影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
餐廳平時都幾多人 今日早左收工終於可以去試下! 餐廳位置方便易到 環境舒適 簡約木系風好舒服!主打地道台灣便當套餐 每款便當都會附帶時令配菜及冷泡茶或熱飲另外仲有多款台式小食 鹽酥雞、麻辣鴨血、虎咬豬/雞刈包、炸魷魚等等，足夠令我回味一下台灣既小食夜市!!! ✨士林鹽酥大雞腿好大隻鹽酥大雞腿! 金黃外皮炸至非常香脆 咬下去時會發出酥脆聲音 肉質保持嫩滑多汁 口感類似傳統既鹽酥雞但更加厚實! 撒上了特制香料增添咸香風味 但又不會過於油膩! 配菜有粟米、南瓜、青菜同粉絲，撈埋一齊食好有層次感!✨鮮茄滷蛋牛扒便當呢款係新既限定套餐 牛扒份量都幾多而且肉質軟嫩又夠JUICY，滷蛋夠入味，配菜有粟米、南瓜、同青菜，撈埋濃郁鮮甜既茄醬好開胃! ✨夜市炸魷魚外皮夠酥脆不油膩 魷魚爽口彈牙 撒上特制香料真係好好食好惹味!✨冷泡菜 (梔子花綠茶 / 芙香蘋果茶)果徇茶味香醇 健康飲料 輕鬆無負擔!今次我地下載埋小胖APP做埋會員 即時儲分 每消費$5 就代表一分，儲夠積分可以換領不同既美食! 而且仲有迎新禮物、升級優惠、生日優惠等等，真係好多著數架!另外餐廳仲會做公司團體或開PARTY外賣團餐優惠，買得愈多折扣就會愈多，便當套餐只係$62起咋 非常吸引!
繼續閱讀
前一段時間去了台灣探親，宜家又開始掛念台灣美食了，因為趕時間去睇戲，所以選了去主打台式料理的餐廳【小胖台灣便當】吃便當。餐廳以先付款後送餐模式運作，付款後進入餐廳等店員送餐，裝修簡約舒適，而食物方面，餐廳主打地道台灣便當，看一下餐牌，很多套餐選擇，亦有供應單點小食、冷泡茶及手搖茶。【士林鹽酥大雞腿便當】套餐連飲品 (HK$68)雞腿份量十足，入口不油膩而且外皮炸得金黃脆卜卜，大大件啖啖肉，格外惹味香口，便當配菜還有小棠菜、蓮藕、粟米粒、雲耳、滷水蛋及台灣素豆炒絲，非常豐富。【台灣鐵路大排骨】套餐連飲品 (HK$68)排骨很厚身像豬扒一樣，很鬆化沒有乾柴，便當配菜都是有小棠菜、蓮藕、粟米粒、雲耳、滷水蛋及台灣素豆炒絲。【夜市炸魷魚】(HK$42)魷魚炸得不油膩，入口外酥內Q彈，很香口，亦有炸脆了的九層塔.【芙香蘋果茶】一打開蓋已經有滿滿的蘋果清香味道，冷泡茶泡久了，蘋果味道更濃郁，喜歡它解膩又好味道。【梔子花綠茶】冷泡茶帶有梔子花香，梔子花完全不搶綠茶香，卻讓冷泡茶多了一個層次。長假期就到，原來開PARTY都可以叫小胖的外賣團餐，訂得愈多優惠愈多(團餐需於2天前預訂)。看到餐廳小胖會員App都很正，免費登記做會員儲積分有不少優惠，生日折扣及升級優惠還送$20現金卷，看到迎新優惠有送〔懷念鹽酥雞〕，如果經常吃，最精明就是預付電子卡回贈，增值預付卡金額越多，相對回贈也越高。
繼續閱讀
