小臻飯

營業中

休息中

收到呢間小店嘅傳單，佢只做外賣冇堂食，見幾啱食，價錢又平，所以試吓。叫咗呢幾樣嘢：藥膳花雕雞湯麵⭐️⭐️⭐️⭐️⭐️個湯好好味！除咗雞肉之外，有紅棗、杞子、圓肉，好足料！食哂先醒起冇影到相。肉鬆粢飯⭐️⭐️⭐️⭐️⭐️飯蒸得夠軟又夠熱，雖然簡單只有肉鬆，已經好好味！手拍青瓜⭐️⭐️⭐️⭐️味道唔錯但我覺得辣咗少少🤏🏼酸辣湯同雞肉串我就唔推薦了，因為佢講到明係外面買返嚟加熱嘅，所以真係普普通通。其實我覺得唔使搞太多花款，專心做好最撚手嘅菜式、保持水準就已經夠喇。反而蔬菜冇乜選擇，或者可以加吓灼菜、涼拌菠菜之類？見全間舖得佢一人主理，要响咁窄窄嘅地方整咁多樣嘢，已經好犀利喇！外賣盒全部都企企理理，睇得出係用心經營的，希望佢長做長有，等我食外賣都多個好選擇啦！