小臻飯

喺亞皆老街近何文田，經過呢間小店，有少少肚餓又唔想食茶記，見到佢有個燒賣魚蛋撈麵餐，就點咗個試吓，店主都好有禮貌好快手，我諗唔使5分鐘就出到個餐，個餐唔同Seven嗰啲，個麵底有彈牙的感覺，不過有少少偏鹹，下次可以叫店主落少啲撈麵粉同醬，我覺得喺屋企煮唔到這個質感，𥚃面有3粒魚蛋3粒燒賣，$36連維他奶，經濟實惠，都可以一試，店主話佢哋仲有飯、意粉、撈烏冬、冷麵，湯飯，我四圍望一下咁細間舖有冇可能做到咁多嘢？佢話下次叫我試吓個港式會免治牛肉意粉$49連飲品，呢區嚟講算平，好，等我下次試一試先…查看更多

收到呢間小店嘅傳單，佢只做外賣冇堂食，見幾啱食，價錢又平，所以試吓。叫咗呢幾樣嘢：藥膳花雕雞湯麵⭐️⭐️⭐️⭐️⭐️個湯好好味！除咗雞肉之外，有紅棗、杞子、圓肉，好足料！食哂先醒起冇影到相。肉鬆粢飯⭐️⭐️⭐️⭐️⭐️飯蒸得夠軟又夠熱，雖然簡單只有肉鬆，已經好好味！手拍青瓜⭐️⭐️⭐️⭐️味道唔錯但我覺得辣咗少少🤏🏼酸辣湯同雞肉串我就唔推薦了，因為佢講到明係外面買返嚟加熱嘅，所以真係普普通通。其實我覺得唔使搞太多花款，專心做好最撚手嘅菜式、保持水準就已經夠喇。反而蔬菜冇乜選擇，或者可以加吓灼菜、涼拌菠菜之類？見全間舖得佢一人主理，要响咁窄窄嘅地方整咁多樣嘢，已經好犀利喇！外賣盒全部都企企理理，睇得出係用心經營的，希望佢長做長有，等我食外賣都多個好選擇啦！…查看更多