小肥肥

營業中

休息中

今日朋友帶我去左一間全人手製作的上海菜，價錢平民之餘，絕不馬虎🌈小籠包絕對爆汁👍🏻肉嫩口，而且皮薄，口感很好🫶🏼蒜蓉蝦春卷🦐鮮炸脆口🦐咬到有啖啖鮮蝦肉🦐真材實料🦐紅油抄手辣得來好有椒麻味🌶️👍🏻唔係淨係出面上海店平時整個d辣椒油個隻死辣🌶️後勁凌厲👍🏻四川招牌擔擔麵🍜必點同私心MVP😍辣度可以同店員講聲，叫左小辣，擔擔醬係師傅自家製調校的👍🏻特別的味道👍🏻唔同出面平時食個d🫶🏼食落去濃烈得來又唔會漏，平時食半碗就會好滯，我竟然可以食晒成碗真係好味😋 🤩招牌生煎包🥠都係必點👍🏻要咬細細個窿先，因為生煎包比起小籠包超級超級爆汁😋之後再慢慢飲佢既湯😋超正😋本身諗住淨係叫一人一個驚太飽，好彩最後叫 左四個，因為食一個真係唔夠喉😋 最後叫埋甜品豆沙鍋餅滿足又甜美了🥰小店黎講，呢個價錢加呢個質素，一定會經常黎朝聖😋👍🏻🥰

小肥肥生煎包和排骨菜飯點了小肥肥生煎包和排骨菜飯，挺抵食的。首先生煎包是招牌，必試以示尊重。單看外觀便覺得不錯，首先打開盒便香氣撲鼻。看到包得很漂亮，皺摺相當公整清晰整齊，好感度已經很高， 再看其底部，是金黃色的，沒有燶，只聞到香氣，已經食欲大開。雖然見到煎痕，但沒有油膩的感覺，吃起來亦不會一口油，吸油功夫做得到位，很好。包皮和肉餡比例適中，包皮有咬口，軟熟，不過韌，包餡有肉汁，不會乾爭爭，吃出生煎到位的感覺。吃了這款精美小食，已經胃口大開，排骨菜飯也好吃。菜飯和排骨分開放，很細心。菜飯中的菜仍是鮮綠色，很新鮮沒有發黃。排骨炸得甘香，但不乾，亦很乾爽不油膩，相當成功。醃味恰到好處，吃出新鮮的豬肉味，很好吃。

此店在新蒲崗呢個新食城，落戶不久但憑一個爆汁生煎包，迅刻爆紅，成為此區必食名氣食物之一。7月21日揾食肥華就約定靚媽，收工後到此店，食佢嗰個抵食下午茶餐，目標當然就喺嗰爆汁生煎包。今餐肥華，在此店食到嘅食物評語(一)爆汁生煎包，個包煎得夠香夠脆，包内汁液甚多加上熱度十足，鎮店起朶名物，果然喺神仙放屁，同凡嚮呀。(二)招牌小籠包，湯汁少，做唔到有盪韆鞦嘅效果，包内餡料味道又唔突出，加上欠缺食小籠包應有熱度此包令人失望，枉負招牌之名。(三)排骨湯麵，件排骨甚得，個上海湯麵個湯底和麵條，水準不俗值得一試。(四)老上海粗炒，配料不多，味道平平，講好食冇佢份話難食又唔到佢，唯一優點勝在喺即炒夠熱。總結嚟此店一定要食多兩個，爆汁生煎包，其他食品祇可淺嚐。此餐值⭐️⭐️⭐️⭐️

🏬<小肥肥>📍新蒲崗景福街63號地舖用餐人數：1有去過新蒲崗嘅人都知道呢度有好多嘢食時不時就有一啲新開嘅店 小肥肥就係其中一間 鍾意試新嘢嘅我都唔執輸入黎試下😚🔔溫馨提示 因為新鮮出爐 大家要小心熱🥵▪️爆汁生煎包（2隻）$20📌強烈推薦！呢個生煎包非常有水準 會見到佢個底煎金黃 食落好香脆～ 同埋唔知係咪因為煎過嘅關係 食落去有種麵粉獨有甜甜地嘅味道 加上入邊真係好多湯汁同埋啖啖肉食落好過癮😆 ▪️招牌小籠包$40我覺得呢一個小籠包最特別嘅地方係佢嘅配料係有薑絲 因為我第一次食小籠包係會配薑絲 咁我就上網去搵原來呢個食法都好普遍 點薑絲醋 薑絲可以突出小籠包嘅鮮味而醋就可以解膩 呢個小籠包都好多汁😋

