小肥羊·迴轉火鍋

營業中

休息中

因打邊爐係迴轉模式，黑豚肉/羊腿肉/肥牛輪候時間到座位係好耐（成條迴轉徑每種得一兜，食完先會refill），見到座位有附自助order code比人掃，諗住自己叫肥牛食，但職員就話用唔到，咁做乜要show出來，食啲肉到走時加埋都唔夠20片，唔值呢個價錢！

性價比超高。午市128，晚市168。茶餐廳都78蚊，仲不如食呢個放題。任飲任食。*肉類種類好多，有羊肉→品種好多，瘦啲嘅羊腿肉（鮮甜），霜降雪花羊（爽滑），招牌羊肉（嫩滑）。黑豚肉同埋牛肉都有，質素好好。雞肉喺花雕醉雞件。仲有好多丸類同埋蔬菜類。真喺好正。*晚市海鮮有鮮魷魚，象拔蚌片，冰鮮蚌，熟蝦，青口，真喺好抵食。服務都好好。最鍾意呢度嘅川派麻辣湯底。好正宗，又香又麻又辣。小朋友超鍾意。好新奇喺有熊仔軟糖。下次一定再嚟

路過長沙灣，突然發現呢度開佐間小肥羊，好新奇，迴轉壽司模式。都好耐冇見過呢個牌子，就入嚟試下。發現真喺好抵食。午市128免加一，晚市168免加一，仲淨喺得一個價錢。*肉類有黑豚肉，羊腿肉，肥牛，霜降雪花羊，醉雞件。轉盤上有成百款菜式，真喺十分抵食。最鍾意喺佢嘅招牌藥膳湯底。都喺之前嘅味道。十分惹味。仲有青島啤酒飲，好抵食。服務都十分好。希望小肥羊開多幾間啦。好似得番呢一間。十分可惜。下次有機會過嚟長沙灣再嚟。

第一次體驗呢個一人火鍋。好新奇。菜品好多。一坐低就有嘢食。十分之滿意。晚市得一個價錢，168蚊，折完之後163蚊。牛羊雞豬都有得食，特別抵食。座位好少。一眼望盡。 海鮮有蝦，魷魚，青口，巴沙魚。好多嘢食。一個人嚟食都好體驗。肉都喺食幾多都得。午市更加平，折完之後123蚊。平絕全港。 羊肉有幾款，牛同埋豬得一款。仲有羊蠍子食。真喺特別。一個星期食一次都不為過。下次繼續嚟。服務都幾好。就喺有啲逼，位唔夠大。

見新店開張,便去試吓,接近200元一位,但d食物好普通,飲品選擇又少,有少少熟食嘅都算好味,但款式唔多,坐得又迫,等位仲要係室外無冷氣,去廁所仲遠,要兜一大個圈上商場一楼,以咁嘅價錢,坐幾個站地鐵出旺角食大把好過佢嘅選擇,何必去佢度食？

午餐折扣後收費每位$123。排隊等位比較耐，入到去未安排座位已經要先收錢。選擇鍋底及付款後安排座位，只有一個細嘅雪櫃同埋細嘅調味料俾客人攞嘢飲。沒有啤酒或者其他酒精飲品。講好的迴轉自助火鍋，回轉帶上食物經常被清空，等咗20分鐘一片肉都未吃到，要自己走出去搵職員叫佢比一碟。 其他食物都經常被清空，根本迴轉帶上邊係經常冇嘢食。從未試過嘅體驗係自助任食火鍋冇嘢食，肯定係唔會有下一次幫襯。一人一鍋，坐得非常之唔舒服。

一個人都可打邊爐夜晚要排隊，就中午嚟食佐。折扣後123蚊一位都算好平嘅價錢。牛肉，羊肉，豬肉，雞肉都有，任食90分鐘。一個人都可以自己睇電影慢慢嘆，幾舒服。下次都會番嚟。招牌香辣藥膳真喺好鍾意食。味道好好。香港地，呢個價單好平。一個星期食一次都不為過。如家酒牌未出。未見到有啤酒。服務都幾好，不過侍應唔夠的感覺。入場要先埋單，再試。都喺一個新體驗。入邊冇廁所，喺商場1樓先有。一眼望盡。都不算大。呢個模式可以體驗。

6點幾入座，都無乜人唔洗排隊，就即刻入去坐，但當時一坐低個店員就話揀個湯底先，枱上面餐牌又冇，牆上面又無介紹有乜湯底 佢又冇講有咩選擇就轉身走左之後唯有再叫第二個員工拎餐牌，結果十問9唔應，其實都未算繁忙時間，眼見個場都有最小4個員工，十分鐘左右終於叫到個人黎本身選擇辣 問佢可唔可以小辣 就叫我揀第二個湯底 🙄 ok la 我都明佢咩意思 湯底應該係固定左有幾辣 揀完第二個 出去拎野飲 明明寫住酒任飲 點知出到去一枝酒都無 問個職員 佢話酒牌未拎到。。。。 依D野一入黎就應該要講定左先啦 有D被欺騙既感覺 好啦 坐低食野 迴轉d食物又無標明係乜 食左d乜都唔知 出野食個位係最頭 我地坐中間位 但係坐左半個鐘 同款食物都見過好幾次 一舊肉都見唔到 黎黎去去都係得幾款野食 選擇極小 又唔係好食 好普通 仲要坐到出哂汗 d牙姐成日開住道門走哂d冷氣 想去廁所又要走出去行段路又要搭𨋢先去到 仲要收加一服務費 搞唔掂

小肥羊新開的迴轉火鍋，今次自行去品嘗一下。星期六午市1130開始，給安排了坐單邊1號位，侍應幫忙先落湯底，飲品原來是沒有啤酒提供的。與宣傳媒體介紹有分別，亦沒有提供QR Code 落單。食物放置在迴轉帶上，自行夾落自己座位的碟上，肉類沒有標明是羊肉或牛肉，肉類出菜比較慢，蔬菜種類不算多，整體而言，比起旺角小肥羊午市定食火鍋比較來說，真的需要再作改善。建議提供碗和匙羹供食客使用，飲品供應應再作多元化，值得一讀員工服務態度不俗。