小野人

今日突然想食烤羊排，就諗起將軍澳南呢一間串燒店，之前都食過，覺得唔錯，今日帶埋朋友嚟試吓：一入到去,即時聞到燒烤香氣,真係令人食指大動。 首先叫大漠烤羊排,看似普通,但入口後卻驚喜地，發現羊肉極其鮮嫩,再配上皮脆的外表,味道可口，令人一啖接一啖，完全停唔到口。跟住我地仲叫咗好多串燒,其中以羊肉串同豚肉五花串最為出色。羊肉串咬落去肉質嫩滑，彷彿溶化咗喺口中，而豚肉五花果然名不虛傳,肥瘦相間,肉汁豐富。蔬菜方面：蒜蓉金菇菜，番薯串，烤娃娃菜串，都是不錯的選擇，還有特別嘅係烤臭豆腐，聞落臭臭地，但食落完全唔臭，仲幾好食㖭。最後我地仲叫咗，重慶酸辣粉和香辣烤滷豬手,重慶酸辣粉嗆辣爽口，食得辣嘅朋友一定要試吓。整體來講,呢間串燒店款式多，味道唔錯，仲有幾款芝士撈丁，焗生蠔，下次再嚟試吓！

澳南海岸一帶都比較清幽近海邊空氣又好涼爽餐廳就喺條走廊嘅盡頭雖然係平日，但係入邊已經有一半滿叫咗大漠烤羊肉串，臭豆腐同埋清酒煮蛤蜊羊肉串一份有五條羊肉切到細細粒，燒到都幾腍又有水份唔會太乾雖然細粒，但係都好咬雖然係羊肉我本身怕佢好會鬚味不過意外地又唔係我覺得反而別有一番風味臭豆腐一串有兩片一放上枱就聞到臭豆腐平時浸味不過佢特別再唔係平時喺街邊食炸得好熱氣嗰隻臭豆腐佢外邊都係軟身但係食落去就好勁好勁臭豆腐味當然我係鍾意食臭豆腐啦，所以我覺得好食得來又唔熱氣，正之後仲叫咗清酒煮蛤蜊食串燒覺得有啲乾佢個清酒湯飲落口真係有酒味蛤蜊都唔會太韌啱啱好由於見到隔籬枱杯嘢飲係超大杯雖然戒緊凍飲都忍唔住破戒叫咗杯超大杯嘅水果茶好好飲呀，入邊仲有好多生果士多啤梨大大粒破戒都係值得嘅

落雨天，見到有位就即刻坐低唔使等位裝修都幾企理乾淨兩個人食叫咗大漠烤羊肉串，臭豆腐開頭見佢五串以為好多食落口覺得好惹味食吓一串食吓一串兩個人其實好快就分晒五串另外叫咗芝士烤生蠔比我想像中大隻燒到啱啱好芝士有拉絲得黎，隻蠔又唔會太韌我覺得個蠔好好食之後到今晚嘅重頭戲大漠烤羊肉排個羊扒$198講到明製作需時30分鐘不過因為今日慶祝紀念日，所以想食餐好嘢就照叫咗個羊扒個羊扒都好好食呀好腍得來又唔會好韌佢啲調味粉仲燒到好惹味好野係值得等待嘅佢上菜仲俾埋兩對手套好貼心呢間餐廳啲嘢飲真係好大杯好巨型超大杯檸檬茶檸檬茶係港式style嘅檸檬茶

見到小野人呢間野環境好靚 入面嘅燒烤孜然味好香 就忍唔住行入左去叫左好多串燒肉方面有烤脆雞皮、烤台灣小香腸、烤黑豚五花、烤雞脆骨、烤小牛肉同埋烤小豬頸肉最最中意係烤小豬頸肉 好嫩同埋調味好香 叫一set都有5串 份量都唔錯台灣小香腸都係唔會令人失望 肉質好香口有咬勁烤脆雞皮真心好脆好香口 同其他鋪頭嗰啲唔同 唔係多另外菜方面有烤韮菜、娃娃菜同燒蒜香茄子蒜香茄子係必叫 啲孜然味同淡淡嘅茄子肉夾到一個點～而其他菜類 無論係韮菜定娃娃菜都十分入味飲品方面 我地2個人叫左杯超大杯森林水果茶真係飲品如其名 真係超大杯2個人都飲唔曬同埋好足料好好飲！！

