小肥牛火鍋活魚專門店

Calf Bone King
26
12
4
港鐵尖沙咀/尖東站 L5 出口, 步行約3分鐘 繼續閱讀
所有分店 (9)
電話號碼
2870 0188
2870 0039
附加資料
少量素食菜式每天供應
營業時間
今日營業
18:00-02:00
星期一至日
18:00-02:00
付款方式
Visa Master 現金 銀聯
其他資料
網上訂座
深夜營業
酒精飲品
自帶酒水
電話訂座
賞訂座積分
加一服務費
電視播放
有關餐廳
極上滋味!元祖級港式火鍋
由第一家分店開始,至今擴展至港九新界都有分店。小肥牛的出現,打破了傳統的常規食法:由揀選火鍋配料起,早已先聲奪人、獨具慧眼,開創以「安格斯牛肉打邊爐」的先河,繼而拼以活魚刺生一齊食,瞬即為火鍋達人帶來新鮮感,帶動不一樣的火鍋熱潮。一直以來,口碑載譽,深受各大食客歡迎。

店內多款火鍋食材,經由大廚團隊自家研發及多番試味,搭以精心炮製的火鍋湯底,讓食客「滾」出別注的港式風味。當中的招牌美食包括:極品手初本地肥牛、極級安格斯牛頸脊、黑松露水餃、金風響鈴、蟹子墨魚滑及手打鮮蝦滑等。用料十足的皇牌湯底有枝竹豆腐魚頭鍋以及「相機食先」的鎮店湯底火焰醉蟹牛皇鍋。

