小甜包

營業中

休息中

因為唔想食太油太肥 好少食茶餐廳 行過新蒲崗 決定撞下運氣 點知就是好運氣😋 我係俾雞扒panini吸引 香港唔多地方食到 佢地仲會喺你面前燒雞扒 透明度好高 嚟到超大件 飽過食餐飯！ 最犀利係凍OT，一飲就知唔係普通嘢，我最怕飲到難飲嘅凍0T，直頭會破壞成餐飯。老闆呢杯絕對係有秘方，一問之下，果然😋 原來老闆本身係做咖啡，好可惜我唔飲得，如果唔係都想試。一家經營，開業不久，一定會帶朋友嚟。同場加料係 可愛熊熊冰Ps 老闆好鐘意食鬼，大家記得欣賞佢舖面嘅怪獸🤣留返俾老闆自己介紹 老闆好喜歡同客人傾計~

今日途經新蒲崗 ，見到新食店~小甜包,有新開張優惠 ，就抱住一試的心態入內試試 。店內裝修時尚，環境舒適 ，店家們很有心思，無論是外賣筷子、外賣紙杯，都是經店家特別設計 ， 餐具相當精美。店內主打安格斯 ／烤雞意式三文治 ， 單看賣相已相當吸引。食物肉質鮮嫩 ， 肉汁豐富， 配搭店家 獨門醬汁 ，令人胃口大開。另外，我亦叫了一杯經店家精心沖調的手沖咖啡，咖啡氣味香濃， 令我不其然又添了一杯。最後，我們叫了一款榴槤甜品， 榴槤味濃郁，伴隨著西米及椰子雪糕， 令人齒頰留香。下次大家途經新蒲崗 ，記得入內試試。