影片
電話號碼
28612862
開飯介紹
集合各式台灣佳餚，當中以夜市風味串燒作主打，更備有小爐為串燒保溫。裝修則採用淺木色主調、捕夢網裝飾等，打造充滿台灣特色的用餐環境。
繼續閱讀
營業時間
今日營業
11:30 - 00:00
星期一至日
11:30 - 00:00
以上資料只供參考, 請與餐廳確認詳情
有關獎賞計劃
相關文章
同朋友去咗將軍澳「KOKA小野人」食串燒Chill下，今次Order咗幾款招牌名物試下，出品都唔錯。*此餐廳收取加一服務費。沙茶粉絲煮蜆（單點$85），沙白肉質飽滿，味道鮮甜，沙茶湯底味道濃香，粉絲容易掛湯。蒜蓉燒生蠔（兩隻$72），生蠔食落好新鮮，配以指天椒、蒜蓉、香蔥食用，味道更佳。超濃厚原味KOKA小野人超濃厚芝士撈一丁（單點$58），出前一丁麵條口感軟硬適中，配以車打芝士醬、白芝士醬、巴馬臣芝士粉食用，三重芝士味道。大漠羊肉串5串（單點$48），羊肉肉質肥瘦相間，食落帶點羊膻味，配以孜然粉、芝麻食用，可以減輕膻味。烤海中蝦3串（單點$39）。Q彈小豬頸肉（單點$28），豬頸肉肉質爽口，配以泰式酸甜汁食用，食落好開胃。金針菇牛五花卷（單點$28）。香蔥黑豚肉卷（單點$28）。烤花枝墨魚丸（單點$28），內有花枝粒，口感彈牙，食落鮮味十足。烤雞肉2串（單點$28）。烤蟹柳棒2串（單點$26），推薦辣度為大辣，表面鋪滿辣椒粉，辣度7分，食完後舌頭會有點吉吉哋的感覺。烤鮮嫩韭菜（單點$23）。夏威夷烤菠蘿（單點$21），原塊新鮮菠蘿片，味道酸甜，食落好爆汁。烤雞軟骨（單點$16），口感爽脆，味道鹹香。烤雞腎（單點$16），略嫌肉質比較乾柴。
繼續閱讀
今日放假同兩個閨蜜去咗將軍澳行山，之後周圍搵嘢食，最終嚟到Koka小野人，主打串燒，有多款肉類、海鮮類、蔬菜類，價錢非常合理，餐廳亦提供各類特色小食、飯類、麵，甚至重慶酸辣粉都有，好多元化的餐廳。環境闊落，乾淨開揚，店員有善，值得推薦婆婆紅燒牛肉麵湯底濃郁，紅燒牛肉口感夠腍燒雞腿排飯 配宮廷小茄子燒雞腿外層香脆肉質幼滑，配上宮延小茄子，惹味可口沙茶粉絲煮蜆沙茶粉絲煮蜆蜆肉夠鮮夠甜小野人燒雞翼、蒜蓉烤生蠔兩款串燒都夠惹味，生蠔大隻又鮮甜蒜蓉粉絲娃娃菜蒜蓉粉絲娃娃菜不過不失元氣森林水果茶推介呢款人汽水果茶，大大杯又解渴又清甜斯里蘭卡紅茶斯里蘭卡紅茶，味道夠清新
繼續閱讀
將軍澳不嬲好少串燒食不過今日終於俾我搵到一間有質素食串燒餐廳其實佢呢間餐廳都算幾偏僻我同太太喺出面兜咗好耐喺出面行咗幾次先入到去我哋食頭輪 基本上冇乜人得兩台客 所以坐得舒服而且服務都好好 可能少人😂餐牌其實食串燒選擇真係唔太多但佢算係精緻佢會俾個爐仔你保溫興住啲串燒最深刻係羊肉串豬頸肉同腩肉片味道非常之惹味佢有一隻好似孜然粉定七味粉令串燒完全昇華魷魚又係好出色非常之煙靭完全入晒味最估唔到係多春魚我哋encore咗三次唔知點解可以燒得咁好味非常之啱送酒佢有杯梅酒high波味道非常出色蔬菜方面茄子燒得非常惹味有大量蒜蓉而且有特別烤汁幫條茄子新色不少燒韭菜我哋都encore咗兩次鐵板椰菜花雖然有啲乾但係好特別我都係第一次喺串燒舖食到整體感覺非常好無論食物服務質素都好好而且我哋去個時間有七八折優惠感覺非常之抵所以叫嘢食時都絕無留手當順便振興吓香港經濟😂🤣下次都會再嚟幫襯
繼續閱讀
同九龍東朋友慶生就梗係要嚟將軍澳 KOKA 小野人🥢呢間 KOKA 小野人真係充滿驚喜，特別係佢哋嘅烤牛舌芯、羊肉串同黑松露烤飯，必定要試！🍽️入到去餐廳，感覺好舒服，燈光柔和，仲有一啲可愛嘅裝飾，真係幾有心思。坐落喺將軍澳地鐵站附近都幾方便，適合同朋友聚餐或者家庭聚會。食完飯仲可以去南橋到海邊走走散吓步😄烤洋芋片🍟 一嚐之下，外脆內軟，加上香濃嘅調味，真係一口接一口停唔到！小野人黑松露烤飯呢碗飯真係超級香！黑松露嘅香味撲鼻而來，米飯煮得剛剛好，唔會過軟，口感好好，非常推介！完全係小野人嘅招牌，必試！✨超濃厚芝士撈一丁*（必點推薦！）🧀 對於芝士控嚟講，呢個真係無法抗拒，芝士融化到每一根麵條上，食落去超滿足！Q彈小豬頸肉：肉質鮮嫩，Q彈得來仲帶啲油香，真係唔錯！🐷台灣小香腸：甜中帶鹹，啖啖肉質，口感超好！🌭蒜蓉粉絲烤扇貝：扇貝新鮮，蒜蓉味正，粉絲吸滿鮮味，食完一口仲想再來！🦪烤新鮮李姐臭豆腐：真係好Juicy，好夠味外脆內軟，配搭得好好！🥢元氣森林水果茶🍹 清新又唔膩，正好中和咁多重口味嘅食物。 小野人手打檸檬茶🍋 酸酸甜甜，超解渴！ 小野人滿杯草莓🍓沙膽之外KOKA 小野人嘅食物真係新鮮又有質素，特別係每日直送嘅海鮮，保證唔會失望！服務人員都好熱情，等候時間都唔算長，真係一個好地方！下次再來一定會再試多啲新嘢！👏如果你都想嚟試下，可以follow佢哋IG@koka.asia.hk 睇下佢哋嘅最新優惠
繼續閱讀
第一次同屋企人嚟食，店員推介羊肉，所以決定一試，羊肉好嫩唔臊！牛、豬、粟米、菜都好食，唔食辣嘅可以點餐時備註。唯獨是扇貝有少少失望，叫咗4隻，但3隻嘅口感都係粉嘅😮💨整體用餐經驗幾好，店員服務態度都好好，下次都會再嚟食！👍🏻
繼續閱讀