的優雅。

鹹點及甜點分開擺放,另加一碟Scone+Madeleine,有三款特色飲品可供選擇(三選一),我們四人兩個下午茶,放在一起影相,不可謂不震撼!
22 瀏覽
0 讚好
0 留言
食物未到,先挑點特色餐飲(港式冰鎮奶茶、懷舊紅豆冰或桃蜜茉莉茶),每人可選其中一款;我揀了奶茶,友人們則選了兩杯茉莉茶和一杯紅豆冰。

港式冰鎮奶茶 ~ 帶淡淡茶香,潤滑香甜,奶與茶的比例剛好,以冰鎮之,在這悶熱的日子,真正涼透心!
61 瀏覽
0 讚好
0 留言
桃蜜茉莉茶 ~ 味道不過甜;清香中滲出蜜桃香氣,懷舊紅豆冰 ~ 圓潤飽滿,香甜可口!
68 瀏覽
1 讚好
0 留言
26 瀏覽
0 讚好
0 留言
鹹點有蜜糖火腿迷你菠蘿包、港式芝麻蝦多士、自家焗製牛油軟包西多士配煉奶、炸龍蝦肉雲吞配甜酸醬。
44 瀏覽
0 讚好
0 留言
菠蘿包係茶餐廳名物,這款中間夾了蜜糖火腿和菠蘿,係真正有菠蘿嘅菠蘿包;芝麻蝦多士採用的是可持續發展海鮮,食得更安心,外層香脆、蝦肉爽彈;花生醬西多士新鮮出爐,面頭的半溶化牛油配煉奶真係邪惡極品;炸龍蝦肉雲吞配甜酸醬也是最佳拍檔,超級鬆脆好味。
27 瀏覽
0 讚好
0 留言
25 瀏覽
0 讚好
0 留言
28 瀏覽
0 讚好
0 留言
19 瀏覽
0 讚好
0 留言
26 瀏覽
0 讚好
0 留言
15 瀏覽
0 讚好
0 留言
甜點包括港式奶茶鬆餅、雲呢拿杏仁蛋糕配煉奶吉士、香桃配雲呢拿忌廉吉士杯、芒果港式蛋撻、葡萄拿破崙、西瓜草莓蛋糕。
19 瀏覽
1 讚好
0 留言
22 瀏覽
0 讚好
0 留言
22 瀏覽
0 讚好
0 留言
22 瀏覽
0 讚好
0 留言
甜點以水果入饌,為夏日增添一份涼意,最喜歡酥脆可口的葡萄拿破崙,甜美的葡萄與層層疊的酥皮很搭配,而口感鬆軟的蛋糕配清爽的西瓜也很不錯;還有別忘了那片不大起眼的遠年陳皮朱古力,粒粒陳皮滲於其中,甘香微甜,特別得來又好吃。
40 瀏覽
1 讚好
0 留言
48 瀏覽
0 讚好
0 留言
55 瀏覽
0 讚好
0 留言
41 瀏覽
0 讚好
0 留言
38 瀏覽
0 讚好
0 留言
想不到壓軸還有這個「半熟蜜瓜配雲呢拿軟雪糕」,自家製的雲呢拿雪糕表面鋪了金箔,頓時貴氣不少;蜜瓜甜美多汁,雪糕香滑不過甜,好吃!但份量超曬班,對一向大食的我來說,也得很落力才吃得掉呢。
38 瀏覽
0 讚好
0 留言
36 瀏覽
0 讚好
0 留言
由於反應熱烈,供應期由原本的6月21日至8月31日延至9月18日;逢星期一至六下午3時至5時,兩位 HK$488 另加一服務費。

#HyattTST #尖沙咀凱悅 #afternoontea #hightea #酒店下午茶 #星期一至六 #下午茶推介 #尖沙咀美食 #hongkongstyle #粵東磁廠 #超值抵食

