16
0
0
港鐵觀塘站 B2 出口, 步行約4分鐘 繼續閱讀
電話號碼
95148356
營業時間
今日營業
12:00 - 15:30
18:00 - 21:30
星期一至五
12:00 - 15:30
18:00 - 21:30
星期六
全日休息
星期日
12:00 - 15:30
18:00 - 21:30
付款方式
現金
以上資料只供參考, 請與餐廳確認詳情
食評 (16)
等級4 2025-06-20
215 瀏覽
#pb食在觀塘 #pb日式系列 觀塘新開用心製作拉麵店🍜New Restaurant Alert🚨✨今次想介紹呢間觀塘新開嘅拉麵店🤪 佢位於觀塘駱駝漆大廈第三座 店內裝修好有特色 周圍都貼滿日本動漫海報、動漫Figure👍🏻 想去嘅朋友仔要注意開業時間 佢逢星期一、星期六休息 用作研發湯底及食材 非常用心😍 逢星期二至五只開中午12時至下午3時 星期日則開到晚上8:30🥰.拉麵主要分為兩款 一款係貝汁湯拉麵 一款係雞白湯拉麵😋 價錢$78-$95不等 幾抵食👍🏻 佢嘅湯底每日使用無激素雞於店內熬煮 唔會使用預製湯包、任何忌廉製品等😍 小食方面有雞皮餃子、唐揚炸雞等😋🔹櫻花蝦淡麗貝汁拉麵🍜推介❤️ 貝汁湯底用左蜆肉、元貝肉去整 味道好鮮甜 口感薄身又唔會油淋淋😋 中間仲會食到少少貝碎 配埋櫻花蝦食再多一份香脆感👍🏻🔹濃厚鮮雞白湯拉麵🍜推介❤️ 雞白湯相對厚身好多🤪 一飲落去已經飲到好濃嘅雞味 而且口感厚身 夠哂rich😍🔹炸雞皮餃子🥟推介❤️ 以雞皮作餃子皮 外層好酥脆 油香十足👍🏻 入面包住雞肉、菇等配料 咬落好juicy😋🔹唐揚炸雞🐣正常發揮 唔太驚喜🤪🔹凍日本樽裝波子汽水🥤🔹凍日本提子梳打🥤.整體✨ 呢間位於觀塘駱駝漆大廈新開嘅拉麵店製作用心 一星期只開5日 其餘兩日用作研發湯底及食材🤪 兩款湯底(貝汁湯、雞白湯)各有特色 前者味道鮮甜 後者口感濃厚😍 大家下次去開觀塘記得去試下😋小田拉麵 (觀塘) · 🤝🏻🤪觀塘開源道60號駱駝漆大廈第三座1樓J室 繼續閱讀
(以上食評乃用戶個人意見 , 並不代表OpenRice之觀點。)
等級4 2025-06-13
519 瀏覽
觀塘新開拉麵小店😊#櫻花蝦淡麗貝汁湯拉麵 🐚🍜❣️第一次有清湯拉麵impress到fafafoodie 🤩一問之下,原來湯底用上大量蜆肉元貝肉去熬煮~貝類鮮甜味好出‼️一啲都冇腥味👍🏻櫻花蝦後加上去,所以唔會話蝦味好出🫢係令整體多左一份口感~除左2片薄薄軟嫩豬叉燒加溏心蛋,仲有貝類既肉碎🤗值得一試HKD78#松露濃厚鮮雞白湯拉麵 🐥🍜❣️寫住每日用無激素雞熬煮雞白湯,唔加忌廉都可以做得夠creamy😍金黃色雞湯雞味夠出又唔會好膩🤗有2件軟滑雞肉同2片薄薄軟嫩豬叉燒~仲有爽甜玉米筍同流心溏心蛋💛食到一半再撈混松露醬🤤好似一次過試到兩款湯底咁😌拉麵可以揀正常/軟麵,如果可以揀埋硬麵就好喇HKD95#炸雞皮餃子 🥟雞皮餃子唔會炸得乾,仲keep到入面juicy~ 雞皮都滑滑的😮fafafoodie 覺得外面可以炸得再香脆啲🤪HKD28#唐揚炸雞 🍗炸雞應該都係日式餐廳個啲來貨🫢炸得唔油膩HKD29天氣太熱叫左2個野飲🤤#凍日本提子梳打🍇 ($9)同埋 #凍日本樽装波子汽水($18)開波子汽水時噴左出黎🫢職員竟然見到仲即刻拎紙巾俾我地🥹好貼心本身都有冰水提供~留意小店開放時間唔係好多,同埋應該人手有限,如果滿座時可能都要等一段時間先有野食🙈慢功出細貨😉免加一服務費#小田拉麵#fafafoodie_觀塘 繼續閱讀