有時候都好鍾意發掘下民間新嘅小店新開咗呢間 小肥肥 裝修乾淨企理 聽個名都唔知係食上海嘢 對面正係mikiki 商場parking 入口位一啲都唔難下午茶時間去勁多人啊！見到師傅係廚房人手製作 即包即煮 呢一間小店都真係唔話得樣樣野都好食 最鍾意佢哋嘅小籠包同生煎包 皮薄餡靚 多汁好食見着師傅喺裏面人手整 新鮮好食面嘅份量好多 上海幼麵 非常健康春卷炸到脆卜卜 裏面啲料到粒粒分明擔擔麵同埋酸辣湯都係正常發揮 $50-60就可以喺咁方便嘅地舖食到飽飽又坐得乾淨舒服下次大家經過都可以去試吓‼️生煎包濺出熱湯‼️食法 ： 生煎包咬一細口，小心熱咀啜湯汁食法：用筷子輕力開窿，小心熱再啜熱湯🤍老上海粗炒 $52 +🤍雞絲粉皮支裝豆漿$2🤍爆汁生煎包(4隻) $36真係又熱又多汁 🤍招牌小籠包(4隻) $40皮薄餡靚！ 🤍菜肉雲吞湯麵+春捲2條 $48 忌廉$3⭐️下午茶餐 2:30-5:30 。平均都係$50左右。有主食，有小食，有飲品 。⭐️加$16/$18 可追加 爆汁生煎包2粒 / 招牌小籠包2粒

新蒲崗景褔街成日經過見到依間小肥肥,佢係食上海野, 上次外賣左生煎包同埋小籠包試下都幾好食有驚喜喎,今日有少少時間試下堂食,叫左招牌生煎包同埋紅油抄手拌麵,生煎包堂食唔錯喎熱辣辣,原來係爆汁生煎包,爆汁到好彩對面無人坐,見佢廚有師傅係咁包野應該新鮮,紅油抄手拌麵有少少辣,少辣岩曬食唔到太辣既我,個麵干身拌埋個麵,個味幾正喎,抄手就都幾好,個皮再薄啲就好啦,環境都可以,冷氣夠但坐位少，下次再試其他野。

今晚於新蒲崗路過一間上海菜 就進去想試一試招牌小籠包（四隻）$40即叫即蒸皮薄多，吃到香濃的豬肉味道，真的不錯，推薦。紅油抽手（六隻）45上枱的時候不覺得很辣，但放進口中吃到辣椒油及花椒的香味，很有特色而且不像外面的不夠辣或者是粉麵店的辣椒醬。雞絲拌粉皮 $38花生醬多得很，雞絲粉皮及青瓜份量充足，味道拌勻後也不錯。排骨擔擔麵 $64排骨的炸粉沒有很厚，而且炸到外脆內軟，令人一吃再吃， 擔擔麵有很濃烈花生醬，很 厚身濃郁，也有少少花椒及辣的味道，真的令我很回味。豆漿$8普通豆漿，不推薦。食物質素是很不錯，但環境卻令我有點卻步。每一個冷氣位也在滴水，不論是地板或者椅子也被冷氣水滴得有點濕，令人的用餐體驗不良好。#小師奶 #美食 #新蒲岡

第一次嚟新蒲崗食上海菜😋⭐️蔥油拌麵 好香蔥油味⭐️雞絲粉皮 好大份 粉皮好滑⭐️生煎包 咬落去即刻爆汁 個底好脆⭐️小籠包 大大粒又薄皮又多汁 好正😊好好味🤤全人手製造👍

第一次嚟新蒲崗食上海菜😋⭐️蔥油拌麵 好香蔥油味⭐️雞絲粉皮 好大份 粉皮好滑⭐️生煎包 咬落去即刻爆汁 個底好脆⭐️小籠包 大大粒又薄皮又多汁 好正😊好好味🤤全人手製造👍