Cafe, Hyatt Regency Tsim Sha Tsui
地址: 尖沙咀河內道18號香港尖沙咀凱悅酒店大堂樓層
電話: 37217700
17 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-04
用餐途徑
堂食
人均消費
$270 (下午茶)
推介美食
  • 甜品
等級1
1
0
當日七月底喺OpenRice book嘅,有八五折。首先講環境係不錯嘅,我便安排到的座位係甜品位置corner位,當時入坐時間人並不多,感覺上私隱度幾高.首先講吓服務。(1)我係第一次喺OpenRice book,當日有confirm嘅電郵。不過酒店前一天次沒有致電確認,如果職員能致電confirm會貼心一點。(2)我book的時候坐下忘記了是分時段,另一建議係職員安排我坐下時提一下係限會更貼心。 (3)因我是book 了5:30pm入座, 當天我要遲10多分鐘, 本想致電服務熱線告知會延遲, 但我從大約4:45開始致多次電到5:30分但從來未有人接電話。我當天係大約5:40分入座。(4)冷盤並不多,沒有生蠔沒有蟹腳,只有蝦,細青口和花蟹,不過有即整龍蝦任食,呢個係賣點。如果按照凍盤嘅質量真係一般唔太值呢個價位。(5)在頭1小時服務員都好熱心,有幫我收碟碗同倒水。但6時多打後開始忙,負責我位置嘅服務員第二位置, 到完場為止冇人主動來倒水和收碟,要出去叫人收。(6)熱盤數量真係唔多,唯一個喇沙湯麵唔錯,甜品都OK,不過不失。 不過長期沒有人倒水,好口渴。 另外有一款任飲嘅青檸梳打,係長期
更多
當日七月底喺OpenRice book嘅,有八五折。
首先講環境係不錯嘅,我便安排到的座位係甜品位置corner位,當時入坐時間人並不多,感覺上私隱度幾高.
首先講吓服務。
(1)我係第一次喺OpenRice book,當日有confirm嘅電郵。不過酒店前一天次沒有致電確認,如果職員能致電confirm會貼心一點。
(2)我book的時候坐下忘記了是分時段,另一建議係職員安排我坐下時提一下係限會更貼心。
(3)因我是book 了5:30pm入座, 當天我要遲10多分鐘, 本想致電服務熱線告知會延遲, 但我從大約4:45開始致多次電到5:30分但從來未有人接電話。我當天係大約5:40分入座。
(4)冷盤並不多,沒有生蠔沒有蟹腳,只有蝦,細青口和花蟹,不過有即整龍蝦任食,呢個係賣點。如果按照凍盤嘅質量真係一般唔太值呢個價位。
(5)在頭1小時服務員都好熱心,有幫我收碟碗同倒水。但6時多打後開始忙,負責我位置嘅服務員第二位置, 到完場為止冇人主動來倒水和收碟,要出去叫人收。
(6)熱盤數量真係唔多,唯一個喇沙湯麵唔錯,甜品都OK,不過不失。 不過長期沒有人倒水,好口渴。 另外有一款任飲嘅青檸梳打,係長期冇細杯嘅,所以係飲唔到嘅。另外椰子沙冰也是一樣,得少量嘅杯,取一次後想再飲也取不到。
(7)龍蝦帶子刺身OK嘅,
手額壽司一般,其實唔知道壽司係自己拿還是叫師傅俾,有啲尷尬。我問過壽司師傅是否自己取,佢又冇回應。咁我就叫佢幫我攞。

