小雨天．草根 (和宜合道)

營業中

休息中

好難食，唔知自己食緊d 咩，好似食緊d 豬肉糊咁，係梅定唔知咩🤢🤢🤢🤢又唔覺得有椰菜，最正常係d 上海麵，同葵涌廣場果間差好遠，見係返工附近新開就試下，但應該無下一次喇。

都見開左有一段時間就去買外賣試下啦店面都有幾個人食緊又有人等緊外賣啲腩肉9 成都係肥既點食呀！！每個餸仲要收$8！比啲咁既垃圾黎生意唔係咁做架囉好少寫食評但今次真係要等大家知道

態度差，質素又差。原本揀佢都係Hea食，佢哋仲Hea過你。落錯單叫佢幫手改，佢同你講出咗單冇得改，味道方面同葵芳差天共地，一句講晒 有其他選擇一定唔會揀佢，不可一不可再。

食過兩次, 第一次去果度食小鍋米線, 已經覺得同葵芳總店差9皮! ?Fine, 比多次機會佢,始終都係出名既小雨天嘛! 第二次去食車仔麵, 頂, 個湯只係暖, d 豬腸係微溫, 蘿蔔個心直頭係凍! 我理解既車仔麵d 餸係一直煲住, 點解會發生呢d 情況??因驚會有特別服務同加料既情況, 我無當場叫佢地加返熱或者換另一碗, 只係食左一半就走, 但比錢時都忍唔住同啊姐投訴左, 但佢無咩大反應! 絕對唔會再有第三次

以前成日喺葵涌廣場會幫襯，啲姨姨態度都幾好，但係和宜合道呢間分店服務態度差爆，埋單嘅時候有散銀俾佢又黑晒面，次次去幫襯都貼錢買難受，最近呢次外賣仲要漏咗俾嘢飲，然後將個責任推去顧客身上。本身米線份量已經少，又唔算特別好味，仲咁嘅服務質素，唔會再嚟幫襯。

昨日見係和宜合道新開分店，未試過，即管試一試，叫左凍奶茶，似台式奶茶，鍾意港式奶茶味道，未必岩你，另叫3餸河粉車仔麵，豬大腸未洗乾淨，有黑色異物，無腸味，豬紅似橡膠，一d 都唔滑，豬腩肉，肥加無底味，新開店質素都認真麻麻，有待改善。

新開張幾日 係正公司對面 中午去試下 第一次黎食lunch點知食到一半有隻野痴左係隻雲吞度立即想反胃有無搞錯 最慘係已食左一半同個肥肥地曲髮的呀姐講 佢竟然講換果粒俾我大佬 而家係成碗野都有問題 你換粒雲吞俾我做咩？！換左佢你食俾我睇呀笨！成碗野都唔要得啦下嗎！就算你換碗新的俾我都唔敢食啦！呀姐仲’薯’我細聲點驚俾人聽到痴媽筋 食左一半喇 之前都唔知有無唔小心食左 就算你最後免左我一碗單都無用啦 我而家諗起都心有餘悸！！新年流流食到碗咁既野真係咩心情都無晒囉！以後不會再幫襯小雨天！！