12
2
4
港鐵筲箕灣站 B2 出口, 步行約1分鐘
繼續閱讀
電話號碼
56288062
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
招牌菜
食家推介
睇落平平無奇既小食店，如果唔係睇過幾個YouTuber介紹，真係未必會注意到（因為嗰條街好多選擇）。呢個無骨炸雞，竟然係用拆咗骨既雞翼黎生炸。香港會花咁既心思去處理雞翼既小店應該唔多。我去嗰陣啱啱冇人，我點咗全份（八件）$64，友善既店員話等五分鐘就得。攞上手就知道份量足，炸得透，無論顏色、香味，未食落口已經知道好味。但啱啱炸好既雞翼超級熱，我要等幾分鐘至食到。咬第一啖已經比佢征服咗！外皮好脆、好薄，非常多肉汁，雞肉嫩滑，因為雞翼已拆骨，啖啖肉。雖然價錢係小貴，不過睇得出雞翼本身應該好大隻。喺超級市場要買大隻、肉質好d既雞翼唔平，而且拆骨係手工，又唔可以拆爛隻雞翼，同坊間一件大雞肉切塊處理唔同。我覺得偶爾食一次，呢個價錢可以接受😋
繼續閱讀
🍗餐廳名: 小食皇地區: 筲箕灣評語:無骨炸雞(四件) HK$32 - 原來係無骨雞翼 超級出色 雞皮都係超脆 肉質超滑極爆肉汁 如果淨食呢個可以食多幾件 即叫即炸結論: 表面平平既小食店 出名係無骨炸雞 冇睇介紹既我以為係韓式炸雞 點知係無骨雞翼有驚喜 另外仲有其他小食都好吸引 再黎既話會再試環境衛生: 🌕🌕🌕🌑🌑 食物味道: 🌕🌕🌕🌕🌕服務態度: 🌕🌕🌕🌕🌗#小食皇#筲箕灣美食 #筲箕灣#無骨炸雞 #無骨雞翼#香港 #餐廳 #情侶餐廳 #情侶飲食 #幫你食 #coupleeat #helpyoueat #eatanddrink #hongkong #hkfoodie
繼續閱讀
講起掃街 相信大部分人都會諗起旺中、葵廣通常最多人推薦嘅都系日式、台式、西式等等嘅食物唔系因為唔鐘意港式街頭小食 只系好難搵到間好食嘅🥹而且好多時都唔乾淨 食完即肚痛😗今次小妹同Mami👩🏻嚟咗東大街掃街竟然遇到間有驚喜嘅港式街頭小食😳雖然價錢少貴 但幾好食 而且應該乾淨我哋食完都冇肚痛😂😂-㋡ 炸雲吞 $16/5件而家去酒樓食點心都冇乜邊間有炸雲吞賣就連街邊檔都買少見少🥺難得見到有 就梗系買嚟試下架啦😆Order之後即刻攞去炸我想講…真系超級脆😳咬落去系”咔咔”聲架🤭好似食緊薯片咁脆即使食到最後嗰件嘅脆度依然都系咁誇張雲吞餡就系魚肉嚟嘅份量好少 但呢個先系原始嘅炸雲吞🤣食落就系普通嘅魚蛋咁樣整體嚟講系好食嘅🤪真系值得一試😚味道: 8/10性價比: 8/10-☹︎ 咖喱魚蛋 $10/份一份有6粒 份量少而且好細粒唔系好食到咖喱味🤔只系見到底部有啲紅油 但系完全唔辣嘅鹹味就夠晒架啦不過唔辣就真系差咁啲🥺加上魚蛋嘅質素亦只系一般尚算有咬口嘅不過真系麻麻地 唔推薦😅味道: 3/10性價比: 3/10-跟住呢兩款滷味小妹就冇食 不過Mami👩🏻超鐘意🤭↣ 墨魚串 $12↣ 豬脷 $12Mami👩🏻話墨魚爽口彈牙好好食有驚喜😳豬脷腍得嚟幾有咬口不過價錢稍貴 但Mami👩🏻都話值得一試性價比: 7/10-整體嚟講小妹都會推薦呢間比大家😆雖然比起其他港式小食店佢貴啲啲不過食物有翻咁上下水準除咗咖喱魚蛋😂小妹事後先知原來佢出名嘅系手打炸魚旦竟然冇試到 可惜🥲～小插曲～Mami👩🏻好appreciate佢哋嘅滷味 其實本身佢想食生腸嘅 不過店員話賣晒 所以改咗墨魚串點知食落有驚喜😚所以先加多一串滷水豬脷😝店員問要唔要甜醬辣醬Mami👩🏻淨系要甜醬 食完佢話好好食又再翻去買多串墨魚😂店員已經認得我哋 笑住口問我哋系咪淨系要甜醬🤣最好笑嘅系最後嘅墨魚串中間有一條生腸Mami👩🏻話好好食 如果有生腸賣佢一定揀😂😂整體評分：味道: 7.5/10環境: /服務: 8/10衛生: 7.5/10抵食: 7/10回頭率: 7/10-
繼續閱讀
雞粒$31😋🍴🍽️呢間舖頭其實出名食炸雞 但咁岩果次炸雞賣晒 我哋就試咗炸雞粒點知一食就返唔到轉頭首先份量來講好多 有一大袋 30幾蚊都幾抵可以自己加辣椒粉 本身佢調味椒鹽五香粉都好夠！食落去好惹味 辣辣地食得出佢用咗薑汁去醃過雞每一雞粒都好入味！就算淨係雞粒都食得出佢好滑食完一粒已經忍唔住要食下一粒就算擺到凍咗左都好好食！呢個係必食！好啱帶去野餐！好滿足！係東大街掃街必食嘅下次仲想試吓其他小食 試吓佢同炸雞邊個好食啲🤣🤭
繼續閱讀
經過筲箕灣，大家都知道應該要去試一試個雞蛋仔，但係因為太多人排隊同埋唔想食熱氣嘢。同埋比謝霆鋒吸引咗。唔想太熱氣，又想有少少湯濕下口，但係又唔肚餓，生菜魚肉就係最好嘅選擇生菜魚肉 $24 例牌一定要有麻油同埋胡椒粉整體味道其實唔錯，鹹咗少少同埋覺得太多油，係油，唔似麻油。魚肉份量都幾足夠，反而我覺得生菜少咗啲。雖然冇食到，但係煎釀三寶都唔係太貴，眼見唔係翻炸，都幾足料同新鮮。如果唔係因為自己熱氣我都想食返幾舊。
繼續閱讀