好耐冇去台灣啦！好懷念台灣的夜市🥹。呢度除左有傳統嘅便當，重有多款夜市小食，例如鹽酥雞、牛蒡條等。喺呢度真係食得到正宗嘅台灣夜市味道😋！等上菜嘅時候周圍望，見有便當PARTY外賣團餐優惠，下次同成班friend gathering可以一齊嗌👍🏻。❤️香酥無骨雞扒滷肉便當 雞扒和飯分開上，確保雞扒夠乾身香脆😋👍🏻。滷肉份量多，還有菜、蛋和粟米🌽、蓮藕等。最特別係竟然有粉絲！🤩❤️紅燒牛頰肉便當紅燒牛頰肉燜得夠腍又入味，甜甜地好味😋。❤️天氣熱想嗌d凍野飲，嗌左冷泡茶：金萱烏龍和芙香蘋果茶。另嗌左一個地道小吃 ：❤️鹽酥炸大腸炸大腸有點點肥膏，脂香盈腔，炸得好惹味🤤。食完覺得佢d食物同飲品都唔錯，見張枱上面貼左張貼紙寫住招募會員，即刻download番個會員app。有迎新優惠、升級優惠等。重可以邊食邊儲積分，食得多獎得愈多！😍👍🏻
繼續閱讀
好掛住台灣，但係又未有得飛，最近就去咗小胖台灣便當沙田店止下癮，貪佢地點方便🚆。小胖主打各款台式便當同夜市小吃，鹽酥雞、雞腿菇、香腸全部都係經典台灣小吃，想創新嘅牛蒡條都有。有返夜市感覺，食到超級飽😋🍱！士林鹽酥大雞腿滷肉便當一上枱已經好吸睛👀，大雞腿炸到外皮香酥，咬落去肉質嫩滑多汁🍗，鹽酥調味鹹香惹味，完全唔會油膩。配菜有青菜🥬同粟米粒🌽，簡單清新，仲有粉絲，吸收晒滷汁後滑嫩入味，超有台灣便當風格🇹🇼。滷肉香氣濃郁，肥瘦適中，入口即化，醬香突出。蜜汁烤雞排香腸便當又係另一種風格🍖。雞排厚切，蜜汁燒到帶微微焦香🔥，鹹甜啱啱好，肉質軟嫩唔會柴。香腸當然係台灣香腸🌭，帶有甜味，咬落去有肉汁，配菜新鮮🥗，飯底吸晒蜜汁同肉汁，有被療癒到。今次仲試咗鹽酥雞腿菇充滿夜市feel，炸到外脆內嫩，咬落去有淡淡菇香，完全唔油膩🍄。飲品方面，熱冬瓜茶同金橘檸檬茶都係台灣常見嘅飲料🧋🍋，冬瓜茶清甜，金橘檸檬茶酸酸甜甜，飲落有手搖飲店嘅味道，配便當解膩hen可以😌。小胖會員app可以儲分換禮物🎁，迎新同升級優惠都幾吸引🎉，仲有預付卡回饋💰，食得多著數愈多，仲有唔同折扣優惠券可以用，平時返工或者同朋友聚餐都可以用👫，會員制度幾貼心📱。另外，外帶團餐優惠都幾抵💡，套餐$62起，20個起9折、40個起85折、60個起8折，買得愈多折得愈多，啱晒公司order或者一大班朋友開飯👨👩👧👦，記得要提前兩日預訂，方便又實用📝。
繼續閱讀
知佢開咗好幾年，有朋友亦話過幾好食，但一直冇動力入去。最近由於趕趕哋，要快食，見佢唔洗等位，就叫咗個蜜雞扒+腸便當餐，配冬瓜茶。門口收銀處點餐後，會有一個牌，服務員會將餐送到。坐咗一陣，食物就送來，盤上有一份包裝餐具，以為係木嘅，哈，係似金屬嘅匙羹同木/竹筷子(唔識分)。雞扒上洒上芝麻，腸係台式風味，下面有估唔到咁多元嘅配菜，有小棠菜，粟米粒，台式米粉，半粒肉丸，蛋半隻，雜菜絲，紫菜絲，好有驚喜，覺得佢哋有考慮到膳食營養，有heart 的做法。
繼續閱讀