總括來說: 環境係幾好,但服務方面可能要提升,
因為價位都唔算平,連加一折埋差不多1400仲要限時兩小時,試一次就算唔會再去了。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級4
121
0
2021-08-08 925 瀏覽
Staycation 包一餐早餐buffet,同太太早上準時到達。自助早餐種類算多,先來個沙律。沙律菜新鮮,醬汁種類亦多,最特別有牛油果醬及鷹嘴豆醬,加落去沙律菜同食,非常好味。另有煙三文魚及英式腸及煎蛋等等,水準亦算不俗,另有鮮牛肉粥及有多種配料選擇,此粥非常鮮味,水準以上。炒麵則不過不失,令特別之處是有煎pancake,響早餐Buffet 算少見。麵包種類亦算多,麵包新鮮,味道亦算不俗。另外亦有淥麵類,配料選擇亦多多,味道亦可以。總括來說,早餐buffet質素穩打穩扎,算不錯。
更多
Staycation 包一餐早餐buffet,同太太早上準時到達。
自助早餐種類算多,先來個沙律。沙律菜新鮮,醬汁種類亦多,最特別有牛油果醬及鷹嘴豆醬,加落去沙律菜同食,非常好味。
另有煙三文魚及英式腸及煎蛋等等,水準亦算不俗,另有鮮牛肉粥及有多種配料選擇,此粥非常鮮味,水準以上。
炒麵則不過不失,令特別之處是有煎pancake,響早餐Buffet 算少見。
麵包種類亦算多,麵包新鮮,味道亦算不俗。
另外亦有淥麵類,配料選擇亦多多,味道亦可以。
總括來說,早餐buffet質素穩打穩扎,算不錯。
14 瀏覽
0 讚好
0 留言
20 瀏覽
0 讚好
0 留言
7 瀏覽
0 讚好
0 留言
7 瀏覽
0 讚好
0 留言
15 瀏覽
0 讚好
0 留言
7 瀏覽
0 讚好
0 留言
6 瀏覽
0 讚好
0 留言
17 瀏覽
0 讚好
0 留言



(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級1
1
0
被盛夏下午茶的蜜瓜雪糕吸引,結果,酒店4:30已經趕客,仲食緊個set d咸、甜點,已經上個雪糕,我要求稍後先上,肥經理就大大聲喺背後話,無所謂,5點要走,驚你食唔切咋!之後問其中1set可否唔要雪糕,帶走蜜瓜,肥經理話唔得,咁就算啦,食唔曬浪費都冇辦法。結果,無同我講,又同我pack 起咗1 set蜜瓜。其實想點?!得就得,唔得咪算,服務差到一個點!不能接受在酒店獲得如茶餐廳的劣質服務,幾好的食物都係枉然!更何況,食物質素只屬一般。
更多
被盛夏下午茶的蜜瓜雪糕吸引,結果,酒店4:30已經趕客,仲食緊個set d咸、甜點,已經上個雪糕,我要求稍後先上,肥經理就大大聲喺背後話,無所謂,5點要走,驚你食唔切咋!
之後問其中1set可否唔要雪糕,帶走蜜瓜,肥經理話唔得,咁就算啦,食唔曬浪費都冇辦法。結果,無同我講,又同我pack 起咗1 set蜜瓜。其實想點?!得就得,唔得咪算,服務差到一個點!
不能接受在酒店獲得如茶餐廳的劣質服務,幾好的食物都係枉然!更何況,食物質素只屬一般。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-08-06
用餐途徑
堂食
等級4
2021-08-04 2020 瀏覽
真有趣在,封關這段時間,大家都去唔到旅行,反而見到華麗的酒店,竟然有不少穿着襤褸,甚至毛踢拖像去沙灘的少男少女上來,那管它只是當作室內野餐,定還是之後共赴巫山,他們都算是酒店的客人。🤷🏾而這間酒店的自助餐在一間餐廳旁邊,內裏不算極為華麗,反而顏色非常深沉👀以啡色的設計為主,亦沒有華麗的風景,不知道為什麼會那麼出名🤔冷凍的海鮮款式不算太多,都是小龍蝦、長腳蟹、蝦、青口,好像連翡翠螺都沒有看見。小龍蝦一向不喜歡,於是試一試蟹腳,雖然都算夠長,不過太過幼身,即使蟹腳不算太冷,不過內裏的肉不算太多,幸好都有點海水的天然鹹味,味道還算不錯。刺身都算是新鮮,也有沒有雪氣,不過其實沒有什麼人排隊,每次只給兩片,好像比較少, 三文魚肥香,油份不錯,帶子都大大片,不過不算極之鮮嫩的那種。以服務客人來說,刺身師傅應該最差,木無表情,得罪他一般。燒牛肉那個年輕人應該最好👍,又生動,有跟客人有良好的互動,以自助餐來說非常難得,因為每一天晚上都一樣,而且每天有兩輪,其實都算是重複的功夫。烤鴨沒有人排隊,可能都是預先做好,放在旁邊,味道也極之普通,而且皮也不是用薄餅皮去包,而是用台式刈包那種,本身鴨肉都有輕微香味
更多
真有趣在,封關這段時間,大家都去唔到旅行,反而見到華麗的酒店,竟然有不少穿着襤褸,甚至毛踢拖像去沙灘的少男少女上來,那管它只是當作室內野餐,定還是之後共赴巫山,他們都算是酒店的客人。🤷🏾
103 瀏覽
0 讚好
0 留言

