小皇府 (MOKO新世紀廣場)

營業中

休息中

【💰$50有找！旺角隱藏版牛筋腩麵✨】  朋友話要帶我去「小皇府」唔使$50飲下午茶，仲以為吹水！點知一試真係足料到👑！下午茶時段唔使$50，竟然有**柱侯牛筋腩麵配蠔油時菜**，仲要份量十足，抵到爛啊！  🏆牛筋煮到黏嘟嘟似啫喱，咬落去「啜」一聲滑入喉嚨；牛腩鬆化得嚟仲帶住柱侯醬嘅深邃鹹香，食完真係唔會狂灌水！麵條✨彈牙掛汁，同濃郁湯底完美CP～  配菜竟然唔hea送！蠔油時菜翠綠爽脆，蠔油香唔死鹹，解膩一流～ 成個set$50有找，仲要喺MOKO商場嘆冷氣，連荷包都笑住走😆  **結論**：呢個價位喺旺角商場食到好食牛筋腩，CP值爆燈！建議拉埋朋友衝之前睇睇門口重有冇咁抵食既下午茶先～ 溫馨提示📍 #做門市打工人恩物 #窮人恩物 #牛筋控必收 #旺角慳錢指南 👑🍜

这家餐厅的用餐体验实在让人难以满意。服务态度方面，从进门到用餐结束，服务员都表现得极为冷淡，对顾客的需求响应迟缓，缺乏应有的热情与专业素养。菜品味道也相当一般，鲜虾云吞、虾饺、叉烧包毫无特色可言，无法给人留下深刻印象。更令人失望的是，明明收了每人12元茶位费，却连一杯茶水都没有提供，给顾客喝的只是普通的白开水，结账就用白水也要收费来搪塞，收费本没问题，但该上茶不上令人恶心，整体性价比极低，很难让人产生再次光顾的想法。

調味適中，而且唔油膩，環境舒適，員工服務態度良好。因為蜜蜂流沙包就攞左位食，而黎到係真係有蜜蜂樣，只係啲黑色裝修既麵團比較韌，但整體係好睇又好味，推薦嗌。另外鳳爪、蝦餃、懷舊上湯煎粉果三樣都值得再嗌。鳳爪冧得黎仲有彈性，而且入曬味。蝦餃皮夠曬薄，調味適中，蝦肉咬落好爽。煎粉果黎到係炸架，感覺有啲描述不符，不過係好好食，炸到好酥脆，入面亦都唔係平時食開沙角餡既粉果，而係充滿蝦既，調味比蝦餃更豐富，加埋個另上既湯一齊食，就好似食一個超級酥脆既爆湯鮮蝦餃子咁。鵪鶉蛋燒賣就麻麻地。（有部分無影相）整體係好食，係可以翻啅既餐廳。

年初四諗住同屋企人食晏晝。間餐廳本身唔滿，有好多位。唔知點解都要求好多食客喺門口等位。夠晒樓面返工，但係啲姐姐都選擇睇唔到食客嘅要求，有d要請佢哋先肯幫食客落單斟水執枱⋯ 以家想食餐飯都一點都唔容易☹️

第一次到「小皇府」食午餐。跟長輩一齊食飯，由於她喜歡💕食點心，又想食粥，見這店裝修都乾淨，也企理，於是便決定試下啦。我們點了「蟲草花棉花雞」，「日式燒汁叉燒包」，「手打蝦餃肉丸粥」，仲有「薑汁糕」。首先是個粥，真係有驚喜！個蝦膠肉丸，好好食！😋😋😋 我好少食肉丸是混入蝦膠在內，幾新鮮，味道👅也 好好！值得推薦！「蟲草花棉花雞」，個棉花都好林，雞滑！很不錯！我最初仲以為是雞扎個種雞肉。原來不是，佢是一件件的雞件，入味又滑！good! 「日式燒汁叉燒包」，不會好咸，味精適中！重點係，我平時好怕叉燒包內的肉會有好多肥膏！呢個包，多數是肉。所以我都喜歡💕食！最後係個「薑汁糕」，熱🔥乎乎的，很鬆軟！層次好分明，不會黏牙。驚喜！因為有時候，好怕甜糕會好甜，但這裡的薑汁糕，甜度恰到好處！吃到淡淡的薑味，但又唔會過辣！很出色的一個甜品！讚👍🏻🙂整體來講，這間食肆的水準很高，我和長輩都吃的津津有味！另一驚喜是，沒想到竟然見到「家燕姐」😍😍😍長輩很喜歡她！也可以跟她拍照留念！佢好開心！家燕姐都好好人！好Nice!! 😚😚😚😚😚我們今天是lucky day! 也同時食得很開心🥳

