4
1
0
港鐵黃大仙站 A 出口, 步行約8分鐘 繼續閱讀
電話號碼
56826902
營業時間
今日營業
07:30 - 21:00
星期一至五
07:30 - 21:00
星期六
11:00 - 21:00
星期日
全日休息
付款方式
現金
食評 (6)
等級3 2020-02-25
431 瀏覽
小食 • 棠,店如其名,賣嘅就係一般港式小食:魚蛋燒賣雞翼雞髀多士三文治撈麵撈丁頹飯等等等等,食物大眾化,價錢親民,三四十蚊就食到個肚飽一飽。必食推介爆炸魚蛋,十蚊有五大粒,非常抵食,之前曾經有街坊請我食過,驚為天人;今次再試,新鮮熱辣,肉質彈牙,食到陣陣油炸嘅香氣之餘又唔會覺得好油淋淋,真係好正👍。叫多個店家推介嘅豬頸肉雞蛋芝士撈麵,豬頸肉份量算多,肉質軟腍( 我最怕好似柴皮嘅豬頸肉😂),醃得頗入味;醬汁嘅芝士味雖然唔算好濃,但份量又係勁多,撈埋成碗嘢嚟食,其實好膩,不過又好滋味🤗。店嘅面積雖然好細,得幾個堂食座位,但到處都係文宣同連儂牆,門口仲擺咗一張枱畀人寫 memo 紙,張枱仲闊過我食嘢張 bar 枱,可見在老闆心目中,孰輕孰重。我忽然想起聖經故事入面奉獻兩個小錢嘅窮寡婦 ❤️。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-01-14
311 瀏覽
第一次經過時,見到食物的配搭都是有趣,所以試吓............................店員很有耐性介紹,選擇都算多,有小食,飯,麵,最後我試了芝士丸。芝士非常濃和多,芝士控必食,但小心燙,因為芝士丸中間非常熱的,而且外面亦被芝士包圍著,,所以要注意⚠️我覺得不錯,以街坊、學生的小店來說價錢相宜,而且看見飯盒的份量亦非常多的,另外環境都很企理,,已經很不錯,值得嘉許!!!!!!!!!!! 繼續閱讀
(以上食評乃用戶個人意見 , 並不代表OpenRice之觀點。)
等級3 2019-12-08
536 瀏覽
鳳凰村中的黃金小店 小食店座位不多,估計最多坐5-6人,有部大電視,見到裝潢自然就會入去懲罰一下 , 所以叫外賣返屋企食。老闆是個年輕人,態度幾好,不過有陣幾濃既香煙味。。係有6款精選飯餐,我就揀左$35泰汁雞扒火腿飯:泰汁酸酸甜甜 ,雞扒切開數件,肉質滑口, 兩片完整火腿。我就幫老公就揀左$32 重量級餐蛋飯:有兩隻靚靚太陽蛋,仲可以啜蛋汁,個蛋邊煎得好香脆,另外有三大片餐肉,厚度適中,唔太油,同樣地煎得好香脆,配個甜豉油不錯。重點等得唔耐, 返到屋企仲係熱呼呼,仲出緊煙。。仲要包維他牌既飲品,價錢非常合理。支持小店下次試埋其他飯餐先。 繼續閱讀
(以上食評乃用戶個人意見 , 並不代表OpenRice之觀點。)
等級1 2019-11-13
338 瀏覽
星期日經過鳳凰村想搵外賣小食,見有大大幅廣告牌就俾佢吸引左入去。買左即炸大雞脾+炸魚蛋+炒鮮牛麵+芝士豬頸肉撈麵。炸魚蛋上加左少少味粉,小朋友話好好味!豬頸肉估佢唔到咁夠肉汁!炒鮮牛都唔錯,最驚喜係雞脾夠juicy又唔鞋口!可惜燒賣已售罄,下次再幫襯試埋碟頭飯+其他小食。見門口貼左開舖時間,星期日要講緣份的,大家星期日去幫襯就要碰下運氣啦!另外就係舖面位置唔多,買小食應該唔介意吧!PS:無影外賣食物相,下次一定忍口影完先食 繼續閱讀
(以上食評乃用戶個人意見 , 並不代表OpenRice之觀點。)
等級1 2019-07-03
380 瀏覽
老闆好好耐性 我15 16左好耐唔知嗌雞翼定豬頸肉芝士撈丁好 佢都仲好好態度咁等我服務我 最後老闆介紹我食招牌豬頸肉 果然冇介紹錯 好香口又juicy 下次想試埋個雞翼🤤🤤 繼續閱讀
(以上食評乃用戶個人意見 , 並不代表OpenRice之觀點。)