此外,小肥牛嚴守高質素的衞生標準,務求令大家吃得安心、坐得舒適,秒秒開懷大嚼,享受非一般的港式火鍋滋味。

有關積分
招牌菜
手打四寶丸 火焰醉蟹牛肉鍋 本地手切肥牛 活魚刺身 炸腐皮 瑞士芝士牛丸
食評 (46)
係尖沙咀附近返學經過見到小肥牛推出左新既火鍋套餐, 今晚我就約埋三個同學前去一試, 打下邊爐可以慢慢閒聊一番! 平日8點左右, 店內都坐滿8成, 幸好唔洗等位可以直入。呢度除左可以散叫打邊爐外, 就有呢個火鍋套餐:【鮑李鼎級滿粥】HK$198/位 (兩位起)每位可享: 黑翡翠鮑魚1/4隻、斑片2片、蝦2隻、蟹半隻、沙白5粒、時令貝殼5粒, 同埋健康粥湯底, 火鍋配料仲可以自選六款湯底黎之前, 先黎兩款前菜, 同埋醬油比我地先行混醬 (星期一至四前菜同醬油費用全免)呢個粥底火鍋先會比粥水做湯底我地打邊爐, 而粥膽就會等我地食哂所有火鍋食材先會送上先黎一個最吸引既主菜: 海鮮併盤我地四人共享一個套餐, 所以海鮮都會完整上檯, 更顯豐富食材依照MENU上既提示, 每款海鮮都有唔同既烹調時間, 只要依足指示, 就輕易食到美味海鮮 黑翡翠鮑魚原隻奉上, 鮑魚超級大隻, 而且厚實花蟹未落鍋前, 仲見到隻蟹腳輕輕地抓, 非常新鮮至於斑片煮熟後, 肉質鮮甜, 魚皮位置略帶咬口海蝦都很新鮮, 剝殼後海蝦肉質唔係煤林林果種, 入口更為爽蜆肉沒有沙最令人期待既係黑翡翠鮑魚, 果然冇令我失望!!肉質煙韌, 很爽口厚實, 鮮味無比!!所有海鮮都很新鮮, 沒有一點腥, 不錯!至於先選既6款火鍋配料, 我地就揀左黑毛豬梅頭肉、墨魚丸、鮮牛丸、貢丸、響鈴同埋雞件黑毛豬梅頭肉 - 色澤鮮紅, 很新鮮, 而且有點厚度, 所以不失口感食粥底配呢個雞件, 成為雞粥, 正!!!.即炸響鈴 - 落鍋後3秒即起, 依然食到中心位既脆墨魚丸、鮮牛丸 - 很彈牙, 鮮甜味突出貢丸 - 呢款就冇咩特別享受完火鍋之後, 店員就會奉上粥膽同送粥既配料將粥膽倒入火鍋中滾一分鐘左右就食得!栗米很甜, 送粥都係一流之選呢個粥底火鍋味道超級鮮甜, 果然係全晚味道既精華所在~ 雖然米飯粒比較少, 不過鮮甜味搶返唔少分數! 份量亦都唔少, 每人都有兩個飯碗左右~食完之後都覺得好飽肚, 唔錯~~~ 繼續閱讀
(以上食評乃用戶個人意見 , 並不代表OpenRice之觀點。)
等級4 2017-03-10
699 瀏覽
小肥牛最近推出鮑李鼎級滿粥 每位 $198 (2位起)每位可享黑翡翠鮑魚1/4隻,斑片,蝦各2,蟹半隻,沙白,時令貝殼各5粒 配健康粥湯底火鍋未黎之前先選好鼓油配料先,用具非常衛生整潔!令人食得放心第一次係火鍋店食到咁新鮮既海鮮!蝦上枱時仲識郁嫁,非常生猛!蟹肉非常飽滿貝類又係好鮮甜,而且好肥美!斑片係龍躉斑片,鮮而不腥新吾新鮮食皮就知!龍躉皮軟糯,食得出好新鮮!主角黑鮑魚(2人半隻),煮左25分鐘後變得軟硬適中,外軟內帶點咬口,食落非常有口感,而且鮮味十足!難怪甘多人黎食依個餐~之後再揀6款火鍋配料今次就點左西班牙黑毛豬梅肉、雞件,豬肉丸,肉眼筋等等。當中最推介黑毛豬梅肉!非常有鮮味。而豬肉丸又係好!完全吾似出面機械做好既丸,而係手打豬肉丸,豬肉味濃而無乜肥膏!肉眼筋都吾錯,食落好似呀媽煲豬展湯條豬展筋甘,感覺好補身~但雞件就較鞋,吾太推薦最後加埋白粥,芋頭粒,南瓜粒,粟米同送粥配料,吸盡湯底鮮味精華😍史無前例鮮甜無比既粥誕生喇!三個字: 好好味!食到渣都無得剩真心滿足小肥牛火鍋活魚專門店 (尖沙咀)地址: 尖沙咀亞士厘道24-38號天星大廈地庫A舖 繼續閱讀
(以上食評乃用戶個人意見 , 並不代表OpenRice之觀點。)
等級1 2017-05-09
212 瀏覽
上星期在屯門店惠顧覺得很不錯,所以今天訂尖沙咀店和朋友聚會。早兩天前預訂,服務員說訂6位有阿拉斯加長腳蚧送,當時已經莫明奇妙?(因為屯門點8位才送的)。六點半準時到店,大廳只有三枱客人,我們坐下問服務員有什麼優惠,回答什麼也沒有。不是訂座有優惠嗎?沒,沒,沒一行六人聚會, $2400埋單,食物一般,牛肉差,出品賣相差服務差,只見貌似老闆和大廚坐在一枱開會似的,既然那麼着重開會為何不照顧一下客戶感受??現今飲食業競爭強大,開會有用嗎?你不進步只會淘汰。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-07
168 瀏覽
今次同家人一齊去左尖沙咀意間小肥牛,本想打邊爐,但係門口睇到新野鮑李滿粥套餐,價錢$198幾抵食,就食新野。店鋪係地庫,一入去就有個好大既魚缸,好多新鮮海鮮。座位寬闊,每枱都有適合空間感。餐牌有教如何食法,方便第一次來食的人。套餐已經包左一盆海鮮拼盤。再選擇六款火鍋配料。包括重點黑翡翠鮑魚、班片、新鮮生蝦、蟹、沙白、花甲。海鮮款式份量夠多,安排不錯。首先上粥底,待滾起就可以放配料。主角黑翡翠鮑魚,份量十足,足足有手掌咁大。味道鮮甜,口質彈牙。仲有花甲王,生蝦,蜆,蟹,十分新鮮。全部都係生。鮮味十足,新鮮海鮮,簡單煮法就可食到其鮮甜。火鍋配件,份量算多,材料新鮮。最後食哂火鍋配料可加上粥膽煮成海鮮粥。整體來說食物份量多,新鮮,價錢抵食。 繼續閱讀
(以上食評乃用戶個人意見 , 並不代表OpenRice之觀點。)
等級3 2017-05-03
188 瀏覽
今次係尖沙咀亞士厘道揾食,好想食打邊爐。所以去左小肥牛。意間鋪係地庫,門口擺放左海報。鮑李滿粥鼎級火鍋。睇到價錢晤貴,粥底邊爐又未食過,就決定叫啦。粥底火鍋最少兩位起。食法有六步曲,十分有趣。地方好大,抽風系統都幾好,不會太大油煙。四人份量海鮮拼盤,材料十分豐富。最大特色,南非黑翡翠鮑魚,原隻上枱。尺寸足足有掌心咁大隻。兩隻蟹、八隻生猛海蝦、大量貝殼類、龍㚄片。加上各色海鮮擺放,賣相吸引。仲可以選擇六款火鍋配料。火鍋配料份量多算新鮮。食完火鍋配料,就可以加入粥膽,煲成粥,味道非常鮮甜,第一次食真係覺得好正!感覺又不會像一般打邊爐燥熱。食物豐富,價錢又抵食,不錯。 繼續閱讀
(以上食評乃用戶個人意見 , 並不代表OpenRice之觀點。)