今次黎小野人有一系列新嘅串燒😋首先要食海鮮，Q彈大魷魚同蒜蓉粉絲烤扇貝都好惹味，烤扇貝好多汁。之後燒雞肉串肉質嫩滑又唔會燒到乾晒🤤，燒雞脆骨都係不錯嘅選擇香脆可口😋 加埋特製醬汁後更加夠味。烤花枝丸大大粒又彈牙。至於蔬菜類嘅選擇,燒翠玉瓜都幾吸引燒到岩岩好仲有好多水份，其中我最鍾意嘅就係蒜蓉燒茄子😋😋😋加多個濃濃芝士撈麵，熱辣辣仲拉到絲！飲品同餐後甜品，有大大杯檸檬梳打。味道同價錢都好合理，到飯後甜品糖沙牛奶麵包都值得一試，口感脆脆地咁。總括嚟講，呢度既串燒都做得幾好，係一間不錯嘅選擇，值得一試👍下次有機會嘅話，會同朋友再嚟。

約了人食飯但被放飛機，老公話不如隨便搵一間 兩公婆搵間餐廳坐低撐枱腳。後來老公話聽講有一間叫小野人嘅串燒店想試下咁我哋就行咗入去。咁我見到都乾淨企理就不如試一試，坐低之後老公用最快的速度落單，分別點了豬頸肉丶雞翼丶韭菜丶燒蠔丶撈丁丶 蟹柳丶 燒魷魚丶 特大森林特飲及牛舌等。由於我不太吃得辣所以備註中寫咗小辣。嘢食嚟到我仲擔心會唔會因為叫咗小辣會太淡，食落口雖然冇咁濃味但對我嚟講都係恰到好處，而且我覺得呢度並非一般只靠調味粉搭夠嘅串燒，而係起烹調 同埋用料方面應該都下個功夫 ，食物整體方面質素不錯。例如魷魚咬落去彈牙，亦不會有一種很難咬開的感覺。 最令我欣賞的法係 佢哋嘅撈丁，香口好食得嚟唔會好「漏亅。這間餐廳雖然並非大型餐廳，但服務態度及食物質素都ok，特別係想靜靜地傾下偈呢一度都係一個值得選擇嘅地方。

好耐無嚟食串燒，今晚行完Donki就嚟睇吓水準有冇變先😋呢度串燒種類好多，豬牛羊雞海鮮任君選擇，怕唔夠飽連撈丁、酸辣粉都有。今晚我哋叫咗：🔸烤雞脆骨 2串 $28🐔🔸烤翠玉瓜 $$18🔸香蔥豚肉卷 $28🐷🔸金菇牛五花卷 $28🐮🔸烤雞肉串 2串 $28🐓🔸Q彈燒豬頸肉 6串 $48🐷🔸Q彈大魷魚 $45🦑🔸烤花枝墨魚丸 $28🔸蒜蓉粉絲烤扇貝 1隻 $42🔸蒜蓉烤茄子 $48 🍆🔸烤韭菜 $18🔸濃厚芝士撈丁 $52 🍜🔸糖烤牛奶方包 $16 🍞🔸超C爆檸蘇打 $48 🍋燒雞脆骨，咬落脆口帶少少肉，少少辣配埋可樂一流！燒雞肉串燒得唔乾唔錯喎😋 再嚟燒翠玉瓜，咬落多汁爽口。豬頸肉一啖一串好爽口！另外叫咗少少海鮮，Q彈大魷魚，肉質彈牙燒得唔乾，上面灑上七味粉同其他香料，又辣又惹味🥵 烤花枝丸大大粒又彈牙，甜甜辣辣好味！必叫蒜蓉粉絲烤扇貝，粉絲先係重點！扇貝肉質OK，配埋粉絲簡直係絕配！🤩烤茄子超多蒜好香口😋烤韭菜次次都叫，燒香後灑上香料好惹味！芝士控必叫濃厚芝士撈丁！超邪惡厚厚嘅芝士🧀️撈一丁好正！串燒配爆檸蘇打，好refreshing!甜品我哋叫咗糖烤牛奶方包，方包烤至金黃，塗上煉奶，上

小野人，一間主打燒烤的小店，位於將軍澳澳南。每逢假日晚餐時段走過都座無虛席，今日終於有機會可以試到這間小店的菜色。這邊可以給大家推薦幾款食物：Q彈小豬頸肉 6串/$48這款烤豬頸肉的醬汁非常特別，不是普通的蜜糖燒烤汁，有點像酸梅汁。是最推薦嘗試的菜色，油香而不膩。烤小牛肉 5串/$48蜜糖辣粉烤牛肉串，是另一款極推薦的菜色。性價比非常高，牛柳粒入口即溶。Q彈大魷魚 1串/$45烤魷魚的性價比很高，到其他燒烤店絕對不能用同樣的價錢買到烤魷魚。魷魚新鮮彈牙，即使我燒魷魚的時間用多了，也依舊覺得魷魚多汁。烤台灣小香腸 2串/$36烤台灣小香腸是一個安全的選擇。台灣香腸的肉中有肥肉，烤的味油脂味很是香濃。烤脆雞皮 2串/$28烤脆雞皮是薯片，香脆可口。雞皮應該有經過一輪油炸，再串起來烤。蒜蓉烤茄子 1份/$48吃烤茄子基本上是很穩定的選擇，茄子多汁，和蒜蓉有共鳴感。森林元氣水果茶 （大杯） 1杯/$48份量很多，的確是很大杯。水果種類多，吃辣味燒烤是需要這種大杯又解辣的飲品。其實還有多叫其他食物，但最推薦的就是以上的食物。

