影片
好難食，唔知自己食緊d 咩，好似食緊d 豬肉糊咁，係梅定唔知咩🤢🤢🤢🤢又唔覺得有椰菜，最正常係d 上海麵，同葵涌廣場果間差好遠，見係返工附近新開就試下，但應該無下一次喇。
繼續閱讀
都見開左有一段時間就去買外賣試下啦店面都有幾個人食緊又有人等緊外賣啲腩肉9 成都係肥既點食呀！！每個餸仲要收$8！比啲咁既垃圾黎生意唔係咁做架囉好少寫食評但今次真係要等大家知道
繼續閱讀
態度差，質素又差。原本揀佢都係Hea食，佢哋仲Hea過你。落錯單叫佢幫手改，佢同你講出咗單冇得改，味道方面同葵芳差天共地，一句講晒 有其他選擇一定唔會揀佢，不可一不可再。
繼續閱讀
食過兩次, 第一次去果度食小鍋米線, 已經覺得同葵芳總店差9皮! ?Fine, 比多次機會佢,始終都係出名既小雨天嘛! 第二次去食車仔麵, 頂, 個湯只係暖, d 豬腸係微溫, 蘿蔔個心直頭係凍! 我理解既車仔麵d 餸係一直煲住, 點解會發生呢d 情況??因驚會有特別服務同加料既情況, 我無當場叫佢地加返熱或者換另一碗, 只係食左一半就走, 但比錢時都忍唔住同啊姐投訴左, 但佢無咩大反應! 絕對唔會再有第三次
繼續閱讀
以前成日喺葵涌廣場會幫襯，啲姨姨態度都幾好，但係和宜合道呢間分店服務態度差爆，埋單嘅時候有散銀俾佢又黑晒面，次次去幫襯都貼錢買難受，最近呢次外賣仲要漏咗俾嘢飲，然後將個責任推去顧客身上。本身米線份量已經少，又唔算特別好味，仲咁嘅服務質素，唔會再嚟幫襯。
繼續閱讀