而這間酒店的
自助餐在一間餐廳旁邊,內裏不算極為華麗,反而顏色非常深沉👀以啡色的設計為主,亦沒有華麗的風景,不知道為什麼會那麼出名🤔


24 瀏覽
0 讚好
0 留言

冷凍的海鮮款式不算太多,都是
小龍蝦、長腳蟹、蝦、青口,好像連翡翠螺都沒有看見。小龍蝦一向不喜歡,於是試一試
蟹腳,雖然都算夠長,不過太過幼身,即使蟹腳不算太冷,不過內裏的肉不算太多,幸好都有點海水的天然鹹味,味道還算不錯。



17 瀏覽
0 讚好
0 留言

刺身都算是新鮮,也有沒有雪氣,不過其實沒有什麼人排隊,每次只給兩片,好像比較少,
三文魚肥香,油份不錯,帶子都大大片,不過不算極之鮮嫩的那種。




以服務客人來說,
刺身師傅應該最差,木無表情,得罪他一般。
燒牛肉那個年輕人應該最好👍,又生動,有跟客人有良好的互動,
自助餐來說非常難得,因為每一天晚上都一樣,而且每天有兩輪,其實都算是重複的功夫。

13 瀏覽
1 讚好
0 留言

烤鴨沒有人排隊,可能都是預先做好,放在旁邊,味道也極之普通,而且皮也不是用薄餅皮去包,而是用
台式刈包那種,本身鴨肉都有輕微香味,不過鴨皮非常煙韌,都難以咬得開,
因此味道比較差。
15 瀏覽
0 讚好
0 留言

除了
牛肉之外,還有
乳豬可以一試,相信這種是
西班牙式乳豬,不過以西式乳豬來說,它的皮未夠香脆,肉雖然香,但好像不夠肥美,味道略嫌普通。

23 瀏覽
0 讚好
0 留言

反而
咖喱那邊其實款式不少,薄脆那種味道較佳,其他咖哩就顯得比較普通,以及它的
nan bread,應該都是一早切好,放在籃子裏邊,即使還保留少許溫度,但亦都不算特別出色。

17 瀏覽
0 讚好
0 留言
24 瀏覽
0 讚好
0 留言
46 瀏覽
0 讚好
0 留言

據說
甜品款式不少,不過好像
芒果糯米飯,份量就比較少,我一向不太喜歡,我是一是
綠茶泡芙,味道不錯,茶味夠濃,不過中間夾點紅豆,好像與這個泡芙的味道有點兒風馬牛不相及🤔;有個據聞非常著名的
厄瓜多爾70度朱古力,其實都是拿破崙的質地,與另一隻港式奶茶一樣,雖然味道說是奶茶,不過都是拿破崙的質地,我本身都不太喜歡拿破崙的🤷🏾。