今天去了旺角辦事，所以只能在旺角找一些些東西吃，今天又是只有我一個人的午餐，我今天突然想吃中菜，就去了小皇府。🥳🥳🥳🥳🥳我點了一份乾炒牛河，份量充足，肉也很多，鍋氣很足，但是就是有點偏鹹。😭😭😭😭😭😭😭😭😭😭再點了一份，我很喜歡吃的炸雲吞，裡面的餡不錯，份量很多。🥳🥳🥳🥳🥳如果不是牛河太鹹，不然我下次會再來一次。🤦‍♀️🤦‍♀️🤦‍♀️🤦‍♀️🤦‍♀️🤦‍♀️🤦‍♀️🤦‍♀️🤦‍♀️🤦‍♀️

今日嚟到旺角食中菜，呢一間餐廳嘅點心燒賣都好夠正宗，最令我驚喜係佢哋個賣相好得意好可愛，我哋叫咗呢個小蜜蜂，係包包嚟嘅，啱晒小朋友食，好可愛！ 價錢又一啲都唔貴，服務態度都一流，推介俾各位

今次呢個體驗好好，揀咗呢一間餐廳同朋友慶祝生日，佢哋嘅服務真係一流，細心幫我放個蛋糕喺餐廳，佢哋話如果唔係雪糕蛋糕的話，係唔會有切餅費的，好抵呀！ 另外餐廳嘅點心中菜都好好食，全部份量都好大，自己最鍾意食嘅就係呢一個菠蘿叉燒包，個賣相好得意好靚，裏面真係有菠蘿粒，味道鹹甜適中，好味！

今次約齊姨媽姑姐做冬，以為14人會好擠迫，點知張枱又夠大，坐得好鬆動﹗事先預留咗百花釀蟹鉗、杏汁豬肺湯、上湯羊肚菌蘭度焗中蝦丶沙薑生煎雞同麵豉醬龍躉頭腩籠仔蒸飯，因為食過返尋味。老爺話個蟹鉗裡面有蟹肉㗎，而且彈牙，唔似其他酒樓只係淨蝦膠，有驚喜﹗豬肺湯好飲潤喉補肺，秋冬時期最啱對抗喉乾咳嗽，湯料除咗豬肺仲有雞脚都一概掃清，在坐一眾主婦都認為自己煲豬肺湯太花時間功夫，餐廳將豬肺清理得夠乾淨，值得﹗做節必要哈哈笑，羊肚菌蘭度焗中蝦就夠體面，蝦又新鮮。龍躉頭腩籠仔蒸飯，新鮮無腥味，蒸飯炒底有誠意。沙薑生煎雞真係大讚，起哂骨啖啖肉，沙薑味啱啱好！即場再加餸，荷塘蒸乳酪，其實係蒸蛋白，軟滑易入口，人人啱食。XO醬金鉤小炒王係我至愛，有蝦乾、蝦仁、魷魚、韮菜花、菜脯、腰果，但嫌唔夠XO醬。南乳香酥骨同陳醋肉排都發揮正常。反而啫啫肉鬆唐生菜裡面嘅肉鬆比較咸。再加份淨雲吞同淨水餃，因為2樣都好好食，無法二選一 。甜品揀咗薑汁千層糕，又係必食，夠薑﹗

我啱啱食嘅陳村排骨粉真係令我失望到爆！個湯鹹得嚟完全冇法享受，食一口就覺得唔得了，真係太過分！而且排骨嘅肉質根本唔新鮮，硬得好似石頭，根本咬唔動，真係浪費食材。米粉又差，冇嗰種滑順嘅口感，整體搭配簡直係一場災難。呢個排骨粉根本唔配稱做美食，令我對陳村嘅名聲都開始懷疑。希望佢哋可以好好改善，唔然我真係唔會再碰呢道菜！ 真心唔會再黎啦

今日同朋友慶祝生日，嚟咗呢一間餐廳覺得幾好，所以推介俾大家。首選推介風沙雞，個雞好滑個皮又脆，冇雪味炸蒜又好有風味。炒龍躉斑球，斑球啖啖肉，最緊要就係冇骨，而且一啲腥味都冇，都幾啱小朋友食。酥炸蜆蚧鯪魚球一碟有六粒，大大粒，而且炸得好脆，啲蜆芥汁又唔係好鹹。最緊要就係啲侍應好好，我哋慶祝生日都冇收我哋嘅切餅費😍😍總括嚟講，地點好近地鐵站，好就腳，約朋友食飯都好方便，如另外價錢公道，餐牌亦都有好多選擇，如果聚會一定有嘢啱大家一齊食。