(以上食評乃用戶個人意見 , 並不代表OpenRice之觀點。)
等級4 2025-06-04
605 瀏覽
被稱為美食集中地的觀塘「駱駝漆大廈」最近新開一家日式拉麵店「小田拉麵」,主打貝汁及鷄白湯拉麵,今天跟朋友前來享用午餐,所有湯底均使用 3M 軟水系統過濾食水後才煮湯-🔹櫻花蝦淡麗貝汁湯拉麵 $78加慢煮叉燒 2 枚、貝碎及筍條;貝汁湯底由大量蜆貝熬煮而成,味道鹹鮮清甜,毫不油膩,加入濃香鮮味的櫻花蝦令湯底更富層次感;叉燒軟嫩帶微彈性,肉香濃厚卻不帶羶;溏心蛋選用日本國產雞蛋,蛋香濃郁;拉麵幼滑細緻,帶點輕韌,很好掛湯;配搭鮮嫩蜆貝碎、幼嫩濕潤的筍條及蔥絲,味道及口感俱佳-🔹松露濃厚鷄白湯拉麵 $95加慢煮叉燒 2 枚及筍條;鷄白湯每日以鮮雞熬製,不使用預製湯包、忌廉湯、奶油及忌廉;鷄白湯順滑細緻充滿乳化感,味道濃稠帶雞的鮮香;雞肉雪白緊緻又不失嫩滑;玉米芯爽嫩輕甜;店員建議先試底湯,吃過一半後再將黑松露拌到湯中,雞白湯中慢慢滲出黑松露味道,沒有違和感-🔹唐揚炸雞 $29外皮金黃細薄,炸至輕脆,雞肉鮮嫩多汁,蘸上沙拉醬更添滋味-🔹炸雞皮餃子 $28外皮輕韌富雞油香,餡料有雞肉、蔬菜及調味料等,簡單美味 繼續閱讀
(以上食評乃用戶個人意見 , 並不代表OpenRice之觀點。)
等級4 2025-05-18
543 瀏覽
駱駝漆一樓有間認真製作嘅拉麵店,趁佢落場之前快啲食返碗麵佢地嘅雞白湯係招牌菜,今餐試吓松露味會係點?撈勻湯底之前,先飲啖原味湯底,用雞骨熬足九粒鐘,果然一飲入魂咁正,香濃稠綿慢煮雞肉唔肥但嫩滑過肥肉,叉燒好嫩彈又唔會鹹,麵式索晒湯啖啖入味雞骨湯香濃為主,想輕身啲,貝汁係比較清啲嘅選擇上面鋪有貝肉碎同櫻花蝦,清清地嘅湯反而突出海鮮嘅鮮香同樣都有叉燒同溏心蛋,溏心蛋又綿又滑,連湯底食勁享受小食好多都以雞為主,唐揚炸雞炸得好滑身肉汁扣得好好,點沙律醬食,一咬滑不溜口雞皮餃子同樣有驚喜,雞皮都係好滑餡料好有咬口,肉香滿滿呢間日本罐裝同支裝嘅汽水定價,都唔算太高,竟然有0卡蘋果汁揀波子汽水好耐冇飲,店舖環境咁有少年回憶,都忍唔住嗌返支 繼續閱讀
(以上食評乃用戶個人意見 , 並不代表OpenRice之觀點。)
等級4 2025-05-15
437 瀏覽
觀塘小日本發現呢間新開拉麵店 主打雞白湯同貝汁拉麵湯底 每日新鮮熬煮 標榜真材實料 務求食客安心享用高質拉麵😇✨️松露濃厚雞白湯拉麵 $95總製作時間9小時以上 湯底以雞肉雞骨製作而成 強調保證無添加金寶忌廉湯/牛油/奶油製作 湯底微啡黃 少少jam口creamy 佢既濃厚感全部來自雞骨產生既骨膠原 雞味幾清香自然剛好 唔會太鹹太濃烈🥰 食左幾啖再混和黑松露醬 松露雞湯味道層次更加豐富 佢隱藏左件炙燒雞柳 口感彈滑唔鞋口同雞味十足✨️櫻花蝦淡麗貝汁湯拉麵 $78另一招牌係貝汁湯 由大量貝熬煮而成 味道鮮甜清新 唔會太鹹太濃烈 喉嚨好c服 仲食到打碎熬湯既貝肉口感 加埋櫻花蝦既香氣更上一層樓🤤每碗拉麵配有兩枚慢煮叉燒同樣出色 肥瘦剛好 嫩滑彈牙 陣陣豬肉香 同埋仲配有日本溏心蛋✨️小食試左唐揚炸雞($29)同炸雞皮餃子($28) 兩款都熱辣辣脆卜卜好juicy 雞皮餃子皮煙韌充滿油脂感 內裡既蔬菜粒清甜爽口 意外地夾! 最想食手羽明太子雞翼可惜賣曬冇貨🥹飲品方面 有日本波子汽水 梳打 蘋果汁 加埋店內環境動漫擺設 真係仿如返左鄉下~ 繼續閱讀
(以上食評乃用戶個人意見 , 並不代表OpenRice之觀點。)