反而另外兩個
果撻,藍苺提子及士多啤梨撻,苺夠酸,旁邊的忌廉又可以中和,而且下邊的撻底夠硬身,吃起上來非常之好,我都毫不客氣吃了四個🙊。
32 瀏覽
0 讚好
0 留言
雪糕好像沒有牌子,放在雪櫃裏邊,有哥哥仔替你盛載。不過問一問,原來都是哈根大師品牌的雪糕,那就顯得沒有特別。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
等級3
50
0
2021-08-01 1413 瀏覽
原本想訂星期六自助晚餐,但用餐時間得兩小時,所以訂了今天 (星期日) ,用餐時間有3.5小時,價錢相同但用餐時間多些,可慢慢吃。步入餐廳,覺得這裏的裝修有些英倫風,我們被安排坐到梳化卡位,左邊牆身放有書本的布置,食自助餐很少被安排坐這麼闊落的座位,而且行去食物區亦不算很遠,正!今次選這餐廳吃自助餐,因為我和肥先生都很喜歡吃龍蝦,大多數的自助餐供應的只有凍龍蝦,但這裡有熱龍蝦,每人每次只可以取半隻,但次數不限,記得吃到尾聲時,龍蝦仍是供應不絕。雖然是熱龍蝦,只吃得出少許龍蝦甜味,沒有濃郁的龍蝦味,龍蝦肉都算爽口彈牙,配上酸辣泰式汁,味道很夾,我已忘了吃了多少隻,值得一提,廚師已事先把龍蝦鉗破開,所以吃起來很方便。 凍海鮮有長腳蟹、小龍蝦、青口及蜆。長腳蟹不算很大隻,吃第一轉長腳蟹時,味道鮮味,但第二轉時發覺有些咸,小龍蝦不過不失,青口味道較淡,蜆肉有很強的雪味,我吃了一隻已沒有吃了。對我們來說,第二個重頭戲便是煎鴨肝, 這個也是我和肥先生很喜愛吃的食物,初頭取的鴨肝很細塊,後期鴨肝的份量大了點,細心會發覺,初頭取的鴨肝是被一分為二,所以覺得細塊,後來可能沒有這麼多人取,所以廚師們就不用將
更多
原本想訂星期六自助晚餐,但用餐時間得兩小時,所以訂了今天 (星期日) ,用餐時間有3.5小時,價錢相同但用餐時間多些,可慢慢吃。步入餐廳,覺得這裏的裝修有些英倫風,我們被安排坐到梳化卡位,左邊牆身放有書本的布置,食自助餐很少被安排坐這麼闊落的座位,而且行去食物區亦不算很遠,正!
120 瀏覽
0 讚好
0 留言
108 瀏覽
0 讚好
0 留言


今次選這餐廳吃自助餐,因為我和肥先生都很喜歡吃龍蝦,大多數的自助餐供應的只有凍龍蝦,但這裡有熱龍蝦,每人每次只可以取半隻,但次數不限,記得吃到尾聲時,龍蝦仍是供應不絕。雖然是熱龍蝦,只吃得出少許龍蝦甜味,沒有濃郁的龍蝦味,龍蝦肉都算爽口彈牙,配上酸辣泰式汁,味道很夾,我已忘了吃了多少隻,值得一提,廚師已事先把龍蝦鉗破開,所以吃起來很方便。 
23 瀏覽
0 讚好
0 留言
18 瀏覽
0 讚好
0 留言


凍海鮮有長腳蟹、小龍蝦、青口及蜆。長腳蟹不算很大隻,吃第一轉長腳蟹時,味道鮮味,但第二轉時發覺有些咸,小龍蝦不過不失,青口味道較淡,蜆肉有很強的雪味,我吃了一隻已沒有吃了。
24 瀏覽
0 讚好
0 留言
35 瀏覽
0 讚好
0 留言


