影片
以上資料只供參考, 請與餐廳確認詳情
老闆娘一人小店 深受學生哥歡迎好近HKU但係完Sem了 中學小學又放暑假大家路過可以黎試下～～個涼拌青瓜好入味啊 仲完全一啲都唔辣🤗可能係個色水嚇親你 比起出邊啲涼拌青瓜口感爽口同味道出色成兜野都好大叫左5個餸已經裝到盤滿缽滿 真係食唔晒🤣🤣個牛骨湯係每日都新鮮整 老闆娘啲心水汗水都係入面仲有唔同湯底唔同辣度揀 亦都可以揀唔辣既第一次試個冰粉（甜品）好中意！！仲要價錢都好抵 冇加過價有啲似仙草質地滑捋捋嘅 仲加左桂花整好香啊～～小小店最有人情味了💓仲私伙醒咗幾粒荔枝當甜品鋪頭岩岩開左個新社交平台黎幫襯既都可以tag埋@litte_spicys
繼續閱讀
今日經過朋友想食見又有午市套餐就入左去，午市套餐餐牌中寫明A2套餐係一個主食加「任選」3個配菜。我選擇左A2依個套餐，然後我見到主食第一欄係螺獅粉，就直接揀左螺獅粉做主食。再另外選擇娃娃菜，蟹柳同肥牛作為配菜。最後收我81蚊，問佢點解會咁，佢話因為螺獅粉要另外加45蚊，同肥牛要當2份配菜，所以要另外再補返價錢。我嗰下真係R曬頭，又覺得好好笑，唔怪之得我入去嘅時候佢哋拍曬烏蠅咁啦咁做生意。睇番OpenRice 其他人share 2023年5月份嘅餐牌，主食中螺獅粉係按價錢平～貴擺最尾。去到今日11月6號，將螺獅粉擺番喺主食嗰欄最頂，再以午市套餐話任選誘導人地唔睇價錢。真係好差勁，午市套餐寫明「任選」又要另外畀錢係咪叫詐騙？個螺獅粉要加嘅價錢仲貴過成個套餐，間鋪頭仲要望落唔多乾淨。除價錢之外依個問題之外，啲野食味道都好麻麻，啲食材望落都唔多新鮮。唔會再幫襯！
繼續閱讀
已經幫襯咗好幾次食物方面唔好用連鎖大型店嚟比 比起附近嘅四川麵食小店 啲辣唔係得個辣字 味道絕對數一數二細細一間舖有好多選擇 尤其對素食者嚟講 簡直係天堂 價錢方面一句講晒 超抵食 一個lunch可以$50內搞掂 包埋嘢飲 香港依家茶餐廳都冇呢個價錢 服務方面出嘢食速度都幾快 每次叫完5分鐘內都已經有嘢食 老闆娘超有人情味 好好人 每次去到都會同我傾一下計 我話唔要飲嘢佢都成日硬係要我攞一支嘢飲走 總括嚟講 想要快快手平靚正食一餐有質素的話 絕對推介
繼續閱讀
店面很小，只有一个店员，做得巨慢。煮完一碗慢慢悠悠算钱，然后才开始做下一单。点过两次外卖自取，手机提前落单之后，到店还要等四五十分钟才做好。点外卖这么久没给过差评，这家真的离谱，没有下次。
繼續閱讀
放學突然想食麻辣燙，發現呢間之前冇留意過決定一試，首先入到去完全唔知點餐紙喺邊，原來用風水擺設壓住咗，都唔知掂唔掂得。全店只有一個講普通話嘅姨姨，完全不知所謂，錢唔識收，又計錯哂啲數，客人糾正仲要俾佢大聲鬧返轉頭，明明係佢自己錯😓如果處理唔到咁多選擇嘅菜單，不如堂食轉用手機落單？ 價錢一般，貴過食譚仔。。。店舖衛生都好令人懷疑，個姨姨竟然可以徒手拎住我一陣要食嘅牛丸，令一隻手同我收錢，成件事好raw完全接受唔到。最後講返味道，真係好一般，同普通煮個出前一丁差唔多，仲要一路食一路聽個姨姨同之後每一個客人鬧交，唔知講咩好😅😅神奇體驗
繼續閱讀