小皇府牛肉麵是一道經典美食，湯頭濃郁，牛肉鮮嫩，麵條彈牙，搭配新鮮青菜，口感層次豐富。每一口都充滿滋味，無論寒冬或夏季，都是令人滿足的選擇，讓人感受到溫暖與幸福， 下午茶食小小野一流， 最重要唔洗等位

有位長輩請食飯，我地一行8人應約到 Moko 2樓小皇府。裝修幾清雅，令人有大方得體嘅感覺，見到擺枱唔逼，應該坐得幾舒服。可能人多，俾大圓枱我地坐，中餐就有呢個好處，圓枱傾偈方便得多😄。東道主已經點菜，我地坐低就陸續上菜，先有柱候牛筋腩，入味又夠腍。白灼豬雜，豬膶爽、豬腰脆，以前未食過豬心，原來咁好食，同雞心質地差唔多，當然大塊得多而且切咗薄片，我忍唔住食咗幾片😅，雖然無食粉腸，但隔離朋友食，見到粉腸處理得好乾淨，食唔到豬肚(因為唔夠分)，朋友都話軟硬適中，，估唔到份豬雜做得咁好，竟然全無羶味、異味，睇嚟落足心機👍。(唔夠朋友快手，已經夾咗好多，所以無影相)胡椒蝦，勁多原粒胡椒，極香，蝦夠新鮮，石鍋保熱，食落更惹味。然後來一碟和牛牛柳粒，入口即爆出油花，牛味濃郁，個個都密密食，好快清碟。蔬菜有欖菜肉鬆四季豆同肉碎福建菜花，都夠鑊氣。鮑汁鳳爪好夠腍而且入味之餘唔會死咸。最後加咗水餃麵、水餃足料有蝦、木耳同筍，蝦子麵好彈牙，唔會煮過龍。仲有燒賣，入面唔會好似一般酒樓咁大部份係肥豬肉，抵讚﹗掛住食，後加呢2樣都唔記得影相😆食完呢餐飯都無口乾，應該無乜味精。侍應人手不足，係有D怠慢但仍算殷勤有

今天相約朋友再次到訪位於旺角 MOKO 的中菜館「小皇府」，裝潢雅緻企理，用餐環境舒適提供多款點心、粉麵飯及小菜等-🔹本地吊龍炒菜遠 $158吊龍份量不多，口感軟嫩無筋惟牛香未算突出；菜遠翠綠新鮮，炒至爽嫩，整體中規中矩-🔹東湖陳醋肉排 $138肉排份量正常，選用部位脂肪比例較高，油膩感偏重；陳醋味道輕酸偏甜，適合下飯-🔹鮮蟹肉魔鬼魚餃 3 件 $42樣子不精神，更有「穿皮」情況餃皮粘糯濕潤；蟹肉及魔鬼魚餡料口感偏腍，吃到淡薄的蟹、魚及菇香-🔹鮮茄上湯鮮竹卷 3 件 $36以鮮茄煮成的鮮竹卷在坊間不多見；鮮竹卷外皮輕脆帶點豆香；豬肉餡料鮮味一般，口感順滑，鮮茄有開胃解微膩之作用-🔹龍鳳熊貓流沙包 2 件 $42追上潮流提供近期爆紅的熊貓點心賣相一般未算可愛精緻；包體偏乾硬；反而流沙奶黃餡料有驚喜，甘香濃郁，蛋黃香十足，甜度剛好，應該是整頓飯的 VIP-茗茶每位 $12，另收取加一服務費整體用餐體驗比較失望，餐廳選材及出品與價錢不相符，對比首訪及二訪時質素大相逕庭，性價比不高，短期內不會回訪！

約咗老婆moko dinner ，食完於旺角東去紅磡睇城城演唱會會方便好多… moko 食嘢其實都好多選擇，又想快食快走，經過依間好似簡簡單單又冇乜人，就入去試吓….叫左幾個點心，2碗雲吞麵… 一入去坐就問你飲乜茶，應該計茶位😂，d 野好快上到，乎合我要求，雲吞麵正常，冇乜肥豬肉，蝦大隻，蘿蔔糕ok 冇乜特別，千層糕夠薑味夠熱，鮮竹卷用茄汁唔係人人like , 我都接受嘅…. 安排坐最出面卡位，有點熱冇乜冷氣.. 埋單3XX…食物普通所以冇影相喎… 😂😂