對我們來說,第二個重頭戲便是煎鴨肝, 這個也是我和肥先生很喜愛吃的食物,初頭取的鴨肝很細塊,後期鴨肝的份量大了點,細心會發覺,初頭取的鴨肝是被一分為二,所以覺得細塊,後來可能沒有這麼多人取,所以廚師們就不用將鴨肝一分為二,所以就很完整的很大塊的一塊給我們。無意中發覺Cold Cut Section的旁邊有一個冷凍櫃放著酒店自家製的鴨肝醬,應該是用Rougie牌子的鴨肝再加上酒店自家製的醃料去自製,肥先生把煎鴨肝加上酒店自家製的鴨肝醬放在多士上,一口吃下三款美食,真的很滿足, 而且口感豐富,超級濃郁肝味帶有少許酒的調味,我們把這個組合命名為雙肝 (傷肝?) 多士,哈哈!
16 瀏覽
0 讚好
0 留言
14 瀏覽
0 讚好
0 留言
17 瀏覽
0 讚好
0 留言


我覺得好味的食品有刺身帶子、燒羊架及印度菜。刺身帶子大粒及鮮甜。燒羊架燒得剛剛好,肉呈現粉嫩色,入口多汁,羊味十足,根本不需點其他醬料已經很好味,這是我近期吃過最好味的燒羊架。印度菜的每一款咖哩 (天多利烤雞, 茄子咖哩, 印式魚肉咖哩,羊肉咖哩, 雜菜咖哩) 的辛辣度及調味都不同,這個section的每一道菜都很有水準,而且有些不是太辣,怕辣的人,都可一試。 
21 瀏覽
0 讚好
0 留言
14 瀏覽
0 讚好
0 留言
14 瀏覽
0 讚好
0 留言


好吃的甜品有貓山王榴槤卷蛋,造型很cute,卷蛋質感鬆軟配上淡淡的榴槤肉真是天衣無縫的組合。70度厄瓜多爾朱古力,朱古力味濃郁。泰式芒果糯米飯,芒果很甜,配上軟熟的糯米飯加椰漿,真的很好吃。 
14 瀏覽
0 讚好
0 留言
19 瀏覽
0 讚好
0 留言


有三款食物是限時供應,出菜時會有鐘響提大家,包括油甘魚、乳豬及片皮鴨。油甘魚很有魚油香及肥美。燒乳豬的皮不算很脆,肉質正常。排隊取片皮鴨時,看到廚師把片出來的鴨肉放入微波爐翻叮之後才放出來給食客取,那些皮已不脆了,而且肉有少少硬,不值得排隊取。 
23 瀏覽
0 讚好
0 留言
25 瀏覽
0 讚好
0 留言
22 瀏覽
0 讚好
0 留言

12 瀏覽
0 讚好
0 留言

味道一般的食物有刺身鯛魚、港式奶茶卷蛋。這個港式奶茶的味道不突出。甜品櫃擺滿約20款細細件的甜品,這些甜品我就覺得一般了,早知這樣主攻那些卷蛋,我胃的空間實在有限呢。 
9 瀏覽
0 讚好
0 留言
10 瀏覽
0 讚好
0 留言
9 瀏覽
0 讚好
0 留言
19 瀏覽
0 讚好
0 留言


最後是想吃但沒有吃,有炸蝦天婦羅及麥皮蝦,兩者都是曇花一現,剛開始只是拍照時見過一次, 之後已沒有再出。因中式湯只有肉骨茶,但我本身不飲肉骨茶的,所以沒有中式湯飲, 有些失望。燒牛扒,聽聞這裡的燒牛扒很好吃,但我忘了取燒牛扒。

以這價位來說,這裡食物款式不算很多,有些菜色都不是太吸引,但我和肥先生很喜歡吃龍蝦和鴨肝,所以都覺得幾好,值3.5粒星。大家最好看看有沒有喜歡的食物才決定來吃,這裡收費平日: $668+10%,星期五及假日:$728+10%。
22 瀏覽
0 讚好
0 留言
19 瀏覽
0 讚好
0 留言
17 瀏覽
0 讚好
0 留言
13 瀏覽
0 讚好
0 留言
19 瀏覽
0 讚好
0 留言
21 瀏覽
0 讚好
0 留言

14 瀏覽
0 讚好
0 留言
16 瀏覽
2 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2021-07-18
用餐途徑
堂食
人均消費
$700 (晚餐)
推介美食
  • 龍蝦
  • 燒羊架
  • 印度菜