同老婆約咗朋友在將軍澳點知畀人放飛機。 行過見到間餐廳好似都整整齊齊就入去試下，門囗個waitress 好主動走出嚟打招呼。好啦就試下啦， 入到去 望下週圍環境好似都ok， 因為太肚餓基本上冇乜點睇就係咁點🤣入到去叫咗豬頸肉雞翼蟹柳韭菜同埋邪惡嘅 撈麵，豬頸肉都幾彈牙， 其他串燒例如蟹柳雞翼牛舌韭菜等都ok。越食越過癮再叫多咗份雞翼， 燒得唔錯，幾香口。我經常講在餐廳食嘢除了食物，就是態度。 啲員工都幾好禮貌，環境企理，味道都ok。啲嘢飲都唔錯，我哋飲咗一杯超大杯森林水果茶， 幾飲賣相都唔錯👍我認為呢度性價比都幾高，值得「返啅」。

帶個幾個月BB到餐廳食飯明明都放好BB車係BB車對面留好上燒烤位可能因為BB車個位有第二台客個侍應就貪方便喺BB車隔離向我哋同第二台上菜當時我已經反映咁樣十分之危險，我都預留咗空間俾佢鼻哥我的BB車上菜。向他們投訴，他們那位負責收銀有貌似阿姐的人完全態度惡劣地對待我們，話咁危險就唔好帶小朋友過嚟食。但實際上就讓我上面提及，以預留一個安全的位置給他上菜，他偏要貪方便，即刻惡人先告狀人品及心地差到極點，奉勸大家真的不要幫襯，有錢都唔好俾呢班垃圾人賺

店舖經理服務態度非常惡劣，小朋友想飲士多啤梨奶奶，但貴店已賣光，只是自帶一包奶昔，做完經理的呼喝，還經常望着我們，我好想做賊一樣，這樣的態度，在香港怎樣生存？食物質素一般，價錢不平，難怪香港人都北上消費了。

有日路過見到餐廳裝收幾好, 就搵日去左食比較早去到, 無訂位都安排到位置 電話下單, 餐廳服務員服務 非常之差 叫左幾樣野食酸辣粉 - 有落花生呀, 不過"益" 既, 叫佢地黎睇 叫足幾次, 叫佢入廚房試, 試完當無件事, 再叫佢黎問佢有無試, 係咪有問題, 又再搵主管, 攪左好耐先退番羊肉排 - 比較瘦, 都可以既, 不過非常重味精, 食完係咁飲水串燒 - 都係味精重飲品 - 平均都偏貴最後總結: 服務差 味精重 食完飲番幾日水會唔會再食? 一次就夠了

我哋成日都幫襯。 吾係第一次帶BB車去食。灰色衫嗰位manager見到我哋為餵緊BB，佢都依然堅持喺嗰個位度上菜，差點整親我哋BB。事後仲堅拒唔道歉。態度惡劣，擺明係因為我哋帶BB車黎，覺得我哋阻住佢做生意。我哋買單嗰陣時候，呢位灰色衫嘅服務完仲夠膽死黑我哋面。呢度都好多comment話呢間野服務好差，竟然冇深造落去，不如執咗佢。唔怪之得，而家個個都上深圳消費，起碼人哋啲服務態度好，唔使食飯都要受氣。

行完Donki之後，就行咗呢條食嘢嘅街，見呢度開咗間有串燒嘅嘢食就試吓😋叫咗唔同嘅串燒包括有雞肉、雞翼、牛舌、土豆🥔、雞軟骨，味道都幾好食，如果串燒份量可以大串d更好，另外仲叫咗薯條同埋酸辣粉！D staff 服務很好，環境正！

星期日既中午2點幾，一個人帶住剛3歲既小朋友黎食！當時餐廳有幾枱客但說不上是爆場忙碌！食到差不多最尾，叫侍應幫手斟杯水。佢叫我自己去斟出去水之後侍應走咗出店舖外面講電話！本身以為餐廳是自助形式，加埋當時只係自己一個人睇住小朋友，擔心小朋友坐唔定，所以選擇咗忍住口渴冇出去斟水！但埋單既時候發現店舖需要收+1服務費！當下我即刻問收銀嘅職員，點解要收+1服務費？我搵職員幫我斟杯水佢都唔幫我斟！本人並不介意，要付+1服務費，但我付費既同時都希望收到應有嘅服務！經過一番據理力爭餐廳職員豁免了服務費！想寫一個真正既食評係餐廳食物係茶餐廳質素，餐廳服務係茶餐廳都不如！