83
39
41
電話號碼
2657 6628
2657 6657
開飯介紹
位於大埔滘的自然中心,對出便是吐露港單車徑。不論是週末家庭樂,還是大班朋友戶外活動,這裏都會是郊遊活動的好去處。 繼續閱讀
營業時間
星期一至日: 11:00-23:00
付款方式
Visa Master 現金
座位數目
250
其他資料
酒精飲品
泊車 詳細介紹
電話訂座
加一服務費
室外座位
招牌菜
中東小羊腿 法式頭盤
食評 (181)
等級4 2017-01-19
1081 瀏覽
下午三點的早餐、午飯、下午茶,一剔過!由大埔的到小白鷺,相約歌妮仔一齊慶祝回復單身,重獲自由、重現曙光、生機勃勃﹗不過歌妮仔似乎一臉愁容喎,咁更加要食好?,今餐我請客 ﹗十幾年前層經到訪燒烤過,其後一無緣再訪。舊地重遊真係十年如一日無變,只係座建築物殘左好多好多囉。負責接待那位男侍應似乎比較生硬,木口木面、豪無笑容,說話有點硬朗,親切熱情欠奉,還有好大既改善空間。不過都有問句會否怕露天大風會凍呢?可以坐室內架喎。有關心,讚﹗經理及阿姐侍應們感覺 warm 好多,滿意得多。今日仲咩鬼勁多細路架,好很嘈呀  ﹗又多師拉、又多大陸自由行,做唔到黃金海岸既氣氛,羅湖商業城既氣氛就有。本來個環境非常優雅、空氣清新、寧靜舒服,依家完全破壞晒。不知不覺到步已經係下午茶時間,所以侍應哥哥最初只放下午茶 menu,但我不太感興趣呢。見隔離男女鋸緊扒喎,即刻拿份大 menu 睇睇先。菜色種類都好多喎,仲有龍蝦餐約每位 HKD800,都係下次先啦,哈哈。發現有二人餐都好豐富,可以試多幾樣野,8 道菜加埋一就 HKD800 埋單搞掂,價錢都合理。餐包、龍蝦湯、焗田螺、西班牙火腿、黑鱈魚、黑豚鞍、提拉米酥、熱啡,滿意﹗餐包,居然係芝麻餐包,熱辣辣包包加上半溶牛油及香口脆卜卜芝麻,好味道喎。今日天氣清涼,小白鷺提供暖水,真夠細心,讚﹗美式焗龍蝦帶子湯 american lobster bisque with scallop soup,味道香濃,未算幼滑,但質感厚薄尚算合格。蝦肉、帶子片均可口帶鮮甜,比想象中好。如果可以再滑一點、再濃味一點就更開心。不幸地,飲到最後幾滴有點苦澀味道呢。西班牙火腿拼蜜瓜 Spanish serrano ham and melon,西班牙火腿味道比巴瑪火腿為淡,微弱的咸香,所以配上清淡哈蜜瓜未見突出。如果用濃厚咸香巴瑪火腿拼甜甜蜜瓜會更加吸引,一咸一甜撞埋既味道非常特別又好味﹗現在依道菜較為遜色左,清淡的沙律。法式焗鮮活田螺 baked live escargots in French style,第一次食活田螺,大多餐廳都只用雪藏田螺,更有部份餐廳會將田螺殼翻用,每次只係換上新田螺肉添。活田螺既肉特別鮮嫩彈牙有咬口,鮮味出眾,加上濃濃牛油及香草非常美味。我喜歡用焗薯蓉捲著田螺同吃,超級特別好食﹗香煎黑豚鞍扒配菠蘿汁,有趣又有創意的烹調及配搭,而且估唔到豬扒竟可以如此軟棉、彈滑又無渣,腍得黎又充滿彈性。兩面煎得金黃燋香,煎封肉汁在內,香甜味美,濃郁豬肉香味,口感濕潤肉汁激射。一小塊豬扒躺在一小塊烤菠蘿之上,擁著跳上舌尖,喜出望外的美味,夾到不得了,醒腦醒神又好食﹗香煎黑鱈魚配墨魚籽忌廉汁,黑鱈魚煎得非常嫩滑,皮香肉嫩而結實,甜美閃令令肉汁非常豐富,跟香濃忌廉汁及咸香墨魚籽味道非常襯,必試推介﹗提拉米酥,濃烈既酒香,小朋友應該唔多適合。難得地我成件食晒,停唔到口,一向不愛甜點的我都被打敗。滑滑黏黏的質感,芝士牛奶比例均衡,層次分明帶著咸香跟香甜,味道出眾而清爽,非常滿意。熱齋啡,即磨咖啡中規中矩啦,欠點油潤、欠點香氣。 繼續閱讀
(以上食評乃用戶個人意見 , 並不代表OpenRice之觀點。)
等級1 2017-02-12
267 瀏覽
7點半入坐,9點同你講收10點食到好似阻住佢收工咁,係咁實你一個人頭食左4百5,廿幾個人基本成個餐牌點哂服務普通,食物中上,環境上因為可以容納多人地方夠大講完 繼續閱讀
(以上食評乃用戶個人意見 , 並不代表OpenRice之觀點。)
等級2 2016-12-16
1266 瀏覽
好睇唔好食,賣相好似好靚,但全部都係錯既!!鵝肝 未食過咁難食既鵝肝 口感勁奇怪,好似變左味咁,牛扒係d cheapcheap扒,仲有凍水出既,龍蝦都係雪藏既,霉既,總之一句講晒,為左睇個景既話香港大把好地方,唔值老遠入黎浪費晒金錢時間同虐待自己個胃差差差 繼續閱讀
(以上食評乃用戶個人意見 , 並不代表OpenRice之觀點。)
等級1 2016-11-06
1579 瀏覽
今日係幼稚園既活動,到接近午飯時間,餐廳唔算多人,而我地已經提早幾日訂位,佢當時就答我果段時間只接受walk in,入到餐廳,有2個好冇禮貌(著西裝)既男人就問我地係做乜,咁佢就話冇位,問我有冇訂,我話訂佐你地答我只可以walk in,佢話咁冇位緊係冇得訂,完全係9唔搭八,不知所謂... 繼續閱讀
(以上食評乃用戶個人意見 , 並不代表OpenRice之觀點。)
等級1 2016-11-06
1267 瀏覽
態度非常差,早一日book位,就同我講呢到唔接受book 位,感咪早D去,12點未到,見無咩人就諗住食野,點知入到去,佢問我入黎做咩,有無book位,我話無,我話打過黎book你地話唔接受book 位,佢就話感滿晒就緊係book唔到啦,咩態度,無位唔緊要,你唔好問我入黎做咩呀,入黎唔係食野唔通入黎行街呀! 繼續閱讀
(以上食評乃用戶個人意見 , 並不代表OpenRice之觀點。)